御廚

營業中

休息中

終於來到4月份了，今個月的自助餐主題是港式食物，我和老公都很有興趣，於是今天中午我們便來吃午市自助餐。雖然今天是平日的中午，但依然有很多人來吃，導致取食物時需大排長龍，有點像去難民營搶食，平日中午已經是這樣，難以想像星期六日的狀況是如何。之前已說過，煎釀三寶、魷魚鬚和炸大腸三款之中，平日的中午只會出現一款，而今天的是炸大腸，雖然沒有異味，但是炸皮略嫌有點厚，炸大腸的味道只是正常發揮。除了炸大腸，今次的回本位還有周記燒賣、牛雜和鹵水拼盤。燒賣的味道相當不錯，口感很彈牙的同時，質感也軟軟的，而且魚肉味都很濃郁，配上豉油之後非常惹味，今次我差不多吃了30粒。至於牛雜，分別有牛肚、牛肺和牛腸，第一輪最美味，之後那些可能醬汁關係，味道有點酸，但是整體味道都不錯的，今次我吃了3份牛雜，假設一份$40，吃3份已回本了。最後是鹵水拼盤，分別有紅腸、豬耳和雞腎，我老公覺得雞腎挺好吃，而我覺得整體味道不過不失。至於其他熟食方面，還有煎魚、印度咖哩、炸豬手粒和狗仔粉等等，炸豬手粒全部都是皮和骨頭，一點肉也沒有，不過今次我主攻回本位，所以沒有什麼所謂。甜品方面，今次的甜品便沒有蛋糕了，換了格仔餅、腐竹糖水和涼

最近東涌喜來登的御廚自助餐推出優惠，上網訂平日自助餐只需$106，已包加一，3月份的主題是台式食物，而4月是港式食物，我對兩款主題都有興趣，所以今天我便先試試台式食物，可惜卻和我預期中有些出入。我一心想吃紅燒牛肉麵，可惜原來平日中午是沒有提供，只有晚上和假日午餐會提供，至於下個月的港式主題，炸大腸、煎釀三寶和魷魚鬚只會出現其中一樣，所以如果想種類齊全，便不要平日中午來了。雖然今天沒有紅燒牛肉，不過亦有其他台灣食物，例如薑母鴨、甜不辣、台式香腸等等，特別是薑母鴨十分出色和美味，可惜甜不辣和台式香腸的味道相當一般。至於另一個回本位，應該便是煎紅衫魚了，味道挺好吃的，喜愛魚的朋友可以一試。另外麵檔的食物和滷肉飯的味道亦相當不錯，甜品和糖水的賣相雖然看似普通，但是味道卻有驚喜。總結來說，今次的食物質素絕對對得住這個價錢，而且用餐環境很舒服，食物亦會補貨，只是平日中午沒有紅燒牛肉麵有點遺憾。

在其官網做緊買3送1優惠，平均88.5 / 一人（已包加一），一於搵個中午平日試試自助餐，完全沒有伏之餘，絕對喜出望外，物超所值。酒店接駁巴士到東涌世茂喜來登，落車之後進入福朋喜來登酒店地下大堂，旁邊就是TUNG CHUNG KITCHEN 入口。整體環境光猛明亮，枱與枱之間闊落保持嘅距，適合一大班人聚會，坐得寬敞。平日中午自助餐飲品任添，竟然提供冬瓜茶、鴨屎香茶茶和港式奶茶🥤，仲有冰水提供，已經打大家分因為旁邊五星級酒店嗰間茶飲要另外收費。提供咗椒鹽燒賣蒸魚小炒王滷水拼盤炸大腸都有都，仲有碗仔翅 ，蒸燒賣，椒鹽燒賣，椒鹽粟米，印度薄餅鷹嘴豆咖喱，仲炒菜提供。可以用碟去拎車仔麵，配菜仲可以簡豬皮蘿蔔魚蛋芋絲貢丸麵比面檔廚師加料，仲有猪紅！真不錯。甜品方面有涼粉雜果，自製夾餅，仲可以任加煉奶阿華田脆脆阿華田粉和砂糖，仲有榛子醬，食幾塊都夠晒飽回本。總結：人均$100都唔使 絕對對得住呢個價錢抵食 會再光顧

我地係去食12:00午餐的自助餐,環境係大同舒服~但食物真係差到同少到,拎住隻碟都唔知可以食咩~首先熟食~有5款1.咖哩豆,係豆無肉 only豆  (廚房夠膽拎出黎,我真心佩服)2.西芹炒豬肉片 (正常...唔代表好食)3.蒸魚size手掌咁大 (正常...唔代表好食)4.清炒娃娃菜.........(見到都無奈)5.五殼雜糧 .....( 蒸蕃薯,玉米,枝豆)之後到甜品~個櫃有三層~有3樣野~1.涼粉 2.罐頭什果 3.花奶  (兩個字優秀)之後唯一比較好少少的車仔面區有幾款面類同菜 有7個餸 (魚蛋,牛肚........)以上就係佢地全陪 同 所有的食物    ......  所謂的自助餐

睇YouTube已經想去試好耐，上次去過嶼坊，原來御廚唔係響一樓，係響地下，去到已經有一詐人等緊，11:55 先叫想揀位坐嘅埋去登記，登記完都即刻俾入去。點知入到去都唔係好多人，我哋坐咗入邊窗口位，都幾開陽，望到花園，景觀幾好，近窗係有啲曬，不過OK。啱啱開始，出去行個圈，有飲品，咖啡機有Cappuccino Expresso，同埋hot milk，入門口仲有水機同埋檸檬茶，自己加糖水，任飲都幾好。睇咗啲沙律有三檔：第一檔就真係橄欖，洋蔥，藜麥，仲有一個真係唔敢食嘅洋蔥？三色椒、西蘭花、蘿蔔絲、同埋豆、椰菜。第二檔：涼拌木耳、羅惹沙律、尼泊爾薯仔沙律、麻辣枝豆、西班牙醃辣椒，仲以為蕃茄。第三檔就真第三檔都係沙律：有啲生菜、車厘茄、青瓜、羽衣甘藍，有三兜醬自己撈：芝麻汁千島汁、凱撒汁12:04 之後有個係放生果同甜品：西柚、密瓜、西瓜、橙，兩款蛋糕係麻糬同埋一款唔知咩蛋糕？屋企人見到有人用手拎咗嚿麻糬出嚟，可能唔啱食，擺番落去！😫各款生果食落都OK，唔係特別甜。有張枱放咗啲糖，有個籃放咗塊布，以為麵包，點知原來係放咗啲類似蜂蜜蛋糕？有煲糖水，係雪耳紅棗糖水，同埋有個麵包布甸、葡撻定係檸檬

網上竟然看到東涌有特別平的自助餐，於是來試試，誰知道，酒店沒有想像那麼多人，就只有幾台客人。這自助餐沒有人來的原因是甚麼？自助餐有大量的沙律供應，亦有少有的泰式紗沙律，酸甜味道令人更開胃。如果喜歡吃素或沙律人士，這兒真不能錯過。一般要吃高質星量面包都會到酒店來，但這兒不能滿足你的要求，面包就別提了。到了主菜部分，自助餐提供的都是東南亞風情味菜，有馬來西亞味道的咖喱，亦有巴東造法的牛肉，都是必須配白飯的菜式，故此，旁邊就有白飯任吃的配置。而熱菜中竟然有一條蒸魚，喜歡吃魚可以嘗嘗，但怕腥的就免了，魚不是太熱可能令你感到腥！那麼，可以吃即點即做的車仔面便可以了。反正，人少最合適聊天喝咖啡和茶，滿足你一天休閑時間。

從來未食過咁難食嘅自助餐 食嘅嘢少到爆 菜品total唔超過十個 108一位 不如去對面食三送飯好過 對面itamama七十幾蚊都有塊牛扒食 呢個自助餐真係太差太差太差 千祈唔好黎

如果跟人說去酒店食自助餐，或者大家腦海中都會浮現大魚大肉，勁多食物的畫面，但去到東涌喜來登酒店Four Points 的“御廚”，便是另一種感受。可能是兩間喜來登好容易引起競爭，所以係市場定位上要有不同，而Four Point 的御廚自助餐，相對走親民路線，作價$198，不單沒有加一收費，仲要有3送1，計落$150位，家陣是旦一間餐廳食碟海南雞飯隨時收你一百幾十，家陣任食都係$150，邊度搵？ 可能酒店對面就是屋苑， 而且又有空服人員入住，所以是日客量都近7成，話時話，如果我住附近，真係懶得煮，畢竟係酒店吖！飲品除了泰式檸檬茶及檸檬水之外，更有自助咖啡機及好幾款茶包，大家可自便。是晚的回本位應該係烤肉眼扒以及燒豬頸肉，尤其是豬頸肉好香口，雖然細塊，但送飯一流。而且有燒雜菜及炸薯角可以配搭，不錯。主食除了車仔麵，仲有中式肉片炒公仔麵，炒得幾乾身。又可以用花菇扣鴨掌做餸，個鴨掌不會炆到未咬先散，口感幾好。原條蒸魚好正，是日用上了“紅丁”，部份更是足半呎長，服務員仲提大家係可以成條拎走慢慢享用。當然有菜食都好重要。因為餐廳客人好多都係空中服務員，來自世界各地，食物都要多完化，所有印度瑪莎拉香

父親節嚟食非常少選擇，一張長枱竟然吉咗，無擺任何野食，食物質素又差，簡直可以話難食🤮🤮🤮平時假日收費198已經唔抵，父親節仲收成338一位，仲要餐廳入口得張細卡list價錢，垃圾餐廳🤬🤬

又話喺車仔麵自助餐車仔麵啲餸難食到飛起，選擇少到離晒大譜。見到都冇晒食慾，從未食過咁頹嘅自助餐！千祈唔好試！食咗都嘥咗個肚！情願食麵包做午餐都唔想食呢啲嘢！連一個餸都冇辦法揀到出嚟係值得食！

本身呢個價錢都已經冇諗住佢好正，但求叫試吓，醫飽個肚。點知條隊長到不得了不特止，先講小棠菜，原來所謂酒店嘅大廚仲衰過阿媽個姐姐。啲小棠菜生嘅，冇味嘅，更加唔好講火候。嗰條好恐怖嘅魚，勁多魚鱗唔該，見到佢個樣已經唔想攞，不過阿媽話要試吓，佢都係食咗一啖。好想嗌救命，點解啲嘢食可以咁差。如果出世到而家未食過豬腸粉，可能覺得正常掛。因為又硬又冇味，都唔知食咗啲咩落肚，唯一好處係飽肚。翠玉瓜炒豬肉，終於有一碟似係我煮飯嘅水平（我係一個好普通嘅家庭主婦）呢碗主打嘅車仔麵，第一啖放落口即刻諗起周星馳出食神！蘿蔔淡而無味，失敗！魚蛋入面散嘅，失敗！豬皮，好似食腐皮咁嘅質感，失敗中嘅失敗！豬大腸，如果乾淨就可以放落口，咁都仲算係食物，因為仲好大浸味。失敗！極失敗！獅子狗卷，似喺街市過期十零蚊磅嗰啲。恐怖失敗！海帶結，食咗一啖都覺得自己好可憐，唔知為乜！

間嘢有直升機飛過伏！伏！伏！主食竟然係咖喱雞，好少嘢食，又要勁多人，勁多人迫喺一個嘢食區，雖然百幾蚊，雙餸飯都好過佢環境同服務質素OK，俾啲PK廣告fake 咗，千祈唔好嚟錢多唔知點使可以過嚟試吓

從來未食過這樣的自助餐，完全顛覆我對自助餐印象，全場只有五個熱葷，一盆粗糧和車仔麵完了！雖然以自助餐$108算平，但係以咁嘅質素好難會再去，難怪香港人要北上揾食！

其實108包加一嘅自助餐都唔諗住會有咩食，不過，無諗過連西式麵包都無。有個大蒸 爐，以為有點心，點知打打開 係花生。 寫住有甜品，以為有糕甜蛋糕仔，得良粉同罐頭雜果。 山長水遠，行10分鐘過黎食都覺得哂時間，真係唔掂。 最後，比左108蚊 食左一個車仔都加一杯咖啡。 怪唔知得之前做promote 78蚊位。我覺得78蚊都嫌貴。 想試嘅人可以黎試下，以上純屬個人意見。

熟食款式好少🤔, 選擇不多, 沙律位置選擇有好多不同款式, 種類也新鮮👍, 粉麫位置選擇亦有好多, 粉麫種類, 蔬菜種類都多選擇👍, 連調味料都過十款, 甜品位置選擇欠缺吸引, 不過環境舒服寧靜, 傾計一流🥰, 如果有租喜來登酒店又或者住附近的東涌街坊, 未去過都可以試一次, 但未能吸引我會再次🍴幫襯😅