意壽司-心意之日本料理

營業中

休息中

去到愉景新城行街。午飯時間差唔多到想搵嘢食時諗起荃灣福來邨一帶都好多選擇！但當要揀食乜就會相當頭痕。。經過門口見到個餐牌望兩眼之後發覺價錢都尚算合市場價格，所以決定試一試！費事周圍騰我就揀咗呢款定食叫做意壽司定食配味噌湯手打烏冬，跟小食日式螺頭，跟餐飲（凍飲加2元）盛惠57元！雖然唔係上等魚生壽司🍣但質素都唔差架！平民版日式料理，值得一試！淨係午市定食都有27秋選擇俾大家慢慢揀！

心意日本料理喺正福來邨對面，位置尚算方便。中中午时候都會有人群喺排隊，一般都要等一陣先可以入座，但今日好彩喎，啱啱仲有位所以唔洗等，直接可以入去。睇一睇個午餐Menu，就決定要個燒牛肉石頭飯，但都係走石頭鍋，因為太過熱喇！午餐連飲品，咁要凍檸茶啦。牛肉飯大概10分鐘就到，見到啲牛肉都幾吸引，而且份量亦唔少，下面啲飯亦蓋滿甜甜嘅燒汁。先試試牛肉，佢哋做得唔錯，都幾入味，加埋洋蔥一齊食，甜甜地味道更佳。而白飯亦一樣，撈埋燒汁，更易入口。心意呢間小店其實真係幾抵食，只係$48一個飯連埋杯飲品，下次要試吓其他睇下質素如何~

自從工作在這附近之後，就有朋友約我去這lunch。開頭成日都經過都係直接走過就無留意裡面。因為都幾密實，係外面唔容易見到內部座位係點...咁第一次去食就係是但叫左個咖哩石頭鍋飯加兩件小壽司（2/$9）其實真係抵既9蚊兩件我覺得好好食...三文魚醬油漬壽司..經過第一次食完已經打算下次要試食勁野。就不斷食飯都約食呢間，同埋我叫埋同事們一齊食。因為附近食中午都已經去到４，５０蚊...價錢方面我覺得５０幾６０蚊食到咁新鮮既日本野已經好ＯＫ。上星期六晚我等左十多分鐘就有位入，食左個親子三文魚魚子飯好好食（因為我基本上１０次去８次都係佢）唔介紹佢啦。。。鐘意食佢既飯就會好鐘意但今次令打開左我要打食評就係呢個，帶子蟹膏刺身（４件）超新鮮好好味！！！我想講我以為會好腥味。。。點知一點也沒有腥和冰鮮味。。係真係好新鮮，雖然唔係話真係好平呢個，但好值得一試～～推介呀～～同埋我覺得如果第一次去，可以試下個９蚊壽司，真的不錯的說～

娜娜好好醜醜做了二十多年荃灣人，但食來食去都是翠華嘜嘜嘜。早陣子的起心肝想要發掘「新事物」，走著走著來到福來邨搵食，有間日本野？試下囉！一試之後，娜娜與男友每隔幾星期都總會來開下餐😍今晚天氣稍涼，娜娜選了一個日式牛肉野菜鍋，感覺較能暖身嘛～跟白飯一碗及花之戀一件。牛肉鍋是足料的，湯底亦不會過甜，但今晚的牛肉較un身喔。男友知我不好飯，特意選了這個壽司定食，大家share 壽司，又可以分碗烏冬給我😍大食的我倆又豈可只一人點一個定食呢？娜娜最最最愛食菇菇，每次必點！烤菇十分juicy🤤但都濟濟地嫁，次次都吃剩半粒😟男友今次試了兩樣新野，先是蒸蛋，足料、味道不錯，但略嫌咸了些少～另一樣是燒花魚。男友上一次見鄰桌吃得滋味，一直心掛掛要試下。可惜是稍為燒焦了，有些苦味，但整體也是不錯的啦～最後還有娜娜點的南瓜薯餅～南瓜味濃，加上娜娜嗜甜，容許我慷慨地評這個5分！！這樣豐富的一餐都只是$299！價錢親民如此，難怪星期一至日都要等位嚕～

本來對此餐廳甚為欣賞，已是第3次光顧，但經今晚之後，不會再幫襯，為免一路食一路被那肥胖短髮帶眼鏡伙記，冷眼對待。本人跟幾位朋友大約晚上6時45分到達，先order 4款食物，約1小時後再落3款食物，再半小時後落2款食物，進食期間，此伙記已不停在問枱上食物還要否，奇實未食完，還用無禮眼光來看我們，好像要趕客般，離開付款時，還黑面對待，這是街坊鋪，可以這樣待客嗎？那我希望這伙記好好檢討一下，要再去培訓才對

打算前往愉景新城前先搵間舖頭醫肚，見門口晚餐Menu選擇多款式&價錢合理就入去呢間食。 平時去開沙田幫襯另一間好味道日式小店， 餐廳格局&價錢方面同荃灣呢間差唔多入到去掀開本Menu都幾靚架，心諗唔會太差掛食物質素 - 個人覺得味道質量好HEA 食好碗面後好口渇呀。。。1. 黑蒜豬軟骨拉面配三文魚壽司上枱 第一眼望落真心唔覺係好食 食落D面&啖湯+入面條蟹柳，同屋企自己煮出X一丁無分別喎...唯獨係幾舊豬軟骨有兩嚿係OK好味  仲有跟餐三文魚壽司 嚿壽司飯好實同好凍... 2. 溫泉蛋燒牛舌石頭飯 配三文魚刺身 (三片) 呢個飯無乜點食 但好過碗面既... HAHA 食咗一片三文魚刺身 色水望落同平時食開既深色 唔太吸引內在環境 - 跟一般日式小店相若 如有大件個人物品坐得迫狹D (食後感 ~~~ 旨在填飽個肚 )

朋友一起諗食晚飯，提議到荃灣食日本料理。由荃灣地鐵站去，都要行一段路先到，假日前去都好多人排隊，建議最好致電訂位比較好。三文魚腩壽司件件魚腩新鮮肥美珍寶三文魚卷好味到不得了~芝士軟殼蟹卷賣相好吸引! !鵝肝和牛粒石頭飯真的有一片鵝肝，仲煎得好香，沒縮水和牛粒又勁多，正拌起飯仲有飯焦。燒牛舌當晚我最愛食又大塊，又不腥，又入味，燒得香脆，比放題串燒做得更好食，好想再食一碟咁濟!燒鯖魚大大件魚，燒得好靚，一樣咁好食

是日尖子有比賽, 只有一小時進食, 隨意地來到意壽司. 週日晚上七時到達, 等了二十分鐘才可入座, 似乎很受歡迎呢! 店內地方非常狹窄, 座枱不多, 走著港式仿日的格調, 感覺一般. 看看menu, 選擇不少呢, 點選了意壽司定食配蟹籽沙律+迷你湯烏冬(HK$70), 温泉蛋燒牛舌石頭飯配芝麻雞翼(HK$65),珍寶繽紛軟殼蟹卷(HK$52), 三文魚醬油漬壽司(HK$9). 不消一會, 侍應送上食物. 壽司一貫港式風格, 分量不少, 但鮮味欠奉. 魚生片沒有半點光澤, 口感也較為乾身, 很一般. 蟹籽沙律, 非常簡單的一道, 賣相不錯,也奈何青瓜絲不爽口, 那種淋軟的口感, 令筆者一度懷疑正在進食節瓜沙律, 最後吃多兩口便放棄了. 迷你湯烏冬, 也是很普通的水準, 烏冬不太彈牙, 應該是來貨的問題. 温泉蛋燒牛舌石頭飯配芝麻雞翼, 賣相不俗, 尤其是雞翼, 金黃色的. 試了牛舌, 口感較為鞋身. 珍寶繽紛軟殼蟹卷, 外表果然繽紛, 但試一口, 口感帶點糊狀, 又有點粘粘的, 不太討好, 吃一件已經很飽膩了. 三文魚醬油漬壽司, 有燒過的, 三文魚也算香濃. 吃飽飽Fighting

今日去荃灣見客....因為過客喺福來邨.....我覺得嗰便都冇乜嘢好食.....個心諗住都是是但但食餐囉....點知比我發現到一間穩世日本餐廳仔.....咁就入去試吓.....不過係出邊睇個餐牌午餐價錢都幾合理....最重要好多人等位而且裏面又爆哂人....應該個口卑都唔錯....其實裏便都有幾多唔同嘅選擇.....睇落去都幾吸引....我就帶咗個留心蛋鰻魚飯....睇落都幾好食....而且有啲菜伴下碗飯感覺都幾好...哇.......佢啲留心蛋又真係幾多汁幾好味架....尤其是當啲蛋漿流入d飯嘅時候.....又真係幾盞.....最後我成碗飯食晒.....我仲偷偷見到對面嗰位仁兄都食晒啲飯......

諗住食日本野，搵下有乜好介紹見到評分好似幾好咁, 膽粗粗過黎試下嚮地鐵站行過黎都要十分鐘點知入到去，坐低就覺得感覺怪怪地啲啊姐黑口黑面，好似趕客咁，唔係講語氣，真係講個feel, 啲啊姐仲要望住人食...個感覺真係差到呢啲野食唔算太差，不過係服務態度真係要改進一下平時比較少打評語上黎，因爲真係差到忍唔住要share比大家

在香車街街市和福來邨附近近來開左好多食肆，又日本餐又西餐又韓國餐甘。中午最多人排隊都係呢間心意，一望餐牌幾抵食WO，入去試下先我叫左個甜蝦刺身飯，好快就到左。刺身飯舖滿有頭甜蝦同三文魚同白身魚，食得出好新鮮。係附近返工的我，當然要間快靚正的飯堂。心意成功做左飯堂

見食評甘好就試下，點知就中伏，叫左幾件壽司，熳魚壽司不是熱的仲要薄切，超市買都好過佢，三文魚子又吾新鮮，仲有個三文魚蟹子炒飯直程不知所謂，吾係珍米都算，爛飯甘樣，完全食吾出炒飯味，茶餐廳都好味過佢，只有個燒聖子同鵝肝ok，金菇牛肉卷d牛又無牛味。食完個心情似係無食過野囉

這間日本小店，在福來邨的舊區，同事食過話好味，今日來試下，店子小小，12點多已經好多人，幾乎坐滿人，店裏店外也貼滿食物相片，好吸引好豐富的感覺。午餐餐牌有兩版滿滿的，選擇好多，仲有一本主餐牌的，也有好多其他選擇的呀！！我叫左一個火炙三文魚親子魚生飯配蟹籽沙律，賣相好好，夠晒吸引，飯面上面是一層火炙三文魚，有沙律醬在上面，然後上面兩塊薄荷葉上面是三文魚籽，薄荷葉包住三文魚籽食，好夾，薄荷加上魚籽鮮味，醒了。三文魚好好味，半生熟的，面金香，入面半熟，加沙律醬食，好正呀，份量也不少，下面飯正宗日本米，有醋酸味道，飯夠晒多，如果加少少色仲正。熱柚子蜜，加三元，好大杯，多柚子蜜，好味蟹籽沙律都好大碗，上面好多蟹籽，然後有蟹柳絲，青瓜絲，下面是生菜，全部切到好幼身，夠清新，好正！！面豉雞翼，這個一客四隻，好香面豉味道，大隻的，夠入味道。服務用心，價錢好抵食，好值得推介

作為一個街坊，經常光顧呢間店但覺得越做越差其中一名疑似老闆娘態度惡劣上星期同朋友食飯 受到不合理對待不吐不快要寫個評論晚市人多要等位所以一行2 人入座但要搭枱2個人點了2個套餐及3碟小食我點了牛肉窩定食其中有一個花之戀因為我唔食三文魚收銀的女士每次都會幫我轉燒玉子但當晚我食完所有野都未上我追單後就求其比件玉子壽司我我都唔想再等就無要求換未食完已多次想收碗碟而對面2人稍後離座聽到有3人等位，應該要留我們的台就喺我地面前講要留俾3個人朋友想要加茶我地2隻杯放在一起佢加完朋友杯又唔加我杯埋單時我問 平時叫套餐可以轉燒玉子點解今晚變左玉子壽司其實只係想用講笑嘅語氣問下個疑似老闆娘竟然話已經無賣燒玉子果一刻我真係忍唔住拎返份menu 出黎指比佢睇份menu ,係有呢樣野賣點解佢話無做？佢又話menu 賣的是全份，改單就不是比全份我話我食左咁耐次次都是全份佢答我唔到就 發脾氣同啲伙記講以後繁忙時間唔准轉食物反而收銀姐姐就來加茶比我道歉本來呢間店價錢及食物都合理但服務態度太差家人朋友都決定不再光顧

向荃灣區發現到呢間小店, 唔係住附近都唔知有間日本餐廳價錢好大眾化, 幾十蚊個套餐, 好過去食大家樂同茶餐廳叫左2 個套餐同1客小食火炙三文魚親子魚生飯 配吉列蝦手卷呢個配搭好夠飽 , 三文魚幾肥美咖喱吉烈豬扒飯配三文魚刺身個帶子蟹膏刺身好鮮甜, 好食 D野整得幾好食, 又唔算貴, 可以再encore