想甜嚐甜

營業中

休息中

✨燒紫芋氷✨購自: 想甜嚐甜 （西環堅尼地城士美菲路15號地舖）價錢:$108推薦度:6.5/10-刨冰份量偏細 冰嘅質感幼細 入口即溶 冇咩冰粒感🩷面頭淋上海鹽芝士奶蓋 同埋特製紫薯醬 芝士奶蓋帶點微鹹 牛奶冰有淡淡嘅奶香 面頭仲有紫薯醬 紫薯味好香 唔會好假 但整體食落偏甜 底下仲有黑糯米 食落軟糯 正常水準✅ 旁邊仲有燒紫薯 口感香甜軟熟🔅但個人認為整體刨冰同配料份量可以多啲🉑 但鍾意食紫薯嘅朋友可以試吓👌🏻

開心果刨冰係我第一個試嘅甜品。翠綠色嘅開心果碎鋪喺雪白嘅刨冰上面，視覺效果就已經加咗唔少分。入口涼透心脾，開心果嘅香氣溫柔地散開，配合冰爽嘅口感，真係夏日消暑必備良品。咬落開心果仲帶少少脆口，增加咗食感層次！芒果麻糬芭菲就更加吸引住我嘅目光。芭菲盛裝喺透明嘅杯入面，可以清楚睇到層層分明嘅食材。芒果嘅甜美香濃，麻糬嘅軟糯彈牙，加埋香滑嘅奶油同微甜嘅雪糕，每一啖都係清新得來又滿足，非常好味最後梗係唔少得招牌焦糖燉蛋雪糕！燉蛋嘅幼滑口感配搭雪糕嘅冰涼醇香，加上焦糖嘅濃郁甜味，味道層層疊起，一啖接一啖，停唔到口。焦糖嘅微微焦香令整個甜品更立體，簡直係全場MVP。

係附近同朋友食完晚飯，口痕想食下甜品，所以就上網睇下個邊附近有咩甜品可以食。見到依間都高評價，所以就行去睇下，點知一去到已經有好多人排隊，咁我相信應該都唔會差得去邊，所以就照去排下。排左20分鐘左右，就入座，環境上就有啲熱鬧，始終都多人。睇佢menu，見到佢推介伯爵茶巴斯克芝士蛋糕，所以二話不說就決定左，另外再要多個楊枝甘露搭夠min charge。伯爵茶巴斯克芝士蛋糕方面，有濃濃既芝士味，不過食完一件，個肚已經飽左大半成，佢隔離個yoghurt 都幾好，夾埋一齊可以解滯。至於楊枝甘露，都有好多柚子粒同埋濃濃嘅奶香。

5/2/2025📍想甜嚐甜呢間糖水舖開咗好多年 一直都冇去試過佢嘅心太軟 今日經過見到佢仲係度 就知到係機會啦！⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨開心果心太軟配乳酪雪糕（$69）講起開心果 次次見到開心果嘅野食都會揀 但其實又唔係真係特別鍾意食 只係想試下佢夠唔夠開心果味😂而呢個開心果心太軟 開心果味真係好濃！而且唔會太甜外層唔會好漿口 入面做到流心 已經滿分💯乳酪雪糕口感細膩 但偏酸 第一啖有啲意外 但食食下又覺得唔錯 可以中和翻心太軟嘅甜度✨阿華田心太軟配乳酪雪糕（$64）阿華田味幾濃 稍微甜dd 但配乳酪雪糕食就冇問題啦 但係呢個阿華田心真係會流出黎 口感比開心果更好！⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯最後埋單～$130（冇加一）超級推薦 鍾意食心太軟嘅朋友一定要試 仲要唔貴！推薦指數🌟：5/5📍西環堅尼地城士美菲路15號地舖

唔夠人手，完全做唔切，收銀、帶位、落單全部一腳踢服務九流，只顧外賣，堂食全部要等等等排隊時要落定單，本身以為好高效率，但坐低都係要等好耐，但又堂食限時45分鐘only最後食物質素仲要普通，性價比低，整體體驗真心失望😞

來到堅尼地城如果想食甜品，推介你來 想甜嚐甜。這裡的招牌甜品心太軟口味很特別，另外還有多款創意甜品。不論是款式或是味道相對出面的甜品店較為少見。例如最近就和 四喜麵包西餅 合作推出一款打卡滿分的燒雪糕。🍦菠蘿包燒雪糕 (HKD 46)從包裝到口感味道都充滿驚喜。盒上的插畫很可愛，還有貓咪🐱拆開包裝看到的第一眼覺得像雞批 (笑)菠蘿皮層特別酥脆，咬下去的第一口微微帶點像合桃酥的甜。再吃下去便是燒焦糖的香氣，與底下的焦糖燉蛋雪糕完美融合。🥛紫薯厚奶 (HKD 48)這杯以醇厚的牛奶為基底，搭配綿密的紫薯，口感豐富。要注意這間甜品店是有最低消費，每人最少要點一份。另外要滿HKD 100以上才可以用信用卡付款。

带着外地朋友从九龙过坚尼地城拍日落，路过这家店，跟朋友说吃好晚餐就过来～～～ 然后， 店内服务员服务态度真的差～～～了解每位顾客都需消费，但是我们点一份贵一点的甜品，道理不是一样么？ 三人点两份很过分？ 就不能灵活一点？晚上九点半的时间，如果是下午茶时段，从收益管理的角度，确实应该。每一份甜品份量可人，而我们想点的，也要九十港币一份了～～这样都不考虑么？所以，很没有骨气，买了一份打包朱古力威士忌雪糕就走了～～ 和气生财真的很有道理！设人头最低消费是不是好一些？

食甜品其實係為咗開心，因為甜野會刺激腦部分泌多巴胺，令人開心返！但呢間舖真係好成功，一張小家到震既告示，每人要叫一份，仲要45分鍾起身，令我決定幾好食都唔會有下次，因為食完幾好味都唔開心！我兩大兩小，即管試下叫三個甜品，其中一個仲特登叫份大D貴D既，點知個哥仔真係要求我每人要叫一份，我同家人都真心O咀，唔係幾多錢，而係唔想浪費，唯有改叫D細份D既野！再者間舖細，D位迫，坐耐D都覺得辛苦，45分鐘都真係有D多！不過個心太軟真心好食而且算平，不過我點都唔會再去試😂

本人是大角嘴分店的忠實fans，兩個月前, 第一次光顧堅尼地城分店後，當時沒有寫食評。因為我對這間甜品店還有希望，我相信 店員會樂意聽取顧客的意見前幾天我和妻子第二次光顧堅尼地城分店，我們點了兩個甜品其中一個是 「火焰忌廉泡芙雪山」一入口 整個口感很怪 有燒焦的味道我們詢問了其中一位店員 她說甜品的外層是不能吃的 她建議我們只吃甜品的內層但當我們吃甜品的內層時 也有被燒焦過盛的味道 我們明白甜品製作時，需要被燒焦 但好像燒到過火了 整個甜品完全沒有甜味 只有燒焦的味道 ***照片是我們吃剩的部份 *** 我們已向職員跟進 我們向店員說 其實我們曾經在大角咀分店吃這個甜品 很好吃的 完全可以入口 甜品的內層口感也層次分明 職員態度並沒有很誠懇真的希望他們會改善因為他們其他甜品其實是不錯的

想甜嚐甜有各種口味嘅心太軟，但味道、口感都一般，而且店員安排得差。事因我哋入座5分鐘後，有團體(至少25人)入座。我估計有事先通知店員（因為店員呢5分鐘都有安排緊枱凳），結果我同朋友就坐咗喺近中間嘅位置，旁邊不停有人出入走嚟走去，感覺好唔自在。如果店員事前同我哋講一聲有團體聚會，或者我哋會轉食外賣。*奶醬心配乳酪雪糕 $64一刀切開，花生醬流心，非常甜膩。蛋糕係花生醬味，煉奶味淡啲，口感好似泥膠，感覺好差。乳酪雪糕微酸，口感似雪葩，論口感、質感，同心太軟都好唔夾。開心果心配乳酪雪糕 $68開心果醬味道超級濃，冇奶醬咁甜膩，蛋糕嘅開心果味比想像中淡，口感都係一般，有啲似食麵包，配乳酪雪糕都唔夾。

聽過朋友介紹呢間甜品店可惜港島太遠，一直冇機會試今次終於過嚟港島 決定去試吓佢作為一個開心果大粉絲梗係叫佢哋招牌嘅開心果心太軟製作時間需要大概20分鐘呢度大部份都係兩人枱每人最低消費係一個甜品開心果心太軟外脆內軟入邊嘅開心果流心超級濃郁上邊仲有鹹香嘅奶蓋側邊有好多開心果碎碎配埋佢包埋嘅乳酪雪糕一凍一熱咁食真係好過癮如果大家嚟食呢間嘅話非常推薦叫呢個甜品另外我哋叫咗芒果芋圓芋圓非常有咬口食到甜品唔會太甜 甜度適中食晒兩個甜品，超級滿足啊

呢間又係想試好耐嘅甜品店一直都未試，咁啱喺附近食完晚飯就同朋友食埋個甜品甜品選擇都幾多，試咗佢兩款人氣嘅心太軟抹茶嘅味道好濃郁唔算話超甜，不過個人覺得乳酪味嘅雪糕唔係好夾開心果味有埋啲脆脆，加埋一齊好好食不過就偏甜咗少少佢嘅多咗茶焦糖燉蛋麻麻哋個人覺得啲焦糖蓋過咗啲茶味，而且偏流質另外試咗佢3款糖水楊枝甘露普普通通，椰芋就正常發揮唔使特登去食椰汁黑糯米幾推介，啲黑糯米好有咬口整體個人覺得一般，未去到話特登要食同埋佢冇得share，因為有minimum charge，每人至少要叫一款甜品食過一次就算Been wanting to try the dessert from this shopThey provide various dessertsWe ordered 2 molten lava cakesThe matcha one was very flavourful and it came with a yogurt ice creamThe pistachio one was a little it sweet for me but it tasted good with the

依間甜品店長期都排長龍，行過見到難得條隊短少少，即刻去試吓先😛🍫經典朱古力心太軟配乳酪雪糕🍦($58)即叫即整嘅心太軟，需要耐心等待。不過係值得嘅，一切開就見到朱古力溶漿不斷湧出嚟😍覺得漏就食啖乳酪雪糕balance番🤣好味🤗除左朱古力味之外，menu上仲有紫薯味、阿華田、開心果、奶醬味等🥰要慢慢試哂佢😌🥭芒丸($46)鍾意芒果嘅朋友一定要試吓佢☺️有芒果、小丸子、西米、芒果糖水、寒天🥭芒果味相當濃郁，甜度啱啱好，加上小丸子同西米相當有咬口👍🏻夏天甜品之選，如果凍啲就會更好🤣🤣

晚餐早食完，諗住食個甜品坐吓、吹吓水，點知食到一肚氣，你好嘢😡🍧芒芋$52: 呢個已經係最似樣🍧爆芒$48: 你覺個芒果🥭有幾爆？🍧奶醬心配乳酪雪糕$68: 外面嘅奶醬一滴都無，乾淨淨，更加唔好希望有流心喇，好彩有雪糕🍦先至無咁乾😰🍧榴金歲月$60: 大拿拿$60，一上檯就覺唔對路，怎麼跟張相差那麼遠呀！問哥哥仔係咪上錯，佢話無，咁我問餐牌寫嘅黑糯米、芒果🥭、最最緊要的榴連呢😱？佢話有㗎，可能溶咗，你自己搵吓，唔係呀咁都講得出呀？咁我話唔要，你換個芒芋俾我算喇，哥哥唔出聲收咗個甜品，再落檯時多了一舊手指頭咁大嘅榴槤話：「有榴連喇！」，你話我應唔應該嬲？**我都係去搵聰嫂好過，平過佢、好食過佢！我唔想做奧客，算，但以後一定唔會幫襯，仲會叫人諗清楚先，西環那怕無甜品食呀！

嘢食幾好食嘅 waffle整出嚟熱辣辣都有蛋香味配雪糕一凍一熱唔錯 不過如果每次食都要冒呢個俾蝨咬嘅風險就一定唔會再去 估係個滕嘅坐墊出事 坐咗一陣間已經痕痕地 食完發現後面大脾紅咗一撻 範圍大概大脾1/3 好彩有坐前少少冇太直接接觸 唔係應該仲犀利 睇番原來之前已經有人投訴過 不過好似冇理過 建議直接換哂啲清潔到嘅坐墊 不過都真係唔會再去 態度又唔係話好好 負責落單嘅staff長期背住客人 每次都要嗌佢先得 同行朋友嗌嘅甜品當中有材料冇哂又唔講😅