念月樓

營業中

休息中

食川粵菜唔駛穿越時空，圍方就有😂 環境舒適優雅，嘆茶食點心一盅兩件，抑或烤雞烤鴨再炒幾碟精緻小菜配粉麵飯都一樣得～ 而家嘅侍應生服務態度都好好，好有禮貌～ 仲比咗張意見紙我填～ 又有個女侍應時不時會睇吓我哋壺茶水滿唔滿，幫手斟～❣️全部點心即叫即蒸/炸～ 其中最特別嘅點心有「魚中龍皇牡丹蝦」，係世界廚師錦標賽2023嘅獲獎作品～ 打開蓋，高湯上有兩隻小金魚伴隨魚龍皇暢泳，游向水中赤龍珠，非常賞心悅目🤍 湯中仲有蟹肉、蟹柳絲、杞子，令湯更鮮甜味美😋 而其他點心雖然無巧妙趣異嘅造形，但都非常精緻同好食～ 就如芙蓉海鮮芋茸盒一上桌，嗰種香芋味竟然撲鼻而嚟，而入口香酥鬆脆，真係超讚👍🏻仲有春風得意腸粉嗰塊滑滑嘅腸粉包住脆脆嘅蝦都係非常好食😋

念月樓餐廳剛剛進駐喺沙田大圍站圍方商場2樓,餐廳裝修高尚典雅,牆身掛上富有中國色彩的掛畫,地方寬敞,令食客食得舒適,餐具充滿中國色彩古典嘅圖案,甚為搶眼,服務員招呼到位,點心都很快上桌。煲湯瓜粒牛肉球餐廳用一個可愛嘅獅子器皿承載冬瓜牛肉球,熱騰騰嘅湯鮮甜不膩,冬瓜粒吸收咗牛肉汁好鮮甜。蜜汁黑毛豬叉燒包黑毛豬叉燒包餡內豬肉肥瘦適中,唔會太鹹或太甜,包質食落鬆軟。芙蓉海鮮芋茸盒入口鬆化內軟,食落滿口香芋和海鮮味,仲有蝦片碎作伴碟。香煎焦糖小米糕小米糕食落有口感,好特別,微甜,係健康嘅甜品點心。紅菜頭水晶餃用紅菜頭做水晶餃外皮,鮮桃紅色的水晶餃都好奪目,餡內有肉碎和鮮蝦,這款特別的點心係做緊善事,用來幫助乳癌的病人。

中秋節同屋企人去左大圍圍方既念月樓食晚飯，其他食店大多要排隊，唯獨呢間唔需要等位，相信係價錢比較貴外面已經睇到裡面裝修好華麗，絕對係中上既餐廳，職員友善帶位入座，全大多面帶笑容，介紹我地食中秋節推出的六人餐，由於第一次黎，就試下佢推介的中秋節六人餐餐具都好精美不得不提既蒜泥白肉蒜泥打得軟滑，配上腩肉，十分回味開胃醬皮蛋十分香口，名符其實令人開胃杏汁燉白肺湯杏仁味重，豬肺爽口薑葱海中蝦腸粉煲最欣賞底下既腸粉，全都吸入所有湯汁新鮮脆皮燒雞，外脆內滑，唔會好乾身，恰到好處清蒸東星斑，新鮮但口感唔算好滑上湯京都腐皮浸時蔬蜜瓜脆奶，外脆內軟，入面香甜，夠特別生磨芝麻卷

同長輩食飯，自然會諗到食中菜，呢間位於新商場圓方嘅念月樓環境比較舒適、安靜啱哂靜靜地一邊傾下偈，一邊品嚐精緻嘅食物！睇得出連餐具都係精挑細選，非常賞心悅目！蒜蓉豆角（前菜）~只係用簡單嘅食材就可以咁惹味，涼涼嘅口感，絕對發揮到前菜應有嘅功能！螞蟻上樹~帶有辣味嘅菜式，往往令人開胃！每條粉絲都掛有足夠嘅汁料，而且粉絲係低卡食材，食多啲都唔怕！遠年陳皮牛肉餅~陳皮融合喺牛肉當中，每一啖都食得出其獨特香味，牛肉有一定嘅厚度！口感異常地好！四川擔擔麵~麵條充滿蛋香，麵質軟硬適中，湯底非常香濃夠味，微辣之餘帶有芝麻香！

住係大圍附近有時都會去新商場行下，地點超就腳完全地馬鐵直達。朋友同我最愛就係川菜，見到呢間主攻創新川粵菜，都幾合我地心意，一行三人就去試試😘餐廳最吸精既地方係套餐具，好elegant,影相都已經好靚😁🫖夫妻肺片：牛舌牛肚做主打，重點是紅油的調整，加上香蒜，切得薄薄的夠入味。🫖水煮桂花魚：青花椒紅花椒、鮮辣椒、指天椒和蒜、薑都有齊，廚師爆得好香，魚片好滑，桂花魚真的冇得輸。起骨刀功了得，又薄又冇骨。底下的配菜有芽菜，青瓜，薯粉。🫖京式賽螃蟹：蛋白條條都好分明，主角蟹肉都唔少，鮮嫩爽滑及味道配合得宜。🫖招牌辣子雞：經典的四川菜，一定要試吓。做法簡單，雞肉必須要油炸過，炸得要乾身，佢做到呢點👍🏼大量的紅辣椒乾同埋花椒乾炒爆香哂，腰果都炸得好香脆👍🏼

又係出糧既大好日子,梗係要好好奬勵下自己,同朋友去圍坊shopping,行過2樓見到有間裝修好grand既酒樓,古色古香中又帶時尚,樓底高,地方法寛落,好舒服,就同朋友去醫飽個肚先.D餐具好靚,打卡一流,普洱茶,茶色紅濃明亮,飲落甘甜順口,醃蘿蔔酸酸甜甜又爽脆,好醒胃,估唔到仲有醃話梅^^鮮茄海鮮泡脆米飯~服務員好窝心咁教我地點食,泡飯個湯底一定係靈魂所在,好鮮甜,飲得出係用大量魚淆出來既高湯,一D都唔油膩,係好清新既鮮甜,有大量蕃茄粒,蝦肉,增加湯底鮮甜,加上脆米,脆卜卜,好特別又好食既泡飯,真係好有驚喜,最重要係食完唔口渴,係完全無味精,好健康,好好食.秘制柱侯牛筋煲~份量好多,牛筋軟滑,超級入味,柱侯醬滲曬入牛筋度,充滿膠質,蘿蔔好清甜,食完覺得骨膠原爆燈,好好味.環境舒服,服務員友善,食物質素高,份量又多,下次會試埋其他食物同點心.

附近在大圍與家人聚餐,朋友推介來這家「念月樓」。氣氛雅致又不失親切。首先來了一客小籠包,鮮肉濃湯裡頭的小籠包格外入味。蜜汁黑毛豬叉燒包,一口咬下去肉每分都順滑細緻。豉汁醬皇蒸鳳爪,入味肉嫩很是誘人。四川擔擔麵辣度正到位,麵汁裡都帶有花生椒麻香氣。家常酸辣麵集合酸、麻、辣於一身，配上有咬勁的面，多種味覺於一身！店内環境時尚雅致,更重要的是各款菜式都入味十足,定能讓你 mouths watering~下次帶更多朋友一起來品嚐囉!👌

圍方開幕後，第一次來逛，因為朋友想吃中菜，所以選擇了念月樓。中菜廳的木質裝潢感覺温暖，中式掛畫更添恬靜高雅。侍應推介的蕎麥茶順滑有回甘餐前小食是酸蘿蔔、紅蘿蔔條和話梅XO醬露筍炒帶子-帶子極鮮嫩，吃起來一絲一絲的，肉厚多汁富彈性。露筍清脆爽甜。XO醬為菜式為來鹹鮮和香辣，很惹味。秘制柱候牛筋煲-經柱候炆煮後的牛筋濃郁醇厚，口感軟腍，豐富的膠原纖維令口部像被黏著般。白蘿蔔炆得夠腍，牛筋份量十足。侍應們服務周到，經常留意是否需為我們添茶，又會詢問我們是否滿意菜餚。餐廳空間感不俗，適合家庭或朋友聚會。

念月樓 圍方中菜之選🫶🏻，裝潢設計走灰木風格，配藍色藝繪餐具，相當精美，特別係一雙金一雙銀既筷子，充滿高級感💕第一次來吃晚飯，都點了它們的招牌菜，可惜懷舊江南百花雞要預訂，無緣了😅🔹水煮桂花魚 $428，喜歡吃辣既你一定要試這個，我喜歡這個水煮魚是不會好油，雖然水煮魚面層紅油是重點，但這家好迎合香港人愛健康既口味，不會重紅油，而且湯內非常足料，有寬粉、青瓜、大豆芽、萵筍等等😚😚🔹京式賽螃蟹 $188，份量都唔少 ，亦有唔少蟹肉，所以這個賽螃蟹都不錯😋😋🔹招牌辣子雞 $298，要用雞丁size 形容，由於雞丁細粒、所以充分入味，雞肉非常脆口而辣味突出，送飯送酒必吃😍😍🔹夫妻肺片 $138，這個都是正正常常，川辣味好濃😋念月樓 (大圍)地址：大圍車公廟路18號圍方2樓232號舖

星期六同男友睇完戲，見周圍餐廳都排長龍，剩得呢間有位，就抱住試試無妨既心態入去幫襯啦！點知就咁中咗伏😖首先，上菜速度極慢，等了差不多半個鐘都係得一碟前菜「開胃醬皮蛋」。催咗三次終於上菜，哇多油到喊出黎！我事先同侍應講咗盡量少油，但食物上來時仲多油過坊間一般中菜餐廳，包括稻香。最恐怖係個「薑蔥魚卜」，本身覺得呢度菜唔係度度有得食，抱住期待既心態落單啦！點知每件魚卜個炸漿超厚、煲底有成寸油，食完成口油，簡直係惡夢🤬最貴係相片中既「白雪藏龍」，即係龍蝦炒鮮奶，算係成餐飯味道最正常的，但係都談唔上美味，CP值極低，可一不可再🙄

下午去吃點心食物價錢與一般酒店同等，我會選擇去酒店吃，至少服務質素較好，及會有合價錢的質素食物，更加不會見到服務生比「黑臉」和態度差我看。試了一次，不會再去。而且新店使人吃到飽肚的「氣I，比如期的落差太大。食物價錢（貴）。但食物質素「差」距太大，完全是扮高質素，但品質不高的食店。新店平日不忙碌也出現此情況，假日更加多人，大家防去體驗一下。氣住吃的一個不好味午餐及貴價低質素午餐。

今日黑雨反而有位用餐，不用排隊，所以試吓這間餐廳的川粵菜，餐廳環境寬敞，餐枱不是擺得太密，服務員人手充足，是近期中餐館少見的。今晚點了五餸一湯：杏汁白肺湯冇杏汁味，太稀，難飲。蒜泥白肉的蒜泥醬好味，香濃柔滑。豆豉蒸鱔新鮮，鱔肉夠彈牙。茶薰鴨味道－般。黃酒豬手煲豬手好味，白蘿蔔太老。腐皮炸蝦卷唔夠香口，油太多。芝麻卷芝麻味不夠香濃。總括而言，餐牌選擇多，感覺食物質素不太穩定，有待改善，要提高性價比。

今晚一試大圍圍方"念月楼"，食店環境及餐具好精緻，主打川粤菜，今晚叫了10多道茶，粤菜尚可，但"川菜"真不不了，叫了兩款水煮菜式，只冇辣味，没冇鮮味，也没冇鹹味，而每份差不多400元，負責人回應是迎合香港人口味，真喺第一次聽D解釋。而服務態度極真與該店裝潢有差別，要求臨時加多一位，资深侍應/经理怪责為何不预早通知，又話可能冇椅櫈安排，今時今日是否咁嘅服務態度，真令人失望，今晚埋單成4400元多，相信我不會做回頭客。

如題，裝修環境，杯杯碟碟都好氣派，價錢都一樣，點心確實比其他酒家唔同，但只可以話貴格唔抵食高湯瓜粒牛肉球 $48好普通，打卡點心，只係一個有湯既牛肉球瑤柱帶子菜苗餃 $78魚中龍皇牡丹蝦 $1082個最唔抵食之點心，價錢貴，冇驚喜，得個樣雪山叉燒焗餐包 $48香煎焦糖小米糕 $48呢2款點心反而好食，甜品類，叉燒餐包外面微脆，內夠熱，小米糕甜度岩岩好，好有口感，夠特別

第一次寫食評，呢間野d野食係可以，但服務態度超差，食完飯搵人加水，那個黑色衫的經理，黑口黑面，俾晒面色，好副氣咁話好呀，神情兇惡，大佬咩事呀食餐咁貴的飯都要受氣，咩野服務態度