德昌餐廳

營業中

休息中

兩口子晚飯家庭小菜有魚有肉有菜百四五蚊埋單，性價比極高。店舖位置是比較隱蔽，尤其是晚上室外比較幽暗，除了街坊，相信外人未必會入這條街。一般茶餐廳的裝修及服務，這個價格絕對接受。驚喜的是，蒸魚是頗新鮮的，炒菜亦不錯。一頓家庭式晚餐，大滿足。

呢間位於基利路的茶餐廳係一間老字號，平時好多街坊會去食，佢哋個套餐有少少mark up, 但係勝在味道都唔錯，至於佢哋個河粉，我覺得真係其中嘅一絕！really a vintage 冰室

德昌茶餐廳是香港一家著名的茶餐廳，以其地道的港式美食而聞名。最近，我有機會品嚐了他們家的招牌菜之一——碗魚片河。然而，我要說的是，這道菜的表現只能算是一般般。首先，讓我來談談這碗魚片河的外觀和味道。當服務員端上這碗湯時，我注意到湯底的顏色相當清澈，且有一絲淡淡的魚腥味。湯中的魚片看起來新鮮，但有些太薄，幾乎看不到魚的質感。至於湯底的味道，味道清淡，缺乏一些鮮味。我期望能夠品嚐到更濃郁的魚湯味道，但這碗魚片河並未能完全滿足我的期望。接下來是有關配料的部分。這碗魚片河的配料相對簡單，除了魚片外，還有一些蔬菜和河粉。蔬菜的新鮮度和口感都還不錯，但河粉卻有點軟爛，缺乏彈性。我喜歡河粉有一種嚼勁，但這碗魚片河的河粉卻有些失望。最後，讓我提一下服務和價格。德昌茶餐廳的服務態度還算友善，但速度稍稍有些慢。至於價格，這碗魚片河的價格相對合理，與其他茶餐廳相比並不算太貴。總的來說，我對德昌茶餐廳的鰂魚湧——碗魚片河的評價只能算是一般般。雖然魚片新鮮，蔬菜口感不錯，但湯底的味道不夠濃郁，河粉的質感也不盡如人意。如果你對於港式茶餐廳的魚片河有較高的期望，可能需要考慮其他選擇。

叫了個五香肉丁、雞翼、轉出前一丁，再加多士，轉凍飲。個五香肉丁都算ok ，夠辣。個炸雞翼係腥的，成陣雪水味，難食。個丁麵係就噉浸熱水的，仲硬的，難食。自己衷，加喱加路，搞到一個早餐盛惠$56！我知錯了以後唔敢再去！！

今晚二人order左墨丸河加腩汁，油菜（菜心），乾炒牛河同凍奶茶。墨丸河嘅墨丸質素一般，唔叫大粒，亦唔算特別好食，但係都爽口彈牙嘅，河粉同湯底唔錯（唔肯定係唔係魚湯湯底），只係我更ok佢嘅腩汁，阿姐直情另外俾碗腩汁我。油菜大碟冇特別。乾炒牛河唔多油亦有鑊氣，不過牛肉就炒過龍有D乾同韌。Anyway, total$120，街坊茶餐廳價，仲可以嫌D乜。

餐牌上📙寫著咕嚕肉🐷/生炒骨🦴，下單的時候，店員會詢問要那一樣，其實分別何在？咕嚕肉沒有骨，飯很熱，咕嚕肉🐷也是即叫即炒，以茶餐廳的水準，這個味道抵食加好食😋

我和老公行完後經大風坳，落返鰂魚涌都下午茶時間了。因為早上去行山時只食了早餐，肚子也有點兒餓，便草草找了一間舊式茶餐廳， 填飽個肚充飢。便入去整碗麵見到人家食啲豬手好似幾好，平時很怕肥膩的我便膽粗粗試一試。豬手入味色澤又夠，又好有柱侯味另外啲麵又爽口冇話好重嘅鹼水味 仲要價錢唔貴 30元連埋嘢飲超得跟住呢一杯奶茶， 奶茶真係夠香滑又夠熱達到基本奶茶嘅元素 。一於下次行完山也會繼續嘗試去其他款式，有很多款嘢食。老公食魚蛋粉都話好好味，重話好有魚味唔會話好似普通魚蛋又彈牙。

今天跟家人吃早餐，我和家人都叫了魚蛋麵/河。魚蛋魚片彈牙，分量亦很多。只是湯比較清淡。而我同樣是叫了魚蛋麵，只是加了腩汁，味道豐富多了。我可以想像餐廳的牛腩必定是很好吃的，因為腩汁非常濃郁。同樣地這碗的魚蛋魚片也是非常彈牙，加起辣椒油，是絕配。由於這間餐廳的辣椒油辣度十足，非常適合喜歡吃辣的朋友。這裏的環境坐得舒服。只是，服務員態度不是特別良好，而且價錢也不算平民。其實餐廳還有不少選擇，尤其是小菜。還未有想過小菜，所以不便評價。但聽說這家茶餐廳的小菜很有鑊氣，而家小菜價錢也不算貴。大家可以一試。

而家想搵一間好食嘅早餐都真係比較困難,今日去到鰂魚涌德昌餐廳亦不例外,大失所望。我叫了一份早餐凍奶茶。多士飛邊 牛油唔夠 脆度亦都不足,失望。茄汁焗豆完全冇熱過 欠缺誠意 !!!好食嘅火腿片 需要輕輕煎脆兩邊 呢一間好明顯冇做到!! 反蛋少油冇穿算係有啲技術。最唔得係杯凍奶茶,多冰到一個點,飲到最後 變咗一杯淡奶茶,完全冇味,極之失敗。埋單仲要收我43蚊失敗之中嘅失敗。又多了一間餐廳 落入我黑名單之中-德昌餐廳!!

今日見天氣好，所以行遠少少，去同事屋企樓下間泰國餐廳試試，誰不知，人太多，所以轉地點。去到呢個地埗，一定係有位行先去到門口，啱啱有位，就緊係埋位啦⋯⋯睇睇個餐牌先啦⋯⋯真係好普通，普通得黎，又比較唔太大路。普通係牛肉，牛排，腩片，雞柳，蒸魚，好 common 呀，但配搭又唔係一般餐廳常見架喎。有陣時，你真係唔想食乜乜抄飯，又星米之類。結果，叫咗個 芝士蘑菇海皇燴長通 。個名長，料係足既有帶子墨魚飯蝦，但汁就唔夠濃，水汪汪。反而見同事個星米，幾乾身，料都足呀，別人的飯香。好啦，食完啦，但...原來蒸魚仲未出，如果我係叫蒸魚果位同事，就火都黎埋啦⋯⋯要扣分呀⋯⋯

平時常路経過，從來冇幫襯過！今天晨早有約要赴，飢餓難頂，見到此店已經開門營業，開心不已呢早餐有中、西選擇，種類繁多，有選擇困難..選了雪菜肉絲湯米，凍〇茶，＄34！原來尚有煎蛋，更再可選多一款 - 餐肉或火腿或煙肉...包括牛油麵包/多士...結果，雪菜肉絲，太陽蛋，餐肉，湯米粉，好豐盛呀...雪菜肉絲份量不少，雪菜不咸，肉絲好似樣，很嫩滑，零❄️味！太陽蛋係即做，剛煎好，新鮮熱辣辣，蛋邊仍香脆的，餐肉，煎得好香口，無過火，米粉係粗條，有咬口，湯底好淸，似無落味精！此店的辣椒油，好勁度，有水準！（要一提，載著辣椒油的瓶，整潔）此個早餐，簡直喜出望外，係用心去做的！

今日午飯時間經過餐廳，見好肚餓就入咗去。叫咗豉椒肥牛炒河跟杯茶走。炒河夠晒熱，但係好碎，好幾次都要用匙羹先食到。另外，河粉會黐埋一齊，鑊氣唔係好夠。值得一讚既係，份量多哂大，同埋上碟既時候都好熱 。

下午茶時間游到太古城B出行一陣, 係一個麵包店內轉入去就見到一間多人嘅茶餐廳,張張台都有人座,所以就入去試吓啦！下午茶時間叫咗鲜蝦雲后麵配熱Horlicks.😆😆😆杯Horlicks唔會稀鬧鬧😋😋, 鮮蝦雲吞個湯底好大浸魚味啊😨, 好似亞媽嘅爱心魚湯味呀！因為我唔多食魚所以加咗胡椒粉同加埋夠辣既辣椒油, 一小啖麵, 一小匙湯, 一齊放入口,😲冇味噌湯底呀😋😋😋😋😋😋, 雲吞真係彈牙呀😋😋😋😋😋得呀！炸雞中冀有3隻, 炸粉醬好薄唔會成囗油+薯條如果炸脆啲就會香囗啲, 多士烘得剛剛好, 係脆嘅😋, 配熱奶茶, 宜杯真係大排擋味道, 一啲都唔澀啊😋😋😋😋😋回到魂👍🏻💯！鮮蝦雲吞麵$34彈牙雲吞夠辣辣椒油炸雞中冀十薯條十多士有茄汁豆$36大排檔奶茶舖面

鰂魚涌隱世之極度美味茶餐廳，哈哈，咁係因為佢既位置比較上隱蔽，唔係係大街上，要轉角先搵到，雖然佢唔係係主要街道，但佢憑住美味既食物都吸引到一班食黎幫襯，呢間係果種典型超有鑊氣既茶餐廳，我個人覺得非常美味，基本上餐牌每樣野都係整得咁好味。我會推介大家可以試下呢度既咕嚕肉，基本上係必食既，可以話係一試傾心既程度，佢既醬汁酸酸甜甜包住每一舊炸得非常香非常脆口既肉，用黎撈飯根本一流，配上一舊舊酸甜既菠蘿，根本超開胃。

2019 年1月26日星期六今朝同屋企人去附近開戶口，搞掂都差不多十點九諗住快快手喺附近食個早餐度度食早餐價錢都差唔多30幾蚊啦，諗住應該都唔會差得去邊叫咗個沙嗲牛肉麵，只可以用一個字形容，差！沙嗲牛肉麵可以煮到咁難食都係第一間，牛肉好難咬！叫咗杯奶茶，杯茶冇茶味嘅。只係飲到啲奶嘅味道!茶餐廳連奶茶都唔識沖！跟住再講下個呀姐，落單面冇表情！叫佢攞杯熱水，一開始就話等等等5分鐘都攞唔到杯水來，再叫多兩次先至放低杯水。攞杯水都人黑面!!!!餐廳裏邊都唔多人，攞杯水都咁一句講晒，冇下次！