彩龍茶樓

營業中

休息中

冇服務唔緊要，點心燒賣沒有美味可言。期待去失望回，沒有下次。星期日帶著爸爸媽媽去荃灣川龍村飲山水茶，這天下雨，沒有四處遊，只好坐著茶樓吃點心，個人應為飲杯茶可以，食物就別期望太高。

今天天氣非常好 我們一家三口駕車到彩龍茶樓飲茶 可能是平日的關係 10:00去到都有幾個泊車位剩平日去得太多集團式酒樓 小孩十分雀躍 因為全部都需要自己落手落腳做 包括沖茶 拿碗筷 拿點心食物選擇都不少 有十幾款全部都熱辣辣 好吸引我細個最鍾意食馬拉糕 食物我不會說是好好味就是不過不失 比較清淡比較隨意 但這樣和家人 在山上飲一餐茶 非常放鬆

今次又來食, 上左2樓坐, 冷氣涼好多。UM春蛋燒賣: 無上次咁肥咁油, 今次D豬肉瘦番D, 而且皮薄, 唔錯。大包: 又唔算好大,不過都多料GE, 有雞肉, 有UN春蛋, 仲有頖似菇片GE野, 如果D餡料再傳統D更好。鯪魚球: 一碟有6大粒, 應該是特點吧, 炸得唔算油`, 不過已經一早炸起, 唔熱。魚味無乜, 但唔會咸, 較欣賞佢個醬, 係腐乳再溝唔知乜, 咸咸香香咁, 同魚球幾配。豆腐花無食, 睇朋友食,應該幾滑GE。

很多人說去大帽山飲茶，食山水豆腐花、西洋菜呀等，真的值得去？我們一家人趁著週末長假期、又天朗氣清就一於試試！🙂由於BB👶🏻還細，我們一家是開車去大帽山。一去到落車，就感受到那股大自然的氣味，清新爽利！😃這間茶樓與一般商場、屋村茶樓大有不同，是自助形式，沖茶拿點心是由客人一手一腳自己安排，想吃招牌美食就要快手！山長水遠來到大帽山，當然要試試他們的熱賣點心！我們點了酥炸鯪魚球、蝦餃、粟米鯪魚餅、炸雲吞、豉汁鳯瓜、馬拉糕、馬蹄糕、沙翁、芝麻卷、炒西洋菜、炸饅頭、馬豆糕、山水豆腐花，樣樣都出乎意料之外，十分美味，絕對不會比其他茶樓遜色！👍🏻如果要我選首三樣出色的點心，大家萬萬不能錯過芝麻卷、馬豆糕、山水豆腐花！芝麻卷芝麻香味濃郁、爽滑不太甜！👍🏻馬豆糕軟滑香甜，挺身不散開，馬豆軟淋，不是「實的的」！😋山水豆腐花真的無得彈，入口嫩滑，超有豆香味！😍🔈據說，以前茶樓會一早到菜田採摘西洋菜，西洋菜新鮮爽嫩，大受歡迎！可惜漸漸供不應求，現在的西洋菜是從街市採購回來，質量當然沒有人所說的那麼好，個人試過認為是還可以的。👌🏻總括而言，來到大帽山，遠離繁囂，感受大自然，呼吸新鮮空氣，悠閒自得，輕鬆自在，細味

早上天色還可以，走入川龍行吓山，行完順便去彩龍茶樓，地道西洋菜必選，重有水滚茶靚，行完身水身汗就至正啦。接近正午開始無咁多人，還好重有點心吃，當然要吃自家西洋菜，夠新鮮又嫩另一至愛蜆芥鯪魚球，粒粒咁大又實淨其他點心都熱辣辣，牛肚夠淋，手掌咁大隻糯米雞不過炒麵就凍左少少豆腐就比較實整體黎講，山上茶樓無乜選擇，最重要行完可以歇下腳，嘆杯熱茶。

有好同事車一行五人，上去大帽山附近飲茶。第一次黎，所有野都自助形式。我不過今次查簿可能有問題好少有機會試自已去拎茶葉加沖茶，仲可以自由混合茶葉。今日因為閒日所以人數中唔係好多，我地上左二樓，因為樓下已經有好多客人（佢地仲好好人咁叫我地上去坐添。）已經越來越少的自己出去拎野食的茶樓，我地都叫左好多野食，而且熱騰騰，感覺好好。可能在山上，就算而家係一夏天都唔係好熱的感覺（而且在早上）。野食我自己覺得正常，唔算係好出色，也談不上好好味，但我喜歡一大堆人飲茶的感覺，而且也勾起我兒時跟父母飲茶的回憶，我好鍾意，有機會一定再來

鵪鶉蛋燒賣！一切由飲茶開始🏞荃灣川龍的行山之旅🏃‍♂️。到傳統的茶樓飲茶，一定要嚐嚐高熱量、高膽固醇的傳統點心😂 鵪𪂹蛋燒賣！！！但這裡真正必點的是西洋菜！！！超鮮甜，因為就在外頭的田頭種！。真的很美味，一口吃下去，已經覺得和外頭的味道很不同。（但我懷疑是因為已經行了一個半小時的效果😂）。彩龍茶樓，一如所有傳統的茶樓，茶水、杯杯碗碗，連茶葉都要自己去操籌，一洗香港食客待人服侍的惡習。然後，甚至連取點心都是一場混戰🤦‍♀️🤦‍♀️🤦‍♀️。好吧，偶然消費一下懷舊也不錯😂。

食物:燒賣比較散，豬肉冇彈力蝦餃夠大隻，但冇蝦/蝦餃味鳳爪難食，不知怎形容，是但一間酒樓也比他好吃吧豬肚好腥，勁多又大粒既黑椒都「Pac」吾到牛柏葉好「un」雞札都可以，有2條火腿飯，D雞好「鞋」早上八點去到，冇乜野食環境：好污穢，又有廁所既smell甘難食都$17X，好吾抵!

復活節長假期天氣和暖，天色明朗，特意到大帽山露營，然後跟友人到川龍彩龍茶樓飲午茶。彩龍茶樓位於川龍村入口，可在荃灣搭巴士或小巴前往，沒有想像中的不方便，故此每逢週末都人頭湧湧，座無虛席。茶樓分室內和室外雅座，裝潢充滿八十年代的懷舊感覺。我們很快便在室內搵到空位。茶樓最大的特色是自助，要自己搵位了，亦要自己舀茶葉沖茶同埋出去攞點心。我們點了叉燒包，雞球大包，奶皇包，山竹牛肉，鳳爪排骨飯和鮮蝦腸粉。我最喜愛的是鳳爪排骨飯，在山上很冷的待了一整晚，最溫暖的就是享用到一碗熱騰騰的蒸飯，鳳爪和排骨撈飯一流，很快便將一整碗飯吃光了。友人最喜愛叉燒腸粉，腸粉全部即叫即蒸，用剛煮起腸粉皮包裹所選嘅肉，確保新鮮！點心價錢相宜，由十幾至三十幾蚊一款點心不等。在露營後順路到舊式茶樓感受懷舊風味，為長假期劃上完美的句號。

第一次去咁偏遠地方飲茶，係荃灣坐小巴上，車密，好快上到車。九點半前到，一行10人，非常好彩，等左5 分鐘就有一張大檯，姐姐都好快手清左比我們。之後就係自動波去洗杯，攞茶水，攞食物。食物只拍了一張：好味：西洋菜，雞扎，燒賣，馬拉糕，牛肉一般：鯪魚球，大包，叉燒包，腸粉（蝦，牛肉，叉燒），煎堆，鳯瓜，唔好食：炸鮮奶，蘿蔔糕，鶉春蛋燒賣。今日d野偏咸，食物還可以，就是吃氣氛環境，懷舊一下。今日人均$80。

經過好多次，第一次入去食嘢。 自助，攞嘢食，攞杯，攞餐具，都冇問題，風味吖嘛。不過，有個女職員態度真係好差，句句都好似撩交打。 野食方面，叉燒包太甜，腸粉即蒸即煮，以為好好味，腸粉皮唔知點解都係好普通，蝦腸的蝦不算新鮮。 其他食物就味道一般， 不過不失， 食咗紙包雞翼豬扒 ，炸鯪魚球，灼西洋菜，鳳爪排骨飯，馬拉糕，煎堆，棉花雞，蒸牛肉。想食豉油王炒麵，排隊排到時，見到炒麵賣相 好唔吸引，還是放棄了。因為係山頭，附近欠缺選擇。下次再經過，都唔會試了。

［飲早茶不是老人家的專利］👴🏻👵🏻👨🏻👩🏻👧🏻👦🏻👶🏻踏入社會工作後,約朋友食飯的時間都變得奢侈。唯有變成早餐小會😂慶幸好友們都是荃葵之友,友人突然提出上川龍飲早茶,也就成就了這次活動。川龍有2間茶樓,我們隨意選了近車站的彩龍,也是爸爸介紹我說較好的一間。早上9時抵達,人不算多,地下一層主要是拎點心,二樓是雅座。選了靠近窗的大圓桌,是時候接觸太陽嚕!🔅🔆點心選擇超級多!這裏飲茶採取自助模式,看中想要的就自己拿,姐姐會為你在食物卡上記號懷舊,很久不見的點心都有;蝦餃燒賣是必點的!燒賣有大大的蝦肉,彈牙新鮮,蝦餃皮薄,還看得見一接接重疊接口,手工相當好!好吃的馬拉糕買少見少,難得鬆軟,做得出色,人人都說馬拉糕最好味是表皮,真的每人一件又不為過🤡就手快有手慢無😎西洋菜清甜,茶樓有自己的田種菜,聽說更是用大帽山的山水烚😂😂人人都會點山沒豆腐花是驚喜的!我們要了熱,新鮮滾熱辣!豆味淡淡,但滑流非常,不加糖也是一種風味🤤聊著聊著說坐了3小時,客人約10點開始多,估他們早餐後活動就是行山了!年齡都約20-50嵗,誰說飲早茶是老人的專利!🤓後生可畏呢😎

今日同朋友行完山，行完山好肚餓，去左彩龍飲茶，嗰感覺 好正 ，好有懷舊嘅感覺 ，氣氛好好，好多嘢都係自助形式，好好玩。蝦餃好好味 ，皮夠薄 ，蝦夠大隻、彈牙 ，可惜味道鹹咗啲，如果淡返啲 就會好好多。燒賣都好食 蝦都係一樣，夠大隻、彈牙，燒賣落咗比較多肥豬肉，所以夠香，但係變咗會肥膩咗啲… 味道係好味嘅，值得食！鳳爪係我鍾意食嗰隻口感，唔會“林謝謝”，有咬口 ，可惜都係鹹咗啲，淡返d會好好多。叉燒包同出面食到嘅味道差不多，冇物記憶點...總括嚟講環境好正，會再去！

初六上了去川龍行大運。很久沒去川龍，坐地鐵去荃灣轉小巴去川龍。很快就到了。彩龍就在小巴站旁，很方便。彩龍是一家傳統酒樓，地方也頗廣。樓下有各式點心放着自由選擇，茶也是自己選自己泡。我們選了樓上通風的桌子坐下。之後就往樓下去選食物。一下去就被鲜艷色彩的炸物所吸引。選了外面不多見的蛋球。然後就見到大大的煎堆，再翻炸的炸鲜奶及煎饟茄子。來傳统酒樓一定選雞球大包……size真有一支手那麼大！裡面的料很足! 鵪鶉蛋燒賣更是必吃! 手拉即叫腸粉更是不常有，就點了义燒腸粉。來川龍就一定吃西洋菜。白灼西洋菜又新鮮又甜又脆！茶葉一向在這些酒樓都是偏濃加普通。自己帶茶葉可能更佳。點心味道和一般酒樓沒兩樣，只是有些比較特色的可選。包括風味環境大概75 至80分吧！

彩龍位於好山好水的川龍村, 行山前來喝杯山水冲的靚茶也不錯, 好老實......究竟啲茶係用山水沖定係水喉水沖? 我真系唔肯定, 分不了？！？無論沖茶或取食物均自助, 即自己撹掂, 無服務可言。樓下自取點心西洋菜 ~ 臨近新年應該當造, 何解.....它有點老架呢？蝦餃 ~ 蝦餃皮唔彈牙, 饀料的蝦幾爽口, 味道尚可。腸粉 ~ 可能天冷易凍, 凍左唔好食, 皮有點厚, 唔夠滑。鬆糕 ~ 香甜鬆軟, 仲熱辣辣的。炸鯪魚球 ~ 見佢係廚房剛出爐, 有魚鮮, 爽彈。 若然你想來食風味及嘆杯山水茶還可以, 若然是想食味道可能你會有點失望, 整體點心食味好一般。