念月樓

營業中

休息中

之前同屋企人為咗慶祝母親節，選擇咗呢間中菜廳去飲茶，午市要限時90分鐘，都好少遇到飲茶係要限時。地方都算闊落，衛生狀態良好。食物嘅選擇非常多，令人眼花撩亂，詳細可以參考我附送嘅菜單。我哋一家叫咗好多好多嘅食物，包括牛柏葉、燒賣、蝦餃、牛肉球、芝麻卷、腸粉、菜心、鳳爪、銀針粉、福建炒飯、豆腐花等等，賣相可以參考我附送嘅圖片，總括嚟講味道都算唔錯，尤其係個銀針粉，非常惹味。美中不足嘅地方係有啲員工態度欠佳，而且限時亦都令人有啲匆忙嘅感覺，尤其係有員工，因為用膳時間即將到達而拒絕加單。我明白限時係一早講定嘅規矩，但係我離開餐廳嘅時候其實我見到附近起碼有六張空枱，令到我覺得係咪有需要咁強硬去執行限時。九個人總共食咗超過$2500，每位接近$300，淨係茶錢都每位$20 ，作為咁貴價嘅飲茶地方，服務態度應該要更加良好。係香港經濟咁嘅狀態下，咁嘅服務態度，只能說希望呢間餐廳自求多福。

好：環境新、擺設新差：員工服務、食物質素尤如屋村酒樓，但你收我屋村一倍價錢，一啲都唔值！ 我即刻search 你地咩呢間係咩集團，有咁多唔靚食肆，但服務都唔求其！一定唔再黎！少一間得一間，唔好左住商場開間正常食肆，阻住我哋耒揀好既地方食飯！Eg 1 求其態度- 明明4人枱好大（比一般食肆闊落，當時只坐3人，張台只有3件點心，放菜既阿姐將第4件點心求其放台角邊位？係唔係咁忙呀，行大步啲放中間都唔得。你好趕時間？你走時，從容不迫、唔覺你急趕….. 即刻講「可以放入啲嗎」，職員：「你自己放」，轉身就走？一份牛柏葉都$65-70，做野求其到同屋村一樣！！Eg2 新鮮一蒸出嚟嘅雪山叉燒包，完全唔會覺得熱、（如果唔係冰凍都可以叫做室溫既話手，呢個係室溫囉！一放上枱就食都竟然唔會覺得熱，一個蒸包可以咁「熱」，你舖頭真係Number one! 一流呀，你認第二，冇人認第一！Eg3高級食肆啲食物拎出黎放我枱枱角，唔拎tray, 我枱角比你整到一大達嘢 污糟嘢、立痴痴、個底污糟邋遢整污糟張枱，我坐左一陣都食二、三碟小食，本來去一間decent 既餐廳食午餐，食服務，你員工求求其其，乜鬼mood 都冇哂！E

🐑杏汁白肺湯，唔得，好淡味，冇乜杏味，又毫無肉味，淡如水，係我喺香港飲過最差、最差、最差嘅杏汁白肺湯。🐑夫妻肺片，豬脷同金錢肚，鹵過後再用麻辣醬涼拌，鹵得夠入味，麻辣醬唔係好辣嗰隻，但勝在夠清爽。🐑蔥油雞，其實係炸子雞加蔥油，炸子雞炸得好好，皮脆肉嫩，連雞胸都好嫩滑，蔥油夠晒香，非常好。🐑水煮魚，個汁夠辣夠麻，但比起川川嚟講就爭咁少少香氣，桂花魚片新鮮嫩滑，竹筍、花生苗、薯粉、青瓜索汁幾好，竹筍尤其一流，鴨血來貨就差啲，不過其實成個Lubuds集團嘅鴨血都係唔好食嘅，換過個Source佢啦，拜托🙏🏻🐑炸蟹鉗，幾有彈性，蝦肉都係新鮮，都算炸得都算唔錯，唯一就係可以畀多兩粒鹽調調味就更好。

星期四下午飲茶，一去到就話只有個半鐘，時間到咗不停催促，服務態度不太好，如果想坐耐啲同朋友傾偈，最好唔好揀大圍圍方的念月樓。食物其實OK，五個人食咗$1300 ，叫了幾個點心，粉絲雜菜煲，杏汁燉白肺湯窩，四川擔擔麵和招牌焗豬扒飯；咁嘅價錢，其實可以俾客人坐夠兩個鐘，因為餐廳三份一嘅位都係空嘅，啲夥計又唔係好醒目，咁多空位都叫客人走，佢話公司叫到冇辦法。其實餐廳有多啲人坐，有人氣，出邊啲人自然會入嚟，平日仲有很多空枱，餐廳的管理層真係要反省一下。

今日同屋企人一齊去完車公廟，就過黎圍方行下街，食個 lunch，揀咗呢間飲茶。我地一行7人，侍應比咗個角落位置我地，相對比較寬敞同埋安靜，唔錯！唯一唔夠好既係4隻枱腳會頂腳，唯有我地做後生既就幫手坐d無咁舒適既位置啦入到黎見到d濕紙巾包裝袋，先知呢間原來係 LUBUDS 集團，咁質素應該都有保證既。呢間價錢一d都唔平，差不多係酒店中菜既點心價錢。總類都好多，而且唔係d創意料理，鍾意正正經經飲茶的應該會覺得滿意既。廚部（包括炒飯麵）就要11點後先有，11點前主力只做點心我地咁多人，都叫咗好多點心，其中一樣我最鍾意既就係牛肉球，個牛肉味同埋個彈牙既質地會令你食得出佢落足料小籠包中規中矩啦，始終呢度唔係主打食上海菜燒賣呢，我估佢將d蝦肉打埋，同豬肉又夾埋，所以你唔會見到一隻隻蝦，但又食到蝦同埋豬肉既味，唔錯！XO 醬腸粉係老公既摯愛，呢間都整得幾惹味，唔會好辣，小朋友都食到阿女最鍾意呢個雪山义燒包起初見佢個樣白雪雪，好似唔係好烘過咁，覺得唔係好吸引，點知食落係外脆內軟，熱騰騰既包其實好難難食，而佢包入面肉同醬既比例好好，味道亦都好夾，呢個算係出色既炸野都做得唔錯，呢個蘿蔔絲酥餅唔會好油，不過

念月樓位於圍方商場2樓，集嶄新粵菜、川菜及高水準中式點心於一身，裝潢古雅，環境舒適，也有包廂設計，滿足不同客人需要，無論家庭聚會及宴請都適合不過。🔸脆皮蔥油雞（半隻）$298作爲餐廳招牌菜之一當然要一試🐓呈金黃色的外皮，口感酥脆，內裡雞肉鮮嫩多汁🙂‍↕️蔥油的香氣濃郁，與雞肉的鮮美互相襯托，帶來豐富的風味，每一口都充滿了滿足感。🔸蒜泥白肉 $128白肉片薄且嫩滑，内裏包著一片薄薄的青瓜🥒搭配新鮮蒜蓉磨成的蒜泥🧄蒜泥醬汁的濃郁香氣與白肉及青瓜的清淡味道相互融合，口感豐富且有層次🔸蠔仔肉碎泡脆米飯 $198蠔仔份量十足，每隻都大大隻脹卜卜🦪咬落鮮嫩多汁，肉碎與泡飯吸盡湯底精華，再加上脆卜卜的脆米🤤味道豐富濃郁，份量亦絕對足夠分成6碗。🔸生磨日本芝麻卷 $55芝麻卷外皮柔軟且帶有彈性🖤內裏細膩濃郁，每一口都能感受到芝麻的滑順口感外層再灑滿芝麻，帶來雙重的芝麻滋味

今日到訪一間特色中菜，餐廳嘅環境摩登別緻，座位寬闊舒適，而且感覺安靜。萵筍10分新鮮口感清爽，而且拌上香口嘅麻油味，味道唔錯，感覺輕盈。海鮮豆腐湯嘅味道都唔錯，但沒有腥味，而且十分足料，每一口都有旦花、豆腐、蝦仁等等。木耳白合炒露筍真可口！木耳口感爽滑無怪味，白合清甜，再配上去皮的露筍，整道菜既清新，素而不寡，不錯。炸子雞炸得不油膩，份量十足，炸得又脆又juicy, 雞有雞味，加上炸雞皮很薄脆和嫩口的雞肉，不錯！

圍方飲茶裝修優雅舒服 環境寬敞點心質素不錯 而且服務都幾好!🌟蜜汁黑毛豬叉燒包蒸得夠晒熱辣辣包身質感軟糯內餡用上肥瘦適中既黑毛豬肉 油花豐富入口即化且肉味香濃💯🌟韮黃鮮蝦腸粉腸粉皮夠薄 晶瑩剔透 口感嫩滑包裹住爽彈大蝦 加上韭黃更香口🌟大根蘿蔔絲酥餅好考功藝既傳統點心之一表皮酥脆 內裏綿密且帶清甜既蘿蔔絲入口鬆化不油膩🥕🌟原籠黑糖馬拉糕顏色金黃既馬拉糕外型挺身 口感鬆軟帶黑糖焦香味😋🌟高湯蟹肉灌湯餃高湯味道濃郁鮮甜灌湯餃餡料十足 加上蟹肉更提鮮👍🏻

飲茶是不少人假日喜愛的活動，我們也不例外，趁著放假，約了家人到大圍「念月樓」飲茶，相聚一起。😋是日選擇：1️⃣芙蓉海鮮芋茸盒🍽外皮金黃酥脆，芋茸柔滑、細膩，帶有淡淡芋香。2️⃣鮮露筍蝦餃皇🍽皮厚度適中，內裡包著新鮮的蝦，清脆露筍，不錯！3️⃣上湯杞子鮮竹卷🍽上湯清徹，鮮竹卷內餡滿滿，湯底很提味。4️⃣鮮肉濃湯小籠包🍽熱辣辣，湯汁如可多一點更美味。5️⃣四川擔擔麵🍽麵條彈性十足，湯頭味道濃，香氣四溢。6️⃣椰糖脆脆卷🍽咬下去有清脆的聲音，味道不過於甜膩。

平時得閒會約阿爸阿媽飲茶🫖 今次在圍方行街，一於試念月樓 - 望月樓的同系酒樓，質素有保證。第一次食，試左七款點心，整體來講精緻高質，長輩們話全部都好味！我覺得點心夠新鮮，皮薄涵靚，最重要唔似好多酒樓好迫，我地坐得舒服啲開心啲 🙂 下次可以約食晚餐小菜🥢 雪山叉燒焗餐包(推𡯂！）🥢 鮮肉濃湯湯小籠包 - 正常🥢 明爐香茜叉燒腸粉 - 份量多🥢 蟹籽豚肉燒賣皇 （好足料！）🥢 上湯杞子鮮竹卷 - 幾特別🥢 鮮竹牛肉球- 啖啖肉🥢 豉汁醬王燕鳳爪 - 好多隻喎

嚟到新開既圍方商場, 發現入面有一間空間幾闊落, 坐得又舒服既粵菜, 叫咗佢地幾款野食, 味道都非常唔錯, 尤其係招牌既脆皮蔥油雞.🍽️ 蒜泥白肉 $128蒜香濃厚, 中間仲有山藥做點綴, 五花肉既厚薄剛好, 加上辣香、咸香, 入口做到蒜泥白肉應有肥而不膩既特點.🍽️ 脆皮蔥油雞（半隻） $298寫住係招牌菜, 所以特登叫嚟試下, 果然外皮油光十足, 十分脆口, 而內裡雞肉肉質嫩滑, 做到外脆內軟, 入口亦食到明顯既蔥油香味.🍽️ 蠔仔肉碎泡脆米飯 $178呢個我同屋企人都一致好評, 因為份量夠大又足料, 一大鍋泡飯入面盛載住粒粒飽滿既蠔仔同肉碎, 再加埋脆米, 令口感更豐富.🍽️ 熗炒土豆絲 $108土豆絲炒得爽脆, 食落索索聲, 唔會糊化, 而且加咗辣椒一齊炒, 所以有香辣味道, 令整個餸菜更惹味.

由定枱到食飯全個體驗都很好, 門口女經理特別一讚, 又快又醒.見到同行有老人家，會安排冷氣機 無咁大風的位置。 出街食飯主要睇用餐體驗. 這間餐廳很好, 菜品都好味（ 食過2 次only ）等位時間不會太長. 上次來主要因為樓上餐廳排長龍, 才試到這家. 下次會再來, 希望水準保持！

叫咗個四人晚餐，食完前菜同湯之後等咗成個幾鐘都冇嘢食，催幾次單都冇反應，只係敷衍話條魚要耐啲，又話有嘢搞錯。我地話咁先上之後啲炒菜同炒飯啦，都係冇反應 。最後等到唔耐煩諗住走先捧出嚟 。仲要成間餐廳一啲都唔爆，係平日夜晚 。千祈唔好嚟，又唔係特別好食又唔抵，貼錢買難受 。🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬

今次係第二次食雖然啲碗碟唔同咗，但係依然精緻，擔擔面好爽口糯米飯都幾香口，粒粒分明，唔會太油膩。冬天食係有少少溫暖。呢碟魚係最鍾意食一碟，充滿膠質。有好多好抵食又好味。壽包第一次食，入邊有鹹蛋黃👏

食物一般，無大突破，服務員服務非常一般，態度又差。還要限時進食，到時后不停催你走，不管你食完未也好，並非一個值得再回去的食肆，太令人失望了。。。。。。。。。。。