悅知味中泰越風味融合菜

營業中

休息中

呢個泰式Fusion菜賣相精緻，唔單止睇得，仲好好食！呢盅燉湯，睇圖就知好足料，仲要38蚊，好抵飲😍炸蝦餅個量超多，啖啖蝦肉，好厚實，又唔油，仲要唔厚粉烤雞就真係好驚喜，特別係個醬汁，員工話係秘制，出色！雞烤得岩岩好，皮脆肉嫩，咬開見到啲汁水開始流，點埋個汁，酸酸辣辣勁開胃🤤食泰國野必點椰青！！ 咁熱既天氣飲好清爽，我就刮埋啲椰肉食，正，推薦大家都刮埋當甜品，特別滿足😌環境舒服又大，推薦大家黎試吓新嘢😋😋

BeautySearch 喜歡居住在靜中帶旺的地點，希望居住的地區，不會有太多陌生人途經，但又希望交通、商場等配套就在附近。  位於荃灣的縉庭山，曾是我心儀的選擇，可惜，當時未有商場提供，唯有忍痛放棄！想不到，數年後這一帶的配套已有所改善，還開設了一間規模頗大的餐廳 - 《悅知味》，提供亞洲 Fusion 菜，中泰越風味的融合菜都有。  早前在附近工作，午膳時間同事帶我到來，發現餐廳地方寬敞舒適，裝潢別具氣派，最重要是選擇蠻多呢！  頭盤先來一碟越南人氣小食 - 「越南鮮蝦芒果米卷」，大大份，而且相當足料，煙韌軟糯的越南米紙，包裹著青瓜絲、紅蘿蔔絲、生菜等配料，還有片片香甜的芒果，大大隻的蝦，以及檬粉作餡料，清新又開胃，正好迎接炎夏的滋味。 主菜「越南車仔撈檬」大大碗，同樣足料，有春卷、扎肉及豬扒，春卷香脆可口，扎肉鮮甜味美，豬扒切件而上，肉質又不會太肥，相當豐富，拌入附上的秘製醬汁，微微的酸味和清爽的口感，非常開胃，更為滋味，夏日吃撈檬粉，實在再適合不過！  同事點選了午市風味米麵飯 - 「菠蘿炒飯」，雖然未見造型精美的原個菠蘿殼置於碟上，炒飯中卻添加了不少原粒菠蘿果肉，鮮甜多汁，最

今日去咗荃灣一間幾隱世嘅餐廳食泰國嘢，位於大窩口嘅村屋附近。入邊都幾大，可以容納到好多人。嘢食選擇都幾多，基本泰國嘢都有齊。今次試咗香葉肉碎煎蛋飯，炒得非常惹味，不過味道就偏辣，因為都落咗幾多辣椒，不過我鍾意食辣所以都OK！另外試咗海鮮喇沙湯麵，好足料，有青口、蝦、魷魚等等嘅海鮮，充滿椰香味，加埋爽口嘅蛋麵，唔錯唔錯。而米紙卷就相當有驚喜，包住蝦同埋芒果，芒果亦都好熟好甜，加埋佢啲酸甜汁，好開胃好清新！甜品仲叫咗紫米露，佢哋新鮮煲嘅，入口充滿椰奶香味，紫米亦都煲得啱啱好，再加埋粒粒芋頭，大滿足！

今次又發掘左間隱世泰國餐廳，味道出色價錢都平民，服務質素都唔錯，值得同大家推薦一下。———————————————🌟紅咖哩雞肉 $108呢個紅咖哩雞肉真係好正，咖哩汁香滑濃郁但唔會太辣，雞肉份量多而且非常嫩滑。入面仲有好多蔬果材料，令成個菜既豐富又健康，特別想講一講入面有啲菠蘿粒，煮完後都仲好甜好好食。紅咖哩仲配有蒜蓉包，麵包香脆，沾滿咖哩汁一齊食，味道更加出色。🌟泰式濕炒河(牛肉) $118呢個泰式濕炒河係必試之選，有鑊氣，牛肉嫩滑又冇筋，份量非常足。每一啖都感受到濃厚嘅泰式風味，非常滿足。🌟馬拉盞炒通菜 $88通菜炒得好翠綠，仲有濃郁嘅馬拉盞香味，完全提升咗通菜嘅鮮味，呢個菜式非常值得推薦。🌟椰子沙冰 $43呢度嘅椰子沙冰真係超香濃，飲落去好清新，調味啱啱好，唔會覺得太甜，非常推薦俾鍾意椰子味嘅朋友。🔸整體食評🔸地方雖然偏遠少少，但食物質素同環境其實都好出色，每個菜式都好有心，內部裝修都睇得出花左好多心機，一班人食都有大台可以坐。食完後仲有可愛造型嘅西瓜提供，又甜又多汁食完真係透心涼，令成個用餐體驗更滿足。

#20240620 📝📍 悅知味中泰越風味融合菜 @joyluckclubhk 荃灣大窩口國瑞路168號縉庭山3座地舖➖➖➖➖➖➖➖➖➖➖➖➖➖➖➖➖➖#泰式雜錦小食拼盤 #小 $98💭 鐘意佢有大細揀，就算兩個人尼都可以叫份細既咩都有得試下👍🏼蝦餅實淨彈牙，魚餅淋身啲但充滿香葉味，每樣一半滿足晒兩個口感🌱春卷望落好似酒樓果啲，原來入面係野菜粉絲餡，拼盤入面竟然有估唔到既台灣腸，果然係一間fusion既餐廳，味道係熟悉既好味😋仲有啲雞泡魚乾同蝦片可以一路傾計一路過口癮，正呀😎.#泰式冬陰功湯河 $98💭 食泰國野點可以唔飲冬陰功，驚就咁叫個湯會飲唔晒，有得叫湯河就一舉兩得🍜一上枱見到面頭啲海鮮有啲驚喜，因為佢個菜名上面無寫，所以有啲意料之外🤩海鮮種類都唔少，有蝦仁🦐墨魚仔🦑帶子同青口，除左青口其他每樣都有2-3粒好豐富，個冬陰功偏酸，飯前飲係幾開胃，啲河粉偏闊身，食落好滑身有啲似酒樓腸粉，好得意～.#青咖哩牛配蒜蓉包 $108#白飯 +$15💭 咖哩第一啖食feel唔到辣，食食下就會發現個辣隱隱約約係度咁，不過都係好輕微，怕辣既朋友仔不妨都試下🍛本身個咖哩會跟蒜蓉包，即刻焗熱辣辣，雖然

穩世市區泰式餐廳😆驚喜係個餐廳面積，樓底高，位置寬敞，淨係入口個隻門都大到嚇親😲感覺比北上餐廳空間感更大，仲要係市區屋苑既餐廳，難得🌟泰式椰子雞湯🌟泰式椰子雞湯幾香濃！有椰奶嘅香甜同埋雞肉嘅鮮嫩，仲有雞脾菇同杏飽菇，啲椰奶同雞肉嘅鮮味係夾既！🥥🍲湯有椰香之餘都辣辣地的，有香茅有機會試下呢道美味嘅泰式椰子雞湯！😋🥥🍲🌟鹽焗香茅烏頭🌟鹽焗香茅烏頭好獨特！雖然等左成大半個鐘，真係即叫即焗架~烏頭魚堅係又鮮又嫩！加埋香茅同埋鹽焗一齊煮，啲魚就更加鮮味同香氣爆發啦！🐟🌿跟黎既醬汁唔係打冷既黃豆醬，係泰式既酸辣醬，不過個人就鍾意清清地，就咁蘸D鹽食🤤🌟甜品拼盤🌟甜品拼盤有好多款甜點：有西米糕、斑蘭糕、大菜糕、蝶豆糕，唔係好甜，味道👌➡️呢間餐廳交通就唔算就腳，最方便應該由大窩口地鐵站行上去，有興趣朋友可以去搵食~~ #荃灣美食 #荃灣必食 #荃灣餐廳 #包場餐廳

《高質泰菜 食材新鮮🥰》✨濃湯叻沙海鮮麵這間泰式餐廳的濃湯叻沙海鮮麵,湯底渾厚濃郁,飽含濃濃的花生香氣,對於愛吃叻沙的饕客來說絕對是不容錯過的一道佳餚。麵條QQ有勁,加上滿滿的海鮮配料如青口、蝦仁和墨魚等,份量十足,每一口都令人意猶未盡,徹底徹低享受到道地泰式風味。不禁忍不住連湯帶麵全部喝光,因為麵條爽口彈牙,配上濃郁可口的湯汁實在是太過令人難忘。✨ 珍多冰這間店的飲品份量都非常十足,其中珍多冰的椰汁味道特別濃郁,底部的彩色粉條更為口感增添層次,整體非常滿足,令人一飲而盡。✨ 椰子沙冰清涼爽口的椰子沙冰,每一口都能品嚐到濃郁的椰子果粉,實在是夏日消暑的絕佳選擇,尤其是在這樣炎熱的天氣之下,來上一杯冰涼順滑的椰子沙冰更是人間一大享受。  ✨ 青咖喱配蒜蓉包令人難忘的還有這道青咖喱搭配蒜蓉包。食材新鮮脆口,青咖喱濃郁醇厚,蒜蓉包香味四溢,兩者緊密配合,實在是一絕。咖喱內的茄子、豆角和紅椒都甚為嫩滑,完美襯托出蒜蓉包的香脆可口。✨ 芒果糯米飯作為餐後甜品,這道暖呼呼的芒果糯米飯實在是出乎意料的驚喜,糯米飯香甜軟糯,上面的黃金糯米粒更添爽脆口感,堪稱完美。總的來說,這間泰式餐廳無論在菜品還是飲

特意黎到呢間位於大窩口站A出口一路直行，一間性價比好高既泰國fusion 菜-悅知味中泰越風味融合菜。呢間係朋友非常推介既一間餐廳，所以點都要黎試吓先。首先，門面好大，亦有特色。入到去，仲要環境係好闊落、好大，啲梳化位又大張好舒服呢🤤中間又有幾張大枱係for 十幾人，真係岩哂一大班人黎食飯或慶生🎉。旁邊亦有一啲古色古香既屏風，及一啲懷舊電影🎬主題，為餐廳添滿不少色彩。侍應遞過menu後,殷勤、親切既招呼真係加了不少分數👍，餐牌上都有好多不同款式，最後我哋揀左以下幾款：主食🧡青咖喱（雞/牛/豬）配蒜蓉包 $108我地揀左青咖喱雞，見佢係用左砂鍋盛上，這樣可以keep 住個熱度，吾怕咁快凍哂。同埋佢份量真係好多，好抵食。味道方面，青咖喱汁椰奶香好重，中和辣味，所以不算太辣。雞件好嫩滑，蔬菜🥬亦都吸收哂啲汁既味道，再配埋個超脆口又香既蒜蓉包，真係好惹味😋😋🧡泰式香芋臘味砂煲飯（2人用）$138呢個砂煲飯真係朋友極級推薦👍上到黎，份量真係震撼到我，因為完全吾似2人份，真係3/4人食都仲得，哈哈。食了第一口，真係好食到不得了，臘味既油香滲入哂每一粒米，而香芋就做左中和既角色，令到個臘味飯吾會咁滯

意想不到的是，在大窩口竟有一間中泰越菜的fusion餐廳，在縉庭山附近，裝潢相當有心思，空間感也相當大泰皇咖哩牛腩Thai Signature Curry Beef Brisket$138濃厚的咖哩 🍛 加上大塊牛腩跟薯仔🥔值得一試泰式無骨海南雞飯Thai Style Hainan Bonless Chicken Rice$88把雞胸肉切成葉狀，飯量偏大，雞腿肉為主，三色汁齊備Stir-fried Chinese Kale with Salted Fish咸魚炒芥蘭$88非常爽脆的芥蘭，加上鹹魚蓉，完全蓋過芥蘭的苦味Assorted Dessert Platter (For Two Person)泰式甜品拼盤(二人份)$68椰汁千層糕 軟滑西米糕 藍色的大菜糕相當豐富的拼盤！悅知味中泰越風味融合菜 (荃灣)荃灣大窩口國瑞路168號縉庭山3座地舖

大窩口作為一個住宅區，如果無朋友住喺呢頭，真係好少會涉足到呢個地方。但正正就係因為住宅區，所以區內其實有唔少街坊餐廳，大件夾抵食。嚟到悅知味中泰越風味融合菜，餐廳主打東南亞風味，讓味覺一次過輕鬆暢遊多個地方啦！粉葛紅蘿蔔蠔豉鯪魚湯除咗東南亞風味，餐廳亦有中式選擇，其中包括老火湯！特別係出街食嘢食得多，有時都會掛住屋企嘅老火湯。悅知味中泰越風味融合菜每日都會提供唔同款式嘅湯水，是日就有粉葛紅蘿蔔蠔豉鯪魚湯，粉葛生津解渴，清甜嘅紅蘿蔔配合蠔豉令湯頭嘅鮮甜味得以提升，飲完真係滋潤番曬！。沙嗲牛肉串燒、泰國雜錦小食拼盤小食就揀咗泰國風味。沙嗲牛肉串燒嘅肉味相當豐富，加上醬汁，非常惹味；至於泰國雜錦小食拼盤就有常見嘅香脆嘅魚餅、蝦餅同春卷之外，仲有河豚乾呢！河豚乾香脆惹味，食落充滿魚味，送酒一流。越南鮮蝦芒果米卷另外，作為越南代表嘅越南鮮蝦芒果米卷亦無令人失望。香口嘅蝦乾配搭味道清新嘅青瓜絲同蘿蔔絲，令呢份春卷口感非常豐富。而作為主角嘅鮮蝦相當鮮甜彈牙，同酸甜嘅芒果好夾。點埋泰式甜酸汁，非常醒胃惹味。

悅知味中泰越風味融合菜位於荃灣大窩口國瑞路168號縉庭山地舖，這裡的店內環境給人一種高雅精緻的感覺，讓人仿佛置身於一個充滿品味的用餐空間中。特別值得一提的是，店內還設有2樓的私房菜包廂，提供更加私密的用餐環境，讓顧客可以在舒適的氛圍中品嚐美食，享受用餐的樂趣。我們首先點了套餐A+B自由搭配的形式$98，選擇了越南鮮蝦芒果米卷搭配濃湯叻沙海鮮麵。越南鮮蝦芒果米卷外皮脆嫩，內裡鮮蝦和芒果的組合清新爽口，搭配濃郁的叻沙湯底，份量十足；性價比極高。此外，我們在套餐內加點了小食沙嗲雞串，再加$20，這道小食香氣撲鼻，口感香辣鮮嫩，讓人回味無窮。除了套餐，我們還品嚐了黃咖哩吉列鮮豬扒飯$68和手打炸鮮蝦餅$68。黃咖哩吉列鮮豬扒飯的豬扒煎得酥脆，搭配濃郁的咖哩汁，香氣四溢，讓人食指大動。手打炸鮮蝦餅外脆內嫩，鮮蝦的鮮甜味道在嘴中綻放，Q彈嚼勁，是一道讓我驚艷的美味佳餚。整體而言，悅知味中泰越風味融合菜不僅提供精緻美味的菜品，更讓我們這些作為顧客可以在優雅的環境中享受美食的樂趣。如果想要品嚐中泰越風味的融合菜，悅知味絕對是最佳選擇。

今次再訪悅知味！人少少真係好啱撐枱腳～今次再試多咗唔同菜式，同上次一樣咁正！ ➵ 青咖哩雜菜｜$88 ♥︎♥︎♥︎♥︎♡➵ 越南鮮蝦芒果米卷｜$68 ♥︎♥︎♥︎♥︎♡➵ 菠菜雞粒炒飯｜$108 ♥︎♥︎♥︎♥︎♥︎➵ 青檸梳打｜$33 ♥︎♥︎♥︎♥︎♥︎ 幾鍾意青咖喱雜菜，有好多唔同種類嘅蔬菜，仲有茄子！茄子煮到啱啱好，唔會爛曬得嚟好入味，唔錯！紅蘿蔔仲會切成花花形狀，啱曬我呢啲大細路😂 鮮蝦芒果米卷都好好食！一碟有四件，配有酸酸甜甜嘅春卷醃醬，應該係自家製嘅，因為裏面好足料！大大啖嘅蝦+芒果好滿足～

這間泰國餐廳位於大窩口的縉庭山，主打正宗地道的泰式料理，價錢定位親民貼地。店內環境寬敞舒適，樓底特別高身，亦有大圓枱及三角枱，適合多人聚會。泰式蝦醬炒飯 - $108粒粒分明的炒飯即叫即製充滿鑊氣，染上鹹香的醬油，毫不油膩，還有臘腸、青豆角及洋蔥等配菜，再鋪上滑溜的蛋黃，旁邊還有肉鬆、蕃茄、青瓜及醃蘿蔔。泰式乾炒河 - $118煙煙韌韌的河粉充滿彈性，均勻沾上醬油及條條分明，炒得香口帶點煙燻味，乾爽又不油膩，一片片牛肉嫩滑富肉香，可轉豬或雞，還有蛋絲、紅蘿蔔、菜芯及沙律菜等。泰式雜錦小食拼盤(小) - $98即叫即炸的泰式小食金黃酥脆而不油膩。手打炸鮮蝦餅結實富彈性，蝦味十足；手打炸魚餅魚味濃郁；燒河豚乾煙煙韌韌富味醂香；越南炸春卷包著多款新鮮蔬菜很清爽；泰式炸蝦片酥脆香口；泰國臘腸油香滿溢。

同朋友一齊嚟咗呢間泰國🇹🇭越南🇻🇳餐廳開餐🤣$88「蒜蓉炒芥蘭」：芥蘭菜🥬好新鮮，非常爽脆，簡單蒜蓉炒，已經好好味😋$138「泰國🇹🇭冇骨海南雞半隻」：呢度半隻海南雞🐓非常足料，份量真係幾多👍；一般海南雞都係唔熱嘅，呢間餐廳嘅海南雞🐓暖暖哋，好雞味，拆咗骨啖啖肉，食得暢快😋餐廳有 $98「午餐自由配搭清清地 LIGHT MIX & MATCH」，我哋揀咗「清新柚子鮮蝦沙律🥗」+「濃湯叻沙海鮮麵」+「熱奶茶」😋「清新柚子鮮蝦沙律」：柚子沙律撈咗啲鹹鹹哋又甜甜哋嘅秘製醬汁，仲有蝦仁🍤同埋腰果，食落好開胃😋「濃湯叻沙海鮮麵」：湯底係喇沙嘅靈魂，呢個湯底真係濃郁，好美味👍「熱奶茶」：茶底非常濃郁😋

呢間位於荃灣大窩口國瑞路168號縉庭山3座地舖噶悅知味中泰越風味融合菜，環境裝修大氣，別緻，休閒，位置闊落唔會擠迫。午餐免加一，超抵。手打炸鮮蝦餅，外層脆脆，內面Q Q彈彈，香味十足，配上泰式辣醬，甜甜辣辣，超正。沙嗲雞串，跟餐加20紋，沙嗲味香濃，雞肉都幾結實，大串，配上個蝦餅，好食。越南鮮蝦芒果米卷，呢個真心值得食，配上個魚露辣汁，清新開胃，又有芒果清香，蝦肉彈牙。濃湯叻沙海鮮麵，湯香濃，海鮮材料豐富，有鮮蝦，帶子，墨魚仔，青口，雞蛋，配合一起口感好豐富。黃咖哩吉列鮮豬扒飯，咖哩噶椰汁味香，豬扒肉質結實，咖哩配米飯好香，飯軟硬適中。三色冰，必點，椰奶香濃，三種顏色嘅珠珠，似珍珠，口感特別，入面好似有馬蹄，煙韌之餘又帶水果噶爽脆。特別。叫咗成枱嘢食，配埋咁舒服嘅環境，呢餐個性價比真係好高。有少少去咗度假嘅感覺，因為呢邊嘅環境都好清淨。服務態度好好。下次真係可以約一班朋友喺呢邊聚餐