想甜嚐甜

營業中

休息中

食物係唔差比4星 但係清潔0分坐左半個鐘都沒，朋友兩邊大腿全部都有懷疑被蝨咬地痕跡，兩邊都有30幾粒，三個人均被不同程度咬到（其餘兩人因為坐在另外一邊，身上只有1-2粒的痕跡）。埋單同職員反映左三次，都係得到「哦」的回覆，員工服務態度待改善我表達對我最近在貴店鋪的糟糕體驗的不滿和投訴。我們一行三人在訪問貴店鋪時，遭遇了一系列令人難以置信的問題，主要是與蝨有關。這種情況不僅令我們感到極度不舒服，也對貴店鋪的衛生狀況產生了嚴重的質疑。首先，我們在訪問期間發現自己的兩條大腿上有懷疑被蝨咬了許多粒。這不僅是一個讓人感到極度不潔和困擾的問題，更讓我們對貴店鋪的衛生狀況感到擔憂。我們三個人都受到了不同程度的叮咬，這證明了這不僅僅是一個偶然事件，而是貴店鋪衛生問題的明顯證據。其次，我們向結帳處和貴店鋪的職員反映了這個問題，但只得到了不負責任的回應。我們反應了三次，而每次的回覆都只是輕描淡寫的「哦」。這種漠不關心的態度讓我們感到非常失望和無助。作為顧客，我們期望得到合理的回應和解決方案，而不僅僅是一句漠不關心的回答。最後，我們也想提到貴店鋪的員工服務態度待改善。我們在整個過程中都感受到了他們的冷漠和不

食完晚餐之後，總想食點甜甜的作結，經過呢間小有名氣的甜品店就走咗入去。餐牌中竟然有款「開心果心太軟配乳酪雪糕」，開心果甜品算係少見，所以馬上點咗嚟試試。開心果心太軟配乳酪雪糕好似朱古力心太軟咁，一個熱乎乎、淺綠色的開心果心太軟好吸引。用匙羹一切，內裏的開心果醬汁隨即好似瀑布般流出，視覺感100%。雖然我鍾意食開心果，不過我不太鍾意甜品全部都充斥開心果，因為口感容易變膩，好快會食得飽飽滯滯。所以呢款甜品做得比較balance，容易甜膩的開心果配以酸酸甜甜的yogurt雪糕，食完的確無咁heavy。開心果fans值得一試！

呢間甜品店幾出名，最開頭喺黃大仙都食過，感覺OK，見到堅尼地城有一間，入去試吓，入到去得一台客人，行入門口，店員唔會理你，用眼神示意你自己坐低，都唔緊要，當係自己揀位坐低叫嘢食，其實都想同朋友傾吓計，舖頭音樂好大聲，傾偈要大聲講嘢對方先聽到，有禮貌問店員，首先淨係得到佢嘅眼神，再問多次，佢只係：唔得上菜或者拎用品，店員開關櫃桶都係大大聲，眼見佢對其他食客都係咁態度，食咗15分鐘，一直有其他客人入座，都係冇得到任何招呼，只係眼神或者手指指住枱叫佢哋坐低公道講句，乳酪雪糕好食，但係不至於要回頭，佢哋呢個態度，睇怕都唔休做，想受氣或者唔介意貼錢買難受，可以去體驗下題外話：門口tips box真係一個諷刺

態度差: 出面落緊大雨 我開門問有冇外賣，店員話有之後即閂門 。我再開門問攞餐牌，店員遞餐牌即閂門。我再開門落單嗌窩夫，店員呢個時候先話熄咗窩夫機。落完單問可唔可以坐低等，店員話唔得架喎 不過冇人是但啦。店員全程勁黑面勁不耐煩。😅落錯單:楊枝甘露加$10芋圓 拎到番屋企先發現冇。。唔好食:楊枝甘露 1。芒果好酸 2。少料 好似淨食芒果汁咁 3。 少西柚不止 苦嘅西柚衣仲多過西柚肉好失望吖🥲🥲🥲嬲到第一次寫評論🥲

I went for the popcorn and told the girl at the cashier if I can have double flavours. She said ok and I said if they had any savoury flavour apart from all the majority of sweet flavours. She said ‘peanut and sesame’, which made me so confused as their menus don’t even have that..??!I asked again and she said the same, I explained I wanted caramel and some salty flavour, asked her if she had it, she pulled her face no idea of what I mentioned but looked so impatient. I tried to explain what I w

夜晚食完晚餐， 一直好想試呢間嘅甜品， 餐廳唔大， 但唔需要排隊。♡ 開心果心太軟 $68超多開心果醬， 流完心都仲會黏著個蛋糕內層， 好夠開心果味，上面有開心果碎同cream 配搭好好味，乳酪雪糕酸酸甜甜，雪糕筒比較厚， 唔脆， 旁邊加左杏仁片碎。我覺得$68值得， 等於叫左2份甜品， 2樣都好味。♡ 黑草＄44芋圓/地瓜圓/ 紫薯圓/丸子/珍珠/西米/黑糖條/ 仙草/台灣黑糖 配 花奶或忌廉黑糖水底， 揀左花奶，一碗滿足我所有願望，每款都好食

店鋪要3點才開始營業, Brunch後在西環遊盪了一陣子, 3點一開門就去到。本身是想吃紫薯窩夫的, 但當日沒有紫薯, 改了吃焦糖爆谷窩夫, 還點了開心果心太軟。▶️開心果心太軟綠色的心太軟, 外表比想像中淺色, 但一切開流心的綠色開心果醬, 就好明顯的綠色湧出來, 確實有濃濃的開心果味, 好味。 而旁邊的是原味乳酪雪糕, 微微酸的, 不會太甜, 心太軟皮沾少少乳酪雪糕, 冷熱交融地吃, 不錯。▶️焦糖爆谷窩夫窩夫有四件, 即叫即整, 外脆內軟, 都有蛋香味; 窩夫上面有焦糖味爆谷。旁邊有半條香蕉, 其中一面有焦糖。而且配上原味乳酪雪糕, 又可以沾一點點乳酪雪糕在每口的窩夫上, 多一點層次。整體來說, 點了兩款甜品都好食, 下次可以試其他款式, 例如芋圓。店鋪不算大, 位子不多, 我們差不多吃到尾聲時, 已經滿座, 那時才四點多, 相信peak hour應該要等位了。

第一次寫食評，如寫得唔好請見諒。我睇openrice見1500開門，我1508到達，已有一個媽媽帶住兩個仔女排隊等位，我就跟住呢個家庭排隊。當時我只見舖內開咗燈但門上嘅牌仍然表示closed。之後到1510-1515左右，有一位男士（估計是職員）走咗入舖。等到1525，該名男士由店內開半門出嚟，向我前面嘅家庭（媽媽帶咗個女去洗手間，只派個仔繼續等位）、我及同行人士表示「我哋仲備緊料，你哋入唔入嚟等？」我即時表示「唔等喇，唔知備料備幾耐。」，就即時離開。唔講遲開門，剩係呢位男職員由入舖嗰刻都見有人排隊，已經可以向客人表示仲備緊料，請等緊嘅客人入去舖內等，但呢位男職員並無咁做。剩係呢個經驗，已經令我呢個街坊永不幫襯，費事貼錢買爛受。

食完晚飯，當然要去搵甜品😋本來想去食waffle，不過已經截單😩於是去返好耐以前食過嘅一間甜品店。甜品店有最低消費，每人要叫一份甜品。入座之前，職員會派一份Menu俾客人自己拎埋位😂成個甜品店樓面只有一個職員走全場，帶位、落單、收錢、執枱都係佢，做到燥底，所以態度都麻麻🥶隔離枱仲好似出錯甜品🫣難得我哋全部都食榴槤，其中一個朋友，仲要全屋企得佢一個食，平時無得食😂機會難得，即刻叫咗啲榴槤甜品😏榴金歲月 ($59)同平時嗰啲唔係好一樣🤔其他地方通常係西米露底，哩度係用芒果糖水底，味道係楊枝金露，再加榴槤，好奇怪😕唔推薦🙅🏻‍♀️榴槤飄香忌廉泡芙窩夫 ($84)Durian x cream puff x waffle甜品賣相好靚，配埋乳酪雪糕🍦窩夫脆口，唔會好乾。糖漿另上，要幾多落幾多。不過有奶霜同雪糕，唔落糖漿都已經好好食。我覺得每樣嘢獨立分別都好食，但放埋一齊就唔係好夾😅尤其係個乳酪雪糕好雪好酸，同榴槤味唔係好夾😅積及橙心 配乳酪雪糕 ($64)Orangee Choco Lava Vocako遠遠已經聞到好香嘅橙味，一樣配乳酪雪糕，賣相靚仔。我覺得三個甜品入面，哩個係最好食嘅一個。甜品店

—每人要嗌一份甜品因為食完晚餐先嚟 飽到一個點亦係第一次意會到冇第二個胃食甜品奶醬心太軟配乳酪雪糕 // 𝒞𝒜𝑅𝒜𝑀𝐸𝐿 𝒳 𝒫𝐸𝒜𝒩𝒰𝒯 𝐵𝒰𝒯𝒯𝐸𝑅 𝐿𝒜𝒱𝒜 𝒱0𝒞𝒜𝒦0($64)非常流心 花生醬鹹香好出味配上乳酪雪糕真係冇咁膩 配搭得很好伯爵茶巴斯克芝士蛋糕配乳酪雪糕 //𝐸𝒜𝑅𝐿 𝒢𝑅𝐸𝒴 𝐵𝒜𝒮𝒬𝒰𝐸 𝐵𝒰𝑅𝒩𝒯 𝒞𝐻𝐸𝐸𝒮𝐸𝒞𝒜𝒦𝐸($60)質感較實在 好似成嚿cream cheese咁伯爵茶味比想像中濃郁 不過好飽滯————————————————————想甜嚐甜 西環堅尼地城士美菲路15號地下

已經見過好多人去食呢一間甜品，不過可惜自己唔係住呢頭，又成日食到好飽先行過嚟呢一度，所以一直都搵唔到機會試，今日特登同朋友過嚟就係為咗食呢一間🫶🏻想食呢間，其實都係為咗食佢個開心果心太軟($68)☺️開心果味都幾出，而且佢個流心好澎湃，再加埋開心果碎係頂，開心果控一定會好滿意💚 旁邊嘅乳酪雪糕咁都幾細滑，同埋因為佢係乳酪味，所以冇咁膩，同心太軟一齊食幾夾🤪不過就覺得佢上枱嘅時候都唔係好夠熱，所以呢個係會少少扣分🤏🏻朋友就嗌左佢哋嘅黑草($48) 入面有好多芋圓、紫薯圓同埋地瓜圓，口感都幾煙靭，而且係有各自食材嘅味道，小丸子嘅份量都幾多，幾有咬口，加埋黑糖條同埋仙草，份量都算合理，如果想簡單食碗糖水都推介呢一碗👌🏻

點四個糖水上錯咗兩個，服務態度真係好差🤮🤮🤮👎👎We ordered four desserts, but the waiters got two wrong desserts. The attitude of the waiters was really terrible. My friends said she would never come here again.👎👎👎点了四份甜品上错了两份，店员的服务态度也很差劲👎👎👎

➲堅尼地城 想甜嚐甜食完隔鄰 Burger，直落甜品，話曬女仔係有兩個胃㗎！早啲食比較少人，bookmark 咗呢間好耐，心太軟好出名，不過近排好沉迷窩夫，所以下次再試心太軟啦！➳ 桂花蜂蜜紫薯窩夫配乳酪雪糕 ⁽⁷/¹⁰⁾我簡得通常唔係抹茶就係紫薯，窩夫好脆，即叫即整，都等咗好耐，朋友食咗半碗嘅時候來到。紫薯蓉唔會死甜，但桂花味無乜，乳酪雪糕似酸，如果可以換做雲尼拿雪糕就好啦！➳ 榴行曲 ⁽⁸/¹⁰⁾用咗D101 榴蓮，糖水濃厚質感偏杰身，加埋小丸子珍珠椰果，有咬口又飽肚。⤵ @sweetddhk西環堅尼地城士美菲路15號地下√ 堅尼地城站B出口, 4分鐘步行√ Walk-In#hkfood #hkrestaurant #hkcafe #cafehk #hk #hkfoodie #hkfoodblogger #hkcoffee #hkcoffeeshop #coffeeinhongkong #cafeholic #foodblog #foodblogger #foodreview #influencernetwork #香港美食 #香港食評 #西營盤美食 #堅尼地城美食 #西環美食 #

咁啱路過堅地，見到呢間甜品舖入去食個甜品下午茶我叫左黑草+乳酪（+$10）芋圓口感Q 吾重粉味 做得幾好仙草搭埋丸子一齊食非常好食呢個甜品每一啖都有唔同嘅口感尤其加埋花奶 更滑 更香 朋友叫咗開心果心太軟個心太軟好濃旭餅香個心嘅醬偏香濃 比起一般心太軟佢屬於唔係好甜 食完一啖就想食多啖開心果嘅甜品唔係成日見呢個真係出色嘅可惜…我只係偷到一啖呢間餐廳嘅甜品好食，乳酪雪糕都幾好食價錢合理·環境舒適· CP值高，推薦！

趁長假期尾聲落西環食個甜品之前都嚟食過幾次，不過冇特別記錄低心太軟有幾款味道選擇，今次就揀咗阿華田味用木匙羹切開心太軟，朱古力即刻好澎湃咁流出嚟價值$60，由於唔使等位，都好快送到期間都有唔少人嚟叫外賣