德國餐廳 (Mikiki)

營業中

休息中

行到Mikiki商場大門口，左邊見到有狗狗與主人在露天食肆進餐，原來係一間德國餐廳Das Bier，於是同朋友入去試試。餐廳內部佈置有特色，牆上有德國地圖做裝飾。 坐下不久，芝士薄餅就送到面前，煎得香香脆脆，配以甜甜的醬，打開味蕾。叫咗個德國香腸拼盤，香腸有三款味道，焗得啱啱好，香脆滋味，配有兩個芥末醬。 其中一個甜甜味的，蘸上先食非常美味 ；但如果你怕太強烈攻鼻的芥末醬， 另一款嘅你就要蘸少少試吓先， 因為太多未必適合。 然後將香腸配芝士薄餅一齊食，感覺更加完美！ 再嚟一個香草煙肉三文魚意粉，意粉沾滿香草，味道清新，軟稔適中，加上三文魚嘅鮮味，煙肉嘅香口，一啖又一啖，吃過不停， 好滿足的一餐。不過去到店員先至講話今日節日冇咗個套餐，咁唔緊要嘅。不過佢嘅語氣同態度就可以婉轉少少會比較舒服囉聽落去。係一個可惜嘅點啦。

其實以前去新蒲崗已經遠遠望過呢間德國餐廳好多次，唔知點解有種感覺好想去，今日年初三終於有機會去到。時間尚早但係都見到有啲客人已經坐喺出邊露天茶座嗰度食緊野好開心好有氣氛，但係我哋入咗室內嗰度坐啦。咁入到去就唔見我哋原本想叫嗰個套餐，咁我哋都諗應該係新年可能冇咗，咁我哋就問吓店員啦：店員話冇唔緊要嘅，但係唔使咁倔。😐所以店員講嘢嘅語氣同服務態度就真係有待改善啦～而且去到冇咗個餐，咁我哋冇叫其他嘢飲。餐廳應該主動啲去問我地要唔要水或者幫我地斟。咁我哋叫咗佢斟四杯水，入邊有兩杯水都係污糟，我哋又要再叫佢換啦。幫我地斟水同主要服務我哋嗰個服務員態度都算好啲，謙虛。我哋就唯有叫德國豬手、香腸拼盤、墨西哥香蔥芝士醬薄餅🧀🌮同埋香草醬煙三文魚意粉。🍝呢度招牌德國鹹豬手。我對佢嘅期望係好高，因為係德國餐廳囉同埋真係食過好味嘅德國鹹豬手係一定好🈶️鹹香味道，味道好入味。但係呢度就有待改善。佢就切開晒成碟嘅都幾方便。咁但係個豬手味道就真係唔夠咸味道太淡我都食唔出係鹹豬手。唔夠入味我食唔到鹹豬手嘅感覺。而且豬手嘅外皮應該係同佢嘅外貌相符合即係要脆身，但係佢就冇呢個感覺。同埋佢陪左啲清新嘅酸菜係好事黎嘅，一嚟夠

年初三同屋企人去咗一間德國餐廳食飯，餐廳嘅裝修幾靚，而且有戶外環境可以揀店內有少少新年嘅裝飾叫做個德國鹹豬手配酸菜及薯仔沙律，豬手係預先切開，方便食，份量都OK，不過略嫌豬手味道唔夠濃，而且外皮可以再脆啲，配上酸菜可以中和油膩感覺，而淺黃色嘅芥辣味道真係好勁，建議大家點少少就好卡邦尼意粉嘅芝士味道好濃，食得出好creamy，而且面層有一啲煙肉同Parma ham做配料，配搭得唔錯，我諗鍾意食芝士或者白汁嘅朋友一定會鍾意另外仲叫咗個德式肉丸燴松露意大利飯，醬汁比較厚，可能因為之前食咗個意粉，覺得有少少膩口，如果意大利飯裏便有多啲蔬菜做配料，應該感覺會平衡啲，肉丸就正正常常餐廳嘅主食選擇唔算太多，但飲品方便就有好多酒類可以揀本身見網上有一個豬手香腸嘅套餐，可惜假日原來冇得揀，如果大家想抵食啲，下次最好打電話問吓餐廳先去

好耐無食德國菜，見這間小店好評如潮，今天經過新浦崗一於試下。店子不大但佈置得溫馨，就像歐洲小酒館，而且有室外位，方便帶寵物人士。食德國菜緊係要食咸豬手，這店少有的可以選擇白烚，但我還是喜好脆皮豬手好大份，已經切好晒，唔使自己切咁辛苦個皮超級脆，但一點都唔肥，勁正！D肉就爽滑彈牙，香得黎又唔會太咸，豬手可以話食過香港多間德國餐廳中最好食！伴碟仲有大量本人最愛的酸菜絲同埋撈左荷蘭醬的薯仔，兩樣都好好味有兩款芥末俾你點，一款酸一款辣，好細心呢另外點左個極黑安格斯肉眼, 亦都好有水準！唔使300蚊有10oz, 勁大塊好抵食！啱啱好medium, 肉質軟熟，燒得夠香，無乜筋位，成塊都好好食另外個燒烤醬酸酸地重紅酒味，沾薯條一流德國餐廳另一重點當然是啤酒，店子提供多款選擇，連本地啤都有，任君選擇，唔飲酒的，竟然仲有街頭大熱的奶蓋茶食物好，價錢抵，坐得舒服，值得多d幫襯，試埋其他菜色

住係附近唔想出遠門又想食好西，又唔想去連鎖既餐廳，係openrice 揾左好耐就揾到依間小店，就同咗朋友去呢間好多人都鍾意食嘅西餐舖頭。入到去雖然舖頭細細，但裝修比我既感覺係地道德國菜既餐廳，好適合同朋友黎打卡。餐廳出面仲有坐位，可以望住出面啤啤佢chill反下。黎到食既部分，依間餐廳提供既選擇頗多，同朋友叫左個烤豬手配薯仔沙律，又叫左個西班牙海鮮炒飯，一人一杯啤酒，我飲黑啤，佢飲stella。主菜好快就到左，我諗唔夠十分鐘，一盤熱辣辣既豬手就送到面前，份量都算大，我地兩個女仔食唔哂！豬手皮好香脆，同時唔油膩，都算做得幾好。之前食過其他西餐廳，豬手皮會炸到好油，搞到好快食唔落，但依間就唔會!另一道菜係西班牙海鮮炒飯。一上枱我都幾驚訝，因為d海鮮多到係圖文相符架！而家真係買少見少。每樣海鮮都好新鮮，尤其係蜆同青口，仲有蝦，個飯都好香好有口感。到左啤酒，友人就不嬲飲開stella所以質素都有保證，而我杯黑啤都好香麥味，可以認住個牌子下次再飲。餐廳仲有提供港產啤酒，下次都要試埋！總結就係所有主菜都做到expectation 以內，價格算差不多，可以一戰！

朋友帶我去新蒲崗既mikiki食德國菜，平日放工6:30pm去到。兩個人可以坐四人位，正，唔洗同人迫枱，坐得好闊落。食德國菜，梗係要食豬手兼酸菜。有白豬手同炸豬手，我地叫左炸既。一上枱，嘩，好大隻呀，仲好一件件。切得好乾淨，唔會有剩肉癡住喺骨度。豬皮炸得爽碎，肉好滑，無乾身$208咁大隻豬手，都抵食。配菜有酸菜，好食。仲有好多薯仔，兼兩款醬汁比我點。另外，再點左份安格斯肉眼扒，10oz $288，上枱嗰下，又係嘩左一聲。超大塊呀!!!!肉質夠嫩滑，有牛味。配菜係薯角，仲有蔬菜。兩個人share食，真係好好好飽。啱晒食肉獸既我地佢有個二人餐，價錢好吸引，下次可以再試下。

好耐無見朋友們今日約左一行四人去小聚九龍城係我哋成日都會去嘅地方今次就試吓少少新意去咗新蒲崗嘅mikiki既Das Bier食德國菜餐廳仲有室外嘅位置 天氣涼涼地好舒服好適合坐喺度慢慢傾吓計睇一睇menu先 菜式好豐富德國鹹豬手去德國餐廳點可以唔點鹹豬手豬手香味十足 外脆內嫩連伴碟既鹹菜都好好味 仲有薯粒 好豐盛德國香腸拼盤香腸拼盤又係另一份必點既德國菜式另外有超級拼盤比大家揀會大份d由於我地4個女仔都唔係食肉獸揀依份已經好足夠 香腸外脆內軟 十分香配啤酒就最岩 仲有薯格同鹹菜 大大份卡邦尼意粉上枱嘅時候同平時既卡邦尼意粉一樣 正正常常但一食落去就發現依度嘅卡邦尼意粉好出色芝士忌廉味濃郁 同友人讚不絕口藍青口最後揀左份藍青口 青口鮮嫩配上白酒忌廉汁 好好味道 滿意我既青口癮唯一不足係青口比較細隻 最後梗係唔少得飲返杯德國啤酒啦

今日又去左住Mikiki既朋友屋企玩傾計傾得興起就話要去啤一啤順便食埋晚餐朋友即刻話去食德國菜飲德國啤酒位置就係樓下又夠晒方便 梗係好啦 有室外座位 掛上柔黃燈飾 氣氛唔錯德國鹹豬手伴碟有酸菜絲 味道岩岩好 唔會太酸太鹹仲有蛋黃醬薯粒 多重滋味鹹豬手外皮炸得酥脆 豬肉嫩滑點上芥末同甜芥末都十分配 好味道德國香腸拼盤香腸拼盤內有四種腸我同朋友都鍾意芝士腸款 好味道伴碟有酸菜絲同薯格亦配有甜芥末同茄汁藍青口同友人突然都好想食青口 二話不說即刻點左份洋蔥忌廉白汁青口果然不負所望一羹白汁淋上青口 一口食落去 好滿足德國啤酒揀左兩款啤酒Das Bier Lager 麥味濃d香dErdinger Weissbier 帶淡淡麥味各有千秋 睇自己鍾意濃定淡

好耐都無行過新蒲崗一帶了，轉變真的很多，新開的Mikkii商場附近多左好多有特色的餐廳，朋友今日特登訂左間食德國豬手和腸仔的餐廳和我共進晚餐，我們去到店員已為我們預備好坐位，餐廳內附設有吧枱，外面還有露天坐位，非常適合喜歡飲反兩杯的人仕，而餐廳的餐牌很特別，A3size甘大用夾報紙的框夾夾住，內有精美的彩色圖片，感覺好似睇緊彩色的報紙，我們點了德國香腸拼盤及法式燒春雞(全隻)，還有兩杯特色的芝士奶蓋飲品品嚐。 香腸拼盤首先出場，當中配埋薯角及少量酸菜: 而香腸方面分别有兩條肥嘟嘟的蜜糖腸，咬落非常脆口又美味，蜜汁非常豐富，還有少見的白肉香草腸及像蛇餅一樣長的白腸，當然唔少得仲有芝士腸啦， 芝士腸咬落啖啖濃濃的芝士味，点埋蕃茄醬及蜜糖芥末醬食真的非常芝味無窮。 跟住燒春雞登場，燒春雞外皮鬆脆可口，當中配合埋酸菜、蛋黄芥末醬及蕃茄醬，一起放入口食無甘膩，食落仲好有特色。 因為當晚天氣比較凍，所以我和朋友都点了熱的芝士奶蓋飲，朋友那杯是雪梨蜂蜜芝士奶蓋，朋友飲到贊不絕口，說味道夠濃，奶味又夠

又到咗每月一次嘅黑啤time～🤤 今次選擇咗喺新蒲崗嘅das bier，位置喺Mikiki地舖，都幾易搵到。 餐廳裝修幾外國風，入面仲有大大塊德國地圖，幾有風情。 其實今次嚟，喺想放工之後chill下飲黑啤。餐廳啤酒選擇算大路，我哋毫不猶疑就叫咗Das Bier Lager，Erdinger Dunkel同我最愛Guinness Surger。 首先喺Erdinger，我覺得算喺入門級黑啤，唔算太苦。相反我比較鐘意偏苦嘅味道，Guinness呢款黑啤飲落會有種苦嘅可可味，但啤酒泡飲落好滑同creamy，所以顯得佢比較特別。 到德國食物部份，我哋叫咗上次食過都大讚好味嘅香腸拼盤。香腸juicy，咬落去有大量肉汁🤤 另外叫咗一個香草醬煙三文魚意粉，香料味重咗啲，但係同煙三文魚味道幾夾，食落幾full。 仲有叫咗燒春雞，幾香口，要嚟邊傾計邊送啤酒一流。😛

新蒲崗一向都係我中意搵食既地方，今日同朋有黎左Das Bier 食德國菜。先講下餐廳既環境，佢分左室內同露天既地方，本來好想坐露天，吹下風、望下街景食，不過我地去既時候露天已經full 哂，所以只好坐室內。而室內既設計以Vintage復古風為主，牆身痴左紅磚牆牆紙同復古嘅裝飾，甚有特色。而且啲太大大張，就係一班入嚟食。Menu大大本，可以清晰見到食物嘅照片，包保一定唔會叫錯。先叫咗個香蔥芝士焗薯條 $88，可以加$25配巴馬火腿或三文魚，不過因為驚食唔晒，所以我哋冇加黎食。薯條熱辣辣新鮮焗起，而且非常非常大盤，我諗呢一盤薯條起碼有四、五個人份量，3個人食都覺我好full，岩哂一大班人叫，真心抵食。薯條加左黑椒，食既時候有小小微辣既感覺，並帶有香蔥味，而且面頭既芝士做到好長拉絲既感覺，食落十分惹味。只係略厭蔥唔夠多。另外叫左個德國超級香腸拼盤$188，香腸拼盤都非常豐富，腸仔種類非常多，有長腸、 有短腸，有辣嘅香腸、有香草嘅香腸等等，而且款款質感同味道都唔同，而我最鍾意嘅係辣肉腸，細細條，但識落辣辣地，非常過癮。另外佢配上茄汁同蜜糖芥末漿，也相對地我較鍾意點蜜糖芥末漿。另外有啲酸蘿蔔，食

今日嚟咗新蒲崗食晚餐，喺廟Kiki出面有好多間餐廳都有露天位置，日本菜又有、西班牙菜又有、德國菜都有，因為太耐冇食過德國菜而，而且果一刻好想食德國香腸，所以黎左Das Bier 。Das Bier野食種類唔算好多，但食物既款類夠集中，本身想叫埋啤酒飲，但因為揸左車既關係，所以只好飲清水。唔駛諗，第一時間即刻叫左一個德國超級香腸拼盤 $188。拼盤有5款唔同既香腸，加上薯角同酸菜。加配了酸菜，食落非常開胃，醬汁有茄汁同蜜糖芥醬。香腸拼盤有辣肉腸、白肉腸、芝士腸等等。而我教為喜歡長長的芝士腸，芝士腸味道香濃，而唔同既口感也很不同。另外，叫左一個頂級黑安格斯肉眼扒 $288。牛扒嘅size非常之大，大都好似我塊面咁大😱。我叫咗七成熟，分量足夠兩個人食。牛扒加上薯角、翠玉瓜、茄子做配菜，配上燒烤醬，分量足夠兩個人食。牛扒牛味香濃，而且肉質腍亂，只係略嫌中間有啲位肥膏較多。食完之後，真心覺得佢d野大件夾抵食，很滿足的一餐。

早前到了新蒲崗區一間主打德國菜餐廳晚餐😎室内餐廳面積不大，但有歐洲洒吧的情調。或者可選擇在户外進餐，環境不錯，十足歐洲風味。户外進餐，香港比較少見，這氣氛不錯柔和燈光下，三五良朋，喝德國啤酒。更見到有人帶來寵物小狗一起户外晚餐呢。簡單的餐單，德國出名鹹豬手和香腸。點了德國超級香腸併盆。有番茄醬和芥末醬香腸味道不錯，酸菜有特色，喜歡芥末醬的味道。香腸併盤中有白肉腸，辣肉腸等等，每款口感不同。我個人較喜歡辣肉腸，微辣，加上脆皮腸衣，好味 。😋我們還點了德色肉丸配意大利黑松露飯😚芝士味十足的意大利飯，特別的足飯中有瓜粒和菇類等，入口爽甜，加上黑松露的香味，滋味十足。

叫左一客蒜蓉包 牛油同蒜蓉都好足 揸哂成塊包嘅每一個角落 又暖又脆口😝主角當然係德國炸烤豬手😍佢已經幫你切好左 連骨咁上 d皮超級脆口 咸度同係德國食嘅一樣 唔錯👍特別嘅係佢配左兩款芥末醬比你點嚟食 左邊淺色d嘅係似點德國腸個隻醬 右邊都係芥末 但係係甜嘅 個人prefer後者 但其實豬手唔點醬 原汁原味都已經好正 配菜係薯仔沙律同埋德國酸菜薯仔沙律個醬都係有少少芥末味 酸菜冇德國個d咁酸 可以食得落😛食食下豬手 再食下d配菜可以中和返個咸味 refresh下條👅叫左2樣野 2個人食 好似好少咁 但都食到我地超級飽餐廳環境唔錯 有室外座位除左豬手 德國腸同啤酒好似都幾出名 希望下次再嚟試下宜家仲做緊優惠 但唔知係咩呢 食到最後先見到😂😂

第一次黎mikiki食以前行開覺得mikiki外圍幾好feel所以今次就特登約埋朋友黎試下德國餐廳啦～/雖然尼度附近無地鐵站但黃大仙有小巴直到都尚算方便位置係行到景福街，過馬路就會見到一排露天既用餐地方冬天涼涼地加上夜晚坐係尼度都好舒服唔錯呀！用餐個晚大概9點鐘所以人客比較少☺️🤣見到好多人都食咸豬手但我地就想試下食骨 所以就叫左美式燒排骨😁份量都好大每一舊排骨都配上偏甜既醬汁初頭都怕食落好乾身 但食落就知係腍滑多汁！法式燒春雞就係第二份肉配料有薯角燒春雞一向都追求皮脆肉嫩 尼度都無令我地失望🤭加上沙律同茄醬 十分好食食完兩個肉當然要配個意粉尼度意粉同飯較少選擇可能肉先係餐廳既主角啦～但出乎意料 意粉做得好出色配上濕度剛好既意粉配上煙三文魚 😳😍😍最後點了兩杯奶蓋飲料清甜不膩為豐富的晚餐劃上句號