忠誠茶座泰國菜

營業中

休息中

每逢假日肯定要去郊遊， 周圍去放鬆下吧o(≧v≦)o 今次就入左大尾篤踩單車🚴到傍晚時分就決定係埋入面食野，而附近好多泰國菜食架，我地揀呢間餐廳嘅原因係非常求其，見到邊間最多人排隊就食邊間而呢間當時係最多人排, 覺得多人食肯定有佢嘅原因 心想著:一定係最好食嘅。點知實在太多人，排左成粒鐘 係出面餵蚊店內裝修有啲似大排檔，比較舊式，都多座位食物選擇都多，都係一般泰國嘢🧩明爐魚味道唔酸唔辣 唔係我想像中泰式味 較普通 有少少失望🧩青咖哩同樣好普通 較淡🧩生菜包肉碎中規中矩 呢道菜唔會差得去邊🧩冬陰功湯唔錯 都正常🧩炒通菜正常Overall, 以排咗一個鐘嚟講 沒驚喜到我 有d失望╭(╯3╰)╮

一早訂了去慈山寺賞桃花，希望今年好景，事事順利。大清早出發，要轉了幾程車才到，桃花都開得燦爛，不枉此行。賞完花已經是中午，再乘車到龍尾，見到這間口碑不錯的泰國菜館已經有人龍，幸好只是等了20分鐘就有位。菜館有兩邊，高高低低的分為幾個部份，座位都不少。我們三人點了一個魚露浸滑雞飯 ($55)、一個椰香咖哩牛腩飯 ($55)、一個蒜蓉炒芥蘭 ($48)一個串燒鱔片 ($108), 還有一杯青檸利賓納及一杯青檸薑蜜，後來再加多一個蒜蓉包。魚露浸滑雞飯的雞比想像中大碟，也很嫩滑，味道不錯，亦是第一次試到這個做法。椰香咖哩牛腩飯的咖哩不算辣，椰香味濃，牛腩煮得腍而不韌，咖喱汁撈飯好味，還有兩件薯仔。蒜蓉炒芥蘭也炒得不錯，有著泰式風味，帶些鹹香。串燒鱔片甚有驚喜，一上枱已然聞到碳香味，但沒有燒焦。鱔片很大片，新鮮爽口彈牙，還帶有油脂的甘香，調味也恰到好處，有機會再來一定再試。青檸利賓納帶點甜酸味，而青檸薑蜜就有少許微辣，兩者都清新醒胃。後加的蒜蓉包也不錯，烘得十分鬆脆香口，加些咖哩汁來一起食也很好。雖然是郊外小店，但菜色做得真的不俗。

年初七，人日，天朗氣清，到大尾篤遊玩慶生。仲係過年，雖是平日，人很多，停車場爆滿，慶幸今天揸的是電單車，較易找到車位。對面就是忠誠，先醫肚子。取飛後要等，周圍狂狂還有什麼其他選擇，走一圈後還是想吃忠誠，再回去就有位了。點了一個咖哩牛腩飯，一個冬陰功肥牛金邊，一個沙爹串燒（牛雞），兩杯檸檬茶。沙爹串燒很有炭燒香味，肉質好，比起上次我去好時沙爹食的真的好十倍，調味適中，沙爹醬不會過甜，有花生香。咖哩牛腩都好食，好有椰香味。湯金邊粉就一般。凍檸茶走甜少冰，睇個樣都有heart，放得靚靚的。埋單$250 左右，唔太記得，好似要加一。好評，會再來。

泰式炒金邊粉- 材料好豐富，有蝦仁、蛋絲、豆腐卜、菜莆、肉鬆、花生碎，仲有好多蝦米仔，炒得好有咸香，惹味可口。泰式雞絲濕炒河- 河粉是正宗泰式的那種闊身薄片的，滑溜溜而且爽身不黏口，汁的濃稠度剛好。雞絲分量足，嫩滑爽口。配料有草菇和芥蘭。沙爹串燒牛肉香噴噴，牛肉燒塗上蜜糖，燒得焦香，但不會乾，能夠保持肉汁，啖啖肉，沾上花生沙爹醬更加惹味。

又到左大尾篤泰菜時間了🤣今次係揸車經過，對面有停車場幾方便！至於有無位就睇你好唔好彩喇，通常都好full，要轉多幾次先有位🙈🙈黎到食泰菜，假日既晚餐例牌要等下位啦😎等左幾個字就到我地喇！ 餐廳既環境係幾好，好有去緊旅行既感覺既！冷氣好足！我地叫左波蘿海鮮炒飯、鮮魷炒通菜、炸蝦餅~~個飯幾正，唔會太油，啲料又足，而且啲料輕輕炸過下，更加香🤤🤤最愛撈埋啲肉鬆食🤣🤣🤣炒通菜都好食，魷魚都幾新鮮，唔辣的，最怕好辣既炒通菜🙈🙈炸蝦餅！！！好正！！彈牙😎係好足料既蝦整成，而不是加好多粉果種！呢到絕對無面粉感，係彈牙蝦肉🤤🤤🤤🤤🤤爽！！！

有人開車接收工，就決定去遠啲去大美督食飯，食飯之前仲可以散散步，順便睇埋日落。上網打大美督餐廳，最多人講嘅就係忠誠，咁我地都去試。我哋係平日六點幾去，所以人唔好多，坐下坐下到七點就越來越多人。我哋兩個人叫咗4樣野，有湯有飯有肉！1. 青檸椰汁雞湯用瓦煲好泰國！味道特別，有椰香甜帶點青檸嘅酸，仲有淡淡香茅同埋南疆味。料多，有好多菇，雞肉嫩。呢個瓦煲仔大概就可以裝到四碗湯，對兩個人來講就啱啱好，多人啲可能唔夠飲。2.半隻泰式古法浸雞隻雞冇得輸！估唔到半隻都幾大隻。隻雞嘅肉質嫩，肥瘦均勻，又多汁。最正係佢嗰蘸汁，酸辣適中，好開胃，同啲雞肉勁夾！3. 泰式燒牛肉7成熟！嫩，多汁，有炭燒味！分量多！4.芋頭海鮮煲仔飯呢碟要encore！好食，飯底好入味，料豐富，有青口，新鮮蝦，蝦仁，有炸魚柳，不過略嫌芋頭少咗啲，如果多啲就好正啦！總括嚟講，啲食物質素對得起個價錢！好飯！

中秋當人同朋友入大尾篤食忠誠lunch前一日book咗位，我地當日去到餐廳門口都有唔少人等緊位，不過我地book咗位，所以等咗兩張枱就入得整體幾好食，最鐘意係薄餅，熱辣辣脆卜卜配咖喱汁好好味其他菜式都唔錯，入開大尾篤可以去試下不過遇正假期都建議大家book定位先，唔洗等咁耐

咖哩過甜 食到有椰糖味，冇椰奶香，太稀似咖哩湯，比一般茶餐廳更差，米飯偏濕，急凍牛腩似湯渣，肉碎，冇牛味。炒金邊粉完全走樣，急凍蝦仁垃圾，加幾粒櫻花蝦提味不知所謂，太差，差到唔識講，盛惠78大元

炒泰國金邊粉 $68份量超大好足料 足夠3-4人share 食咗咁多次忠誠都係第一次食佢既金邊粉比起出面係用蛋皮包住啲粉佢係將啲蛋混埋入啲粉度炒 而且都有頗多配料食落係酸酸甜甜 相信係用咗自家調製嘅醬汁 食落幾特別同開胃🤣鑊氣十足得黎唔會太油 小編覺得人多都可以叫黎試下 而且飽腹感十足😚評分: 8/10🌟綠咖喱（雞/牛/豬）$78 & 泰式焗薄餅 $42到最期待既組合🥳就係咖喱同薄餅！！！🤣🤣🤣今次叫咗綠咖喱 相對辣味較重 食唔到辣既朋友都可以接受到呢個程度（可以落單同店員講要小辣的)😚或者可以叫黃咖喱就完全唔辣 但綠咖喱一定比黃咖喱香口 至於鐘意食辣既朋友就可以叫紅咖喱 個辣度會相對較高咁小編就揀咗綠咖喱雞 啲雞肉都好嫩滑同入味而呢個菜既精粹就在於啲咖喱度🤩而且青咖喱聞落已經好香咖喱味🍛食落仲有少少椰奶味甜甜地 中和咗平身個辣味除咗雞肉外咖喱仲有翠玉瓜同紅椒作伴菜 全部都好入味😋到戲肉就係呢個泰式焗薄餅 差唔多枱枱都會叫的🥰有8件外脆內熱既薄餅用大竹籤串住 幾適合打卡之用✨呢個薄餅脆得黎較薄身 用嚟沾咖喱汁食好夾 因為佢可以吸得多咖喱味 而且食落唔刮口 所以受客人到熱搏🥳評分: 9.

今日同朋友食飯， 去咗呢間， 大尾督比較出名，朋友話佢地經常去。安排坐正大門口，我最唔鐘意，完全feel唔到冷氣，旁邊個兩張枱又鬼死咁大聲， 整個晚餐，佢屋企發生咩事我全部清楚。呢間泰菜，款式同價錢比同區泰菜平少少，但份量係明顯細咗。但今次既食物，真係太失望。咖喱蟹 — 超咸，一點蟹味都沒有炒椰菜芯 — 又貴又細碟， 又油淋淋蝦餅 - 完全唔彈牙,太多粉菠蘿炒飯 — 只有菠蘿味，好濕泰式荀殼魚 — 冇魚味，但夠乾身烤餅 — 全枱最好味餐飯食食下，有隻大飛蛾衝落去咖喱蟹度，嚇死人。 當日開咗冷氣就應該關門，又唔走冷氣，又唔會入昆蟲，呢餐飯真係有點後悔。

泰國菜真係幾岩夏天食，夠開胃！大埔大尾督忠誠茶座泰國菜應該冇咩大埔人係唔識! 價錢又唔算好平，但通常係去玩完食，係正入口位，超方便，仲要有冷氣可以好舒服咁食! 更重要..係好食唔會伏!1. 沙嗲牛肉串烤得好香，牛肉夠嫩多汁，佢個沙嗲汁好濃，偏甜2. 咖哩薄餅個咖哩汁比較多水，但個薄餅索汁超快超多 3. 炸蝦餅蝦餅？亦都可以係蝦丸，超級彈牙新鮮再來兩碟小炒1. 炒金邊粉夠鑊氣，份量好足！2. 炒辣肉碎碗白飯撈多幾碗飯都得，辣到適中！

Openrice notes #37 (pending)食評標題：🇭🇰 大尾督必試泰國菜 💜 用餐日期：2020-09-11等候時間：0 mins內容：一間encore左好多次嘅泰國餐廳💜每次去大尾督都一定會食❣️🌟 串燒鱔片 🌟好入味嘅鱔片😋 外面燒得好脆 鱔片肉好實 好有肉汁🤤🌟 炒泰國金邊粉 🌟本身想叫炒貴刁 可惜今日冇晒河炒金邊炒唔算特別 係平時泰國餐廳都會食到嘅味道但我地食飽肚啲 就叫左金邊粉😂 🌟 香甜咖喱(牛腩) 🌟 呢個咖喱真係好正 一啲都唔辣但好香嘅黃咖喱味😚薯仔/牛腩好冧 炆得好入味好正仲有兩粒荔枝 我唔知點解會有荔枝 但幾特別可能本身咖喱好甜 加啲生果 多左個層次😝🌟 炸鮮蝦餅 🌟大大粒好香口 好正呀🤤表面係薄薄嘅炸粉入面係蝦味好重嘅肉 食左一粒差啲飽左😂 🌟 泰式焗薄餅 🌟一個打卡一流嘅薄餅 一大支擺喺枱真係好型😎雖然只係焗 但一樣好脆 中間好有空氣感可以試下將薄餅點啲咖喱汁 會有第二個口感仲好食過就咁食薄餅😆🌟 煲仔芋頭海鮮飯 🌟勁似平時大排檔食到嘅味道喺泰國餐廳食煲仔飯有啲搞笑🤣都幾好食嘅 幾大個海解幾fresh 屋企人都大讚青口好食最後食埋底部嘅飯焦真係好滿

去大尾督踩完單車經過見有八五折試一試, 落單之後就話甜品唔包但個牌冇寫，即係話薄餅同飯冇折。買咗四個芒果糯米飯，每個$68，質素奇差芒果唔係呂宋芒, 勁酸都未熟, 飯質地完全沒有咬口, 好濕 ......又貴又難食,仲要買咗四個返屋企, 殘念中

If it wasn't for a favourite Guest who insists on the environment & drives from the city all the way, I would never go to this Godforsaken place, ever. Rude staff who never take orders on time, bark & scream at you, never replace used dishes, forget to input orders, serve cold satay, dead crab, as it happened to us today, un-iced cold lemon tea, blackened deep fried spring rolls, this place is going to the dogs.my advise, don't go even if it is free!

去大尾督踩單車/玩水上活動，自然會肚餓，肚餓就要搵野食。大家都知道果到有一排餐廳，間間都叫你入去食，但係質素又如何呢？今次食呢間叫 忠誠，佢裝潢似泰式茶餐廳，冷氣都夠。午餐大約40-50蚊就可以埋單～當日叫左個原汁牛腩飯，牛腩唔係好腍，飯就好大碟！同行朋友叫左個沙爹牛公仔麵，佢話食落同平時果d茶餐廳冇分別wor 😂...大家都飲凍檸茶，檸茶最緊要咩？係有茶味同埋夠凍啊🧊，所以都係一杯合格凍檸茶！