彩龍茶樓

營業中

休息中

Um…諗住食飽飽🤰🏻去行山🚶🏻‍♀️🚶🏻🚶🏻‍♂️🏔⛰，點知…🙎🏽‍♀️🙎🏽‍♀️食既只有風味 • 環境 • 特式🤷🏽‍♀️🛖懷舊古式古香既🍵🫖茶樓，全自助，自己搵位 • 自己拎餐具 • 自己沖茶 • 自己拎點心🙆🏻‍♀️~•~•~•~•~•~•~•~•~•~•~•~•~•~•~•~•~•~•~• ▪ 鵪鶉蛋燒賣 (3粒) 🥚🍳唔識形容，有種怪怪地既味😢但又好似唔係變壞左個種🤔▪ 蝦餃 (4粒) 🦐🥟一開始見到脹卜卜😳大大粒好靚🤩點知咬開個皮好粉😓好厚😥但入面既蝦肉就正正常常，冇特別▪ 鳳爪排骨飯 🐔🦶🏻🐷♨️🍚用依種盅仔蒸飯，有種舊時既味道🤪排骨🐖都算軟，唔會鞋👌🏻味道普通，但最好食係依個😅▪ 茶位 🍵🫖~•~•~•~•~•~•~•~•~•~•~•~•~•~•~•~•~•~•~• 🔺本身仲有幾樣野想食，好彩冇一次過拎晒😐如果唔係真係……出事🥲🔺如果大家去食既話，超建議大家一定要洗餐具🧽🧼🔺蒸既點心 • 你嗌要乜，姐姐係後面拎俾你，有蒸籠蓋蓋住👍🏻🔺煎炸點心🔥💥睇落好吸引，但就冇蓋住😵雖然大家都有戴口罩，不過依家疫情咁……自己考慮啦🙈🙉🙈🙉🔺價錢唔算平 💁🏻‍♀️星期六/日/公眾假期就再貴dd💸💸~•

成日聽人哋講話去大帽山飲茶🫖 星期日我哋就諗住行大帽山 咁就決定試吓去川龍飲茶啦😀 川龍其實係有幾間呢啲嘅舊式茶樓 我哋好驚星期日會好多人所以一早就出發啦～～～ 由荃灣搭小巴去川龍都係15至20分鐘 9點左右落車 一落車見到彩龍就入咗去 入面每張枱都有人 好熱鬧呀😌 好彩我地早啲去 咁等左一張枱就有位啦☺️舊式茶樓所有嘢都係自己黎 沖茶拎點心都係自助形式 想飲咩茶 濃啲淡啲或者溝茶葉都可以👍🏻 因為我哋坐2樓 而拎點心係起1樓 拎住上樓梯嘅時候就要小心啲啦～～拎吓拎吓唔經唔覺就拎咗好多樣😆燒賣啦、西洋菜啦、叉燒腸粉啦、鳳爪啦、馬拉糕啦，係連莎翁都有啊！聽講係因為佢隔離有個西洋菜園 所以啲西洋菜會新鮮啲🌿 整體來講真係不錯呀 唔敢講話超好食 但係正正常常既味道 熱辣辣再加埋山景真係不錯架！下次再行大帽山既話都會再食呀🙂

早幾日，朋友約我去行山大帽山；但出發前帶咗我去附近的舊式茶樓飲早茶。兩層高的村屋茶樓，原來係自助形式，要自己沖茶，點心都係自已出去攞。因為是平日，所以唔係太多人，點心亦好多選擇，但必食推介係「川龍腐乳西洋菜」，真係好鮮甜。大飽就唔係好多地方有得食，都可以一試。牛肉球好嫩滑，豆腐花也是必食之選，因為特別滑溜，味道香甜。

今日入荃灣行山，先到川龍彩龍茶樓飲茶。呢間茶樓係一間貌似村屋嘅建築物入面，下層上層同外面平台位置都可以用餐。不過要有心理準備假日入嚟飲茶的人非常之多，等位係一件好痛苦的事，基本上每張枱都有人等緊。等到枱之後，就開始體驗呢度最大的特色 —— 全自助用餐體驗：由基本樓面開始，收拾上一手食完嘅碗碟，自己抹枱，自己開茶，拎餐具，到出去拎點心，都真係全自助；有嚟過嘅茶客相信已經習慣。餐具建議最好自己再認真洗洗；至於點心食物全部都係自己拎張卡出去點，一般傳統茶樓嘅食物呢到都有。蒸點係我哋覺得最好食嘅，鵪鶉蛋燒賣嘅燒賣唔係就咁一舊豬肉，而係好似真正燒賣咁有蝦肉喺入面；雞扎嘅材料好豐富，味道同口感都好好，係令人滿足嘅一款點心；煎釀茄子上面嘅魚肉煎炸得香脆可口，茄子腍身多汁，非常飽滿；嚟到當然要點腐乳西洋菜，雖然係貴，但係菜真的是新鮮好食。至於個炸豆腐就普普通通，下次唔會再叫。總體而言，呢度嘅食物水準，尤其是蒸點是十分出色；環境衛生則未必人人接受，亦不要預期有服務（唔係佢哋唔好態度，只是根本冇咁多人手去服務），所以基本全程都係自己自助。不過呢點亦都係好多專程入黎嘅原因，食嘅係一份傳統茶樓的地道情懷。

細個間唔中就會一家人揸車黎，到大個有時懷念舊式茶樓嘅人既感覺就會再黎。食物一定無以前咁好味，但係就多左好多人，相信大部份人都係為咗氣氛而黎。茶樓所有野都係自己黎，去到茶樓，見到差唔多食完既枱過去等位就可以啦。餐具要自己拎，自己泡茶。提提大家一定要洗乾淨啲餐具🤫見過都唔係太乾淨，然後食物都係自己排隊拎。提提大家千其唔好對食物抱有任何期望🤣除咗菜會比較鮮甜。大部份點心都好普通。但勝在環境空氣好，大家行山經過都可以試下☺️

茶樓好傳統, 所有野都係自助式, 無論係叫野食定攞位都係自己黎, 真係好似返左去細個飲茶果時咁🫖 我地驚多人, 所以9點就已經去到, 但係有更多人比我地仲早😂 因為座位多, 所以都唔洗等好耐都有位😉 呢度既食物選擇相當多, 你諗到既都會有, 連有啲係酒樓唔易搵到既佢都可能有👍🏽 我地叫左1️⃣2️⃣樣野, 埋單大概3️⃣6️⃣0️⃣蚊都算唔錯既😚 咁多樣野黎講, 我最鍾意係好足料既鳳爪排骨飯, 超厚身同爽口彈牙既咖喱魷魚🦑 同埋勁耐冇食有嫲嫲味道既既馬蹄糕, 出面酒樓果啲始終都係差啲🙈 真係好想打包啲返屋企😢 另外仲有好少搵到既芝麻卷, 一籠有3️⃣大條 , 口感係幾好, 不過係芝麻味唔夠😩 呢度全部野都係一路heat up 住, 所以食既時候啲野都係熱辣辣既🔥 其實而家飲早茶已經唔再係老人家既專利, 我地都見到有好多候生仔女去食👴🏾 呢間酒樓既食物質素比預期中好, 而且價錢適中, 最重要係能夠帶到我哋遠離煩囂, 可以好好enjoy 同朋友或家人相處既時間🕰

山上懷舊自助茶樓跟屋企一車車左上尼飲午茶，佢地成日都係貪得意，先會上山同人迫（飲茶）。我地係中午時段來到，全場爆滿，有樓上樓下兩場，又開埋露台。坐得勁迫，樓上個條樓梯勁污衊同窄小又大級，老人家和細路都會唔方便。又勁多人搶著上上落落。好繁忙嘅樓梯。樓下係有得攞點心野食，吸印仔。所以啲人米要成日上上落落又拎住一大堆野食，其實都幾高難道，同倫盡。點心款式因為款式好多，有啲都未有影相，今次未能一一盡錄。味道味道是ok好味的，整體上味道都無得彈價錢唔好意為上山飲茶平呀～貴過酒樓飲下午茶呀環境茶樓好污衊，俾我感覺。又多個啲一大個膠桶擺係附近，想方便啲人放食完嘅碗碗鍱鍱。露台又要坐膠椅（燒烤場個啲圓型膠椅），張張都好污衊，大人坐都無所謂，我地細路怕污衊怕到唔肯坐附近又多食完嘅野無人執枱。服務又差唔夠人手啦好明顯～難搵位都爆～我唔鐘意咁樣飲茶

見天氣咁好就去行山🔆行山前去咗呢間酒樓度飲茶搭巴士上山 有個站係呢間酒樓附近落車後好多人都行去飲茶先入左去需要自己搵位 大概早上10時已經好多人滿左9成 好彩剛剛有一台吃完全自助式😙沖茶同自己去攞點心叫咗咁多個點心最好食係排骨🤩🔽鳳爪同腸粉味道不錯燒賣大粒足料山水豆腐花係熱 如果有凍就好了 不過都好滑🥺另外仲叫咗蝦餃 不過冇影😖 十分足料👍🏻食到好飽就去行山😙🌞

晨早四時摸黑進入大帽山山頂觀賞日出雲海，落山離開山路驅車五分鐘即到川龍村。兩間酒樓彩龍川龍，鄉村風情，都由村屋改建而成。上次光顧了川龍，今次試試彩龍，路口按指引泊進停車場。惹笑是車場門口農婦打扮老人要求付上$50車場錢，嚇了一跳怎麼深山地區停車收費竟與尖沙咀同價。再解釋說原是停車券可抵銷彩龍消費。到達彩龍，門口大家姐霸氣十足，大喝要探熱先，又叫食客戴口罩才可取點心。晨早首批客人，樓上露天雅座，自己開枱自已搬椅，自己洗杯自己沖茶，全自助形式沒有服務。地道農村食肆，要服務倒不如下山吃吧。茶葉自由配搭沖調，可濃可淡，坊間酒樓只提供單獨一款。這兒我可以沖一壺自制特飲：八分鐵觀音、兩分香片，鐵觀音取其醇厚，香片取其香色。可惜沒有了菊花，否則我要沖三溝茶了。點心分類成三個位置擺放：蒸籠、煎炸、腸粉。拿著點心卡即叫即取，食物都預先制作，看到什麼喜歡就自己取吧。吃來吃去也是燒賣蝦餃排骨馬拉糕那幾款，就問門口大家姐還有什麼推薦，她叫我試試獨有紙包雞吧。紙包雞問了制作方法，非常簡單直接，但食時頗為污糟。將雞翼連同蒜頭洋蔥等香料包在牛油紙內，然後放進油爐炸熟。拆牛油紙需用手撕，有些與雞皮黏在一起要用口咬掉，

一年一度行山日👒每年一次嘅行山就揀左今日大霧嘅日子去行大帽山🤣行山前當然要醫醫肚先~🙆🏻‍♂️帶左🙆🏻‍♀️去到川龍村嘆個早茶.📍彩龍茶樓.呢間係自助式嘅茶樓~要自己開茶執碗筷拎點心😆好新奇🙆🏻‍♀️聽講川龍必食西洋菜🥬於是叫左碟~落埋腐乳豉油食嘅西洋菜又幾好食😍見到有鵪𪂹蛋燒賣就即刻叫左個😜因爲出面好少有呀~2個人食左勁多野🤣最尾食埋個芝麻卷做甜品😆係香濃芝麻糊嘅味道!為左消滅呢餐早餐🤣我地行左12公里嘅山路👨🏻‍🦯有滿滿嘅牛屎路有墳場路有天國的階梯...沿路都無見到有人行完全淆哂底🤣好彩俾我地見到兩父子(🙆🏻‍♀️認為仔仔係金融才俊🙆🏻‍♂️就話爸爸係做過運動主播)佢地好好人咁帶我地上到山腰💛分開之後我地成功靠自己去到大帽山啦🤣但勁大霧乜都睇唔到🥺

今日約咗女朋友行大帽山！上山前就決定去川龍嘅彩龍飲個早茶先。呢間茶樓嘅一大特色就係攞食物、開茶、攞餐具都係自助形式。食物方面都多選擇嘅，一般蒸籠嘅野食都有，不過就要等啱個出爐時間！另外重有煎/蒸腸粉同埋西洋菜等等...我特別推薦大家試下個西洋菜！啲菜係佢地自己種，非常鮮甜爽口。鵪鶉蛋燒賣都係重點之一，出面好少食到之餘裡面足料！我地都忍唔住叫咗兩籠食。總括係一個幾新奇既體驗，平時仲響床典緊既我竟然9點去左飲茶😂😂食飽左再行山，好有活力！

今日諗住揸車上大帽山，咁所以就揀咗呢間見咗佢好多次，但係從來冇幫襯過嘅彩龍茶樓。黎到真係非常之有親切感，我細細個去茶樓就係自己沖茶，自己攞杯，自己攞位，乜都係自己黎小弟嘅老家係長洲，去到呢度好似返咗長洲咁樣，全部都係三層高嘅村屋，茶樓完全望到藍色嘅天，感覺非常良好，不過就有得曬仲有室外！落到去乜都係自己拎見到個個都嗌碟西洋菜，當然唔執輸嗌咗碟西洋菜，並唔係非常之嫩，都有少少渣嘅，但係ok鳳爪正常，牛肉非常之實淨，好實心，好足料，潮州粉果做得好好，裏面嘅炸花生仲係好香，鹹水角好食。腸粉好食，炸雲吞都好食好鬆脆，但係冇汁點呢下真係有啲乾豆腐好食嘅呢個芋頭糕煎得好夠香，佢唔係打溶曬啲芋頭，係一條條芋絲，我覺得幾好食，不過都係有少少乾，要啲辣醬先好食埋單280幾，食咗九樣嘢，唔算特別平，但係環境食物質素都ok ，環境係講緊嗰種輕鬆懷舊feel，而唔係特別好坐 ，如果行開山上嚟飲茶我覺得係ok ，但係我就唔會特登上嚟飲茶

已經唔知幾耐冇飲早茶，琴晚同朋友傾到興起，決定今朝一早入大帽山遊個河，飲個靚茶。去大帽山飲茶當然要去川龍啦！今次我哋嚟到依間彩龍茶樓，原本諗住應該都靜靜地嘅，但去到發現都好多人，搵咗一陣搵到有張二人枱就即時坐低！呢頭嘅茶樓都係自助形式，例如要自己開茶，攞點心！坐低無耐我地已經急不及待即刻泡壺靚茶，然後出去睇吓有咩好嘢食。點心方面，必食嘅就係鵪鶉蛋燒賣另外揀左鳳爪，即拉叉燒腸同埋大包，當然唔少得香口野蘿蔔糕啦！其實食物嘅質素同出面感覺差不多，但呢度嘅環境，人情味，就同出邊爭得遠呀。今時今日社會嘅氣氛都一般，去吓郊外放鬆下心情就啱晒啦。

放假都中意渣車上來慢慢歎。今次叫左另外幾樣點心試下。鳳爪: 幾大碟, 份量足, 鳳爪好似無乜色水, 但又好入味, 5過咸, 又林, 好食。金錢肚: 又係份量足, 金錢肚大大舊, 夠林,如果帶少少辣更正蝦餃: 4隻都飽滿, 皮算薄,入面都幾多蝦, 5錯煎魚餅: 個後生女煎得好求其, 放勁多油落去煎番熱,又5吸油,所以好油....呢個魚餅無咩特別牛肉腸: 腸粉5算薄, 不過牛肉都多,但無咩牛肉味,入面 D 芫菨係最吸引, 夠香。

這間茶座不用說，食物質素已不是重點，但質疑絕對有保證，不比大酒樓出品差，食物停3點，最適合我兩點才到步的茶客，點心懷舊，鵪鶉旦燒賣、豆腐花必試。這裡好處是下午一兩點反而無咩人，靜靜地兩個人慢慢嘆下茶，享受一下郊外環境。服務姐姐超好服務，其實感覺媲美美X或X香。舊式傳統茶居，真係要多多支持，難得自家制點心，價格其實我都不太介意，風味勝於一切。與其花時間在大酒樓等位，不給坐多十分鐘車程，上來感受一下大自然環境下之茶居風味。