意樂餐廳 (荃錦中心)

營業中

休息中

荃錦中心 意樂餐廳 近荃灣港鐵站A出口非常方便，商場冷氣充足，可以連逛多個商場！餐廳很大桌子很多，裝潢都幾特別，樓底高空氣不錯，衛生服務都很好！食物很大眾化，有意粉/薄餅/珍珠飯/咖喱/鐵板/湯飯/炒粉麵……我選了龍蝦湯海鮮飯湯底籠蝦咪好清楚，加上蕃茄味酸酸地好開胃。海鮮有凡立貝、青口、蝦、菇類、蜆，腰豆 有些芹菜粒，好大碗，味道不錯好開胃。朋友選美國肋骨，比餐牌圖片大份，而且加錢轉芒果啫喱冰，超好飲！肉眼有8條肋骨，味道甜滋滋燒烤醬，薯條幼身，外脆卜卜幾香脆底部蔬菜，冬菇椰菜青豆紅蘿蔔……比較出色烤脆肉瓜，烤到網紋圖案，爽口中間多汁幾好吃！解膩芒果啫喱冰我推薦，芒果美香甜，啫喱彈牙，濃濃沙冰芒果最適合現在，解渴解暑！

安格斯牛柳炒珍珠飯, 味道够濃, 份量適中, 食食下覺得有啲鹹.好似都係安格斯牛. 可能因為炆, 所以咬落口感再嫩啲, 唔錯特飲要另加$11, 有啲貴, 味道普通, 少冰都好多冰.

就算午餐時間十二點幾嚟食都唔使點排隊，呢度最特別嘅係飲品比一般茶餐廳堂快餐店大杯，特別推介意式蕃茄湯系列，這個套餐好抵食仲要配牛角酥，牛角酥又大又鬆軟，呢個系列最平嗰個餐都係49蚊，加六蚊仲有特飲，特飲推介芒果啫喱冰，都係大大杯，一個字低

黑椒牛扒是一道經典的菜餚，具有濃郁的黑胡椒味道和嫩滑的牛肉口感。下面是一些關於黑椒牛扒的食評：1. 味道濃郁：黑椒牛扒的黑胡椒味道濃郁，能夠很好地提升牛肉的鮮香味道。黑胡椒的辛辣和香氣與牛肉的鮮嫩相得益彰，讓人食慾大增。2. 牛肉嫩滑：製作黑椒牛扒時，一般選用嫩牛肉，如里脊肉或牛柳，經過醃制和煎炒後，牛肉會變得非常嫩滑。咬上一口，牛肉口感鮮嫩多汁，令人回味無窮。3. 口感豐富：黑椒牛扒的配料通常包括洋蔥和大蒜，這些調味料的加入為菜餚增添了層次感。洋蔥的甜味和大蒜的香氣與牛肉和黑胡椒的味道相互融合，使整個菜餚的口感更加豐富。4.適合搭配：黑椒牛扒可以搭配米飯、麵條或蔬菜一起食用。米飯能夠吸收牛肉和黑胡椒的汁液，增添口感；麵條的咬勁和牛肉的嫩滑相得益彰；蔬菜的清爽口感能夠平衡牛肉的油膩感。總的來說，黑椒牛扒是一道口感豐富、味道濃郁的美食。無論是在家中製作還是在餐廳品嘗，都能夠給人帶來美味的享受。

這一間店剛剛好開在家樓下附近，係家姐特別鍾意的一間店，平時她得閒就會來這裡吃東西，飲飲下午茶☕️這種，特別推薦的就是這裡的黑松露意麵啦，來次都會點的一個比選，個人特別鍾意他們家的凍檸樂，感覺同其它店的有點點不一樣

意樂嘅牛扒餐，我真係食極都唔厭，牛味重，質感嫩，咬落係好滿足嘅口感，加埋薯條同芝士蕃茄，成個餐超幸福，每次我都唔捨得食曬，帶d第二日做lunch。推介大家選黑椒汁，會惹味d。

呢間係荃灣荃錦中心入邊嘅樂餐廳，主打西式意粉焗飯，成日都有好多人喺門口位置排晒長龍拎飛等位，所以我次次去親都等唔切，因為要得一個鐘食飯，但係今次星期三比較小人，所以終於比我入到去試🤗🤗咁今次我就入去試佢嗰個王牌嘅焗飯，就叫咗個蕃茄豬扒+白汁雞扒焗珍珠米飯，而且我家配咗個粟米湯白湯，佢都可以揀紅湯羅宋湯嘅，但就冇嘢飲或者飲凍飲要加錢！識落都唔差嘅，而且都算抵食，西餐嚟講$60有個湯有個飯都差唔多，今日就講到呢度啦，下次會試吓去其他嘅菜式！

星期六有節目，約會好友 荃灣逛逛街又到下午茶☕️時間，搵個地方坐坐休息吓荃錦中心 Itamomo 意樂餐廳，環境都唔錯，坐得舒服餐牌多士、三文治、通粉、飯 、、 等等排長龍扒飽😀之 「香烤雞扒飽」$37 set 配田園沙律🥗似法包🥖口感，軟熟、外面烘 少少脆🤗厚肉雞扒，鮮嫩啖啖肉，夾沙律菜食頗為滋味😋伴沙律🥗新鮮爽脆嘅，酸甜千島汁，開胃奉送餐湯，份量多，賣相靚靚creamy 香 😊清甜粟米🌽粒、碎粒菇菌

那天一家人在荃灣遊樂完，又遇到煩惱既事情了。而那煩惱的事，就是要找地方食晚飯。雖然，荃灣係好多選擇，但真的是人生路不執，沒做過功課就真係唔知食乜好。當日，我們由南豐回去地鐵站那一帶時，行到荃錦中心，阿女扭計叫肚餓了，也不肯再行。結果，仍未到六點，在仍可以點下午茶食的時段，我們就近，就選中了這間已經漸漸地開到全港連鎖的《意樂》來食一個輕快的 early dinner。這一間《意樂》，英文名字加了一個 "Plus" 字。意味著這店會比較大，比較高級少少。我們入到來的感覺，的確同以前去過，大多位於屋邨的分店，好似 high end 少少。那天，我同太太就決定來個真正的下午茶輕食，她選的是煉奶粗粒花生醬厚多士。又花生醬又煉奶的多士，固然是好味道。花生醬亦的確有花生粒，味道油香，而且搽得厚厚的，一份已經可以好飽。我點的是鹹牛肉滑蛋三文治。這是以厚切麵包來製作的三文治，而且是洪底，單是麵包的質感已經可以叫很好。鹹牛肉滑蛋，果真炒到隻蛋半滑，鹹牛肉也煎炒得夠香，以一個輕份量的早餐或輕份量的下午茶來說，這是非常好。仔女兩個就開大餐了，(我倆不多吃，原因就是預左要包底)。給阿女的，是香草鮮野菌忌廉天使麵

之前見到成日都要排隊因為餐廳CP值好高又有好多選擇適合一家大小一齊食✨百香里 / 雞配沙律・珍珠飯 $65雞肉非常嫩滑份量非常大物有所值🙈✨鮮蜆白酒煙肉蒜香天使麵 $60蜆肉加上白酒煙肉同蒜頭炒香嘅天使麵 味道鮮美但唔至於太蒜味濃烈🤪✨九州叉燒豬骨濃湯拉麵 $57湯麵帶有濃郁的豬骨味搭配上Q彈的拉麵和半肥瘦的叉燒😍✨經典原味紅豆冰冰+$11紅豆不會太甜口感清新

意樂呢期出左兩款新品 牛油果大蝦扁意粉同牛油果烤雞Risotto，雖然個樣好似好伏🤣但係作為牛油果愛好者，掙扎完一輪都係決定去試下。上一次食意樂已經係幾年前，個湯扁意粉難食到入左我blacklist🥵事隔多年睇下有無進步先。Dinner時間around等左三個字左右就有得食，時間合理嘅，不過有樣抵讚，野食上到枱放入口都仲係熱辣辣，唔係整定好耐嗰啲。個牛油果意粉入面有枝豆，啡菇，牛油果蓉同埋開邊蝦，蝦肉份量都幾多，而且鮮甜爽身唔霉。意外地牛油果蓉同啲creamy嘅都幾夾🤣完全唔黑暗料理，甚至都幾好食，加埋啡菇同枝豆，就好似素食餐廳嘅意粉咁，不過畫龍點睛嘅地方就在於加左蝦，令到每啖意粉都有鮮味，唔單調。整體有75分+，都算係洗白左我對意樂嘅印象🤣，不過加埋飲品70蚊可能cp值就唔算特別高喇。

叉燒拉麵裏的溫泉蛋，變咗做茶葉蛋，叉燒變咗做超硬嘅豬肉乾。直頭係芥蘭炒豬腩肉嘅腩肉。羅宋湯超酸，服務態度敷衍。侍應俾人感覺唔想落單。一句講晒，無論食物或者服務質素下降得好緊要。

伏伏伏伏伏伏伏伏！！！！！lunch時間多人，等左半個鐘冇所謂啦，拿拿臨叫個焗蕃茄豬扒飯，熱咖啡先，$59嘩，頂你個肺，個飯冇焗過架wor, 就咁放d 扒喺白飯上面勁淋茄汁，加d 芝士囉火槍燒兩下咁！d茄汁多到浸晒d飯，係每啖飯都好似飲緊茄汁咁，茄汁陣味又怪又酸，d扒筋黎既，有一塊直頭係白色，全塊肥膏連筋，我食大家樂都冇咁嬲杯啡係正常p. s. 有個負責執臺好高既男人，態度奇差，大家唔想俾錢食垃圾又受氣千祈唔好去！！！

𝕀𝔾: 𝕙𝕜𝕡𝕝𝕒𝕪𝕝𝕚𝕤𝕥📍意樂餐廳🤍芝士焗肉醬扁意粉 落左大量芝士去焗製 所以每一啖都可以食到芝士肉醬最怕唔夠份量，但係呢間相反芝士底下有滿滿既蕃茄肉醬，每一注麵都能連帶肉醬同蕃茄入口，加埋佢所用扁意粉製作，可以令到更加掛汁🤍芒果啫喱冰配上芒果啫喱冰都只係10蚊，底部有好多啫喱，而芒果唔會係飲到好勁既芒果濃漿味道.加一服務費❌環境4/5服務4/5衛生 4/5回頭率 4/5 .

今日行咗去荃灣地鐵站經過，突然好想食下午茶，由地鐵站行去南豐中心入面，可以行到荃錦商場，便會見到呢間餐廳，呢間餐廳嘅裝修一般都係唔錯，攞飛嘅時候又唔多人，所以等咗5分鐘就可以入去啦！入咗去食咗鹹牛肉煎蛋牛角包😋😋非常好味😊仲有配埋沙律😊呢個價錢真係抵！另外我加咗兩隻土匪雞翼$12，叫埋佢個杯凍檸茶！佢杯凍檸茶有啲特別，唔係傳統港式有檸檬個種，而係成個檸檬榨汁，所以檸檬味道特別濃👍🏻其實佢餐廳仲有好多餐下次可以試埋