必勝客

營業中

休息中

平時幫襯Pizza hut多數叫外送，真係記唔起幾時到過餐廳食😅今日中午突然好想去，於是就去咗開心廣場分店。店內環境寬敞，座位有一定嘅距離👍🏻但食客唔算多😅可能因為午飯時間差不多完😜平常有的午餐今日欠奉，要一月一日後先恢復，所以只有散叫😥🔸醬燒豬仔骨飯$100等咗好耐，連甜點都食完，終於出埸😗賣相不錯、用上盛載西班牙炒飯的專用盤上枱，炒飯底有切粒嘅三色椒，腸及火腿。豬仔骨軟腍，份量也適中👌🏻🔸朱古力軟心曲奇$58睇到旁邊食客食得津津有味，鍾意甜品嘅我也來一客吧😘這個甜品賣相吸引，我揀咗雲呢拿雪糕球配士多啤梨醬🍓軟心曲奇約有8吋大，確有做到軟心效果，有d似某地鐡站連鎖店😊，但可能因為註明用Hershey’s 嘅關係，每一啖都食到濃郁嘅朱古力醬，非常甜😅幸好我揀咗雲呢拿雪糕，可以溝淡一下甜味🤨整體大致ok, 只係甜品過甜🤣

我女朋友常常吃完晚飯後說唔夠喉，想要再吃多個pizza 所以便上網點了個pizza。不得不提雖我女朋友大頭蝦選錯了地點取食物，但這間的服務態度超好，立刻幫我們弄多件pizza ，食物一如以往地好，正！

又到晚餐時間 ， 一個人在家， 食咩好呢！ 突然好想食pizza Hut， 但一個人可以食到幾多呢， 掙扎咗好耐， 於是乎都係拎起個電話叫懶人外賣，一次過叫咗兩個1人餐, 點咗一個夏威夷 pizza加$15加芝脆批， 同埋 葡汁雞皇飯， 同時間又有pizza又有飯食一次，仲有兩個小食, 真係滿足哂3個願望當然最後都係眼闊肚窄， 食兩啖就飽飽了！

2人餐飽到飛起😂😂😂好豐富 湯一定要酥皮先夠滿足 沙津好味d 麵包好脆如果有得免費再加菜就好了 咸蛋炸雞pizza 麻麻地 兩個味道唔係好融合 都係分開食比較好 同埋真係好咸呀😖😖😖😖間中食下pizza hut 快餐都唔錯呀

暗沉沉嘅天色，搞到個人都懶洋洋，唔想煮野食又唔想出街食，於是同屋企人叫外賣樓下就有PizzaHut，叫個外賣自取都係等半個鐘附近一個「個人餐」都係$62，包一個意粉/飯/迷你批再加一個指定小食，又幾抵食👍 我地叫左一個個人餐同一個普通批🍀J6 海鮮寬條麵　（+$5）海鮮份量都足夠，都幾多汁同芝士，唔會食到尾冇晒汁🍀辣味雞翼次次食PizzaHut都一定會叫辣味雞翼，辣得黎幾惹味😋🍀超級夏威夷厚批（普通批）（$130）每次都係因為菠蘿，一定會叫夏威夷薄餅，有啲酸酸甜甜嘅汁，特別開胃🤤

今日冇煮飯🤗同老公去pizza Hut 開餐!點了心思思芝味批二人套餐忌廉雞湯' 忌廉雞湯(加錢 酥皮)巴拿馬火腿及香草肉丸芝味批~新口味好 配搭原味雞翼拼迷李腸~ 惹味酥脆蝴蝶蝦~ 脆卜卜葡汁雞皇意粉~好味柚子熱情食物Ok 環境舒適- 佢個酥皮湯如果脹卜卜仲更加開心

星期日唔想煮飯，都係叫外賣好啲！平時叫二人餐叫到悶悶地，今次來個散叫，可以揀啲特別啲嘅pizza！最後揀個海鮮至尊，呢個平時跟餐都唔可以加錢轉，平時只會加錢轉千島海鮮！到門市落order，海鮮至尊，再用會員積分加個芝士海鮮焗飯！話20分鐘有貨，行行行，咁就過左15分鐘，啱啱好有得攞！返到屋企仲熱架！海鮮至尊的確比千島海鮮好食，有珍珠帶子、蝦同蜆仔，足料好多，又熱同脆口，正喎！芝士海鮮焗飯都唔錯，熱熱嘅，餡料多！重點係自己準備飲品，滿足感大增！兩人份量夠晒！

近排成日食都係外賣，難得下午茶就直接來食下！本身係會員其實已經好抵，可以儲分換野食，加上時不時都有優惠卷，今次就用左消費$100就減$50!呢度裝修過之後光猛左好多，啲凳都舒服左，坐得又唔會迫，幾好。又講返野食先:::---忌廉蜜糖芥末薯條無諗過咁大碟，上枱個陣仲熱辣辣，連啲淋汁都好有心機，值得一叫！(個cream我掂左少少先影，所以先會咁樣)---威尼斯甜批呢個批就算外賣都會叫，堂食更加好食！食落口軟淋淋，因為有芝士係面會燒到脆卜卜，加埋煉奶，好rich既口感！推介！---卡邦尼意粉(基本野)份量都算多，好creamy, 係啲煙肉有少少硬，價錢都比較貴！---用積分換左4隻辣味雞翼無影相不過都係質素保證，少少辣好過癮！---野飲都係碎冰檸檬茶，次次都飲！雖然快餐，但呢間分店至少保持到質素！

每逢pizzahut出新批都去光顧，今次係芝芝辣肉腸花邊批Lunch時段，元朗pizzahut完全唔使等位，今次仲有卡位坐叫餐時候到，叫左個芝芝辣肉腸花邊嘅海鮮狂熱批二人餐，3位都唔大食啱啱好，配俄羅斯沙律、焗飯、餐湯同餐飲！再加個蜆肉焗薯😋可能因為少人幫襯，廚師光速整好，服務員迅速數分鐘內全部送上平時要幫啲食物影單人照再拼圖，今次可以一幅過不過好過不斷吹單其實味道正常，略嫌個批底太濕都係鍾情傳統嘅pizza，千島海鮮實係首選

pizza hut嘅lunch都是抵食之選.卡邦尼意粉 pizza hut嘅卡邦尼意粉一直都很好味， 卡邦尼汁夠龍濃，好香， 煙肉碎都夠多所以叫咗兩客，因為小朋友實喜歡食。香蒜肉絲意粉$49香蒜味濃,但本人都是喜歡卡邦尼意粉.夏威夷風光 $59嚟到pizza hut點可以唔叫個pizza ， 叫咗個夏威夷風光 ，食到一半先記得影相，這個芝士拉絲很多， 芝士控嘅我很鍾意 ，而且個pizza焗到啱啱好, 軟熟得嚟又夠熱磨菇忌廉湯pizza hut 例湯凱撒沙律 份量算多, 但作餐前小食其實會飽左， 見議share 食

我地一行3大5小去食野, 望落唔多人但要等陣, 之後安排我地去坐6個人既位。。。本來都冇咩野, 但嗰位徐小姐木口木面咁話: "坐住先, 如果唔係出面等, 但可能等好耐" 咩意思? 聽到火都來! 客服有冇咁差? 由一開始已經冇歡迎客人既感覺, 最後仲咁講野! 真係嬲到即刻走, 唔會返轉頭!

下午茶去邊到食好？去到元朗開心廣場上電梯有pizza hut食Pizza hut食下午茶餐，我個人認為幾抵食有個磨姑忌廉湯入面真係有磨姑只係d湯唔算好濃郁不過，我覺得都ok啦另外叫左杯熱飲就係檸檬水一杯熱水入面有2片檸檬仲有一碟意粉尼碟係蒜香肉意粉蒜味都好足夠肉係豬肉粒味道ok既仲有d配料例如係紅蘿蔔粒青豆粒火腿條比個近鏡另一個下午茶餐就叫左pizza係一個細size既pizza不過都夠食既上面有波羅又有整pizza 例牌有既芝士味道ok既因為係最普通既一款pizza 下午茶黎講夠晒啦有意粉，有飲品，有餐湯我朋友就係有pizza，有飲品，有餐湯大家都對pizza hut既下午茶幾滿意食食下就一個小時了又係時候再行街買嘢

Pizza Hut有一個優惠，就是持有恒生信用卡就可以五八折享用套餐，我即管去嘗試一下！我三個人去食這個二人餐份量也很充足很足夠，套餐入面的Pizza已包括芝心批$，我選了BBQ海鮮味，味道比較甜我不是太喜歡，但是Pizza上有一大粒芝士😋我覺得非常好味😉另外我選了一個海鮮焗薯蓉也非常好吃上面的忌廉汁我非常滿意，而飲品方面我選擇了可樂，因為可以無限量添加😁環境方面非常寛鬆，但可惜人手不足🤧另外我用了240分的積分換取一個大pizza😆

以前好鐘意pizza hut，尤其係雞翼。今日再去食，發現價錢又貴左一截。一個卡邦尼意粉set lunch未加一已經要 $87。仲要冇埋蒜蓉包。十分失望，又貴又縮皮，怪得知咁大間鋪只係得幾張枱。除左咁仲要個待應係咁咳，係咁吸鼻涕，聽見都已經冇哂胃口。落單上菜都聽到佢把聲好病，竟然唔帶口罩，態度亦好差，都未講完就勁悔氣咁走左。我比一百蚊係依度食lunch，雖然唔係真係好高級既餐廳，但依間真係仲差過街邊士多既服務，換黎竟然係咁劣質既服務。不過都公道講句，啲意粉同飯都係仲好好食，只係佢縮皮到咁，又服務奇差，真係唔會再黎食。完全係bad list lol

好耐冇去披薩克喇.....平時我都鍾意食濃味嘅嘢....加上今晚又想坐耐啲....一於走去披薩克好耐冇嚟呢度.....又發現披薩克多咗好多唔同嘅套餐....而且大多數都以芝士為主....今晚我哋三個人就嗌咗一個新式套餐試一試呢個忌廉湯都算幾好飲....不過冇乜特別。呢個套餐都算幾豐富不過呢個意粉就略為乾咗一啲.....而且賣相都一般般反而呢個芝士批...就相當吸引...裏面全部都係極香濃嘅芝士。最後嚟多個薯蓉....三個人啱啱好夠食