御泰坊-泰越菜 (已結業)

睇完戲9點幾 本身想試下呢間餐廳 宵夜餐點知星期五晚係無gaaa咁入到去 都唯有開餐首先 環境擺設都唔錯 光線足display都好吸引人今晚食左幾款菜式，等我簡單介紹一下燒印尼椰香雞隻雞熱辣辣 燒出黎 d肉唔會鞋 個皮都有dd脆但我就食唔到雞有椰香味反而 伴碟有幾件糯米飯糰好煙煙軔軔 有d似芒果糯米飯 ge感覺有d椰香味XO醬炒芥蘭唔會好辣， d芥蘭都好爽脆，唔會老炒得好鑊氣泰式燒汁魷魚加左青檸汁 會無咁膩 易入口D不過全部都係腳 無身ge炭燒豬肉串燒有d乾 無太大特別香茅焗翡翠螺呢個我大大力推介螺頭上面 放滿碎香草 翡翠螺都好易同個殼分離食落好香口巴東牛肉d肉 好多都好碎 有d難夾但唔太辣 d肉都好嫩同入味開頭以為下面係蘿蔔 原來係新薯最後送上上錯檯ge越式牛尾同漏單 ge blackcurrant soda食物有水準 但準確度就有改善空間

今晚約左屋企人食飯，爸爸話想食泰國菜，但又唔想去九龍城食喎，諗起APM都有間食泰菜架喎，又座得舒服，一於book位先😋😋😋😋媽媽一黎到就話要食海南雞啦，然後嗰經理推薦嗰鹵水豬手，又話得番最後兩隻，即刻話好呀，要一隻呀唔該！！再睇下嗰menu先，，嗌左嗰咖哩牛根牛腩，咸魚炒介籣，海鮮紙米卷！！嗰咖哩牛根牛腩份量太少了，每樣得兩舊🤣🤣🤣海南雞就中規中矩，咸魚炒介籣都Okay!!食哂全部野，隻豬手都仲未到，其實食飯其間都一吹再吹😂😂😂最後食哂飯都未黎真係有啲嬲嬲豬！！原本諗住取消架啦，不過豬手總算到左，咁就照舊食啦，點知原來碟豬手係成晚最好味既餸，熱辣辣上枱，好多骨膠原呀，啲肉又炆得好淋，味道唔會過咸，成嗰感覺一啲油膩既感覺都無，淨係想不停夾黎食，密密食！下次再黎食都一定嗌！

2018年5月20號下晝約四點半食下午茶，叫咗一份二人 high tea set ，椰汁雞湯，兩杯凍檸茶，雞絲扎肉金邊粉，埋單近＄300。首先，我係叫類此英式兩層 high tea set，佢就已經嚟錯左，變咗三碟好大碟嘅嘢，唔知係乜，我見到咁樣就知道梗係錯左，因為唔係兩層 high tea 架，就話唔好意思喎，好似錯左，我地 order 係 high tea set，之後佢哋就講咗句唔好意思就換咗，但係睇到佢哋嘅表情係黑晒面。其實咁樣我都冇嘢嘅，起碼佢哋係有講唔好意思，我覺得可以接受，都有禮貌嘅。之後你嗰個雞絲扎肉金邊粉，就變咗河粉，由於費事個waiter 又俾人鬧，我哋食河粉都OK ,就冇再叫佢轉返。結果埋單大概0515 pm 左右，有個戴眼鏡中年阿嬸 aged around 40 years old，用非常不滿嘅態度同埋不耐煩嘅眼神，比張單我哋。我哋食咗接近＄300 ,但係佢竟然全程一句唔該，或者多謝都冇，仲要係非常唔好脾氣，好似覺得我哋好麻煩或者阻住佢。我哋係比信用卡，無論係收卡，還返張卡俾我哋，同埋簽單，呢三個過程係一句多謝都無。餐廳裏面後生仔嘅都尚算不錯，有基本禮貌，但係二

星期4放工後與女子組在那聚餐，店面修飾的不錯，一行5人點了一個2人餐再散叫。最先來了湯，味道幾正宗，之後來了小食拼盤，米紙不行太散，蝦餅有蝦味，串燒不太特別，之後叫了2個飯，一 個波蘿炒飯一個燉飯. 份量偏少。生菜包偏辣再叫了蒜味包佩咖哩， 咖哩是我們點了這些菜最好食的.最貴的3味魚 188元 好多波蘿 的酸甜汁炒菜正正常常炸魚但不知為何叫3味魚只能用難食形容！手這餐用了9百多元因爲用了渣打卡優惠如果是原價11xx真的太貴。味道不錯只是份量少再

前兩天跟朋友來一起吃飯，朋友說出了糧要請我吃飯，在APM裹想一想要食那一間餐廳，想一想之後就決定吃這間，總體食品質素還有改善空間，推介海南雞。我們二人叫了三樣野食最好味是海南雞飯，值得推介，份量多，而且又肉嫩。不過，其他兩個就比較普通。炸南瓜粟米餅，有南瓜，但沒有粟米味，至於芒果米卷，個人覺得芒果份量比較少一些，軟殻蟹就淋左。結果埋單二人244元，價錢還合理。所以如果下次再來，我還是會選海南雞飯。

其實我一向都鐘意食泰國嘢， 御泰坊以前係我嘅首選， 一嚟近我屋企， 二來啲嘢食好味，價錢又合理。 琴日更加去食咗嗰度母親節飯， 不過水準就唔夠以前咁好， 嘢食真係一般般， 不過勝在可以散叫， 價錢合理。但係佢已經唔係我嘅首選lu琴晚叫咗:1. 串燒豬肉2. 串燒雞肉3 咖哩麵包雞 (呢個屋企人最鐘意食）4. 三支泰啤5. 菠蘿炒飯6. 甜酸鱸魚7. 香芒軟殼蟹米紙卷8. 炸蝦餅9. 香芒糯米飯 （呢個好食）10. 炒通菜11. 炆牛尾 因為電話冇電所以冇影相

禮拜日嘅晚上 apm人流真多 等泊入停車場嘅車仲多 足足等咗我20分鐘先入到停車場🙄上到去差不多每間食市都有一堆人喺度等位 而我今日就同家人來到商場4樓嘅御泰坊 呢間泰越菜餐廳已經第三次惠顧 晚飯時間需要等位around 20分鐘 環境比九龍城嘅泰國菜餐廳比較坐位坐得舒服d寬敞d 因為我自己覺得環境同服務員都幾影響食慾😂 今日點咗8個菜 最鐘情都係椰子海鮮焗飯 因為每次都會例叫 其他食物都普普通通冇其他特別 最可惜係望完成個menu 係冇泰式生蝦 有d失望 總結食物環境服務態度都會令我再次惠顧 不過最好加埋泰式生蝦這道菜就正喇!!椰子海鮮焗飯 必叫🤤蝦餅大大舊 👍🏻青萍果芥蘭爽口豬頸肉木瓜C沙律 份量十足

如果lunch time唔趕的話，呢度係個唔錯既選擇，因為呢間餐廳都幾旺場，上菜都要等一陣，啲野食都係熱辣辣咁上碟，雖然唔肯定係咪即叫即整但整體觀感唔錯。叫左個set lunch ，前菜揀左肉碎米通、主菜揀左椒鹽豬排飯，個前菜唔錯，肉碎好有泰國味道，香料都有落足，好惹味。主菜個豬排肉質都唔錯，半煎炸都幾香口，仲有大量炸蒜喺面，熱氣但好惹味～但個問題係炸得好乾好乾，如果有啲汁可以點下會好好多。朋友點左個甜酸魚柳仲好食，因為冇咁乾～跟餐送既甜品係檸檬cheesecake, 又幾好食～ 酸酸地可以消滯。另外朋友再單點左個芒果糯米飯，賣相好靚！前菜+主菜+甜品$73 （已計加一） 喺apm黎講，性價比都ok, 而且環境坐得都舒服，可以一試。

去開APM，好想食泰菜下午菜，入到去御泰坊先知午市仲抵食過下午茶，所以照叫左個午市套餐，有齊小食、主菜、甜品，但價錢同只得主菜嘅下午茶差唔多，所以照叫午市。😂 
1. 海南雞飯（$68)
🐥海南雞大碟又肥美，而且好嫩滑，油飯都好大碗，如果再香D就好🤤
彤樂評分：8.5/10 
2. 小食 - 炸雞漢堡
🍔依個小食好驚喜，炸雞同漢堡包皮都好脆口，鹹度又啱啱好！
👍🏻彤樂評分：9/10 
3. 甜品 - 士多啤梨蛋糕🍰
普普通通，不過不失，上層係微甜慕絲，下層係海綿蛋糕
彤樂評分：5/10

觀塘好少泰國餐廳選擇，嚮無得揀之下試呢間。lunch time唔使等位，環境舒適。有set menu，大約$70，包一小碟小食、主菜及甜品（一小塊小蛋糕），飲品都無，不化算，唯有飲水啦柚子沙律偏酸；魚柳包好的骰；米通餅有一塊，中間夾左d肉碎。冬蔭公炒飯超少辣，較濃味但無咩冬蔭公味。海南雞油飯不過不失 ，皮好肥厚，乾蒜及蒜油雙醬根本無味極多餘；個飯夠曬黃，暖暖地偏少薑味。避風塘豬扒肉質好鞋好實，無人吼炒河粉，配料就夠多啦，但河粉就碎濕濕，味道欠佳set menu中只有黃咖喱牛腩配白飯最好味，少辣，牛腩好腍又入味，不過份量較少！主菜唔太岩胃口，反而另叫既小菜整體好味D。例如香口既炸蝦餅、夠鑊氣嘅馬拉盞炒通菜、泰式牛油雞翼及炭燒豬頸肉加返少少分。

菠蘿炒飯成一佰元一碟，食物偏凍， 難以入口 ，非常之差，食物質數水準一直下降，菠籮很少！要求侍應更換時， 態度很差，甚至黑面， 不知所謂，所以下次不會再和朋友來聚會！！

朋友推薦APM御泰坊，今次趁平日下午時段人流較少去試一試，一行二人也點滿一桌子的菜，香芒軟殼蟹米紙卷($88)、泰式炸蝦餅配酸梅籽汁($72)、炭燒豬頸肉配辣椒汁($78)、薄餅($30)、泰式炭燒雞肉串($58)、荔枝梳打、椰青。米紙卷的軟殼蟹肉多甜美，外皮炸得酥脆不油膩，芒果香甜，加上生菜、粉絲、紅蘿蔔絲，味道豐富而清新。泰式炸蝦餅外面的炸粉薄而酥脆，裡面的蝦餅口感彈牙，而且蝦味濃郁，搭配酸梅籽汁，味道酸酸甜甜，真停不了口。雞肉串的雞肉不算太嫩滑，但搭配的沙嗲醬帶有花生香味，甜而不膩，十分惹味。豬頸肉有炭燒的香味，肉質鮮嫩有彈性，肥瘦均勻，沒有肥膩感，搭配的辣椒汁香辣但不刺激，可提升肉的味道。薄餅外皮煎得香脆，但絕不油膩，沾著泰式辣醬吃實在不錯。荔枝梳打荔枝味道香濃，更有粒粒荔枝果肉，但略嫌梳打的汽太多，有點刺激。椰青味道清甜，椰肉嫩口，不是椰皇所以椰子味較淡。餐廳絕對值得推薦，是泰國菜的好選擇。

阿媽話好耐冇食過泰國野，搵日要去食下。講起泰國菜，第一時間諗起御泰坊，價錢ok又好食。之前有得係app到拎飛，但而家冇了。每次嚟都會叫杯芒果汁飲，但今日試下其他，轉轉新意。椰林樹影$45-即係椰汁沙冰，椰味好香夠濃又唔會太甜，好解渴，一杯啱啱好，如果食辣野用嚟解辣一流。香芒軟殼蟹米紙卷$88-呢個又係阿媽指定要叫既菜。米紙卷好足料，軟殼蟹炸到啱啱好，配芒果同啲蔬菜包埋一齊食，再點個酸酸地既汁，幾夾幾好味。泰式香辣燒魷魚伴辣椒汁$72-呢個魷魚好香碳燒味，份量都ok多，又唔會好韌。辣椒汁有啲辣同少少甜，但又幾惹味，好食。燒牛扒配糯米飯青檸辣椒汁$168-阿媽鐘意食糯米飯，我又鐘意牛扒，呢個菜滿足唒我地2個。牛扒成塊上超足料，燒到啱啱好肉質淋，仲有生菜可以包埋糯米飯一齊食。整體嚟講都算唔錯，野食ok價錢都ok。

放工後去apm買野,順便即興約個舊同事食飯呢間餐廳又唔算太多人等位,我地就揀左食呢間泰國野~泰式鮮蝦金邊粉,色澤橙紅,炒得幾香口,加上花生碎&青檸汁,酸酸甜甜好開胃但份量就唔多,只有兩隻蝦香芒軟殼蟹米紙卷,米紙包住芒果,生菜,米粉,紅羅白絲&軟殼蟹,D芒果好甜,再點上酸酸辣辣嘅醬汁,味道好清新,好夾,又夠醒胃可惜軟殼蟹唔夠脆身,淋左少少.....甜咖喱羊排骨,D羊排骨煮得好淋,又好入味 完全無羊膻味

今晚大概6點左右就入座了, 因為怕7點後太多人等位既, 被安排坐卡位, 不過燈光就暗咗啲, 叫咗七款菜加兩款飲品香辣燒魷魚 - 魷魚有啲硬身, 但味道不錯, 啲汁係辣汁嚟炭燒沙嗲雞肉串 - 雞肉都好嫩身, 撈埋啲沙嗲醬食, 味道不錯炸蝦餅 - 炸粉唔厚, 蝦餅肉夠厚薄餅兩件 - 賣相一般, 味道都不過不失, 但感覺厚身咗炸素菜春卷 - 春卷皮太硬, 口感麻麻蒜茸炒上素 - 普普通通雞絲札肉湯粉 - 湯底清, 河粉都算滑青檸梳打, 荔枝梳打 - 有荔枝肉粒, 但飲品味道不算太出, 反而青檸梳打穩陣啲