德美壽司 (裕民坊YM²)

營業中

休息中

德美壽司🌟洋風燒三文魚丼🌟火炙帆立貝壽司🌟火炙和牛壽司🌟免治雞肉棒串燒今日咁啱經過重建之後嘅裕民坊，入到去覺得呢個商場真係唔同咗好多，行下行下見到開咗間德美壽司，順便食返個dinner。最近天氣好想食啲熟食或者炙燒，叫咗個燒三文魚丼。個三文魚丼有隻溫泉蛋同三文魚子，撈埋一齊食加少少豉油，唔使更加多嘅調味都已經好好食。另外叫咗個火炙帆立貝壽司同火炙和牛壽司，價錢同壽司郎差唔多，但係味道好一d，都幾唔錯嘅。免治雞肉棒串燒入面有雞軟骨，食落有兩種口感，係我鍾意食嘅個type免治雞肉棒。

鄰近觀塘地鐵站, 餐廳落地大玻璃透光感極高, 和式風格, 中間的壽司吧檯透明度極高, 可以看住師傅包壽司及料理，仲有VIP房，侍應們有禮貌，重點性價比極高，值得推介-韓式泡菜豬肉鍋 $75.0豬肉片肥瘦分明, 油脂分佈平均，肉質彈牙爽口, 內有大量娃娃菜, 豆腐, 冬菇, 粉絲等材料, 配埋韓式泡菜, 湯頭微辣香甜, 粉絲吸晒所有食材的精華, 真係值得推介-加州卷 $50.0性價比極高的加洲卷, 卷物好大舊, 內有青瓜絲, 蟹柳同玉子, 卷物面鋪滿大量蟹子, 真係抵食夾大件-燒腐皮餃子 (自家製) $51.0腐皮餃子即叫即做, 需時製作, 請耐心等候，腐皮燒得好香脆, 皮脆餡靚, 肉餡十分爆汁, 配埋得製醬汁, 超級好味, 真係好出色，, 提提大家, 食嘅時候小心因為真係好熱㗎, 小心辣親嘴仔-串燒雞翼 $26.0雞翼燒得好香, 皮脆肉滑, 肉汁超豐富又重雞味-串燒雞腎 $26.0雞腎唔過火, 脹卜卜又脆口，配啤酒一流

今晚去咗德美壽司食飯，晚上套餐除咗有丼飯食，仲有得揀其他定食和烏冬等。三色魚生丼由三文魚、帶子和油甘魚魚生搭配飯所組成，三文魚有著豐富的脂肪和鮮美的口感，帶子鮮甜，油甘魚則具有濃郁的油脂和鮮味。飯加入了切片海苔、醬油和芥末等，又開胃又美味。天婦羅烏冬天婦羅有蝦、南瓜、冬菇和茄子，全部都炸得好香脆。烏冬彈牙，內有海帶、溫泉蛋和日本魚蛋，性價比高。晚餐定食仲會有沙律、麵豉湯和泡芙甜品，食完感覺好飽足。人均花費大約$100 ， 十分划算。

觀塘開咗間德美壽司，間唔中就會想幫襯下，鍾意佢食物選擇多元化。價錢唔貴，食物質素亦唔錯，算得上係性價比高嘅一間餐廳。呢晚經過裕民坊，難得唔使等位，於是乎入去食過晚餐先。點咗「壽司定食配牛肉烏冬」（$172）同「咖喱吉列豬扒定食」（$80）各一。壽司定食水準唔錯，入面有帶子、油甘魚、三文魚子、三文魚、熟蝦六款壽司。多款魚生都好新鮮，味道好正。牛肉烏冬亦相當高質，入面有牛肉及粟米配菜，烏冬滑溜好味。咖哩吉列豬扒飯未食已經聞到陣陣嘅香味，入口咖喱味道濃郁。吉列豬扒粉漿唔會太好，炸得香脆，仲配以溫泉蛋，令味道相當有層次感。兩款定食除咗有前菜沙律和麵豉湯提供外，仲奉送甜品，而呢晚嘅甜品係黑芝麻糕。芝麻糕入口帶香濃嘅芝麻味，鍾意佢唔會太甜。

德美壽司在香港開得越來越多，人流依然有多無減，可見質素一直都有維持。小編大學時期至今都算是半個常客，通常去紅磡和尖沙嘴的分店。德美全日都提供定食，有沙律、味噌湯及甜品，部分更有茶碗蒸，價格豐儉由人。吞拿魚腩蓉三色丼每當看到有吞拿魚蓉丼，而且是魚腩部位，小編會毫不猶豫的選擇它，因為很愛那軟綿口感跟油脂香味。這份量相當多，基本鋪滿整個表面。魚蓉應該不是外邊急凍鋪賣的那些，因為外邊的通常不是全魚腩，而是混合部位，所以會吃到魚筋。油脂味都比較分散，不過價錢都算少貴（小編都常常買......因為魚蓉不是外邊都有或是味道不錯，買外帶是比較有保證的）這個吞拿魚蓉有驚喜，因為魚油味很平均，而且沒有筋。小編覺得是人手刮的魚蓉，因為看到好幾塊原整魚肉🤔。魚蓉配上芝麻，味道更香。帶子一分二，帶子肉厚身且鮮，不錯。海膽不算很甜但新鮮，入口有爆開的creamy口感。三文魚子粒粒分明，爆汁鹹香。壽司飯還有一點香菇，增添了香氣。以153蚊的價錢來說，整體都算高質。火炙洋風三文魚厚切三文魚，表面因為火炙而帶點三文魚的焦香及油脂味，上面還曬上香蔥，中和了油膩感。底下還加了一點蛋黃沙拉醬，酸酸甜甜，配上壽司飯，令人胃口大

好喜歡德美lunch set 性價比高，有好多選擇 壽司、丼飯、烏冬，已經食過幾次了🤤🤤🤤👍💕店舖環境安靜寬敞，都坐得舒服今日試咗德美慕之內便當🍱便當有刺身四片同小食，刺身食落都新鮮，三文魚肥美🍣豬軟骨煮到好淋好好食，海鮮雜菜餅好大份食得有點飽，套餐重包沙律、蒸蛋、麵豉湯、甜品，非常滿足😋朋友就叫咗壽司盛合🍱 壽司大舊足料，魚生幾新鮮而且都係厚切，最後食埋甜品，每次食都唔同款，今次係牛奶加左芒果醬吧奶凍，好味🌟🌟👍

晚餐想食壽司，而一諗價錢相宜又好食嘅壽司店就諗起德美😂同埋期待最尾會送咩甜品😂⭐️火灸鰻魚⭐️油甘魚壽司⭐️三文魚腩壽司⭐️火炙左口魚邊鰻魚肉質好肥美，外皮烤至少少焦，加埋鰻魚汁，好正😊。左口魚邊經過火炙後，表面形成了一層微焦的外皮，迫走多了嘅油脂，食到魚肉嘅柔軟⭐️沖繩菠蘿果酒想飲少少酒，但想飲甜酒就揀了呢款菠蘿果酒。口感清新，帶有少少甜味⭐️朱古力奶凍今次送奶凍，奶凍好滑且清清地，上面加了朱古力糖漿，甜度剛剛好

德美壽司 (裕民坊YM²) (觀塘).自從裕民坊重建後多左好多食肆加入！.▪️蟹籽沙律▪️.想食個開胃啲嘅前菜，蟹秄沙律係個好好嘅選擇，新鮮嘅青瓜絲！.▪️咖喱吉列豬扒定食🍛▪️.好耐無食過咖喱飯！豬扒香脆炸粉唔厚，有薯仔，南瓜等作配料.▪️野菜牛肉鍋定食▪️.甜豉油湯底再加上牛肉片，入面仲有娃娃菜，京葱以及豆腐！.📌 德美壽司 (裕民坊YM²) (觀塘)觀塘協和街33號裕民坊YM² 3樓310號舖.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️

德美都有啲歷史，見喺觀塘裕民坊開咗分店，今次一於帶媽咪去試吓先。晚市嚟講，鍋物🥘7-80蚊起，魚生丼🍣都係百零蚊起，都有綠茶畀你添飲🍵，價錢係幾親民。見到有3位壽司師傅駐場，即切即整，都唔係頹㗎！🍱壽司定食配牛肉烏冬 $172 Set餐價：包芝麻沙津、麵豉湯同甜品呢個Set係好豐富！賣相好睇啦，壽司都有6舊再搭2粒玉子蛋。幾新鮮、冇雪藏味，最好味係魚子同帆立貝壽司；三文魚同大拖羅都好厚切，味道都唔錯🥰。個牛肉烏冬睇落細細個，份量又唔係真係咁少，都有好多塊牛肉，烏冬都係完整一個嘅份量，幾飽肚👌🏻。🥘韓式泡菜豬肉鍋 $75 (+ $20 葛絲🌟)鍋物雖然都係肉 + 菜簡單嘢，不過呢個鍋又確係濃郁，幾好味喎👍🏻！入面有大量薄切豬肉、泡菜、菜、滑豆腐，湯底好惹味。你可以揀追加麵食，葛絲真係必定要追加！佢會擺埋入去個湯底度煮淋咗先上枱，葛絲嘅質感煙韌彈牙，索埋湯汁特別好味🤤🤤。最後飯後甜品有朱古力奶凍🍮，都幾好味！下次會想試吓佢啲丼飯，見隔離枱食都好似賣相幾Full幾吸引。🕵🏻‍♀️：不過二人枱坐得有啲逼逼地，如果嗌得多嘢食就會唔係好夠擺。

觀塘有一間，好食嘅日本菜知道佢幾度地方都有食過都ok，今次朋友約觀塘食飯所以唸起呢間有個二人餐好多野食有刺身有天婦羅仲有鍋物首先刺身都算厚切，新鮮肥美三文魚食完好滿足油甘魚壽司都好肥美好食有個天婦羅，包括蝦，番薯，茄子炸粉唔厚，而且入面都juicy日式炒飯，份量好多，兩個女仔都食唔哂鯖魚燒，新鮮燒，魚皮仲係脆卜卜野菜牛肉鍋，食到呢度已經小小飽然後但因為好食都食哂最後有味噌湯同雪米糍 平日二人餐400蚊都唔使勝在唔使唸乜都有得食

眼闊肚窄嘅我乜都想食，所以揀黎揀去都決定唔到嘅時候，就聽姐姐講，叫左「豐盛二人會席」喇~首先，我要講下「煙三文魚和風沙律」。嗯，呢道菜真係好開胃！三文魚口感鮮味，同埋混合咗呢個和風沙律醬汁，令件事更加豐富。我就好鐘意呢種清新嘅滋味，真係幫我打開左個胃呀！然後係「三色刺身盛」，裡面有巨甜蝦、三文魚同油甘魚。嘩～一盤裡面有三款新鮮嘅刺身，而且佢哋嘅質感好好，巨甜蝦唔係周圍有得食，再望下三文魚Ｄ紋，新鮮到一個點，真係巧正！再嚟就係「帆立貝壽司」同「油甘魚壽司」，都係好正呀！帆立貝嘅鮮甜味道同油甘魚嘅濃郁口感，配上大細軟硬適中嘅壽司飯，真係絕配！之後係「銀鱈魚西京燒」喇！銀鱈魚燒得好香口，外脆內嫩，真係好好味！佢嘅西京燒醬汁更加增添咗啲味道，令整個菜更加豐富。但真係太細份喇，好希望可以大少少，完全唔夠喉！最後，就講埋「天婦羅拼盤」。有大蝦 2 隻、茄子、番薯、南瓜同埋冬菇，全部都炸得好脆 口！每一樣材料都有獨特嘅口感同味道，雖然我平時都唔食炸野菜！除左蝦之外，每樣都畀面食左一啖，哈哈～

✨沙田「德美」食過好多次，呢次來到觀塘都要揀返「德美」，可說是「德美」擁躉😂觀塘分店大好多，有魚生吧檯，可以近距離睇到師傅整作魚生，都係一個享受。***** ***** ***** ***** ***** 《晚市定食》北海道魚生丼$142新鮮魚生配粒粒圓大通透日本米飯，超正。吉列豬扒烏冬$74豬扒外脆內軟，烏冬湯底清甜，好好味😋定食包咗沙律🥗、麵豉湯、甜品🍮食物保持水準，價錢都保持無點樣上漲，成日幫趁「德美」係有原因。

間中都鐘意嚟到德美食晚飯呢度嘅晚市定食已經包括麵豉湯、沙律、主食、甜品，相當豐富，又抵食價錢由$74-$172不等。食物份量足夠，質素亦保持到。餐廳好大，但每次去都幾乎滿座沙津 日式沙律夠新鮮 配上芝麻醬 好開胃麵豉湯 麵豉湯味道濃郁銀鱈魚西京燒定食 $122銀鱈魚肉質鮮嫩肉滑，保持魚肉鮮味，日本珍珠米好有口感，份量剛剛好鰻魚飯定食 $112鰻魚肉質嫩滑 煮得剛剛好 配上鮮味鰻魚汁 送飯一流最後附送忌廉泡芙作甜品，確實不錯

最近跟家人又到裕民坊覓食，發現3樓平台的一間日式料理，環境舒適，職員態度親切。所以就選擇了這家德美壽司作晚餐🍣🍱套餐包了丼飯、麵豉湯、沙律，份量豐富。最後職員還送上甜品奶凍給我們。✪ 北海道魚生丼 ⌫ 💲142北海道魚生丼有三文魚、油甘魚、甜蝦、帶子、蟹籽。刺身口感不錯。飯粒蓬鬆香糯，加上蟹籽，口感層次豐富。✪ 燒汁豚肉石鍋飯 ⌫ 💲82石鍋飯熱氣騰騰，上面有豚肉片、雞蛋、香蔥。加入了燒汁調味，還有辣粉，非常惹味。石鍋飯煮得剛剛好，底部有少量脆焦的飯殼，增添了口感的層次感。【 德美壽司 】📌觀塘協和街33號裕民坊YM² 3樓310號舖

德美(觀塘裕民坊YM²）今日約咗朋友去觀塘聚會，佢帶咗我去一間日式餐廳， 餐廳設計充滿日式風味， 吊燈已燈籠的形式作裝飾。 座位寬闊， 更有bar位設計 ，一邊進食，一邊可以品嚐廚師 的刀鋒技巧。餐廳食物種類多，有清酒 、晚市定食、 新鮮魚生 刺身、壽司、 手卷、丼物、鍋物、 沙律和串燒簡直包羅萬有。店員招呼殷勤，令你有賓至如歸的感覺。1. 燒雞翼$26燒雞翼好吸引啊，燒到金黃色，漲卜卜。雞翼食落外脆內軟，好juicy，雞肉好滑，想encore!2. 石燒豚肉丼$82豚肉丼用石頭鍋上，可以保溫。丼飯賣相好好，有好多豚肉，仲有粒溫泉蛋，面頭仲有香蔥作點綴。豚肉份量多，調味剛剛好，醬汁好有日式味道，配飯一流。3. 野菜牛肉鍋定食$98 野菜牛肉鍋材料豐富，有娃娃菜、牛肉、豆腐、薯粉等等。湯底類似壽喜燒味，甜甜地，好好味，好適合配以上兩種食菜。咁定食再會配個烏冬，烏冬份量多，又滑又煙韌。另外，每個餐配有湯、沙律和焦糖奶凍作甜品。沙律新鮮，配搭住醋。焦糖奶凍好香好滑，有啖啖焦糖味，都唔錯㗎！