御泰坊-泰越菜 (已結業)

今晚約左屋企人食飯，爸爸話想食泰國菜，但又唔想去九龍城食喎，諗起APM都有間食泰菜架喎，又座得舒服，一於book位先😋😋😋😋媽媽一黎到就話要食海南雞啦，然後嗰經理推薦嗰鹵水豬手，又話得番最後兩隻，即刻話好呀，要一隻呀唔該！！再睇下嗰menu先，，嗌左嗰咖哩牛根牛腩，咸魚炒介籣，海鮮紙米卷！！嗰咖哩牛根牛腩份量太少了，每樣得兩舊🤣🤣🤣海南雞就中規中矩，咸魚炒介籣都Okay!!食哂全部野，隻豬手都仲未到，其實食飯其間都一吹再吹😂😂😂最後食哂飯都未黎真係有啲嬲嬲豬！！原本諗住取消架啦，不過豬手總算到左，咁就照舊食啦，點知原來碟豬手係成晚最好味既餸，熱辣辣上枱，好多骨膠原呀，啲肉又炆得好淋，味道唔會過咸，成嗰感覺一啲油膩既感覺都無，淨係想不停夾黎食，密密食！下次再黎食都一定嗌！