德美壽司

營業中

休息中

呢度之前好多朋友仔都推介，未食過都唔敢去推薦比人，始終香港好多日式餐廳德美d壽司真係正，刺身勁新鮮唔怪得CP值咁高，身邊朋友都大推原來真係咁正，其他日式料理都好出色下次再去食，記得book位

今晚去尖沙咀厚福街度食嘢，食返一間好多朋友都話不錯的德美壽司🍣餐單比其他連鎖壽司店選擇多啲～ 好豐富，由壽司、炸物、手卷、鍋物都有，質素仲要幾平均～我哋今日唔算好餓，所以淨係叫左少少壽司🍣三文魚同火炙三文魚壽司都好好味👍🏻 啲肉好厚實跟住鰻魚壽司都好靚料👍🏻啲鰻魚真係似平時食鰻魚飯個種，想食鰻魚但係又食唔晒成個飯，食呢個都可以好滿足。加州卷同鍋燒烏冬都係好普通既野，但呢到既水準都比其他壽司店好，例如加州卷啲青瓜會切到一絲絲很細的，不會一整條，比較有口感。另外鍋燒烏冬都有一隻好大嘅天婦羅蝦👍🏻 埋完單竟然仲有甜品送，好好味既抹茶椰汁紅豆三色糕🫶🏻

細細個呢間日本餐廳已經好出名，嗰陣時幫中學同學做生日飯會搵呢間慶祝。估唔到過咗10幾年，德美壽司仲喺尖沙咀。今日就同老朋友嚟回味一下。裝修保留住日本居酒屋🏮既味道，全以木材裝修，有bar 檯位置，可以比食客望住師傅整壽司。亦有很多張2-4人檯。 仲有一個設計超和風嘅露台，用來比吸煙食客出外食煙🚬。 與時並進，現在已用QR code 手機落單。除了出名的招聘壽司外，仲有鍋物、串燒、天婦羅、沙律前菜、揚物、盛合、麵食等。 食物品種多元化。野菜牛肉鍋 $108本身諗住叫來食菜，點知比左超多肥牛，無咩菜，牛肉差唔多佔左成半鍋。餐廳堅係有良心，落足本。就算無叫烏冬送個鍋，都食到好飽。 德美海膽魚生飯 $172一來到五顏六色，未食已經超吸眼球，打卡必點。 超大碗，超足料。 三文魚籽、蟹籽、油甘魚、海膽3粒、帶子、玉子蛋、花竹蝦及三文魚等。 仲要三文魚同油甘魚每一片都超厚生，超飽肚。 完全係2人份量。最後仲送上兩個飯後甜品芒果奶凍，淡淡地芒果味重，成餐飯好滿足。

最近同朋友去完日本，意猶未盡，番到黎香港都要食番d日本菜😂呢日就去左間都多人推介既德美壽司，價錢唔算好貴，食物高質🤤汁燒魷筒份量適中，食落唔會un，爽口彈牙～d汁甜甜地都幾惹味😋青瓜麥味噌早排係日本食過就愛上左😍雖然只係簡單既食材，但係青瓜好入味好爽脆，解油膩一流！鐵板牛柳粒d牛柳粒份量都算多，肉質鮮嫩好淋，配埋d汁有少少似食緊中式牛柳😂墊底既洋蔥好甜😋德美海膽魚生飯呢個魚生飯有好多款刺身，例如三文魚、油甘魚、帶子、蟹柳、蝦同埋海膽🤤刺身雖然每款只有大約2塊，但就好大塊同厚身😍呢個set仲有湯同埋沙律，都算抵食👍🏻最尾仲有個送既忌廉泡芙做甜品，滿足😍

黑豚肉炒野菜，黑豚肉即日本的一種豬肉，🐷口感特別豐富，肉質細嫩，而且油脂分布均勻，備受青睞。🥢菜式營養，搭配了各種蔬菜和肉類來製作。.野菜牛肉鍋，鍋物的份量都幾大，🐮而且配料好多，有香滑嘅玉子蛋，嫩滑牛肉，入味金菇，同埋淋甜野菜，🥩牛肉片多件。.唔會膩，健康美味，👍融合了牛肉和各種野菜的鮮美味道。可以餸飯一齊食，🍚非常健康。.dinner都非常旺人，我覺得菜式選擇多元化，刺身，壽司，熱食都有。

好多年前食過一次德美幾好食，近排突然醒起佢，就去回味一下。大蝦天婦羅呑拿魚茸卷 $85貌相幾靚，隻蝦頭炸完都仲放返係度做裝飾。卷物唔算大件，4件比想像中嘅少，我expect都有6件…味道方面係好食嘅。汁燒魷筒 $85同樣份量偏細，魷筒嘅闊度大約2隻手指嘅闊度…可能偏細，無咩口感。鹽燒油甘魚鮫 $91油甘魚鮫出乎意料之外，魚鮫好多肉，而且鹽燒味幾香，魚肉幾滑，怕油膩可以點啲蘿蔔蓉醋。野菜牛肉鍋 $78加$30先有烏冬，不過好彩都大碗，無烏冬好似差咗少少嘢咁…牛肉幾嫩滑，有幾塊根較多，個溫泉蛋好食！

一向係德美嘅常客 但無認真介紹過(#´ー´)早排再食終於記得要好好影相 可以同大家𝘴𝘩𝘢𝘳𝘦～過往都係幫襯紅磡店 第一次去尖沙咀店 好旺場啊 紅磡環境相對闊落 裝修亦更日系 但𝙏𝙎𝙏位置就方便啲 德美都算係性價比幾高嘅壽司店🍣魚生夠新鮮 份量適中 又有鍋物飯麵之類 當然午市有套餐就更抵食 最推介魚生角切飯 刺身拼盤之類(*ﾟ∀ﾟ*)吞拿魚茸更加係每次必食 今次叫左大蝦拼吞拿魚蓉卷 又脆又有鮮味 口感十分豐富的～🐻是次餐單🐻♥ 大蝦天婦羅吞拿魚茸卷 $85.♥ 韓式泡菜豬肉鍋 $73.♥ 芒果蟹子沙律 $65

・　洋風鰻魚班戟♥️ ($62)意想不到地夾！平時的班戟主要都是配甜點或者吞拿魚辣肉腸之類，鰻魚配班戟真係第一次見。先講賣相，就似換成班戟外層嘅鰻魚卷。軟綿綿嘅鰻魚口感加上入口即化的牛油果，和班戟皮十分相襯。醬汁的鹹味和班戟皮的甜味互相中和，美味又不膩。・　三文魚親子卷🍣 ($67)新鮮的三文魚，配上鮮甜的三文魚子，一直是經典的配搭。配上青瓜，玉子燒和蟹柳的反卷，既清爽又鮮甜。・　晚市丼物 ($132)　▸　沙律及麵豉湯🥗凡叫晚市丼物套餐都會送沙律和麵豉湯。特別要稱讚他的沙律，有配煙三文魚，鹹鹹的帶出沙律菜的鮮甜。　▸　三色魚生飯🍚三色魚生飯啊，除了平常的三文魚，還有油甘魚和帶子，十分新鮮和鮮甜。值得一說的是他配上了溫泉蛋，令人不會覺得丼飯很乾，是一個很特別的配搭。・　燒深海池魚頭🐟 ($58)叫了這麼多生食，臨尾還是要叫一些熱食暖暖胃，這個燒深海池魚頭正好滿足我們的需要。上菜的時候熱騰騰的，配以青檸汁會白蘿蔔蓉，不單吃到池魚的鮮味，還有其他配搭令味道更加百變。😋味道4.8/5🏡環境4.9/5🍽️服務4.8/5🙆🏻‍♀️再去4.5/5⭐️總體評分:19/20💰總消費: $351/2人(有加一)

數下手指好多年冇嚟，呢間餐廳食物質素不錯的，難怪見佢成日爆埸。今次我約咗哥哥上去食晚飯，吾想等位所以早啲上去。難得咁開心，一於開番支Sake 嘆下先🍶，《真澄·辛口 Gold》（$89/180ml)，個人覺得幾易入喉，細細支夠曬我一個人飲。《德美海膽魚生飯》（$172），送麵豉湯和沙律。呢度嘅魚生飯水準一直都保持得很好。魚生夠新鲜又厚切，肉子燒亦都好味，最緊要佢嘅醋飯味道甜酸度適中。《野菜牛肉鍋》（$78），牛肉份量頗多，蛋香豆腐滑，個人覺得味偏鹹，不過幾啱送飯。未係好夠飽，哥哥話想食多幾件壽司，揀左帆立貝、甜蝦和魷魚。事實上，呢度嘅壽司又係真心吾錯嘅。埋單吾使五百，仲有甜品送。位置尖沙咀厚福街H8 五樓，晚餐時段建議早的上去吾便等位。

呢間已經成為左我既常去飯堂之一 因為一黎地點方便 價值相宜 食物質素咁多年都仍然保持到！😍今次同個女仔朋友食 所以就無食到咁多野🤣帆立貝壽司(2件） $39帆立貝好大粒 食完非常有滿足感 😍而且夠鮮甜😍 飯都唔會好多！👍🏻魚子蔥拖羅茸飯 $142呢個係朋友上次食完 心心念念想食既一個飯🤭 佢覺得成個飯好夾 好味🤤洋風鰻魚班戟 $62必叫的一款 每次黎都會想食😚 但今次既牛油果硬左小小 🤔其餘味道同平時一樣～😝

尖沙咀好多嘢食但我朋友話想食日本嘢咁就帶佢嚟食依度出名又平又抵又靚但係座位就唔算多，同埋人都多，所以要早啲黎等位啲食物全部都唔貴韓式泡菜，豬肉鍋 加烏冬，要比多$30夠晒韓式好夠辣味啲肉同菜都好入味個烏冬嘅份量都好多，我如果細食既話一個人都未必食得晒👍👍鰻魚朴葉飯 啲飯下面有張葉嚟一齊蒸所以成個飯都有啲葉香味啲鰻魚都好林好友鰻魚味，中間仲有啲蛋撈埋一齊食好好味三文魚親子卷有啲沙律醬點下幾好味最後食完每人都有一個甜品送面頭應該係啲芒果醬黎正👍👍

.德美壽司🍣今日咁岩想食壽司🍣，記得之前想食德美，但朋友唔想食😯，今日自己一個，就去左食😆位置好方便，因為我好中意去厚福街搵野食，德美正正就係厚福街。當晚上到去真係滿坐🤣好彩我一個人，好快就有位🤩……….我簡左幾件壽司🍣同埋一份天婦羅💁🏻‍♀️🍣三色壽司海膽壽司、三文魚子壽司、蔥拖羅茸壽司($92)有好多款三色壽司選擇，我簡左有齊我最中意嘅海膽、三文魚子、拖羅茸🍣海膽好鮮甜，唔苦，入口即溶😆三文魚子份量都唔小，拖羅茸淡淡粉紅色🤩好食，壽司🍣質素唔錯，可以再黎食😋……….🍣火灸穴子（星海鰻）($60)我都係呢一兩年先愛上食穴子😋，但呢間嘅穴子感覺偏咸，但都幾厚肉……….紫蘇沙追魚海膽天婦羅($73)呢個都幾特別，我係中意食，下次再去都會再食😋……….地址：德美壽司 (尖沙咀)尖沙咀厚福街8號H8 5樓……….

🇭🇰德美壽司·我好耐無黎過食德美啦 如果黎H8想食日本嘢既話我地通常都會去左doraya🤣🤣但係今次再嚟我覺得勁有驚喜 唔知係咪近排人流多翻 我覺得佢嘅刺身新鮮咗 食得超滿足🤤·吞拿魚腩茸三色飯$120佢呢一個真係勁正 成碗舖滿晒吞拿魚茸 而且佢質感好好係仲食到一粒粒 口感好好 而且佢既吞拿魚都好肥美 食落勁開心🥳之後佢上面個海膽同埋帶子都超甜😋😋午市套餐仲會包咗沙律 蒸蛋 湯同埋甜品 超級豐富 所以我最後都食唔晒🤣🤣尤其係佢個蒸蛋超級滑溜 好好味 完美咁治愈左我哋嘅blue monday😌·#rbyeat#rby日本菜 #rby壽司 #rby尖沙咀 #rby紅磡 #rby將軍澳 #rby沙田 #rby大埔·📍尖沙咀厚福街8號H8 5樓📍紅磡黃埔新村德民街31號地下1B號舖📍觀塘協和街33號裕民坊YM² 3樓310號舖📍沙田沙田圍路9-11號田園閣地下E舗📍大埔翠和里1號永發樓地下1A舖

自問真係好鐘意食日本野今次要為大家介紹既係 - 德美壽司德美壽司係位於尖沙咀既厚福街H8 Building餐廳成個環境都好cozy，而且好有日本居酒屋既風格！食物個方面 Overall黎講個質素超超超超好！特別係個左口魚壽司！佢個油脂超超超重，而且食落幾香濃味美！不得不提個海膽壽司都好鮮甜味美！個人黎講，我大愛鰻魚朴葉飯！個鰻魚肉好軟腍 而且係無骨架！而且個汁都好香濃，有興趣既朋友仔記得bookmark定！

餐廳：德美壽司地點：尖沙咀厚福街菜式：日本菜餐牌：壽司、刺身、卷物、手卷、燒物、一品料理、鍋物、串燒、揚物、天婦羅、盛合、飯麵、碗物、丼物、沙律前菜、漬物珍味、飲品、甜品。落單用QR code。銀鱈魚西京燒 $103 另加一呢款銀鱈魚西京燒係推介菜式。銀鱈魚大大片，少少皮都燒得好脆，魚肉又滑又香，油脂豐富，完全無骨，甜甜地好味道，點沙律醬更好食。配有薯仔沙律，入面原來有煙肉，紅蘿蔔同青瓜，另外仲有青瓜三片同車厘茄一粒可解膩。黃金汁焗蠔 $41 另加一黃金汁焗蠔一客一件，蠔好大隻，肉質又嫩又滑又多汁，面頭黃金汁酸酸鹹鹹，我覺得有加明太子，我連醬汁都清埋。伴有一粒車厘茄。燒雞軟骨 $20 另加一燒雞軟骨一客一串，一串七八粒，燒得脆皮香口，鹽調味唔算太鹹，伴有檸檬一件。洋風鰻魚班戟 $62 另加一呢道菜式好特別，係和洋fusion。洋風鰻魚班戟一客四件。軟綿綿幾層皮包住鰻魚，牛油果，芒果肉同南瓜，再加上蟹籽同沙律醬，食落係多重口感味道，軟綿綿中帶滑溜脆口，好正。伴有龍珠果半粒。食完仲有甜品送，係牛乳布丁加芒果醬，又香又滑又夠甜，完美為呢餐畫上句號。總括而言，今餐試左燒物，一品料理同串燒，食物