忠誠茶座泰國菜

營業中

休息中

大熱天時 出面等左成個鐘 終於等到我地 叫我地入去餐廳等 入到去又企左10分鐘 明明清好枱 都吾叫人坐低 問左幾次 個門口女待應燥底鬧人 好似失控 吾想做生意咁 全餐廳望住佢 依間餐廳係咁樣對客人既

由大埔墟踩🚲去大美督，順便食個Lunch先，見到有幾間泰國菜，而呢間最多人食咁，就揀呢間喇，人多嘅餐廳實無死嘅，同埋價錢都合理🤭今次叫左4樣野食喇，1)柚子沙律---上到黎嘅時候同我想象嘅唔一樣，同埋都比較細份。我嘅想象係柚子碎加埋酸酸辣辣嘅泰國醬汁，應該幾開胃嘅；但係呢個柚子沙律係用偏甜嘅醬汁去撈，柚子都一大粒咁，慶幸柚子夠新鮮夠甜同多汁嘅，但係就係因為咁就甜上加甜，有d漏，我就覺得一般般。2）泰式薄餅---店員問要焗定要煎，我就揀左焗，上到黎都幾靚，一串有8件。焗餅酥脆唔油膩，配埋紅咖喱一齊食，真係好正🤤3）紅咖喱（雞）---呢個都幾好食，甜甜辣辣咁，味道啱啱好，唔會太濃，辣度唔高，對我黎講只係微微辣，雞肉量都幾多下而且唔鞋，都幾滑嘅，d配菜都幾好食，值得推薦👍4）香辣辣椒炒肉碎---呢個量都幾足嘅，不過就偏鹹，辣度就比紅咖喱辣少少，要配白飯一齊食

🍔食物質素：👍🏻👍🏻👍🏻👍🏻💵價錢性價：👍🏻👍🏻👍🏻👍🏻📸打卡指數： 👍🏻👍🏻🪑環境衛生：   👍🏻👍🏻👍🏻🤵🏻店員服務：  👍🏻👍🏻👍🏻👍🏻今日晏就去左龍尾灘散下步，當然要係附近食下泰國菜，童年回憶經常黎依到踩單車，之後黎依到食午餐，因為忠誠茶座除左泰國菜，仲會有普通茶記野食。想知道又靚又好玩地方? fai.lok.mode會係社交平台分享相片同攝影心得。 ______________________________烤豬頸肉 ( $102 )豬頸肉都好多塊下，烤我好野味，蜜汁燒好濃蜜糖味，蜜糖係一層燒乾左再加個種濃味，feel 到好有心機，一百蚊有啲唔捨得點，不過真係好好食。醃無骨雞腳 ( $85 )睇落細細碟，但菜唔多，原來好多雞腳好抵食，食落唔覺辣，之後啲辣味先慢慢出黎，雞腳好爽口，又開胃。蝦醬炒飯  ( $72 )啲蛋就無咩味，純粹拎個口感，食飯就蝦醬好濃味，蛋,飯,肉鬆撈埋一齊，又係幾夾下。芒果黑糯米芒果唔酸好好食，黑糯米煮得口感岩岩好，係份量少左啲。椰青椰青雪左凍冰冰，清甜正!

究竟有多想吃咖喱炒蟹才會一個人也去吃呀😂今晚真的特別想吃也懶得約人就自己直接衝去吃了🙈第二天開放晚市堂食餐廳里也挺多人的大部份也是一家人或者一對情侶我自己點了一個咖喱炒蟹好像有點怪😂本來想點一個蒜蓉包來沾咖喱吃的但是看見這個串串餅好像也挺好吃的就點來試試了咖喱炒蟹和串串餅很快就上來了我覺得它的名字應該叫脆脆餅才對呀一口咬下去酥脆酥脆的沾著咖喱汁吃真的是神組合❤️是不是太久沒有外出吃飯呢？感覺咖喱汁咸了一點蟹很新鮮也很大只這個價錢不算貴呀很快蟹和餅餅給我一個人K.O.了🫢$366買了一頓滿足✨

After our bike journey from Sha Tin, we proceeded to the Thai Restaurant in Tai Mei Tuk. The restaurant has plenty of seating and the food is delicious.Pad Thai, Papaya Salad, Curry Mussels, and Butter Naan were among the dishes we ordered. All of the dishes are delicious, and the portions are large. We loved the Mussels since this restaurant knows how to make a delicious curry. (not very salty, not overly watery) The restaurant staff was also quite helpful, as we opted to amend our order (we or

講到大美督既泰國菜第一時間都會諗起呢間，由中學年代食到而家😂😂（5分為滿分：🌕）味道：🌕🌕🌕🌗🌑串串餅($48)呢個外型好特別，一枝桔起曬8舊脆卜卜既薄餅，基本上係必嗌既菜式🤨素春卷($62)送上枱個陣係脆卜卜既，炸物黎講只有係脆既已經加左唔少分🤣雞肉串燒($72)呢個係全晚最出sick🤤🤤🤤雞肉燒到勁juicy，食到Lam Lam脷👅點埋特製醫汁再加分🥰菠蘿海鮮炒飯($108)份量非常多，味道正常發揮不太特別👌🏻甜品拼盤 4-6人($108)諗唔到叫咩就直接叫呢個🤣大路既芒果糯米飯同椰汁糕都好食，但係有啲糕係不知名物體🤣🙉味道當然就..🌝價錢：🌕🌕🌕🌗🌑唔算太貴，人均消費150-200左右服務：🌕🌖🌑🌑🌑呢間成日都好多人食，所以啲姐姐都好忙，都未必可以好快理到大家🤣交通：🌕🌕🌕🌗🌑位於大美督咪錶場附近，揸車黎都算方便，但都要睇下運氣，我地個日都等左15分鐘🥲踩單車一日遊既朋友踩到攰又可以黎到呢到補充體力💪🏻🚴🏻‍♂️環境：🌕🌕🌗🌑🌑枱同枱之間少少逼，同當晚食都幾多蚊滋仔飛黎飛起，要不時fing 手趕走佢地🤣

今日幫襯咗大美督忠誠，本來想食佢喺入d嗰間盆菜，可惜最細都要5人份量，食唔晒，於是就去食佢哋同名嘅泰國餐廳。星期六竟然有下午茶餐，又竟然唔洗排隊等位，似乎疫情之下人人自危。叫了泰式炒金邊粉同泰式魚露雞湯麵。炒金邊粉就不過不失啦，都炒得乾身，係唔係幾夠香，d蝦喺雪藏貨黎講都算新鮮。碗魚露雞湯鹽嘅雞又有驚喜喎，d雞煮得幾滑，個湯落咗魚露之後又真係幾香。整體味道都ok，不過價錢道比出面高少少，假日feel嘅嘢都係要比extra錢嘅。

疫情下週末就算出門都想去郊外，早前襯星期日就去咗大美督🚴🏼‍♂️個邊都有幾間泰國菜，見呢間都幾受歡迎就試下佢🕺🏻💭炒泰國金邊粉($88)大份得黎又幾足料，蝦、蛋、芽菜等配粒又夠多😋食落唔會好寡，滿意👌🏻💭鑊仔青咖喱青衣柳($108）呢個好有特色😍會連鍋上🥘青咖喱唔算好辣，魚柳又有好多舊🐟真係好抵食，必試👍🏻💭串串餅($48)串串餅好特別，脆卜卜，最岩點咖喱😉一份有成8件，同人share食就岩哂啦👯‍♀️💭串燒沙爹雞肉($72)一份4串，肉質嫩滑，醬汁就係平時泰式串燒沙爹醬，略貴🤏🏻份量方面，叫左4樣兩個人食真係好飽，但係個環境好舒服🏖又好多座位，去到大美督不妨試試

今晚原本約咗朋友去大美督食晚飯，入到去至知訂枱被cancel,so sad 😔 一路行番去巴士站，經過好多餐廳選擇，求其行入一間，叫忠誠茶座，係食泰菜，睇咗餐牌見價錢唔算貴，又免收10%服務費，就坐低食。醃肉生菜包（豬）$88飛天通菜$82青咖喱雞肉$78泰式煎薄餅$48醃豬肉生菜包，豬肉碎味道唔錯，微辣，但唔夠香；用西生菜包夠晒爽👏通菜比豬肉碎辣及濃味，炒得青翠，賣相唔錯😄青咖喱雞肉，覺得比較遜色，咖喱唔夠香又唔夠辣，水水咁，切得薄薄的雞肉，咬落冇口感🤷🏻‍♀️仲有啲嚡🤦🏻‍♀️泰式薄餅同印度薄餅好相似，酥酥脆，幾好食😋喺大美督呢度，佢嘅價錢唔算貴，不過份量亦唔多，味道偏鹹偏辣，整體中規中矩，勝在地方大，坐得舒適👍

每一次揸完車經過大美督都會到忠誠茶座食泰國菜！位置都好寬敞，我都比較鍾意佢哋煮嘅泰國菜！每一次必點都係招牌豬手，大大隻，入味，軟滑入口！辣肉碎炒飯，非常鹹香好味，食完再想食。炸蝦餅，餐廳都係用新鮮嘅蝦去炸，香酥入味。海鮮炒金邊粉，用咗粗嘅金邊粉去炒，非常入味，豉油濃郁，每一個海鮮都佔有新鮮味道。鹹魚炒芥蘭苗，鹹魚非常之鮮香，配上新鮮嘅芥蘭苗，鹹香可口生牛肉，呢一道菜係最正，牛肉以五成熟，再配上牛肉汁，濃濃嘅牛肉味，諗起都想食

第一次食呢間野 差到我要上黎比劣評真係第一次 訂位個時個人已經態度差 6點食講幾次要7點半還枱 趕住轉枱都唔洗講幾次呀 好等錢洗咩入到去 又無人招呼 啲野黎到全部都好細碟 全部都小菜咁 冬陰功酸到hihi 炒通菜辣到傻 炒貴刁咸到死 仲要炒吾勻 有一pet 白色嘅粉 係得個咖哩叫正常啲 最嬲係個個碳燒豬頸肉 根本就蠟肉加劣質叉燒 又油 見到就唔想食 仲要收102 燒味檔叉燒都好食過佢 真係未試過食泰國菜差到咁 以後都唔會再食 你地都唔好試啦 旁邊個啲一定好食過佢

早幾日，一家大細下午喺大尾督踩完單車後，晚上就去左忠誠茶座食泰國菜。入座嘅時候，大約係6：15，茶座唔算好多人，我哋揀左喺靠路邊嘅枱坐低，因為疫情關係，需要分開兩張枱。坐低後，睇下個餐牌，菜式都好多選擇，圖文並茂，十分清晰。我哋一共點左八個菜，而上菜時間亦十分有效率。其中，燒豬頸肉、生菜包和原隻菠蘿炒飯下次可以再食，因為真係真心好食直得一提，原隻菠蘿炒飯足料，飯炒得香，夠曬火候。有好味嘅菜式，當然亦會有需要改善嘅菜式，就係咖哩軟殼蟹，呢個咖哩軟殼蟹真係大跌眼鏡，因為咖哩還咖哩一碗，炸軟殼蟹還炸軟殼蟹一碟，而唔係將兩者炒埋一齊，好難入味。食左八個菜，埋單都係700幾蚊，算係幾抵食，有機會再入大尾督嘅時候，一定會再黎食過

朋友約飯，特登帶左我去大尾篤這間的泰國菜，基本沒有令我失望。Pros: 改良左的泰國菜，最好味系個咖喱，加左滑蛋，非常正。另外個特色古法鷄的調味做得好好，十分惹味。泰式甜品亦十分特別，我還是第一次系甜品中吃到木薯，老闆做嘢果然系不斷創新。聽老闆介紹所有菜中的檸檬汁都係新鮮製造，吃落的確感覺不同。Cons: 價錢稍貴，個冬蔭功湯很正宗但份量不大。個軟殼蟹炸過龍太硬，希望只係一時失手。多年老字號，感覺到有用心，值得一試。

到大尾篤賞月，索性到忠誠菜座做節，每次光顧到都沒有令我們失望。今次叫了招牌原隻菠蘿炒海鮮飯，每次我們都會點這個菜，大大件的海鮮，菠蘿炒飯面的滿滿肉鬆，以及入面精髓的提子乾，大人細路都至少要食一碗打底。再有炒泰國金邊粉，今次可能是近佳節，發覺炒得不夠熱，有點減分，但味道都好正宗。上次試了青咖哩，今次有小朋友改吃黃咖哩，不辣之餘帶點甜。用個黃咖哩牛腩嚟點串串餅，非常惹味，小朋友愛不釋手，食得津津有味，大滿足。但牛腩不夠冧，未能孩子們歡心。最後再來一個炒芥蘭菜，都很泰國style。其實這間泰國菜館的餸菜選擇不算多，價錢亦不太大眾化，但至在好正宗及每樣餸菜都很有水準，而且服務亦一流。如果想食泰國菜，真不能錯過。

嚟到大美督除咗踩單車或者撐船仔，仲有就係拜訪好多local人氣嘅餐廳。我哋撐完鴨仔船太攰而呢間喺隔離仲有都好多人入座，於是就嘗試下啦😆😆串串餅 （$48）八件脹卜卜串燒嘅外表好得意！成個造型滿分，咬入口有淡淡的牛油味而且好鬆脆，似西式嘅酥皮口感。我覺得都唔使加其他醬料已經足夠。泰式連骨豬髀 （$138）成個豬髀好淋，一切落去已經可以好容易分開啲肉，證明火喉充足。而且好入味，豬皮食落都唔會好油膩冇太大罪惡咁。同埋有小上嘅配菜青瓜同埋酸菜，酸菜甜甜地好開胃！泰式古法浸雞 （$152）半隻呢一個我就覺得冇乜特別。。。食落隻雞感覺唔到佢係用古法浸雞嘅感覺😅而且冇海南雞咁鮮嫩,亦冇乜雞味，不過隻雞都好多肉。下次我應該唔會再叫呢款。炒泰式金邊粉 （$88）金邊粉嘅味道都OK，而且材料都好豐富。個人覺得金邊粉好難唔好食。整體來講，呢間餐廳位置好方便而且環境小chill, 食物都上得好快，對第一次幫襯嘅我來講我覺得都幾好食。