德國餐廳 (Mikiki)

營業中

休息中

話說lunch時間，新蒲崗好多地方都要等位，這間德國餐廳都不例外。見網上食評都不差，所以就入左去，叫左一個德國腸餐配薯菜沙律，盛為$88🤦🏿‍♂️🤦🏿‍♂️ e個價錢，係貴左d，加上其實腸ge質素一般，所以今次$88呢個價，都好唔抵食🤦🏿‍♂️🤦🏿‍♂️而且薯菜沙律嘅份量相當少！反而醬汁少少甜，幾開貴，加上薯菜份量少，所以最後都係去m記食多個魚柳包填肚！😂大食ge你們，要食飽緊飯或者意粉都可以的，還可以叫他比多d飯😂Anyway，下次食會去試吓個肉眼扒飯，見隔離枱食，肉很大塊而且很厚身，仲要平十蚊🤤🙈

Mexican pizza w/ spring onion cheese 呢個薄餅整得好脆，入邊夾住咗芝士同蔥，食落幾香口惹味German pork knuckle W/sauerkraut & potato salad 豬手整得外脆內軟，味道都好好，而我鍾意食旁邊嘅薯蓉同埋酸菜，加埋豬手一齊食係好食得不得了Seafood paella 睇落去好吸引嘅一個西班牙燴飯，用咗唔同嘅海鮮一齊整，所以都食到飯嘅鮮味。而且佢選用咗比較大嘅飯粒，所以食落去都好煙韌Das bier lager 呢個啤酒飲落去都唔錯，淡淡地

今日同屋企人想岀街食，係街行行下見到間德國餐廳開咗好耐都未食過，所以黎試下好冇食😹叫咗德國最岀名既德國鹹豬手配酸菜及薯仔沙律 ($218) 又整得幾靚～ 豬手皮燒到脆一脆望落都覺得吸引，切開入面啲肉食落都仲係好滑 又夠味，係呢度叫招牌菜係冇錯🙈西班牙海鮮飯 ($188) 個飯份量都幾大，上菜時要小心個鍋熱❗️用咗比較大既飯粒但味道食落都仲好濃～ 而且海鮮方面仲有蝦，魚柳，青口同蜆，令個飯更鮮味墨西哥香蔥芝士薄餅 ($88) 2塊煎餅夾住芝士同蔥，食落都幾香口～Das bier lager ($72) 食德國豬手點可以唔叫啤酒！呢個啤酒味道唔算太重，大家都應該啱試下🌝

適逢有位舊同學升職請食飯，佢就約咗我去呢間德國餐廳嘆豬手飲啤酒。平時都好少去新蒲崗，雖然未有地鐵站，原來交通都好方便，放工搭一程巴士直接商場門口落，好快就搵到。餐廳設有戶外區，配合燈飾好有氣氛。不過最近成日落雨，所以都選擇喺室內食飯。地方細細坐滿晒人，個個都食緊豬手，相信有唔少豬手愛好者喺度。食豬手之前，睇見青口季節限定，馬上叫半份。隻隻青口都好肥美鮮甜，好後悔只係叫咗半份！$200鬆啲有成隻豬手食好抵玩😍本身都好想試埋德國香腸，但係實在眼闊肚窄，最後都係揀咗食豬手先。廚師好細心幫我地將隻豬手斬件，兩個人就唔使食得咁狼狽。不愧為招牌菜，皮脆肉嫩。當然唔少得就係啤酒啦，右邊個杯叫做「香港友」，唔係間間分店都有得點，梗係要試吓本土野啦🥳炎炎夏日嘅天氣飲啤酒真係人生樂事，期待下次再來試埋其他嘢食

今次同朋友一行三人嚟到呢間位於新蒲崗嘅德國餐廳，試一試傳統德國美食，叫左傳統德國白豬手（$218）、德國香腸拼盤（$218）、墨西哥香蔥芝士薄餅（$88）同香草醬煙肉三文魚意粉（$128）。講到德國最出名嘅菜式當然就係德國鹹豬手，鹹豬手有烤焗同水煮兩種烹調方式，我哋選左水煮呢種方式，表皮冇烤焗製咁脆身但非常軟嫩，用刀輕輕一劃就可以切開，鹹豬手肉肥瘦適中，肉質唔乾身，保留到肉汁！單食鹹豬手食得多會膩，配菜有酸菜同芥末薯仔沙律，再加上芥末醬，配搭起來可解鹹豬手嘅油膩！另一種德國傳統美食當然唔少得有德國香腸，德國香腸拼盤有芝士腸、辣肉腸、香草雞肉腸三種，配菜仲有薯角、酸菜。同一般市售的香腸唔同，冇人工化學味，亦唔乾身有肉汁！墨西哥香蔥芝士薄餅，味道同中式蔥油餅差唔多，好香香蔥味，不過同中式蔥油餅唔同嘅地方係，呢道菜仲有芝士同牛油香味，餅底亦都比較薄身同脆，配搭埋鷹嘴豆蓉，好食！香草醬煙肉三文魚意粉，香草羅勒味濃，而且有青草香味，個人覺得過份「清新」，但朋友們有將其清盤，味道方面見仁見智😂

這晚和兩位在德國認識的朋友到這間餐廳聚舊。餐廳在商場的地下，可選戶外或室內的座位。室外有燈飾佈置，氣氛不錯，但因為天氣炎熱，我們選了室內的座位。餐廳內還有一張德國地圖，佈置很有心思！餐牌像報紙般大！品嚐德國餐廳，當然要品嚐豬手，避免熱氣，我們點了傳統德國白豬手（$218）和德國香腸拼盤（$162），另外加了香草醬煙肉三文魚意粉（$128）和墨西哥香草芝士薄餅（$88）。豬手份量相當充足，比一般烤的鹹豬手少了香脆感，但味道仍很令人滿意，豬肉炆得剛剛好，不會很硬咬不開或太‘淋’，而且充滿膠質。配菜有酸菜、芥茉沙律和香腸味道都不錯，大家一致喜歡芥末沙律，味道新鮮惹味。香腸拼盤有三款香腸，個人偏好傳統的白香腸，配合芥末醬非常惹味。墨西哥香草芝士薄餅烤得香口，配鷹嘴豆醬很合適，推介！

Booked the table via eatdigo, got 50%off.The restaurant divided into indoor and outdoor, could accommodate around 30-40 people.All furniture made by wood, also hanged the Germany's map on the wall.It provided A La cart and set lunch.Due to eatdigo booking, discount was not including the set lunch.I asked the waitress for the set lunch menu, she did not give it to me and told me booked via eatdigo cannot order set lunch.Normally other restaurants were allow, only no discount for that.Anyway, we o

2019年5月8日（星期三）預訂7:00晚餐兩位，不料放工時間滂沱大雨，令路程變得十分狼狽。幸好始終無傷大雅，餐廳室外的長木枱、樹卦吊燈，很有情調，經雨水洗刷更加清新！室內裝修有格調，紅磚牆、大吊燈、木枱櫈，洋溢歐陸風情令人彷佛置身德國！良朋好友歡聚齊暢飲，氣氛熱烈！乾杯🍺🍻專程光顧德國餐廳，必點國民美食、招牌豬手，加配薄餅，食得滿足、食得開心！ 薄餅色香味俱全，醮抹醬料更好吃。🍕餅皮微焦脆口，洋蔥餡香甜多汁，兩者係絶配！主角德國鹹豬手登場，造型煞食、乾淨企理！豬手醃制味道正宗有淡淡清幽香料味，唔會死咸同油膩；幕後功臣要數酸椰菜絲，突圍而出解油去膩一流！兩款芥辣味道好獨特，各有千秋、難分高下！自己偏好帶甜味的！完美晚餐最後以朱古力奶蓋茶作結，開開心心、甜甜蜜蜜！

今晚要係公司0T，收咗工同同事去咗Mikiki 食埋晚餐醫包肚！平時行過路過都想試下，咁今晚就唔好錯過啦！招牌菜，必食之選！德國鹹豬手配酸菜及薯仔沙律豬手先浸於雜菜和香料三小時，浸熱後再放於特製的風爐內風乾，360度旋轉的方式風乾，保證鹹豬手多餘的油分和水分被抽走。最後放進烤爐烤焗，烘烤出外皮脆而不腻的招牌鹹豬手！餐廳還好細心地切片上枱，肉質嫰滑，外皮脆卜卜，好食到停不下來！用薯仔沙律同酸菜作為配菜，一流！墨西哥香葱芝士薄餅，餅同餅之間塗上香葱芝士醬，有一種清新口感！塗上豆醬一齊食，好配合！又好脆口，正！卡邦尼意粉，用上大大塊火腿片，正！意粉不硬身，剛好！份量都不少，抵食之選！另外，見到其他食客食德國腸，飲德國啤酒，好滋味，下次要試下先！

放工約了朋友去新浦崗Mikiki商場買東西，買完之後我們便找找有什麼東西好吃，朋友見到有一個德國餐廳便想吃德國豬手，於是我們去了商場地下外街位置。餐廳外也有露天座位，但我們選擇了坐裡面，餐廳裝潢帶點德國風味感覺，坐位也很闊寬兩個人點了沙律，英式炸魚薯條和德國鹹豬手。西班牙風乾火腿配凱撒沙律。沙律菜也很新鮮, 風乾火腿薄薄地一片片食落去味道香濃。英式炸魚薯條。薯條到脆卜卜，炸魚外層的炸粉漿適中，口感也沒有太多油膩, 而且炸魚肉質也嫩滑。德國鹹豬手配酸菜及薯仔沙律。是餐廳的招牌菜，原來這隻出名鹹豬手在烤之前是用秘製料醃3小時時間再用風爐內風乾。第一淡咬落去外皮脆卜卜而且帶有膠質感、肉質夠入味且豬手肥肉和瘦肉都很恰當。伴菜有酸菜同薯仔沙律份量都唔少，我倆全吃清光了。

最近都要到新浦崗工作, 放工便約在附近的朋友找吃的, 今晚就選了這間 Das Bier 餐廳裝修以德國餐廳為藍本, 放棄用卡式座位的那種驅緊, 中間擺放木桌椅就讓客人輕鬆的用餐隨意的氣氛, 令人吃得輕鬆開懷兩個女士吃得不多, 沙律是必點之選, 西班牙風乾火腿味道很濃, 夾著凱撒沙律就剛好, 因為菜非常新鮮, 所以沒有很多的dressing也非常好吃,英式炸魚薯條: 外層的炸皮鬆脆, 沒有油膩口感, 最重要是裡面的魚肉保持非常嫩滑, 而且很有魚味, 是這晚的一道驚喜之菜是夜主角德國咸豬手配酸菜及薯仔沙律, 這店的廚房對於用油似乎很到家, 豬手一樣沒有很油膩的感覺, 曾經吃過用油過多的豬手, 吃得令人發麻, 今晚的豬手皮香肉嫩, 連著皮連吃多件也沒有飽滯的感覺

同好友去新蒲崗Mikiki商場shopping 完要醫吓肚，見有間Das Bier德國餐廳，我倆異口同聲話要食德國鹹豬手。餐廳設有室內和室外的座位，可供食客自由選擇，室內地方唔算大，但尚算坐得舒服，四週報置有德國風情，仿如置身在異地德國餐廳。見有個360度旋轉風乾爐。鹹豬手是招牌菜之一，而且拎咗個食店大奬，當然必吃。原來這隻出名鹹豬手在烤之前是用秘製料醃3個鐘再風乾，抽晒啲油份和水份才去烤；唔怪得入口外皮脆卜卜而且帶有膠質感、肥肉部位不油膩、廋肉肉質夠入味且有彈性。意想不到豬手分開三個層次各有不同的口味，伴菜有酸菜，略嫌酸了些，反而薯仔沙律份量都唔少，味道也不錯我倆全吃清光。加多份芝士薄餅，兩人吃到捧腹而走。

好耐無見朋友們今日約左一行四人去小聚九龍城係我哋成日都會去嘅地方今次就試吓少少新意去咗新蒲崗嘅mikiki既Das Bier食德國菜餐廳仲有室外嘅位置 好適合坐喺度慢慢傾吓計睇一睇menu先 菜式好豐富德國鹹豬手去德國餐廳點可以唔點鹹豬手豬手香味十足 外脆內嫩連伴碟既鹹菜都好好味 仲有薯粒 好豐盛德國香腸拼盤香腸拼盤又係另一份必點既德國菜式另外有超級拼盤比大家揀會大份d由於我地4個女仔都唔係食肉獸揀依份已經好足夠 香腸外脆內軟 十分香配啤酒就最岩 仲有薯格同鹹菜 大大份卡邦尼意粉上枱嘅時候同平時既卡邦尼意粉一樣 正正常常但一食落去就發現依度嘅卡邦尼意粉好出色芝士忌廉味濃郁 同友人讚不絕口藍青口最後揀左份藍青口 青口鮮嫩配上白酒忌廉汁 好好味道 滿意我既青口癮唯一不足係青口比較細隻 最後梗係唔少得飲返杯德國啤酒啦

本人十分鍾意德國野，特別係佢既文化。而文化中最緊要既一部分係咩？絕對係美食😋今次我喺一個星期五晚上，同朋友打算黎個Happy Friday🤣Happy Friday最緊要係啲咩？梗係酒精同美食！所以就黎左Das Bier，準備食個大餐🍺一坐低，梗係二話不說黎杯啤酒啤一啤佢先啦！呢到啲啤酒有好多brand揀，我就揀左Erdinger既白啤！飲完條氣都gur啲😀再黎就係我最鍾意既德國腸！佢每個款式口味都唔同，我就最鍾意辣腸啦！配搭既酸菜都好解膩好正👍🏼因為驚唔夠飽，仲嗌左個香草煙三文魚意粉同燒春雞。煙三文魚意粉對我呢個三文魚控黎講真係唔錯！最唔話得係燒春雞，舊舊個皮都焗到卜卜脆，調味又唔會過鹹，正！飲下啤酒食下野傾下心事，一個愉快既星期五晚上又咻一聲過左了♥️

同朋友去新蒲崗行街行到攰就想搵嘢食喺商場出邊見到呢間德國餐廳，佢係半開放式設計，可以揀坐出邊或者入邊，入到去地方唔算大但都坐得幾舒服。嚟到呢度當然唔少得食豬手，德國腸同飲啤酒啦本來想散嗌點知店員話俾我哋聽佢出咗個二人鹹豬手晚餐，有晒德國腸，豬手，啤酒同小食就唔使諗要呢個啦。啤酒係draft嘅，夠晒新鮮大大杯仲有幾種唔同嘅德國牌子揀~之後上個小食，係熱辣辣嘅粟米片加埋啲好有風味嘅醬，撈埋一齊食好好味，可惜個醬唔夠多，俾我地點到冇晒仲加咗個煙三文魚沙律，個沙律好大份而且三文魚份量都幾多下味道亦都唔錯跟住就到個德國腸拼盤，有四五種唔同嘅香腸，我覺得最好食嘅就係最細紅色嗰條~配埋啲酸菜一齊食好開胃呀之後就到個主角豬手啦，夠晒脆皮而且呢度仲幫你切開左唔使自己慢慢切，啖啖肉加埋個脆皮好正呀再飲番啖啤酒真係好chill~ 想食正宗德國野就記得黎呢間喇