德哥麵

營業中

休息中

山長水遠去到鴨脷洲街市，就係為咗吃朋友推薦的這一間街坊小店。雖然鋪面細細，但裝修別緻，乾淨企理。餐牌只有一張紙，但印刷精美，好少見車仔麵的餐牌會這樣花心思。每張枱上邊還貼上獨有的小食，價錢便宜。籐椒鮮魚皮$16細細碟，但魚皮爽口，藤椒味道不會太辣，非常好食。豬大腸，豬軟骨配日本有機蒟蒻粉絲豬大腸份量非常多，非常入味，豬軟骨也很好吃，果然是四粒星推介。很驚喜有蒟蒻粉絲，很爽口，還不另外加錢。炸腐皮墨魚卷，手工魚皮餃配日本有機蒟蒻粉絲墨魚卷和手工魚皮餃各有三粒，味道正常，很清淡，非常健康。價錢不貴，還可以免費贈送紙包檸檬茶，或者罐裝汽水，非常貼心。兩個人埋單$98 ，很抵吃，車仔麵質素很高，還有免費飲品贈送，簡直係良心食店，果然值得推薦。

住左咁耐附近商場都食到厭, 見到有間新車仔麵即刻行去食下鋪面整體都乾淨, 大約可以坐到 10人左右車仔麵既餸選擇都多, 湯底都有好幾款可以選擇 , 有辣有唔辣嗌左大腸 👍👍👍👍豬軟骨 👍👍👍👍👍牛腩 👍👍👍想講一點係份量勁多 豬軟骨有手掌咁大舊大腸有 十幾舊牛腩厚肉 都有六舊 !埋單53蚊 仲有支飲野送整體極滿意, 會翻食小弟平時都唔寫食評, 難得見到一間咁有誠意既小店而家香港生意難做, 要多多支持下至得😘

平時都有喺深水埗同灣仔食車仔麵，間中都會遇到驚喜，但亦有唔少中伏嘅經驗。今次喺鴨脷洲試過新開嘅德哥麵，店面面積唔大，但出品大大碗又好味！可以話係非常好味、用心、抵食嘅車仔麵！重點要叫魷魚、豬軟骨、牛腩同埋豬皮。蘿蔔又甜又冇根，可以話係非常高質嘅車仔麵⋯⋯仲有羅漢果涼茶，亦係好唔錯！可惜呢幾次都係放工先去，有啲熱門嘅餸菜會賣晒⋯⋯記住要另配藤椒魚皮，唔使$20 一碟咋⋯⋯又凍又脆，一絕！好似讚得好誇張，試過就知道！

今日難得放假，和老婆去鴨脷洲街市食德哥麵。一看餐牌就被大盛麵所吸引🤤 好彩忍到手，只叫了胡椒蝦水餃+滷水豬大腸+咖喱豬皮+靈魂辣汁+油麵。老婆叫了手工魚皮餃+紅腸+招牌秘製五香牛腩+米線。再叫了滕椒魚皮，炸餃和炸丸。天氣太熱，叫了菊花麥冬桂花金羅漢果茶（實在太好飲），所有食物都太好味…回想番德哥是由辣椒起家，由斷魂到勾魂，其實不用那麽複雜，德哥只要做辣椒油已能成功（真材實料）食過德哥辣椒油就不可能食第二隻，但通常高手都是有要求的，不喜歡選擇容易的路。之後德哥在中環插根，以靚湯+美味小菜為主。可惜遇到疫情，再到兩餸飯熱潮，和國內消費模式。香港像德哥這種仍然有團火的本地薑已賣少見少， 只能説住鴨利洲的街方有福了。臨走前再叫了糭和麻辣醬外賣，大滿足😊

早排試左呢間新開無幾耐既車仔麵店，唔錯wor, 幾好食，feel到係一間好有heart既店，豬軟骨腍得黎又唔會爛、腩肉入味，老闆話係自己燜。仲有個生炸雞翼酥脆到呢…😍 雞翼真係好脆，好好味🤤平時食車仔麵會加腩汁，呢到有一款自家制既「靈魂辣汁」，又係另一個層次！🤤相信老闆對佢個辣汁好有信心，先會整埋個咁搞鬼既燈牌🤣最好既係呢到有自己煲既菊花茶，對於唔鍾意飲汽水嘅我實在係太好！鴨脷洲既街坊有福了！行過唔好錯過！

德哥麵前身係中環嘅德哥廚房專門做中餐外賣，間唔中有做私密食物湯燉湯，質素好高，我經常幫襯，過年後佢哋搬咗去鴨脷洲邨街市轉型做車仔麵，早幾日趁住睇完戲去幫襯，叫咗大盛麵$60，貪佢乜都有唔使傷神，再加魷魚，飲品就加$5要菊花麥冬茶，夠哂清熱.上枱見到碗麵嚇一跳，成個迷你盆菜咁，啲餸多到要逐層食，首先見到塊紅腸頭即時加分，最出色係豬軟骨炆到又淋又入味，牛肉份量好多，魷魚夠香，豬皮入味，幾款丸都唔似一般雪舖貨色，最緊要加埋佢個靈魂辣汁真係好正，唔算太辣但係好惹味，碟炸物小食食唔晒打包返到屋企都仲係好食.一定會再回頭試埋其他料