必勝客

營業中

休息中

我平時一星期都會幫襯pizzahut 2，3次。 每次都好滿意佢哋啲嘢食，湯好飲，雞翼薯條香脆野味！ 但前排身痕試咗佢新新哋嘅大蝦野米意大利飯……中伏了……哭！成日食嚟食去都嗰幾款，未試吓新嘢，想食清淡D。點知個飯嚟到，賣相超吸引，但一食……D味淡到呢……連醫院病人嘅飯菜都好食過佢！ (我真係食過醫院飯菜，絕對有味過佢多多聲！) Anyway, 意大利飯我食過煮過唔少，佢個飯根本就係白飯一碟，我揾咗好耐先食到幾十粒有可能係最劣質嘅意大利飯。 勁失望，只有蝦ok...真係唔知係pizzahut recipe 出事，定師傅唔記得落調味。

又係食開心廣場，之前推介過同幢樓高d 層數o既西餐廳，今日食呢個pizza hut。兩個人叫乜好……﹖午市套餐幾好o丫，$40 零$50 零都有，有湯有餐茶。定係叫雙人餐好呢﹖雙人餐在兩個單人餐o既份量以上仲有一個standard size o既pizza。但好似食唔到咁多wo，算吧啦，還是叫單人餐算。胡亂地叫o左呢個「烤雞翼茄茸豚肉長通粉」餐 (D 餐，$58 未加一)，所有set 都無餐包o既，餐湯揀o左意大利菜湯，無乜特別。主菜烤雞翼蜜味濃郁唔錯o既~ 係嫌佢細隻o左少少囉(就係隻羹咁大……)。o個d 豚肉粒我覺得係成個dish 最好食，好惹味，同普通豬肉粒無得比呀！不過個通粉我想講就比較淡口，d 粉本身無味，所以個汁好重要，但呢個所謂o既茄茸醬好似無乜落料咁……套餐連埋餐飲，我點o左「紅莓夢幻」，覺得比較特別d 嘛，清檸水o個d 成日都有得飲啦。呢個紅莓夢幻即係紅莓梳打水，賣相好靚。味道其實就唔係話唔好味o既~ 不過個比例而家真係唔多ok，杯o野好甜同好酸，你幻想一下叫一杯檸檬水督足幾片檸檬再強行加番好多糖想蓋過佢……

香港食市多到數不完, 每日有不少新食店開幕連帶大型連鎖食市受到不少影響尤其元朗, 遍地花花花花幸好家裡有個師奶, CP 值高的下午茶都不被她錯過 Weekend 時找到了近年少去的Pizza Hut少去的原因除了想試的食店多到排不出期, 還有就是Pizza Hut 之前為了轉型通賬價錢漲了不少, 雖然說到Pizza 還是我的首選因為平日外賣自取還是不貴的現在連Weekend tea time 都超抵 首先, 凍飲不用加錢!!!<-這很重要對於除了珍珠奶茶外, 最愛就是凍檸茶的人的福音<—就是我夠大杯, 叫少甜少冰份量都不會少原翼配花生西多餐 ($30)花生西多仲烘過, 正~蝦煙肉薯蓉蒜蓉包餐 ($20)Pizza Hut 的蒜蓉包有它本身的特色, 重牛油, 重蒜, 夠焦<—-又是大愛薯蓉即焗夠淜夠熱, 連凍飲都只是焗肉醬意粉餐 $55Pizza Hut 的肉醬意粉一直是我心頭好醬多夠味, 不會死酸而且焗得夠透~意粉不是軟爛, 是幼挺的下午茶也有小型Pizza 餐全部即製, 要等上20分鐘無妨~有wifi, 環境好, 坐窗邊多寫意 幾年前Pizza Hut 假期人

放假約唔到朋友....瞓到晏一晏先起身....起咗身要搵嘢食....但係天氣咁熱....一定要搵一個坐得耐又有冷氣又舒服嘅地方.....諗來諗去都係去咗附近嘅元朗開心廣場Pizza Hut....食下佢啲set lunch元朗呢一間Pizza Hut環境都唔錯三五知己來聚首一堂又得自己一個人來食個set lunch又可以起碼呢度自己一個人來都唔會覺得瘀皮依家就算假期都會有啲set lunch俾你揀我自己加左錢要咗個酥皮龍蝦湯我好鍾意飲Pizza Hut嘅龍蝦湯加埋個酥皮好有質感見到佢啲陳設都幾有心思不過呢碟所謂大蝦沙律隻蝦又真係細咗啲不過今次呢個海鮮焗飯就有失預算因為佢個飯有啲生米其實呢度個環境真係唔錯.....如果做咗會員仲有折.....不過今次挨個個海鮮飯就失色左少少....但係整體嘅感覺都唔錯我都會繼續幫襯希望繼續要保持水準

年紀大開始去必勝客既次數越黎越少。不過一年都會有一次半次行入去食下，暫時都仲係覺得必勝客既Pizza味道係獨有的、係由細食到大的！最近2次入去都只係散叫，套餐抵食都唔想食滯自己。今次叫咗個普通size既海鮮至尊批轉芝心邊同沙律。其實未叫過沙律，就試試！Pizza依舊美味冇得輸，沙律就一般般，份量少不在下，用料太普通，仲要成$70幾蚊⋯⋯真係其實本人認為Pizza推出既新款式好冇heart，好難成為食客日後長期的心水之選，就好似以前既咖哩雞批、軟殼蟹批⋯⋯唔知想點仲有，記得兩年前興起同媽咪係屯門華都果間食⋯⋯勁耐冇食所以叫2個酥皮湯⋯⋯個湯鹹到苦，我地之後係冇食到希望認真檢討下

最近Pizza Hut推出嘅下午茶又真係幾多花款......而且仲要好鬼抵食.....我哋通常兩個人去.....就會帶三個餐去share.....飯麵意粉.....小食三文治....去到各適其適嘅甜品.....都任君選擇.....而且地方又大又可以坐得耐.....係一個三五知己消磨時間嘅好地方.....最重要有足夠嘅冷氣嘆下丫麻一個廿幾＄30嘅下午茶.....又有嘢飲又有嘢食....去邊度搵丫.....真係彈車搵食艱難囉......😏😏😏

我係第1次黎呢間分店食lunch。。。一入去見到個環境唔錯, 以為今次可以好好休息下, 同人吹下水環境 🏘1. 坐位舒服2. 部分坐位可以望到街景, 舒服3. 有廁所提供, 需要去收銀處拎鎖匙食物 🍲🥗🍛🍜🍝1. 卡邦尼煙肉火腿意粉煙肉比較小汁既味道比較淡磨菇超多整個感覺完全唔合格普通餐廳仲好食過pizza hut但分量足夠推薦指數: 👍💜💛💚💟💜💛💚💟如果大家想知更多美食info, 就快d follow fatdog1234 la💜💛💚💟💜💛💚💟

好耐無嚟，諗住今日食下，點知中伏，全場得一個侍應，我哋叫咗三樣嘢，卡邦尼意粉、海鮮焗飯、海鮮濶條麵⋯卡邦尼碟嘢份量細到好似下午茶餐，海鮮焗飯賣相完全唔掂，海鮮濶條麵有一陣唔知咩味，同以前完全唔同，d芝士多到完全漿住個咀,好失望，唔怪得全場得6、7張枱啦⋯⋯

剛過去的星期日黃昏時間昕昕爸爸湊昕昕跟我和兩大長老去pizza hut繼續慶祝我的新曆生日，今年生日可以食好多餐，我可以懶得煮和洗碗，實在太開心啦 元朗開心廣場的Pizza hut在二十年來翻新裝修多次，還記得在我初中時曾經跟老師和兩位女同學一齊去食，果陣還有整碗裝沙律，還要被老師取笑我地砌水果砌得不夠高>.< 十八歲生日那年完成第二次會考英文科考試，眾女同學陪我享受會員免費Pizza一個優惠，再數下去都數唔晒自己去了多少次這裡，相信在元朗成長的人都清楚呢間必勝客係開心廣場開始到現在唯一能長存的食肆，三樓的椰林閣早在兩年前變成play house~~~ 今次我食星星批，順便享受Pizza hut金會員的生日優惠，昕昕呢個pizza控連續兩日食pizza，相信她真係開心到不得了~~~ 雖說我們點了二人餐，但我們除了有兩杯餐飲和湯外，還有兩杯飲品，因為兩大長老有長者卡，可以每人多一杯餐飲~~~左邊係蘑菇忌廉雞湯，右邊係周打蜆肉湯 (含有煙肉)~~~ 昕昕嫲嫲杯咖啡真香，不過我唔飲咖啡，只是索味都覺得好正 拿破里肉丸味道不錯，蕃茄汁倒不少~~~ 香烤之星倒不錯，但個人始

前兩日訂pizza, 1730左右落單，預早錯開食飯時間成個中，諗住無死啦，可以係食飯時間1800-1900左右拎到。點知落單話要1個鐘頭45分鐘，玩野咩。。。。咁等啦，嗌左200蚊個set，有大批有意粉有2個湯，批轉左芝心批邊一個鐘又45分鐘就到左啦終，但真心嬲嬲地，送到黎淨係暖既，皮5脆不特止，係un既，要扯開咯，好sad咯，加果小小錢重要難食，汁又無乜，係超乾，以前食pizza都無咁乾咯，真係好失望，不過我都深信佢地係忙所以會咁，但下次，真係無想嗌pizza既衝動

　　一年一聚一定要搵個可以傾好耐計既地方慢慢食，咁我地特別搵左閒日去，又唔會阻礙到其他等候既客人，又可以靜靜咁傾一個下午～舒心既心聲就係點餐開始　　呢間pizza hut間左好耐，由我細個開到姨加，但有裝修過既，姨加既餐枱餐櫈都同以往唔同～　　但味道都無點改變過～　　細細個就中2飲穌皮湯，又香又濃，加上穌皮就係一件美樂之事　　同行既朋友想試西班牙既小食就叫左呢個拼盆　　而意粉係整枱菜入面最遜色既一道菜，味淡，無白汁既香只係水水一碟，大失所望，而且配菜甚少。　　幸而芝脆批挽回我地既心情，脆口既皮邊，溢出軟滑既芝士，令呢餐有更大既滿足感。

好耐好耐冇食過Pizza Hut, 今日冇煮飯，兩個人，決定叫Pizza Hut外賣！我地點咗平平地個套餐$148，一個普通批，8隻雞翼加兩罐汽水。ok 啦！個pizza送到嚟人仲熱辣辣，好多料，批邊都有料，好鍾意！仲有個批好鬆化，配辣肉，豬肉粒，芝士，好好味！另外辣雞翼亦做得好，唔乾爭爭，有汁！

看電視賣廣告見到PIZZA HUT, 咁就嚟左啦, 閒日都要等位, 太誇張吧. 等左一兩張枱, 都算快的. 入到去見D裝修都好靚喎, 坐下睇餐牌, 原來係有AFTERNOON　TEA, 仲要有甜品, 樣子好像不俗呢～～～～～～～.睇下睇下就決定左叫一份公司三文治, 另一個諗左好耐唔知食咩, 就叫左一個PIZZA. PIZZA個賣相同個圖好似不俗, 但分量咁少既,兩個人唔洗5分鐘就食完。公司三文治就好吸引啦. 都算大份， 然後少少薯條. 三文治係有，菜，雞蛋，煙肉，雞肉， 蕃茄，火腿的, 好足料, 面包係烘左的, 好香口, 好味及夠飽, 薯條都冷的, 炸得麻麻, 成餐又係要成200元, 好貴呀.汽水仲要唔係無限REFILL。差左～～～～以前係任飲的BTW隨便的茶記CP值仲好~如果以呢個價錢食TEA, 可以有更好既選擇, 或者都係擇番經典菜色就會開心D

事隔數日，終於將囝囝四歲生日慶祝照片全部整理好，今天可以分享當日的玩樂及美食片段了～為了好動豬的生日派對，其實認真想了很久，不過由於處理妹妹入學太忙，同時也有幾個不好消息影響心情，最終還是決定不舉行派對，簡單給兩兄妹開心玩樂好了～　我們去了元朗開心廣場三樓的 Playhouse，一共玩了兩場直到7:00pm，超級盡興；為方便及免切餅費，這晚訂了二樓的 Pizza Hut，味道當然沒有追求，純粹一家人一起聚聚吃頓飯；也是為了方便，9大2小點了兩份四人套餐，再加散點不用煩。跟餐有8份湯，大部人都點好評的香濃 忌廉雞湯，獨唯我飲 羅宋湯，還不錯啦。但套餐那兩份 野莓雜菜沙律 就唔知想點，竟然加了大量啫喱在內...  還好小壽星喜歡不得了，我們也樂意將啫喱搬出給他，然後再享用，雖然其實也沒甚麼味道，但至少算是健康。接著兩份套餐的 雞棒拌瘋著條，炸雞乾乾的，薯條好在粗身不油，反而更出色，而且份量超多唯恐大家不夠飽似的！套餐的小吃中，最喜歡是這 芝士白汁蜆肉薯蓉，薯蓉細滑，白汁的比例也剛好不會太漏，加上蜆肉帶點鮮美，兩份都給清光了～　套餐的主角是新出的 芝脆堡壘，外脆內軟的堡壘批邊，釀滿由意大利瑞

不用上班的星期一，出完沙田睇家俬，就返元朗揾食，阿媽突然話好耐無食過pizza，咁就黎pizza hut啦，是關呢度濶落啲，帶住bb真係好多行李，一袋二袋，仲試過比人歧視添。無pizza card，咁就揀其他優惠嘅餐先，叫左一個pork rib餐再side order一個大派，三個人夠哂食啦。要左忌廉湯，湯幾滑幾厚身，但略鹹左啲。黑椒蜆肉炒意粉，蜆肉只有幾粒，尚算鮮味，勝在意粉炒得香口，乾身夠鑊氣，條條粉有咬口，好味。主角pork rib，要左全份，全份$280，半份$240，感覺上全份抵好多。調得入味又夠淋，真係唔錯，點埋個燒烤醬一流。作為配菜嘅薯條亦好好味，粗薯條有薯味，又熱又脆，正呀。另要左香辣嘅大厚派，好香呀，雖然顏色唔太色彩，但係好多料下喎，見到好多蘑菇。芝士做唔到拉絲，但勝左芝味十足，派邊亦無過硬，成個都好好味，好快就ko左佢了。加十二蚊轉特飲，西班牙咖啡，唔知關唔關西班牙事，係凍啡加左舊cream同一球雪糕，味道香濃又滑，但都幾甜同一定超肥，好味嘅野都係邪惡嘅。除返一人唔哂兩舊水，抵食。