御名園 (鴻運中心)

營業中

休息中

今日同媽媽食生日飯想食海鮮 又唔想地方太嘈 太多人就揀左呢間御名園 試下果然唔錯 推介地點喺鳳琴街 如果Yoho行過去5分鐘左右環境光猛 又闊落 坐左喺卡位兩個人 慢慢食 同傾計一坐低 就奉上前菜 絕對有驚喜海苔舖滿脆口合桃 杏仁 蓮子香口又開胃 餐牌有套餐 有優惠價 多款又抵食我地點左份薑葱炒蟹配菠蘿咕嚕肉一份上湯浸莧菜 兩隻金蒜銀絲蒸聖子兩隻五常米釀脆皮全翼點單後 好快就上菜眼見菠蘿咕嚕肉份量適中 菠蘿鮮甜醬汁開胃 肉脆又啖啖肉 阿媽好滿意蟹鍋 熱辣辣 目測至少3隻蟹蟹已經沾滿薑葱汁 好蔥味 蟹既肉質好新鮮 份量比想像中多金蒜未上枱已好香 聖子已經好好處理過所以筷子一夾起就食得 肉質爽口精華係粉絲 真係好入味呢2支五常米釀脆皮全翼 好大隻飽滿裡面釀滿糯米 好香口又滋味最後上湯浸莧菜 中和番成餐飯菜份量多 湯夠清 好滿意2個人 食左2款海鮮 2個小菜 1款小食加埋茶芥 加一 都係600幾蚊相當唔錯 而且服務好好 不斷都有店員加水同收碗碟下次一家人食飯 試埋燉湯先

之前已來過晚餐，價錢食材等都非常滿意。午巿亦看到餐廳滿座，稍等一會才安排座位。這次為了點心放題而來，可以1件1件的下單，自己決定份量先把心儀的點心全點上，在等待上點心時，觀察到店員都手勤腳快的，枱子上都清理好，不怕會堆得滿滿的蒸籠碗碟，個人非常欣賞點心上枱了，有的會合併為一籠或一碟，有些則會一粒一件的上枱。送的灌湯餃及鮑魚燒賣只送給大人，味道新鮮，肉質嫩嫩的，很好吃另外點的燒賣皇，蝦餃皇也不錯。核桃包較為少見，饀是甜甜的啊。一些炸物如魷魚鬚，椒鹽豆腐，香酥肉，長春卷等也很香口還有當然是各款甜品，每樣也可一試呢非常喜愛點心放題，而且現在有優惠價，會再次光臨

最近食得多西式、日式野，所以同朋友今晚想食下中餐，就搵左御名園食中菜。 我地2個人都好鍾意食海鮮，所以叫左4個海鮮，1個菜同1個甜品，好滿足。紅瓜子斑（清蒸）🐟 ($388)店員極力向我地推介紅瓜子斑，佢話比東升斑更矜貴，係一種高檔食用海水魚，特別好食，而且店入面只剩一條紅瓜子斑，所以我地就點左佢試試。的確紅瓜子斑 魚肉 肉質比平時啲魚更嫩滑，而且魚骨比平時啲石斑較少，啖啖魚肉、魚皮柔韌，魚味濃郁，仲好鮮甜！鍾意食魚嘅你一定要點黎試下😊西澳洲龍蝦上湯伊麵🦞 ($438)叫左上湯龍蝦配伊麵，雖然龍蝦先係主角，但佢個上湯同伊麵都整得好出色。龍蝦肉質彈牙鮮甜，伊麵吸晒龍蝦嘅鮮甜，令每一條伊麵都充滿海鮮嘅滋味😋 佢個上湯比平時出面食到嘅有啲唔同，佢顏色比較深黃，原來係加左南瓜、仲有忌廉，所以個上湯都比較creamy，但又唔會好膩。空運聖子 + 鮮元貝（金蒜銀絲蒸）（$38/隻）聖子超級肥美，肉質鮮甜，好新鮮。元貝好鮮，佢切開左2小片，個人比較喜歡原粒食，會比較有口感。蒜蓉粉絲同豉油調味適中，唔會太鹹亦都唔會蓋過海鮮嘅鮮味，但覺得粉絲可以再軟熟少少🤏 整體海鮮非常新鮮，美味👍🏽👍🏽上湯蒜子浸菜苗

話說有日下午茶食得太飽，夜晚又約左朋友食飯，於是決定去食吓海鮮。直接入主題，講下d嘢好冇食：［小食］佢碟小食都幾有驚喜，有好多款式堅果🥜，包括左花生、合桃、杏仁、腰果、蓮子等等，好脆身，全部都有一層紫菜碎喺面，好香好好味！🤩［聖子］好肥美，而且彈牙有咬口，感覺幾新鮮🤓！有個炸蒜粉絲放底，吸埋海鮮味，好香！🤤［鮮元貝］都係有個炸蒜粉絲放底，幾好；元貝好彈牙，肉質幾結實。😌［上湯蒜子浸菜苗］菜苗🥬好爽脆，唔會煮得太腍，個湯唔會太咸；放左好多蒜子，好香好入味。☺️［紅瓜子斑］呢款魚無嘜細骨，肉質比較腍身，雖然少左d咬口，但就會比較滑；另外，完全冇魚腥味，火候亦控制得好好，唔會過熟/ 唔熟；魚腩同魚鰭位置相對比較有彈性。不過，如果喜歡口感札實，建議選擇d實肉d嘅魚😜。［西澳洲龍蝦上湯伊面］非常新鮮、彈牙，好爽口；個汁💦好濃，汁可以掛到曬喺麵同龍蝦🦞上面，唔會太咸。佢用左忌廉、上湯、南瓜去做個汁，所以比較深黃、濃一啲。👊🏻［桃膠西施杏仁茶］應該係用磨左嘅杏仁去煲，唔似沖粉，感覺好天然，亦唔會太甜，加埋蛋白同桃膠食，味道同口感都幾夾嘅。👍🏻#御名園 #中菜 #點心 #宮廷菜 #中菜廳 #中式美食 #

說到最好味的點心，必定會想起御名園，這次我就和朋友一齊去這間酒樓吃午餐。鮑魚燒賣皇很有特色的點心，鮑魚很入味，和豬肉燒賣的味道很夾。鮮味蝦餃皇大大隻蝦仁，爽口嫩滑，非常足料。黑金流沙奶皇包內裡奶皇呈流效果，甜味奶香味並重，先吹一吹再吃，避免灼傷嘴唇。極品花膠灌湯餃灌湯餃一向是我摰愛，花膠很軟身，雞湯味特濃，每一啖都有雞的精華，是我最愛的味道。四寶淮山滑雞札雞肉嫩滑，再加上淮山等配料，豐富了口感的層次。出爐叉燒滑腸粉腸粉有叉燒粒和芫荽，加上一點特製豉油，混合起來味道很匹配，好味又香口。馳名燒鵝瀨粉燒鵝皮脆肉嫩，瀨粉很滑口，兩者是絕佳的配搭。手磨薑汁千層糕煙煙韌韌，少少甜又有陣陣薑味，必定要試。

今日走左入元朗探朋友，朋友帶我去飲茶兩個人未食早餐就叫左好多野食小食點心一樣出色。沙姜香茜豬手豬皮口感爽脆，好彈口，啖啖滿口骨膠原精品黑豚叉燒皇 小例叉燒肥瘦均勻，一層一層好靚，咬落好軟好腍，太好食啦!加多碗白飯真係一流，有點後悔只係叫左小例鮮味蝦餃皇皮薄餡靚，餃皮口感柔靭，蝦肉好爽彈鮮美可口石歧乳鴿外皮夠哂香口，有淡淡焦香，內裏夠哂JUICY肉嫩多汁，一個人食兩件唔多夠喉。鮑魚燒賣皇燒賣足料大大粒，鮑魚好彈牙極品花膠灌湯餃唔係間間茶樓有架，即刻叫，花膠好軟淋，灌湯餃湯汁好鮮味原隻鮮蝦滑腸粉腸粉好滑，加上好大隻蝦真係好足料，口感好豐富。海皇醬蒸鳳爪兩個人食到飽一飽

一家四口走入元朗飲茶爸爸知道前世情人鍾意食乳鴿，一落就落2隻石乳鴿🌈石歧乳鴿炸到好香口，皮脆肉嫩，肉就夠哂肉地，唔係奀瘦size。🌈精品黑豚叉燒皇 ～ 叉燒肥瘦適中，肉質軟腍得來有口感，油脂好香口，🌈鮑魚燒賣皇 ~ 一粒粒新鮮蝦肉製作而成的燒賣之上有一隻鮑魚，好富貴，爽口又彈牙，口感一流。 🌈鮮味蝦餃皇 ~ 晶瑩剔透的外皮包住大大粒新鮮蝦肉，作為餡料真係矜貴又美味。 🌈原隻鮮蝦滑腸粉 ~ 大大粒蝦配上滑溜腸粉🌈叉燒包🌈海皇醬蒸鳳爪 ~ 鳳爪好入味🌈極品花膠灌湯餃 ~ 灌湯餃啖湯好鮮好甜🌈椒鹽魷魚鬚 ~ 炸粉岩岩好，唔會太厚，食落好酥脆🌈沙姜香茜豬手 ~ 沙姜芫荽味調味岩岩好，豬手質地好爽彈，完全唔覺得有肥膩感覺，好快就清碟

週日同朋友一齊去元朗郊遊，出發前 去飲茶食個午飯先，呢間酒樓除咗叫點心，小菜外，仲可以選擇午市放題，假期收費都係佰幾蚊，抵食。每位客人送一碗極品花膠灌湯餃，正👍放題每款點心都好精緻，好啱相機食先一族打卡，而且食材亦較名貴，有蟲草花濃湯鮮竹卷，黑松露素粉果，湖南桂花鮮准山，鮑魚燒賣等…..90 分鐘任叫任食，性價比高👍

御名園 🍵📍 元朗鳳琴街15-21號鴻運中心地下A1.3-10及69-70號舖∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎放假飲個早茶先🍵🤗，小編發現御名園都係一個飲早茶，食點心、小菜既好地方🙋🏻‍♀️，事關佢地既點心會同傳統酒樓有少許唔同🙇🏻‍♀️，有出面比較少有既菜式，有機會可以去試下啦😬，反正港九新界都有分店😆，好方便。🌟 鮑魚燒賣皇 $45.8真係第一次食到有鮑魚嘅燒賣😂，另外個燒賣都幾好食😋。🌟 鮮味蝦餃皇 $38.8蝦餃都唔錯，但同平時食嘅差唔多。🌟 極品花膠灌湯餃 $38.8個花膠都唔錯， 算係大塊， 味道都ok~🌟 酥脆芝士拔絲紅薯卷 $30.8竟然比我發現有紅薯🍠拔絲😂，仲要有芝士，芝士控必試😋， 好味道。🌟 手磨薑汁千層糕 $30.8好有薑味既千層糕😆，小編本身都鍾意食， 所以比滿分😂👏👏。🌟 五常米釀脆皮鳳全翼 $38雖然唔知咩叫五常米，但釀雞翼真係比較難整，師傅都用左好多心機去做🙇🏻‍♀️。🌟 檸檬冰爽鳳爪 $48幾特別既一個鳳爪，係檸檬味既😂，酸酸甜甜，都幾好食。🌟 鮮沙姜香莤豬手 $58呢個豬手有沙薑既味道，好似食緊沙薑雞咁😂。

屋企附近嘅新酒樓，聽人講啲食物都唔錯，一路都未有機會試下，今日打風人少少，趁機會落去食下。食物有驚喜，水準亦唔差，當然價錢有返咁上下。例如福建炒飯好好味，佢有個芋絲夾餅好特別，燉湯七月中做緊超級優惠價好抵食。雖然冇選擇到，但係見到佢啲套餐都幾實惠。雖然食物好味，但係服務員質素欠佳⋯⋯將食物擺喺枱嘅邊緣就離開，一係就收銀員唔講嘢，要我估佢想做乜毫無Service可言。一間餐廳有好嘅嘢食，可惜冇好嘅服務態度維持落去，點樣做街坊生意？

平時打邊爐、燒肉放題就聽得多，咁點心放題你又有冇聽過？🤣今日就去咗元朗嘅御名園食點心放題～入面裝修都好精緻,卡位寬落,坐得幾舒服🤣而且服務都好好～整體評分：7/10味道：6.9/10服務：7/10環境：7/10人均消費：$100-200地址：御名園 (鴻運中心) (元朗)元朗鳳琴街15-21號鴻運中心地下A1,3-10及69-70號鋪我哋揀咗午市90分鐘點心放題（$148/位），包括但不限於以下點心🥧-鮮味蝦餃-蟹籽燒賣皇 -鮮蝦水晶菜苗餃- 黑松露素粉果-招牌灌湯小籠包 -貓耳朵-濃湯鮮竹卷-車打芝士蝦長春捲- 鮮蝦炸雲吞- 芋絲脆軟夾- 千層飄香榴槤酥- 蛋白杏仁茶-松化脆蛋散-鹵水無骨仙掌- 胡椒鹹菜豬肚- 花椒香酥肉 -椒鹽魷魚須-高湯灼翠綠菜心-湖南桂花鮮淮山其中個人比較鐘意食黑松露素粉果、鮮蝦水晶菜苗餃、車打芝士蝦長春捲同埋胡椒鹹菜豬肚😋特別系黑松露素粉果真系整得幾好，有黑松露嘅香味同埋好多菌菇嘅香味～

呢間酒樓由開業食到現在，食物質素係唔錯款式都比較多，我最愛食佢嘅黑豚肉叉燒非常軟林林又夠味，另外仲有好惹味嘅椒鹽鮮魷其它點心就與一般酒家差不多😃唯獨最差就係安排入座方便，永遠只想巴結熟客，客串帶位個位「高大婦人」次次見到熟客就任意讓他們打佔其實每間都會有呢個事情存在，但你做都唔好做到咁明顯連飛都唔叫吓就比咗個客入去，我問我係A1飛喎佢先話咁你坐第二張啦😤咁我飛呢做乜？排隊呢做乜？無生客真係靠個推熟客可以養起成間舖嗎？

員工服務一絕的差，特別點名穿西裝的李主任態度超差，只是叫他幫忙加加水，黑口黑面，好像踩親他條尾咁。即使裝修整潔但服務態度超差，趕客咁不會再來！員工態度差都算了，但連茶包都清淡無味，點心也很差味道一般。

星期日早上9時半到達， 當天是母親節 正好趕上政府的放寬政策， 能夠4人同枱。 但食物質素不太理想。 這酒樓已轉多手 ， 所以特地前往， 正門位置已更改，樓面格局已更便。牛肉球冇牛肉味、窩貼皮厚、蛋散放肻水長時間再上枱部長EQ低 對自己同工講粗口 （不是對顧客， 但在我桌旁邊大聲吆喝）有特別菜式 如 手磨紅米銀羅腸粉 但太油了 圖如下另外裝修雖然華麗 但例如普通的洗手設施 只有9個水龍頭， 但半數都冇水出 大陸式設計 水龍頭只供參考😅

想買燒味返屋企，行過見到個師父斬緊好似ok,見唔到收銀，行左個大圈但個入口（係另一邊）係樓梯又見唔到收銀。所以行返過去燒味師父個度諗住問下收銀係邊。點知個師父即刻俾個勁西既面我，啤實我但一句都唔講。我好有禮貌咁問多句：唔好意思呀師父，想問下邊度可以俾錢落單？佢都係繼續西面唔出聲，啤住我，我諗緊唔通我得罪過佢全家？其實唔想做可以唔做，趕客就係呢d,呢間野我未食過但寫包單我一定唔會再試。我唔係要你俾星級服務，但連呢d咁簡單既問題都唔願意答，我對佢既服務真心有懷疑。激到我好少寫文都要上黎話下佢