從心素食 (東港城)

營業中

休息中

啲嘢幾好食不過啲服務員十分非常冇禮貌雖然係街坊生意但係服務係唔可以用餐牌價錢來衡量。平時問攞XO醬已經黑口黑面其實有咩唔滿意可以收錢，但係你哋冇咁樣做？換來只係一次一次，又比面色客人睇今次最後食到未見到小強🪳就真係迫我要出post話俾大家聽你哋有咩問題希望你哋正視！唔係見到隻小強🪳先識仆埋嚟（平時叫天不認叫地不聞）問我發生咩事淨係同我哋講聲對唔住呀，我幫你取消佢真係唔好意思啦⋯⋯咁我係咪要同你講聲；多謝你呢？

平日中午時段入座用餐，同朋友食完一直傾到2點半，經理同樓面突然行埋黎，直接收茶兼講「啲野齊晒喇可～～出面埋單。」我同朋友錯愕地對望。杯茶都收埋，惟有執袋走。經理見成功趕客，就轉身走，樓面繼續執枱做下枱客。過程中，經理的說話及語氣唔惡既，直接了當，不過沒丁點客氣、無禮貌。事實上，入座時無講明用餐有限時。食物方面，質素普通。頭盤五香牛肉配豆腐，片豆腐明明有豉油色，但完全無味。炒河粉勁多油。區內無其他素食餐廳，獨巿生意，平日午巿茶巿都滿座。明白有客等要翻枱，但叫人走都要有禮貌、客氣囉～唔該！

若要在將軍澳區找素食店，這確是難得的一間。最初聽見是素食，對於肉食獸的我們，本着「健康」一晚的心態試試。不過，這一間餐廳確實是喜出望外！我們點了香煎田園餃子、田園石板鴨、招牌胡椒勝瓜猴頭菇煲，每一款菜式也很有特色，而且有飯後糖水贈送，確實不錯！餐廳的菜式甚多，除了普通的前菜和湯品外，還有日式的「刺身」、西式的薄餅、還有中式的「雞、鴨、鵝、牛肉、豬肉、雞肉、海鮮……」等小菜及飯麵類，令人想再次Encore，試齊不同的菜式。

真係好差，一個lunch set $118一小食一湯一個飯小食滷水牛展，口感好差，似一塊乾左既豆干又鞋又臭揀咗一個海鮮羹，唏到好似水，又無料，吾知飲緊乜主菜個名好好聽，松茸豆腐南瓜燴飯，頂，衰過2餸飯，一碗飯加4塊豆腐，真係好意思收$118 ，豆腐無味，食齋啫，鹽都唔落？？南瓜飯仲有南瓜皮，好硬，差到想爆粗另加左$88 一客酥皮黑松露薯仔卷，熱辣辣即叫即整，不過個酥皮唔夠鬆化，調味都幾差，勉強叫做普通仲要加一加茶芥，但今日係十五所以好多人排隊，獨市生意真係點差都有人幫襯

已經第二次嚟，感覺呢間餐廳係全個東港城座位最舒適嘅，可能因為長者食客多（包括me）今日發現有2人set 一頭盤 兩盅湯 2個主食最好食係 荷香蟲草花蒸猴頭菇平時屋企猴頭菇都係煲湯多原來咁樣炆都好好食 碟底有滿滿荷葉有d舊時茶樓荷葉飯feel，但又唔洗食飯咁飽滯另一主食：自家香煎腐皮鴨，原本都驚熱氣，但呢個腐皮煎得唔油唔硬，保持返腐皮本身柔軟質感，豆味清香，碟底菜心亦冇敷衍，好快比我地清碟沙爹豆腐鍋巴，份量比較少，前菜嚟講過吓口癮咁湯三選一，我揀咗牛蒡湯，清肝明目男女士上班一族養生恩物2 4 6位套餐餐牌，比大家參考：

2022.10.09 dinner呢一天要嚟東港整嘢，順理成章係度食晚飯。 都好耐冇食齋，其實本身都幾鐘意食，見到有呢間，試吓先😃不過，入到去先發現，原來啲坐位幾迫下，幾嘈，仲有啲混亂🥴 好彩都有個叫做好少少嘅邊位⋯⋯諗住快快點，快快食，快快閃。點知餐牌都幾豐富下，我差唔多洗完碗筷，女友都未揀到。終於一齊再揀之下，就要咗一個香橙芝麻骨同黑松露牛油果醬炒飯，睇名睇相都好似幾好味咁😋香橙芝麻骨先到，得喎，幾香幾靚！ 仲幾好味添😋 女友唔再講都唔知原來係猴頭菇嚟，好手勢喎！不過就少咗啲芝麻，得好少，話晒個菜名係叫’芝麻骨’麻 😏 如果多啲同均衡放落啲骨到，一定更加好味😋食食吓飯到了，都好香黑松露味，但就唔多覺牛油果醬，食埋就更加唔知牛油果醬係邊😂 但成個飯都好味，又乾身，但女友就嫌唔夠鑊氣兼唔夠咸喎😝食物真係唔錯，但坐位就麻麻哋，不過都會再嚟，都想試下其他菜式😋

前文提要吓先，由於同老婆入咗嚟將軍澳「宅渡假」，個套票包自助午餐及早餐，無包夜晚，所以，專登晌夜晚約姨仔食番餐，因為自從佢搬咗去坑口，我哋都好耐無聚一聚。剛好一年多前就幫襯過「從心素食」食晏，不過，當時喺尖沙咀店，原來，亦已經執咗。因為食過覺得好，老婆又偏素，所以，特意介紹呢間素食店俾姨仔。將軍澳店比尖沙咀店整體感覺好啲，一來位處晌大商場內，方便好多，二來地方大啲，樓底高啲，裝修雖簡約，但夠晒光猛企理，啲枱櫈又無排到密麻麻，卡位更喺特別闊落，最好就喺無滿天神佛呀，播住啲「煩」音嘛，感覺寧靜、舒服。今次就無影到餐牌俾大家參考，只喺簡單影咗個「廚師精選、時令推介」及「精選套餐」出嚟。順帶提一提，茶錢$10位，加一就基本啦。由於中午食咗自助餐，食得超飽，所以，依刻都仲未叫好餓，故點菜都唔太多。酥炸菜肉雲吞 $42 餐前點兩款「輕食」前菜過過口癮，先嚟一客脆口嘅炸雲吞，一客有成7件，雖然叫菜肉，裡面當然喺豆製品嘅素肉。炸得唔錯，香脆，唔油，素肉就無乜味架啦，但沾上啲甜酸醬，華麗變身唔同晒。越式牛油果芒果米紙卷 $55 食完炸雲吞，再食番個涼涼哋嘅米紙卷就最好不過，晶瑩嘅米紙卷色彩繽紛，賣相好睇

🍭從心素食🍭成日同朋友出去食好西, 得閒都要同屋企人出去食☺️今次介紹而間素食館, 好岩帶公公婆婆去食亦好適合齋口唔齋心既你😂😂😂💝從心所欲套餐 ($988 六位用)- 從心魚生刺身拼盤 👍🏻- 原條靚竹笙蟹黃雞絲翅- 甜合桃鮮蘆筍百合爆猴頭菇 👍🏻- 燕麥金沙大蝦伴泰式芒果米紙卷- 野生頂級羊肚菌黃耳扒西蘭花- 意式白松露忌廉汁伴南瓜球- 原隻泰式海鮮菠蘿焗飯- 松茸雲吞仔燴伊麵 👍🏻- 滋潤腰果合桃露湯圓 👍🏻由頭盤到主菜, 無論口感定味道都同真肉好似😂完全唔記得自己食緊齋😝😝除左套餐, 散叫既菜式都好多元化, 中西都有得閒做下孝順仔女, 帶公公婆婆去食下齋都唔錯😝評分: 🍀🍀🍀

今日身一次黎食齋，坐低已經見到唔夠人手，等好耐先叫嘢食，都唔緊要，叫到嘢食等咗35分鐘都未到食物，其他枱嘅人遲過我入都已經有嘢食，之後問個店員先知原來無入過單。仲要入單嗰個係高級d都咁廢。真係以後都唔會再幫襯😡😡😡

今日是辛丑年的年廿九，雖然不是初一、十五，但都想食一點素食，一陣晚上又會返屋企食團年飯，因此午飯方面都食些清淡的素食，想起位於坑口東港城那邊有一間「從心素食 」，今日我與妹妹約中午時份來到，由於時間都尚早，餐廳都較寧靜又晤會太多人。我平時都好喜歡食素，特別喜歡選擇一些新派的素食餐廳，因為食物款式會較多，可以試得更多的款式，又可以點些小食之類，不一定點粉麵或套餐，因應個人的胃口多小或喜愛去決定點菜。 餐牌上的食物款式都好多，例如有沙律、餃子、刺身、壽司、便當、天婦羅、咖喱、粉麵、小菜、甜品等.....也有套餐。由店員帶領入座，最後被安排坐近在窗口的座位，幸好今日天氣都不錯，又有自然的陽光的光線，從落地玻璃窗望下去，可以看到街景，而餐廳的裝潢都好簡潔，枱櫈、牆身、餐具等都主打用淺色的配搭，給人有一份悠閒舒適的感覺。天氣較凍，我兩人各自點了一款湯暖下身先。妹妹選擇了蘆筍金湯蟹皇酥皮湯($58)，由於酥皮湯需要烤焗，大約等了15分鐘就上枱。酥皮烤至香脆，有陣陣牛油香，金湯其實是南瓜湯，舀起見到蘿蔔粒、蘆筍粒、素蝦、粟米粒，南瓜湯都好香甜，質感濃稠，粒粒的蔬菜粒爽口，加上香脆的酥皮更加滋味。而我

餐牌上有好多款式都好想試，兩個大人一個細佬最後點左6款野，福建炒飯、芋頭魚同脆鱔鍋巴好好味，魚香茄子同蟹鉗就一般，芒果吉列卷就麻麻地，買單先至$337(因為下午茶有半價)，真抵食！

今日同屋企人去食飯，一入去見到有卡位空咗，咁我就多口問句：「我想問會唔會有卡位坐嫁？」咁個位著皮褸長頭髮嘅女經理：「冇啊冇啊，啲卡位留咗俾人啊，人地卡位6個人坐嫁。」咁其實當場3張卡位，有2張都係兩個人食飯坐緊，所以我先多口問下，咁如果冇你咪話留咗俾人，冇咩必要咁嘅態度囉。但當時我都諗住算啦，當自己唔啱，要求得多咗就算，咁就跟住佢入去佢比我嘅位置。入到去佢帶咗我去全間舖頭最最角落頭嘅位，咁我都諗住是但啦照坐啦，費事好似為難佢咁。但係我一入到去，就見到張枱係上一手留低，全部碗碗碟碟食物殘渣都喺度，咁其實都正常嘅，咁我就坐低等吓佢過嚟執啦，點知我坐咗差唔多10分鐘，嗰位著皮褸嘅女經理先至施施然拎住兩套碗筷過嚟擺低喺我張枱度，然後就想直接走，咁我就忍唔住問佢：「你唔幫我執埋張枱？」然後佢先至轉身再留返低，一路執一路話：「好忙啊，唔得閒執。」講吓我已經想抱着西客嘅態度回應佢，但係抱着息事寧人，所以我完全冇出過聲。咁佢執完我照揀野食，揀咗5分鐘到就想叫人嚟落單，但因為我地坐咗係最最角落嘅位，咁就諗住等人過下嚟先，我嘅心態係正常一間餐廳知道自己舖頭有個咁山旮旯嘅位，仲要啱啱先有客入咗嚟，理論上都會

呢間素食館既齋真係好好味好多模仿肉既菜式無論口感同味道都好像真😋而且環境都好適合同朋友邊食邊傾計呀❤️🍽 蜜汁叉燒配刈包🍽 香芒魚生壽司及BB筍鮑魚壽司🍽 招牌山珍百合金磚豆腐🍽 鮮鳳梨糖醋骨🍽 舞茸菇雞絲翅🍽 籠仔蒸菜肉餃子🍽 紅棗雪耳木瓜糖水🍵 蕎麥茶最令我深刻係叉燒掛包同金磚豆腐用猴頭菇去整既叉燒整到真既一樣有好香甜既蜜汁味加上咬落去既口感都幾有彈性唔會腍batbat又唔會乾噌噌配埋刈包夾住食更加正呀😋👍🏻而金磚豆腐就炸得恰到好處完全係外脆內軟配埋山珍菌菇百合一齊食都幾好味😋👍🏻除左食物、湯品同糖水都好味之外蕎麥茶既味道微微甘都好好飲好香醇🍵✨而且埋單價錢都唔貴👍🏻我地四個人食左咁多野人均都係百幾蚊咋🤩

個menu有好多樣都想試如果下午茶餐嘅話有半價優惠所以下午茶去食其實都好抵同埋份量都好多猴頭菇👍🏻👍🏻👍🏻👍🏻👍🏻好味！好索汁同米通好夾！佢入邊個Menu猴頭菇係成版咁多有好多唔同猴頭菇嘅煮法所以下次都會想試吓其他嘅猴頭菇菜式羊串加木棉豆腐👍🏻👍🏻👍🏻👍🏻👍🏻個sauce 好正個羊肉串其實都係用麵筋整㗎不過個重點係佢個汁好好係類似沙嗲咁樣嘅吉列豬趴一般般👍🏻👍🏻👍🏻我覺得個咖喱汁偏鹹啦同埋佢本身佢入邊啲飯都已經係有調味過加埋就更加鹹個豬扒本身就個口感都OK嘅無咪特別囉

今日同朋友去試食將軍澳新開既素食餐廳。🥑🥦🥬🥒午餐時段，散叫咗三個餸：猴頭菇配飯焦：猴頭菇炆得幾入味，配上香脆飯焦，好正😋牛油果雜菜沙律：牛油果、火箭菜、沙律菜，食材新鮮😉牛肝菌雜菜煲：材料好豐富，有牛肝菌、木耳、竹笙、西蘭花，健康之選。☺️😌地方寬敞，坐得好舒服，值得一試！