悅知味中泰越風味融合菜

營業中

休息中

【悅知味｜空間感品味多國菜🥰】荃灣大窩口靚盤屋苑縉庭山地下嘅「悅知味」，地點自成一角空間闊落，仲有特別嘅三角型枱，唔錯呀！..🌶️黃咖哩牛配蒜蓉包咖哩有齊紅、青及黃選擇，又有牛豬雞揀，我好快就揀咗黃咖哩牛配蒜蓉包啦！直覺話我知係最啱我食嘅！黃咖哩味夠濃，牛肉又煮得好易入口，最最最欣賞係個咖哩汁，配蒜蓉包真係要克制住自己，不小心會食多咗。..🌶️馬沙盞炒雜菜鑊氣夠，炒得好香，用咗唔少蝦米仔，有惹味嘅效果，炒起上嚟有少少汁，唔會太Dry,雜菜種類和數量都很豐盛。..🌶️冬陰功滾熱辣咁上枱，椰奶味湯底酸酸微辣，辣度剛剛好。蝦、雜菌、青口等材料，好飲。..🌶️芒果沙冰用上新鮮芒果打成，甜味都夠啊！當然都仲有其他泰式飲品啦！..除了泰式，餐廳都有越南菜、中菜、老火湯…..仲有鵲局套餐，都幾唔錯！

朋友住附近，就約佢係呢度食飯🥰🌟沙嗲串燒牛（三串）$48🌟手打炸鮮蝦餅 $68: 推介，蝦餅彈牙外脆😋🌟青咖喱雞配蒜蓉包$108: 青咖喱香味重，少少辣刺激下味蕾，鍾意佢有茄子、豆角等蔬菜。蒜蓉包都香脆👍🏻🌟泰式香芋臘味蝦仁砂鍋飯（兩人用）$138: 個飯應該可以多過兩人食😂飯焦唔算燶幾脆，飯底應該係糯米飯，加埋臘味同蝦米好香。蝦仁有兩大隻。芋頭佢都切左粒同飯混在一起，如果再多啲芋頭就好了（我朋友愛吃🤣）！我哋話飽話飽，最後個飯都食晒，好味😋🌟飯後水果-西瓜(free)😁餐廳環境舒適，見佢都有啲大圓枱，多人聚餐也合適，人少傾下計也很舒服😃#悅知味 #泰菜 #中菜 #融合菜 #越菜 #青咖喱 #沙嗲串燒 #煲仔飯 #炸蝦餅 #荃灣 #大窩口 #荃灣美食 #香港地道美食

前幾日去完大窩口買嘢～醒起朋友推介附近新開嘅中泰越Fushion 餐廳，見近近哋就去試吓😋簡單食個快Dinner返屋企湊仔😂招牌冬陰功海鮮湯🍲✨好足料！大蝦、帶子、青口都好清甜～ 湯底少少酸辣，好開胃🤤我哋仲加咗湯河粉～ 開頭以為會加喺湯入面～原來另外上一大碗😂泰式菠蘿炒飯🍍✨炒飯炒得唔錯～幾香😌配料有蝦、雞肉、腰果、提子乾、肉鬆同菠蘿，多重口感仲有好多特色飲品～ 嗰日好熱～所以我哋揀咗清爽冰涼嘅咸檸七同青檸梳打🍹餐廳有兩層！空間好大，位置坐得好舒服，仲可以包場！朋友聚會、開party 都可以㗎🥳

係一間新開嘅泰國菜餐廳店內10分寬敞🤗🤗有好多大枱 適合大家一齊嚟聚餐🫶食物種類尚算豐富 好多特色fusion菜🤩仲有每日靚湯 俾大家補補身😉泰國無骨海南雞 （半隻）🐔擺盤非常精緻 影相靚靚📸配合唔同嘅醬料 會有不同嘅味道👅雞肉比較結實壯健 啖啖肉💪別有一番風味😊泰國香芋臘味蝦仁砂煲飯 🍚基本上見到每台都有🤣🤣咁就梗係要試吓啦🥰砂煲飯啱啱新鮮出爐 熱辣辣 食材好豐富 臘腸食落有甜甜鹹鹹嘅感覺 米飯粒粒分明 香噴噴 🔥完全唔痴底 冇乜飯焦👀龍眼冰 凍檸茶 呢度嘅飲品都係大大杯好解渴😊

打風最佳節目攻打四方城，去咗朋友荃灣縉庭山開枱，(悦知味中泰越風味融合菜)醫吓五臟廟，店舖裝潢美輪美奐，座位空間寬敞，店員招呼週到，而且一次過享受中泰越美食👍👍❣️泰式冬陰功湯河冬蔭功湯濃厚醇香滋味，酸酸地帶微辣開胃醒神，材料豐富鮮蝦、青口、帶子、秀珍菇……等，河粉爽滑，層次豐富、口感細緻。 ❣️濃湯叻沙海鮮麵湯汁濃稠加入海鮮讓湯底更鮮甜，香氣撲鼻。麵條爽滑有咬勁，海鮮件件新鮮，更添美味❣️越南鮮蝦芒果米卷越南鮮蝦芒果米卷外表清新誘人，內餡爽脆多汁。蝦肉鮮甜彈牙，芒果酸甜清爽，紅蘿蔔絲、青瓜絲和生菜搭配脆爽米皮，口感層次豐富。這道越南小吃實在是鮮味無比😋❣️清新柚子鮮蝦沙律清新柚子鮮蝦口味清新，清甜多汁柚子配上鮮嫩多汁爽脆的蝦肉，層次豐富、滋味獨特。❣️泰式雜錦小食拼盤小食拼盤有魚餅/蝦餅/蝦片/香腸/春卷/雞泡魚乾六款美味小食，每款小食各有其特色滋味無比😋❣️珍多冰粉條軟滑、椰漿香甜，夏天最佳消暑飲品

悦知味中泰越風味融合菜😋😋😋滋味泰越菜荃灣大窩口、縉庭山入口旁、深綠通透玻璃木框門面、以綠系列、寬敞舒適！午餐自由配搭$98沙律清新柚子鮮蝦沙律柚子去皮去衣、分小塊、放入彈牙鮮蝦、車厘茄、淋上醬汁、撒上炸乾蔥碎、炸蒜片、花生碎、芫荽、拌勻同吃、泰式沙律汁、酸辣鹹香醒胃惹味、夠清新、開胃前菜👍🏻粉麵濃湯叻沙海鮮麵叻沙東南亞小吃、以檸檬葉、南疆、香茅製作湯底、配油豆腐、鮮蝦、豆芽菜、小章魚、青囗多種新鮮海鮮、拼上煙韌彈牙油麵、不少🉐️水煮蛋、色彩艷麗、吸引眼球👀賣相一流、叻沙濃香樸鼻、creamy yummy 😋 增添滋味+$20沙嗲兩串中泰越必點小吃「串燒」烤燒牛味香濃、juicy 又腍⋯⋯雞燒烤金黃、外脆內軟！蘸點沙爹醬、滋味又惹味、脆卜卜蝦片伴碟！正💕凍鴛鴦、配上精美糖漿杯、花奶杯、自行調配適合甜度、細心又窩心❤️超值下午茶$48供應時間14:30-18:00越式春卷+魚餅配薯條🍟炸至金黃外脆春卷、沾甜酸醬、yummy yummy!爽囗彈牙魚餅、煎至金香夠juicy 😆凍檸檬茶、茶底濃香、檸檬清新！咖喱系青咖喱牛配蒜蓉包$108青咖喱醬、椰醬炒香後、下豐富材料、青豆角、茄子、牛肉片、金不

鋪頭位於大窩口站附近，主要做周邊屋苑生意。裝修簡潔，寬敞明亮。我地嗌左一個主食，兩個甜品，一碟炒菜同串燒。沙爹牛串燒 3串 48HKD牛肉烤到恰到好處，本身已經好入味，點上沙爹醬更具風味，另外配有兩片蝦餅鬆脆可口。馬拉盞炒通菜 88HKD夠曬鍋氣，還原泰國風味100%芒果糯米飯 33HKD分別一團斑斕糯米飯一團椰汁糯米飯，呂宋芒軟糯無渣，椰汁微微咸味，好夾味。芋頭紫米露 25HKD芋頭香氣融進紫米露裡！份量一個人岩岩好，整體感覺香味重於甜味，推薦！

🌟去了縉庭山探朋友，晚飯就去試下樓下新開的餐廳。餐廳名簡單直接，中越泰風味融合菜，三地料理都可以食到👍🏻🌟餐廳空間感好大，枱與枱之間相當寬落，樓高兩層，中國風設計，有圓桌同屏風。🥭越南鮮蝦芒果米卷滿滿的材料，有生菜，青瓜絲，蘿蔔絲，檬粉，鮮蝦，大大舊芒果😆好足料。🍤新鮮柚子鮮蝦沙律食材新鮮，柚子份量好多，鮮蝦彈牙都幾大隻，酸酸甜甜好開胃。🍜濃湯叻沙海鮮麵湯頭幾濃郁，好香椰奶味。海鮮都幾多元化，最特別係有帶子😋🥤檸檬茶🍹青檸梳打原枝象牌梳打水👍🏻青檸味超濃，好解渴。🌟總括嚟講，餐廳附近環境好清幽，可以同家人朋友靜靜地共享晚餐。餐廳用碟都幾雅致， 食物擺盤都好靚。

今日同朋友去左悅知味中泰越風味融合菜食飯, 餐廳有中式, 泰式, 同越式風味嘅食物選擇, 環境超闊落泰式船麵超足料, 有齊豬肉同牛肉嘅配料, 面頭嘅豬油渣鬆化脆口, 湯底幾香牛肉味, 色澤濃郁, 河粉好掛湯無骨海南雞飯無骨雞肉嫩滑, 配搭秘製香辣沾醬、醬油, 啖啖肉,雞油飯飯粒粒粒分明泰式雜錦小食拼盤配搭豐富, 有雞泡魚干, 蝦片, 炸蝦餅, 魚餅, 春卷, 香腸, 雞泡魚干燒得啱啱好, 仲有啲炭燒味香腸肉汁豐富, 熱辣辣好香口芒果糯米飯芒果香甜, 椰汁濃稠, 將斑蘭同原味嘅糯米, 搓成波波形狀, 口感煙靭, 仲有脆炸綠豆仁增加口感

由大窩口站行上去大概十分鐘左右，就到咗呢東南亞餐廳，我哋揀咗兩個set 再加多咗個菜，佢無論套餐同小菜價錢都係中下，相比起同區嚟講係平㗎。主食揀咗兩款，香茅豬扒札肉湯河同越南車仔撈檬，佢嘅配菜同肉肉份量都唔少。重點嚟啦，佢個套餐有配個前菜，我哋諗住share 兩款就揀咗一個柚子鮮蝦沙律同埋鮮蝦芒果米卷，柚子鮮蝦沙律配泰式酸辣汁，好清新醒胃，加埋面頭的花生增加脆脆口感。食埋另一款鮮蝦芒果米卷，酸酸甜甜冰冰涼涼，好啱宜家天氣食ദ്ദി(˵ •̀ ᴗ - ˵ ) ✧

荃灣行完街搵野食睇到呢間新開泰菜最鍾意試新開餐廳雖然同荃灣有段路餐廳有樣特別服務竟然可以喺度🀄️！先嚟個海南雞半隻鮮嫩滑溜嘅雞肉🤤個黑醬油似調配過唔似坊間得個甜味佢似豉油帶咸偏稀俾番少少咸味隻雞次次都食菠蘿炒飯今次轉芒果蝦炒飯甜甜芒果彈牙蝦仁仲有脆卜卜嘅蟹籽唔少得泰國嘅咖哩揀左紅咖哩蒜蓉包紅比黃多左啲辣度但味道層次更加多入面有大量嘅配菜平衡番今餐好多肉—————————————————————🔸 無骨海南雞半隻 $138🔸 紅咖哩配蒜蓉包 $108🔸 馬拉盞通菜 $88🔸 芒果蝦仁炒飯 $108

好想再去食多次！由湯開始，已經讚不絕口，一般餐廳冬蔭公大多用酸味搶佔味蕾，飲完之後，喉嚨總是卡卡的有痰，但呢個湯真心味道濃郁而且順滑，真正享受到湯的真味道。雞更是不得了～ 食到停唔到口！好食到影唔切！仲有咖哩入面隻虎蝦唔食就走寶！絕配蒜茸包！小食拼盤自然不失禮！再用炒飯作結尾，大滿足！如果想飲有特色飲品都有唔少選擇，朋友推介即沖鴛鴦，連我好少飲鴛鴦都覺得好好飲！整體食物份量、質素完全對得上價錢，絕對可以放入「返兜」名單！最後，唔好錯過門口有名星胡歌的題字！影張大合照先走！

欣賞杯三色冰 每粒珠入邊都有細細粒嘅馬蹄 椰奶味好重 好好飲 同擺出嚟好靚 好岩打卡用叫咗濃湯叻沙海鮮麵 個湯頭濃郁 有蜆、蝦仁、帶子、小章魚等海鮮 搭配些油豆腐、芽菜 覺得個麵質感似拉麵🍜芒果糯米飯作為飯後甜品 糯米黏黏的 上面有些黃色嘅脆脆作點綴 芒果超甜同juicy 椰漿好多 夠哂每吃一擔芒果或糯米 點滿哂佢地全面😚好鐘意店入面而面牆 貼哂以前經典電影 🎬 有titanic、Leon、La vita e Bella可能老闆都係行懷舊風😂

襯晚市沒有很多人，提早吃晚餐.平時在附近探朋友，已經留意到開了新餐廳。店面及內裝看得出經過細心佈置很有設計風格，就在大窩口站A出口步行5分鐘便到。步入餐廳已經感受到很有空間感，座位舒適寬敞，因為早到服務員還安排我們四人枱用餐，我拿了個蛋糕來，店務員還主動說給我放雪櫃，服務非常細心。餐廳整體來說有驚喜，服務及價錢對比其他的都做得很好，平民價錢但又有服務！正💕蒜蓉炒雜菜蔬菜及菇類也很新鮮很大份，加上脆蒜十分滋味💕菠蘿雞粒炒飯超大的一碟，是三至四人份量了，好抵食💕沙嗲串燒我叫的是三串牛肉串，牛肉是淋身，加上烤的剛剛好，沒有韌.💕椰青很Fresh,，十分清甜，沒有變壞的味道💕芒果糯米飯食泰國菜點少得甜品？份量來說一個人剛剛好，糯米有韌度，但不會黏牙，芒果新鮮清甜。

📍 悅知味中泰越風味融合菜 (荃灣)荃灣大窩口國瑞路168號縉庭山3座地舖去開朋友屋企，本身都唔知食乜，見到呢間新開中泰越風味餐廳，見環境好闊落，坐得舒服就試吓😆😆👉泰式木瓜沙律💰$58😋😋😋😋.8/5呢個價錢，呢個份量，非常抵食，泰式風味好開胃，食到停唔到呀😋😋😋👉明爐清湯浸時魚💰$268😋😋😋😋.8/5其實兩個人食呢個份量有啲大😆😆😆但又好想食，飲啖湯先，酸酸辣辣超惹味醒胃，魚肉又嫩滑，仲有好多雜菜同菇醃配料夠多，魚肉係用左清江魚，真係好嫩滑食到停唔到口😋😋😋回頭:yesyesyes！食物都好大份，好食又好高質，食物選擇勁多總有嘢啱食🤩🤩🤩而且位置闊落舒服😌