御 ‧ 家上海

營業中

休息中

朋友推介嘅上海菜～先來一人一個蟹黃大湯包，先用吸管飲湯再食，鮮味濃郁，打卡必點📸鎮江冰官肴蹄、麻香雞絲粉皮、蘇軾東坡肉、上海擔擔麵、濃湯砂鍋雲吞雞 食物份量、水準整體都唔錯👍🏻值得再去試埋其他菜式環境坐位舒服，服務態度好👍🏻

有冇試過一坐低，隻眼望晒所有菜，都唔知由邊款開始落手？呢間上海菜餐廳就係比我既感覺！直情係滬淮美食博覽，突然選擇困難症發作！🤣之前book 左檯，按時到場即刻有得入座。落場第一度菜係淮揚五福拼盤！成盤嘢賣相已經好高級，藍白花瓷分格裝，每格都係心機菜。大家坐低一定要快手影多幾張相先！呢個拼盤擺得好靚，令人好有食慾。我最中意個蘇式熏魚，好入味，魚肉又冇腥味，唔會柴到咬唔郁。烤麩味道甜甜鹹鹹，係我好中意既個種味道。醉雞軟滑又入味，雞肉滲滿酒香，皮啲膠質又彈牙，簡直係啖啖滋味。涼拌紅蟄頭啲蟄頭切得薄薄，爽脆帶酸，仲有微辣，好醒神。比較失色既算係冰官餚蹄，雖然膠原蛋白滿滿，紅粉啫喱包住大大嚿肉，但肉有點過焾，口感一般。嚟到餐廳既必點生煎包 - 鐵板灌湯版！睇落似普通生煎，實際勁有野心！個鐵板上熱辣辣，生煎包底部煎到金黃色，一夾即刻見到皮薄湯多！表面仲灑咗芝麻同蔥花，增添香氣！一籠有四大粒，食一粒就好滿足，叫多籠都冇問題！讓人食到停唔到口最後一道菜我揀左上海粗炒啦！粗麵夠煙韌、有咬口，係真‧美食愛好者至愛。齋睇都知份量大，大大碟粗麵包住豬肉絲、椰菜、青菜、冬菇，仲有秘製甜醬爆炒，齊齊吸晒汁水！每條

這幾天天氣真差尤其是對於要學車的我，下雨天學車心情都麻麻今日剛學完車，肚餓，最近醫肚嘅地方，莫過於又一城，又唔知想食啲乜嘢，行吓行吓上到最頂樓咁滯，見到家上海，之前都嚟過，橫掂肚餓，就入去食個午餐，簡簡單單叫咗碟醉雞，同埋上海炒年糕，醉雞係脾位，嫩滑，酒味唔會太濃，最重要入晒味上海炒年糕，配料不外乎，肉絲同埋津白，豬肉絲唔會鞋，整個菜唔會太鹹，少少麻香味，令到我食慾大增，食完嘢，慢慢嘆返啖茶，留意到啲員工做嘢，幾細心，我食完嘢佢哋會幫我清碟，主動問我使唔使叫啲甜品🍧整體嚟講佢哋嘅食物同埋招呼都唔錯，值得再一次嚟幫襯

早段時間嚟過呢間上海菜，發覺佢哋嘅出品和服務都很好，今次就同父母嚟食，睇吓佢哋嘅出品有沒有變，首先醉雞，雞嘅位置係脾位，所以比較滑，而酒嘅味道唔會苦，頭盤首選跟住雞絲粉皮，麻醬香滑然後係松子黃魚🐟，黃魚本身幾滑，炸過之後，魚🐟肉外脆內滑，最重要個汁，唔會好酸亦唔會好甜，味道剛好，父母一致好評，整條魚佢哋兩位老人家差唔多食晒跟住火腿津白，煮得好淋，咸火腿嘅香味入哂啲汁到，浸住啲津白，入哂味小蘢包同窩貼，肉汁香濃，真係可以keep住水準，服務員態度友善、有禮，主動加茶換碟，父母親們對這家上海菜非常滿意，另外佢哋有啲promotion ，鮑魚一罐$188加多$10可以多一罐，每罐6只，今次買咗兩罐試吓，因為屋企人都幾鐘意食鮑魚

今日同一班細路又嚟到又一城溜冰，放暑假，人多咗，尤其多咗好多小朋友，溜完冰，又嚟到呢間餐廳食上海菜，今日餐廳爆滿，6個人可能要等1個鐘，好彩帶位員工話如果19:45可以還到枱，可以先比張枱我哋先，睇落有個半鐘，應該可以，坐底嗱嗱臨點菜，炸雞係必點嘅，跟住松子魚，上海粗炒，小蘢包，雞絲粉皮，臭豆腐，元蹄，高力豆沙等，都係我哋一家最喜愛嘅餸菜，好快，餸菜一一上，味道一如以往，食物保持水準，好似炸雞，皮脆肉嫩，上海粗炒唔會太咸太油，元蹄炆得好入味，又夠淋，本來叫咗高力豆沙，但係唔小心叫咗豆沙窩餅，自己落錯單，口着面皮問問經理可唔可以幫我哋換，殊不知，經理話無問題，真的幫我哋換番高力豆沙，我哋一家對呢間店舖，都非常滿意，樓面女員工會不時嚟同我哋啲細路玩吓，傾吓，樓面員工亦會主動加茶，執碟、換碟，食完唔駛個半鐘，立刻埋單還番張枱，美滿的一餐

今日嚟到又一城呢間上海菜食午餐，員工介紹午市套餐，看看又幾吸引，主菜，主食到点心都係自選，最重要有我喜歡的食物頭盤指定無得選，有呢個小排骨，烤夫同埋薰蛋，主菜選咗賽螃蟹，主食.選咗薺菜炒年糕，點心選咗.鍋貼。首先是小排骨，幾淋吓，甜甜哋，唔錯，薰蛋有好重煙燻味，流心蛋黃好味賽螃蟹唔會好油，薺菜年糕清淡，鍋貼有水準，肉汁香濃，最後洒釀丸子，不過不失啦值得一提，呢度嘅員工，由入門口到離坐，員工都好細心，尤其門口帶位，會主動派卡片，提我哋有VIP房可用預訂，樓面員工會主動加茶整體用饍感覺良好，最後埋單有現金卷送，提醒我哋星期一至四用，到時叫我哋有咩問題，點餐前可先詢問員工。

20号那天8號風球，又一城很多食店都沒有開門，我們6個人在商場行來行去，見到這間上海菜有開門，我們便進去晚餐，已經很多食客，樓面員工很少啊！她們忙得不可開交，但招呼得很好，都有主動幫我们加水,食物亦很快就上枱了，今次我们亦如以往一樣,脆皮雞,小籠包，砂鍋雲吞雞，臭豆腐，松子黃鱼，上海粗炒等，食物品質亦和平時一樣出色，聽說她們是剛剛開門，都能做得這麽好，值得讚揚，下次一定會再來光顧，繼續努力加油💪💪

之前堂食覺得呢間野唔錯，諗住今晚經外賣平台叫外賣，冇諗過呢間野基本常識都冇，即使唔係落雨，你包外賣正常都會封一封個外賣袋口啦，點知個外賣黎到既時候，成個袋都濕晒，你地唔係茶餐廳，人地外賣都識扎住個袋…等啲食物唔好倒瀉…唔該教下啲員工啦

又一城，開咗呢間上海菜，一直想去試，約極都約唔到人😆終於有朋友生日，約到成班食肉獸去試吓，一行8人，浩浩蕩蕩去試吓，訂咗張枱，當日，個經理話間VIP房今日冇人訂，免費幫我哋upgrade，超正🥰食豪啲💪，叫左個6人雞煲翅套餐，再加兩個菜，正正正😆雞煲翅，魚翅嘅份量正常，但個湯真係不得了，夠濃，夠味，夠香。甜豆火丁河蝦仁，蝦仁細細隻，好鮮味，唔係周圍食得到。酒糟蒸黃魚（呢個唔記得影相，失敗） 黃魚配上陣陣酒香，回味無窮❤️有隻脆皮雞，本來幾好食，但係個套餐有雞煲翅，個湯有半隻雞，又嚟半隻雞，有啲奇怪🤔小籠包同炒飯正常發揮。大家都好滿足，尤其係有間房，唔使去出便咁嘈，傾到偈。會再來

又一城行完街，搵嘢食，原來開咗間上海菜，好多人排隊，幾分掙扎，都係去排吓，唔好執輸😅佢個什麼脆皮雞（唔記得全名🤣），不得了，皮脆肉嫩，食雞胸都咁好味，唔知係咩雞嚟，應該唔係普通料🤔試過返尋味😍下次再食😃，楊州炒飯，炒得好香，唔會好油，上海粗炒炒得好香，亦唔會好油，我哋啲細路好鐘意食仲有個松子魚，魚炸得香脆，個靈魂汁最正，唔會好酸，賣相亦吸引，員工會細心幫我哋將魚cut開。整體食物質素唔錯，店員招呼亦好員工細心有禮，埋單後有現金卷送

朋友介紹，大圍御.家上海，抵食夾大件，因為大圍晚市唔接訂枱，唯有去又一城試吓，竟然可以訂枱，同一集團，兩間餐廳，同一個品牌，完全唔同做法，不解。點都好，果然冇介紹錯，脆皮雞，煎小籠包，東坡肉，松子魚都非常出色，價錢相宜，值得一試。訂座時說要還枱1.5小時，我哋食完都8:45，心諗，還張枱俾你都未必仲有客人嚟，畢竟而家唔好咁多人咁夜食飯，果然冇追我哋還枱，我哋仲坐到9:30，值得一讚。首先一定要介紹嘅係脆皮雞。有少少煙燻味，皮真的脆，肉真的嫩，同廣東做法有唔同，自己去試吓就知，東坡肉三七肥，唔會好漏，店員會主動問我哋要唔要幫手切細件啲，細心小蘢包有兩種做法，有蒸同煎，蒸的食得多，今次試吓煎，煎嘅原來都咁好味，可以keep住熱，底有少少脆，湯汁夠濃，但唔会咸，值得一試松子魚炸得鬆脆，個汁係靈魂，唔會好酸，帶橙橙哋色，唔係紅紅哋嗰種，所以覺得味道好，呢間上海菜真的要再嚟，試吓佢哋嘅其他菜式

10/7婆婆生日，一早訂定咗間VIP房，準時到，叫咗個12人餐，菜式都係大家啱食嘅嘢，首先嚟咗個六小碟，醉鴿，烤夫，餚肉等傳統小食，味道唔錯👍，跟住嚟個翅，湯底濃郁，翅唔算粗，味道算OK,值得一提嘅係佢哋嘅元蹄同脆皮雞，元蹄入味，夠淋，唔會好甜，婆婆無咩牙力都食到，脆皮雞，皮脆，小小煙燻味，肉質夠嫰，另外小龍包肉汁香濃唔會重味搶咗豬肉嘅味道，值得一讚係招呼我哋間房嘅樓面小妹妹好似叫Irene,整個用餐過程，細心，主動加茶，換碟，上菜時間控制剛剛好，唔會話一次過上哂啲餸，好似趕客走咁，值得一讚呢個小妹妹，全程面帶笑容，有禮，整個用餐過程好舒服

經過又一城，去逛逛，肚餓，去咗御，家上海食上海嘢，入門口，帶位有笑容，表明想坐近窗邊，可以欣賞樓下一層溜冰埸，帶位溫馨提示，會比較嘈，問我哋介唔介意，媽咪怕嘈，然後帶位安排左梳化位坐，滿意🥰，然後樓面亦問我哋飲咩茶，（全程都有笑容）第一個對店舖印象非常好👍，唔知食咩，就叫樓面介紹，炸雞係招牌菜，所以叫咗半只炸雞，然後清清哋叫咗個炒萵荀，小食叫做嗰脆鱔，蚱小黃魚等，炸雞真的好好好味，皮脆，肉嫩，夠Juice😋 ,脆鱔唔会太甜，萵荀清淡，帶有少少咋咸肉味，整體來講，從入門口到食完，帶位，樓面，經理對客人都保持住笑容，食物質素唔錯👍值得一試嘅餐廳

我是新搬來九龍塘居住的，便想到附近又一城看看有甚麼東西好吃，我上星期選了這間御家上海試試，我一行十人，他們留枱五分鐘，我遲了十五分鐘才到，門口已經很多人等位了，門口的同事見我有大有小，禮貌地跟我們說多等一會，有座位便盡快安排給我們，我們等了10分鐘左右，看到樓面的同事很快手地清潔枱面，我們便可以準備進餐了，小孫子已經餓得不得了，我們先點幾款小食，很快亦上菜了，一陣子給孫子吃光了，其餘主菜亦很快上菜，味道真的不錯，聽說他們在其他地方都有分店，我們下次都會去光顧，香港已經很難得有這麼好的服務態度和食品，你們要繼續加油💪！

1/7日是奶奶生日，本來訂咗張枱19:00但因為奶奶年紀大，行動不便，所以遲咗20分鐘，記得訂枱時，帶位話只hold枱5分鐘，擔心去到無位，當去到，真係已經無位，本身訂咗張枱已經比咗其他客人，跟住同經理Tina溝通，是因為奶奶年紀大，行動不便，所以遲咗，希望可以幫我哋再安排位置，經理Tina了解後，叫我哋等等，然後大約等咗10分鐘左右，就安排到枱比我哋，我哋非常感謝Tina,食物方面，我哋叫咗佢哋出名嘅炸雞，蒸鰣魚，臭豆腐（真係幾臭吓），年糕炒蟹等等，炸雞皮脆肉滑，有少少煙燻味，鰣魚一早訂咗，所以等咗半小時就到，鰣魚係奶奶致愛，佢最鍾意「損」的魚鱗，蟹肉質鮮嫩，配年糕炒味道都唔錯，食物整體唔錯，樓面員工招呼亦到位，例如：會主動加茶，主動換碟！最後真的要多謝經理Tina,🙏🏻因為我哋係北方人，不太喜歡食蛋糕，所以奶奶生日亦無預備到蛋糕，經理Tina知道後，竟然送咗啲壽桃比奶奶，真心多謝，相信我哋一家會變成呢間餐廳常客最後有個女侍應推介鮑魚$188/ 罐加$10多一罐，真係好抵