很得輝 (金滿閣)

營業中

休息中

本人係雞髀愛好者，。雖然等得有啲耐 但係值得食叫左個撈面加雞髀 都食到好滿足 轉登放假揸車去屯門食 附近又有得泊車 不過略厭雞髀無咩汁 加上嘢飲差少少 整體質素都唔錯 good

好耐冇試過出街食雞脾，因為搵唔到好食既鋪頭。朋友三番四次叫我去很得輝咬雞脾，盛情難卻地應約。店鋪位置離屯門市中心有一段距離，唔就腳的。但一去到發現有好多人排隊，而且周圍開滿枱，好多人正開餐。於是落街叫個雞脾套餐，配咖哩角，加埋好似約$50。咖哩角：我覺得一般，僅僅是童年回憶系列。炸雞脾：雞脾大細同市面上差不多，重點係附近有好多味粉俾客人調味，淮鹽同炸雞脾好夾，仲加埋辣粉，雙重享受。個人覺得呢個價位同配套唔抵食（貧窮限制了思想），當然自行試完再決定食唔食啦。

屯門何福堂附近呢間小店真係不得了！佢哋主打雞髀，以前淨係開夜晚，而家改咗中午12:30開，屯門牛買lunch又多個選擇！😋 A1餐：雞髀+燒汁炒烏冬 $62😋 雞髀+脆薯角+是日飲品 $42😋 雞髀（單叫） $32😋 香芋蕃薯波 4粒 $12以上係喺很得輝落單嘅幾款叫法，一次過示範畀大家睇🤪 雞髀可以喺滷水、沙薑同炸髀三款之中任揀，全部都係即叫即整，小店人手有限，所以可能要等耐啲。呢度嘅雞髀好大隻！未食落口淨係睇都好滿足😬 啲雞髀肉嫩滑得嚟又唔算好嫩滑，但好厚肉又唔乾身，啖啖肉汁！三隻雞髀之中，喺大眾心目中最出名應該係炸髀，炸髀嘅皮加咗幾多麵包糠，炸粉反而少，所以拎到返去先食甚至凍咗都仲好脆身😗 如果想無咁熱氣就可以試滷水或者沙薑，呢兩款因為無炸過，所以肉汁會更加豐富。個人覺得沙薑係三款之中最正，沙薑味好入味但唔太鹹，更加突顯出隻雞髀本身嘅鮮味😝 而滷水呢，一聞就覺得好大陣八角味，第一啖食落有啲鹹，但只要慢慢代入個角色去食，陣鹹中帶甜嘅滷水味又同隻雞髀幾夾！最正係拎到返去先食但都無浸到隻雞髀腍晒～燒汁炒烏冬無乜特別，好入味又唔太鹹，如果lunch嚟食叫份烏冬都飽肚啲🤓 脆薯角雖然話就話

炸雞脾黎講，尼間算係最中意。即叫即炸，每次食都有汁，炸粉唔算太多，面包糠比較幼所以脆得黎唔會太硬。最特別係有好多調味料選擇，有辣有唔辣，淨係辣都有差唔多四種，唔同程度晚既辣都有，岩晒中意食辣既人。

叫得上專門店一定要配得上專業質素，廚房店員看似遊魂，不懂製作，只會按時間製，環境衛生十分差，有業姑勿論雞髀的質素比較好，因為定價已經較高， 顧客而經係付出較高的 金錢來換取產品，但它們服務實在有待改善。 竟然在非繁忙時間漏單，而且要客人主動詢問才發現漏單，否則客人會一直在等，當發現後叫客人要別的食物，試想明明想食雞，會轉燒鵝嗎？低智到極。 而且完全沒有想過下一步，只叫客人再等20分鐘，可笑，完全沒有顧客服務，配不上專家。服務安排差..差..差，要改善的地方太多

要食炸雞會想起連鎖肯德基，但要食原隻炸大雞髀就不可不題很得輝。隻隻新鮮生炸，所以最少要等15分鐘，顏色呈金黃色，證明炸油經常更換，皮炸得非常香脆，好似食薯片咁脆卜卜，另有多款調味品粉， 隨你喜好自行加上。 肉質爽滑多汁非常juicy，調味適中不會太鹹，亦不會無味，雖然明知是雪藏雞髀，但絕對無雪味。雞髀炸之前做過功夫，已把雞髀主骨兩邊界開，這樣處理雞肉較易熟不怕生，亦可令雞髀變得更大隻美觀。PS. 不過始終係小食店，千祈唔好寄望有什麼服務，嘗試問一問，哥哥仔叫你自己睇😅落order 、俾錢、攞飛、等炸、聽叫number，冇堂食企街，接受到值得來一試，看看是否「很」有「得輝」低肯德基。～～～～～～～～～～～～～～～～～～～～～～～食物賣相＝(滿分20) 18食物味道＝(滿分20) 18服務質素＝(滿分20) 8裝修整潔＝(滿分20) 7性價比率＝(滿分10) 6回頭指數＝(滿分10) 10總評分 ＝(滿分100) 75分

終於得閒你試吓依個遠近馳名嘅炸雞脾小店，話說喺唔同嘅報章同社交平台已經成日見到依間小店嘅存在，不過原來佢係開6:00之後所以大家唔使咁早去到摸門釘，我哋6:08去到已經見到一條長長嘅人龍😂心諗使唔使咁快就咁多人😅😅😅不過明白嘅好嘢食就係要排隊㗎啦😅由於佢淨係開夜晚嘅關係食完之後都要食晚飯啦所以今次淨係買咗最出名嘅炸雞脾當然啦叫完之後呢就要等20分鐘到先有雞髀拎，不過即叫即整嘅，勝在夠新鮮，我哋另外都叫咗四粒炸燒賣等咗好耐終於都有炸雞脾，好大隻熱辣辣，等嘅時候望住啲人食緊口水都流出來😅😅門口仲有幾隻唔同味道嘅味粉俾你落，食得辣嘅人就可以試吓佢個死神辣椒粉，我依啲係食辣BB班嘅參選者，落返香草辣粉算😂不過落咗落去之後有幾好食，個皮係好脆好正，好大隻，啖啖肉，好邪惡嘅感覺！不過雞肉就比我想像中冇咁多肉汁，相比喺台灣嗰啲🤔不過做法唔同，喺香港來講已經係非常之好食！如果夜晚黑返到嚟想加餸或者想買啲炸嘢配啤酒嘅話，呢一間係非常之好嘅選擇！

今晚出完街打算買外賣返屋企食，見時間尚早，所以就打算黎呢度買出名炸脾食，不過仲差三幾個字先開門。但見舖頭入面已有職員，所以走去問下可否落定單先，我自己準備左D食物盒，就請職員幫忙使用，咁就唔洗浪費即棄膠盒。不過原來都真係要D時間去等架。我都算第一籌架喇。今餐叫左：炸脾蘑菇飯炸脾炒烏冬再加兩杯香檳提子同荔荔玉露隻脾真係冇得輸, 炸得非常通透, 雞脾皮好香脆 , 而入面的肉質又好嫰滑, 就連個仔唔鐘意食肉, 都係咁食. SIZE都有一隻手掌咁大, 烏冬即炒, 都算夠鑊氣.蘑菇飯口感都有少少似KFC, 不過佢就有胡椒味道炸脾果然重點推介, 真係好好味, 難怪每次去都見到有人龍排!

第N次幫襯，食過其他例如沙薑，鹵水，都係炸🍗最好👍🏻入口脆卜卜，肉汁juicy 🤩加埋秘制辣椒粉(超級辣，攻鼻到打乞嗤)直頭係屯門嘅最好嘅炸髀，沒有之一！店員推介雞翼尖，平時好少食，全部都係皮，好肥㗎🤦🏼‍♀️不過佢問一問又忍不住買一份，好入味，辣辣地，好味過元朗X仔🤫蘑菇飯個汁好香，當飯食飽肚好味又抵食，$4x連飲品仲要好味道，屯門區仲邊度揾？唯一唔好嘅地方，呢度長期爆場，唔係你話要買就即時有囉，當然大家都係識食嘅朋友，無理由唔揀好嘢食😂

尋日見到apps介紹，話想食，就有人即刻帶我去食😍😍😍專登去食佢既死神辣椒粉，有成14xxxxx度辣🌶🌶食後報告，我接受到 但唔鐘意佢有苦味，但大家要小心，唔慣食咁勁辣既人，要小心火燒前後欄🙈🙈🙈，好彩我冇事🤣🤣🤣皇牌生炸雞脾真係好脆，好多肉汁，加埋死神辣辣粉，真係不得了。招牌鹵水雞脾好入味，唔會過甜同過鹹，最重要佢入到味之餘，唔會好似鹵咗好耐d肉淋晒，呢個都一定要試。邪惡雞翼尖好蒜香同香辣，好夠淋，但我鐘意食冇咁淋，可以有咬口可以慢慢食果d，但鐘意淋既朋友仔，又係必叫之一。水蜜桃流打呢個就平平冇其，但因為叫左野食，仲要食埋死神辣椒粉，呢杯係一個解辣之選。

住唔住開大西北，對炸脾有期望的人，都應該會聽過、食過呢間炸脾，事關呢隻炸脾真係有啲料到。喺屯門又唔係太方便的位置的一間細鋪仔，路過，無乜裝修，簡單黎講係路過左都唔知。但一到夜晚，就會聚集左一班喜歡炸脾的愛好者。呢度的炸脾，每隻大細都差唔多，有訪問報導過店主因為品質監控下，每隻雞脾選240g 至260g ，生炸脾先可以做到皮脆肉滑。亦選用細的面包糠，令炸皮更幼細。炸脾食落真係造到老闆想要的效果，就係皮脆肉嫩，上台時熱辣辣，可以隨自己喜好加各種調味粉，仲有唔同級數的辣粉任意選擇。咬落口脆卜卜，咬落去的聲音同食薯片一樣。肉質多汁唔會乾硬化咁，真正食過返尋味。今日的營多就煮得岩岩好，仲有彈牙感，而且份量十足。飲品最喜歡蜜瓜奶綠，唔會好假而且比較少飲到呢種味道的飲品。

炸雞髀名店！今日黎朝聖🤩店鋪細細 幾乎冇堂食 店鋪主打生炸雞髀～因為即炸所以等侯時間需時雞髀仲大過我隻手！攞上手熱辣辣店入面仲有唔同調味粉比你自己加我就加咗啲辣椒粉炸雞髀炸得好脆 雞髀肉好嫩 肉汁鎖哂喺肉入面😍

山長水遠入到黎屯門，上網見到有好多人推薦食呢間，決定要去試一試食店舖對我黎講係有d難搵，加上一去到門口發現呢間炸雞脾店有好多人排緊隊，但我地最後都係叫左，最後我地都等左差唔多15分鐘先有得食。我地叫左最出名的炸雞脾，炸雞脾用左麵包糠去炸，望上去又大又靚，咬落去好juicy又入味，再加上店主放左D好多唔同的粉俾我地任落，今次我地落左海苔粉，味道一流！不過要留意一路咬，d雞油一路bit出黎，所以要拎定張紙巾for抹手。雖然要$32一塊，而且仲要等咁耐，不過都好值得！

星期六深夜，晚飯打埋家裏細務後，總會約幾個知己，各自驅車相約個地方聊天，市井地踎不會介意，最要緊是食物量少，粗豪煎炸有特色，這才是男人的浪漫。每次來時，會自己動手打枱開枱，幾多隻炸脾直接下單付錢。雞脾生炸，所以等候時間需要耐性，人多時往往要待半個小時。炸漿配方非常特別，炸粒很幼細，並不是用上蛋漿炸粉，也不是吉烈粉，純粹估計有調教，用了麵包糠，口感很爽脆。還有特別是可自行添加特制辣粉，辣度有幾種，千萬別加最辣那款，會出事的，會辣到肚有團火晚上睡不著的。

番工做到10點幾，收工，番入屯門宵夜，00:00 一隻外脆多汁嘅炸肶出現，求HP值增長% 我唔識計了，但真係食到jap jap聲🤤啲汁 一路食 一路滴萬惡嘅夜宵....而且係💛色炸肶 再加分👏🏽👏🏽👏🏽👏🏽👏🏽有枱有櫈自己擔埋一邊坐最鍾意就係咁