快樂小羊火鍋料理 (銅鑼灣廣場一期)

營業中

休息中

第一次來覺得羊肉新鮮，客人不多，餐廳寬敞，因此今日第二次幫襯。估唔到手打蝦丸碟裡有一隻活🪳，嚇到我們，服務阿姐眼疾手快徒手抓走，跟住就一聲Sorry都冇，見我們沒有發難就扮冇事發生。另外，所謂午餐68折，說折了，其實感覺不到，因為鍋底茶水服務費和牛等等項目通通不計，感覺是騙人的68折。你話我會唔會再幫襯？

食過旺角分店一次，覺得快樂小羊啲湯底好濃郁，啲野食烚完都唔洗點醬汁，一坐底即時叫左大鍋辣湯，職員好快手就上左湯底。由於太肚餓，食食下先記得影相📸️芒果沙冰，夏天打邊爐一定要配凍飲，唔太飲得出有芒果味，糖水味偏多。蒙式烤串，羊肉串燒得剛剛好，好嘢味。凍豆腐，好大碟，有豆腐味，最正係吸晒啲湯汁。鬼馬墨魚滑，將墨魚滑鋪咗喺油炸鬼上面，仲加左啲魚子，墨魚滑彈牙，但唔夠多，俾油炸鬼搶左味。鴨血，同麻辣火鍋不嬲都係最夾，咬落去唔鬆散。美國牛肩胛，份量好多，厚切，建議唔好烚太耐，有啲靭，有幾塊有啲筋，唔係好咬到，有啲失望。自製土豆粉，食打邊爐最後一定要落個麵埋尾，吸晒啲湯汁，麻麻辣辣好爽，食左兩大碗。職員好貼心幫我哋埋咗單先，所以可以有優惠，當然我哋本身都食得7788

假日好友相約了我們到位於銅鑼灣廣場一期的{{快樂小羊}}來個吃貨聚會！一行四人預約了窗邊梳化位置，座位寬闊舒適，並以QRscan菜單，十分方便。可能大家都是第一餐吧！瘋狂的點菜，快樂的飲飲飲轉眼整張枱被放滿了！起初我對大家也有點懷疑是否可以清枱吃完…最後我知道這個想法是多餘的XD除了大大份量的牛羊拼盤必點之外，不要走漏{{快樂小羊}}的熟食啊~它們的蒙式烤羊串、蒙式羊棒骨也相當惹味即點即烤…熱辣辣的…再加杯凍冰冰啤酒…還有金蒜燒廣島蠔…不要錯過！不要錯過！不要錯過！而象拔蚌刺身…鮮甜爽口，每塊都是厚切的…最重要它夠冰凍.-----------------------------------------是日︰大家都開開心心的前來；快快樂樂的離開。大滿足超果腹吃貨們出動吧！

提早左一晚慶祝父親節。火鍋係父親大人至愛，加上朋友俾左幾張優惠券我重大力推介，所以揀左黎到呢間快樂小羊打邊爐。估唔到呢間火鍋店環境咁闊落，我地六個人被安排坐係窗邊卡位，好舒適。用手機點餐，叫到成枱都係，好豐盛。湯底揀左麻辣加蕃茄，有辣有唔辣，任君選擇。 首先梗係叫個羊羊大拼盤打個卡先啦，大大盤，賣相靚，份量足，影相一流👍🏻麻辣湯好香，但無我預期咁辣，好易入口。用黎沾油條，煮凍豆腐，鸭血，毛肚，土豆粉…一流呀！至於個蕃茄湯就啱哂小朋友，好濃郁，好似飲梗西式蕃茄濃湯咁👍🏻用黎煮烏冬，小朋友食左兩大碗🤣叫左好多配料不能盡錄，其中鬼馬墨魚滑幾得意，墨魚滑釀落油炸鬼度，煮佢耐啲，索哂啲湯汁，勁正。另外，叫左個烤羊小排，都係朋友推介，好惹味，啱哂老爸送酒👍🏻

標榜原汁原味，不蘸醬料吃羊肉而吃出其鮮味。以麻辣湯及藥膳湯作主打，兩者均以老雞、牛棒骨、枸杞、紅棗等36種配料熬製6小時。並選用蒙古直送走地羊，多款部位均可選擇。 餐廳座位寬闊，空氣流通非常好，鐘意食涮羊肉的大家，真係不可以錯過食物方面:快樂吉祥三寶: : 三寶是黃金羊王、美國牛小排、西班牙黑毛豬，三寶底部設有乾冰，職員倒入水後，煙霧散發，賣相吸睛羊羊大拼盤 : 可以試三種唔同部位的羊肉，肉質嫩滑，有肥有瘦，特別推介草原臻選大片羊，最有羊味快樂涮涮牛舌 : ，中間用牛舌拼出一個玫瑰花，再用牛舌圍成一個花環，賣相非常吸睛，牛舌輕輕一涮爽口彈牙蒙式烤串 : 串燒用鐵板上菜，羊肉烤得香口，孜然味重，非常惹味蒙式羊小排 : 羊小排烤得外脆肉嫩，骨上帶上少少脂肪，少少肥又有肉味，口感不錯手工滑三拼 : 有蝦滑、墨魚滑、羊肉滑，三種手工湯都非常新鮮，爽口彈牙Ours Tips : 經 openrice 訂坐仲有不同優惠，千祈唔好錯過

关于母亲节带我妈去搓一顿，首选永远不会出错的快乐小羊～-✨双人午市套餐💰688锅底选择清汤➕麻辣！清汤真的一定要试试，汤都特别鲜好好喝😌😌—包克图牛羊涮：牛羊肉拼盘，分量大！两个人吃的简直不要太满足，😍😍我比较喜欢吃羊肉，带点油脂，太香了—蒙式羊棒骨：带我和我妈👩🏼一口回到去甘肃旅游的时光，很香，啃的很爽😋—鬼马墨魚滑：很新奇！😌油条上塞了墨鱼滑，顶部沾满了蟹籽，口感丰富🥳，一定要下清汤锅，不然油条很吸油的—脆爽鮮毛肚—鸭血—自制士豆粉：弹牙劲道爽滑🤤—响铃：火锅必点—生菜—酸梅湯：不像粉兑出来的，好喝👍🏻✨蒙士烤羊串💰28为什么点了套餐我还会点这个？！因为真的太好吃了！！！每回必点🥰🥰像新疆羊肉串，肥瘦相间，馋哭了-店铺面积很大，每桌距离远很安全！‼️优惠（套餐无额外折扣）食满$300送$100优惠券午市6⃣️8⃣️折（11:00-17:00）晚市8⃣️5⃣️折(17:00-21:30)宵夜7⃣️折(9:30-11:30)外卖自取7⃣️折

😆with the $200 coupon, went for a hotpot again. Quite enjoy hotpot at different branches here as the food arrive reasonably quick. The meat was always nice and the rest of the ingredients were also fresh. If you have a few friends, it would be a perfect place to catch up and eat. Went at 6ish on a weekday and the place was already filling up. 👍🏻Ordered the assorted meats (with pork, lamb and beef). All of them tasted really good and flavourful. The beef particularly just melts in your mouth. Hig

依排好似有1700前離座就68折嘅discount，所以搵咗朋友兩個人一齊去食. 佢所有食物都好大份😂杯荔枝梳打大過塊面😂😂我同frd完全冇expect過，初頭都有驚過自己會食唔曬🤣可以揀兩個湯底，我哋就嗌咗麻辣同清湯。感覺佢哋湯底本身已經夠味，唔洗再自己加任何嘢調味. 佢哋嘅羊肉串肉質鮮嫩，孜然味好濃，如果話只可以嗌一樣嘢，一定會揀翻呢樣！芝心丸都好味，嗌油條都會有驚喜！就算for下午茶都正的！

呢兩日天氣下降，趁着聖誕假期最後一天，同屋企人一齊出嚟圍爐取暖，因為大家都鍾意食羊，自然又會諗起「快樂小羊」，以往都係去開旺角店，今次專登過嚟銅鑼灣店試吓😋旺角店裝修俾人嘅感覺，就好似返咗國內嘅火鍋店一樣，而銅鑼灣店裝修摩登一點，整體環境俾人覺得時尚、舒服、寛敞及乾淨整潔嘅感覺，四人卡位非常寛敞，最特別呢度啲包房係每人一鍋設計，非常適合朋友或家人聚會👍到「快樂小羊」例牌都要食烤羊吋，羊肉肥瘦適中即叫即烤，邊食邊傾邊飲啤酒，真係唔經唔覺就食咗好幾串😂其他火鍋配料有必食嘅羊肉卷、凍豆腐、鮮羊肉滑、蝦滑、墨魚滑、毛肚、韭菜餃等等，每樣食物同旺角店一樣新鮮好味，保持水準👍

What’s better than a hotpot on a winter day? A lamb hotpot!! Lamb is always the saviour in cold days. It warms you from stomach to heart. This lamb hotpot speciality is the right place.Tried two different platters, one standard roll and one with various premier cuts. I would say the regular one would actually be enough to do the job 😉 I also ordered some lamb grill since the fragrance from the next table was too tempting. Both the skewer and the bone were just alright. Can skip to save some quot

朋友介紹我嚟呢度試，環境的確唔錯。不過唔係任食都有限時（兩小時）,三兩知己都夠時間嘅，但係一大班朋友就趕啲！佢嘅座位好寬闊，枱與枱距離亦都遠，所以係坐得舒服。不過主打食羊，難免會有一陣陣的羊味我哋揀咗牛肩胛$178。兩個人食夠晒！酸辣湯底加清湯底（感覺有少少偏鹹）呢個雙拼丸$119，蝦丸拼墨魚丸，好食！夠彈牙，新鮮！冰豆腐就咁個普通！後面嗰個韭菜餃得！青檸梳打酸酸地，夠消滯醒胃！聖子， $68 一隻，新鮮彈牙帶子， $58 一隻，就普通皇帝菜不用介紹吧總括來講，環境同埋食物質素都OK。整體是合格的，加湯收碟都人手足夠。雖然話有八五折，但係茶錢$36一位！其實都係返度。同埋佢係冇太多醬油嘅選擇，只係有辣同唔辣既豉油不過唔會覺得勁抵食，但係佢都「全院滿座！」

「羊 全部都係羊？」💋💋💋💋Address: 快樂小羊火鍋料理 (銅鑼灣廣場) (銅鑼灣)銅鑼灣軒尼詩道489號銅鑼灣廣場一期4樓💋💋💋💋自從小肥羊執咗，我哋一班牧羊人心掛掛，今日凍凍地，嚟到快樂小羊過下癮先！基於朋友有優惠券，食三百減一百，只係唔包火鍋底，酒，飲品同和牛，其實都可以使用優惠卷，仲要係幾多張都得，咁你問張卷點嚟？咪就係你食完再俾咁嘅無限loop消費心態囉！食物高質，環境同服務都係中上，我哋五人食，每人只係$267，抵到要直樹母指！👍是日推介餐單：快樂羊羊大拼盤❤️❤️❤️❤️❤️❤️❤️性感指數💋💋💋/5

因為是家鄉美食，所以推薦過很多人到這家，但是今天被勸退了，銅鑼灣這家店門口接待服務態度超級差，別人都是好心情出來吃飯，結果在門口就被態度超級不好的對待，如果心情這麽不好就不要出來工作好了

訂左8點，星期五晚冇訂位的walk in客人，基本上得一枱客人幸運地等到入座。我地4人被安排坐大圓枱，要指定叫三味鍋，我地揀左麻辣，清湯，酸辣。注意：哩度打邊爐冇醬料提供架，主打食原汁原味。自己scan QR code用電話落單方便簡單，上菜速度好快。快樂吉祥三寶（黃金羊王+美國牛小排+西班牙黑毛豬）一心係諗住豬牛羊一次過試晒所以叫哩款，完全唔知黎到會係咁大碟🙈🙈🙈三款肉都好腍，個人建議牛配麻辣湯，豬配酸辣湯，羊配清湯味道最夾，羊羶味濃！快樂丸滑拼盤（墨魚滑，羊肉滑，蝦丸，墨丸，羊肉丸）今次反而羊肉類比較失色，不過拼盤份量又係意想不到的多。全部都好爽口彈牙不過食唔晒。重點推介 必食‼️‼️第三次黎食，每次必點的2款菜：蒙式烤羊排羊排上灑滿左芝麻，醬料好入味，每一啖都食到羊脂肪所以每人食2條都已經好夠，肉質好腍帶有濃郁羊羶味。蒙式烤串（$26一串）串燒用鐵板上菜的時候仲有吱吱渣渣聲，店員都話要襯熱食！燒得比羊排香口，孜然味亦都較為重，好上癮！自製土豆粉比薯粉更好味更易吸收湯汁，唔會好韌，配酸辣湯超好味😋8點後有八折非常抵食！但細食的人可能試唔到太多野，最好一班朋友黎食啦。

銅鑼灣嘅快樂小羊火鍋，食咗係咪會快樂啲🤣聽講佢嘅味道好正宗，尤其係麻辣湯底，一於去試吓。行到門口已經聞到好大嘅火鍋味，就係十年前返大陸食小肥羊嘅味，一模一樣🤣呢間舖頭裝修得幾好，環境好舒服，位置好闊落，亦都好乾淨，一d都唔會油浸浸。我哋兩個人，當然會叫鴛鴦鍋（價錢好似係128），有辣有唔辣先正，因為喂口大，所以叫咗三碟肉，一碟牛加兩碟羊。一碟係快樂卷，148一份，一份係太陽卷，178一份，牛幾錢就唔記得喇，都係一百幾左右。三碟肉份量都幾足，而且都幾靚，味道亦唔錯。羊就簿身d嘅，牛就大塊d，啖啖肉都幾正。雖然餐廳主打食羊，但我始終鍾意食牛多啲。餐廳最正係除咗肉之外，好多嘢可以叫半份，就算2個人去食都可以食好多嘢。而且而家lunch time有6折，折扣都算多，折完之後仲抵食。