彩星餐廳

營業中

休息中

看完歲月神偷,就去永利街參觀.嘩!去到永利街,真係有好多人拍照. 遊覽完畢, 好鬼肚餓,就去搵食啦...見到一間彩星餐廳, 外觀不錯, 一行人等就急不及待衝入去, 下午茶好多款式,老板娘推介奶醬豬仔包, 朋友們食完都大不絕口, 個包好好好脆, 我叫的新鮮沙律配雞翼,竟然令人大有驚喜,因為沙律材料新鮮豐富, 有西芹,紅蘿蔔, 薯仔, 椰果, 菠蘿等,雞翼炸得剛好,不油膩,這份下午茶水準高, 真係好好味!!!下次一定會再幫襯. 正吃得開心之際,見到廚房師傅捧著一碟堆得滿滿的雞和飯出來自用,老板娘即嬌嗔地吩咐師傅留些給她品嚐,我地知道一定是店內極品, 立刻叫老板娘推介, 原來是客家咸雞飯,但因為實在太飽,我地決定下星期再黎過...值得一提是, 在我們寫意地享受下午茶的時刻, 店內一缸大大小小的橙黃小魚兒, 牠們悠悠閒閒遊來遊去, 就好像陪伴我地一齊hea.....好鬼有feel.....我地會番黎探你地呀!...

今日走左去彩星餐廳吃晚飯,呢一餐飯係由我honey提意我們order 左雙子星自選晚餐$50有湯,蒜茸包,自選二樣扒當然選西冷牛扒+我的喜愛羊髀扒跟薯菜+最喜歡他們的白菌汁(超多蘑菇)Honey order左個$48瑤柱菜膽雞跟白飯送油菜,(無聽錯呀西餐廳賣中式套餐,老板話附近住d人大多數單身,所以出適合一個人'離'食套餐) back la! 幫襯得多試過多款小菜, 最好D雞又香,非常嫩滑,菜式賣相好正呀!! 超好味!!!加上一杯大大杯冰凍的凍飲, 真係超級豐富呀! 都是$100 另外afternoon tea set 個豬扒炒米同芝士吞拿魚焗法包都總是好+平我偏愛平民餐廳

起彩星食午餐就食得多啦…不過通常都係外賣～堂食真係好少…晚餐還是第一次!!好耐冇食…今晚突然好有興致去食餐湯我同男朋友一碗羅宋湯一碗忌廉湯忌廉湯依然係覺得有好「潔」的感覺,羅宋湯亦依然越飲越辣…不過仍是好好味 餐包係蒜容包…記得襯熱食~ 凍左林左就唔正啦沙律 好味～不過好似沙律醬稍為落左多DD就真男朋友叫左西冷扒+飯.. 好味~GOOD!我叫左香腸肉醬闊條麵 (人地個名好似唔係就咁叫香腸..唔記得)哈好多好多肉醬…好似食來食去都仲有好多咁@@"結果又要麻煩老公幫我食半碟啦 >3<"""不過真係幾好味之後仲有甜品~ JELLY ! (有得揀加不加花奶的)餐飲 叫左檸水同柯力~ 好味 好鍾意呢度沖既熱飲!每人除返~其實60有找…又湯又沙律又甜品…真係算超抵食啦!

上次跟朋友上來堅道吃過餃子北方食物，對這條半山小路產生了興趣，今天又再上來這裡，看看還有沒有甚麼有趣的食店。一個人慢慢向前走了一會，看到了這間類似扒房的餐廳，眼看前路好像再沒有食店了，也就選它為今天的試點好了。店內燈光有一點昏暗，在座也有不少客人在用膳之中。坐下後，看到放在檯上那殘舊的碟墊，很有昔日的"味道"。拿著牌餐不想吃午市套餐，問侍應有沒有扒類食物，他說沒有。那麼焗飯類呢﹖也沒有.....最後選了咖喱羊扒飯就算了......<<羅宋湯>>味道大致正常，略嫌質感較水汪汪，如能稠一點會更加好。而在旁的<<蒜蓉包>>則受水氣影響回潮了，口感和味道亦有所下降。過了一會，<<咖喱羊扒>>便奉上了，連同一碟加底的白飯，賣相正常。這裡的咖喱味道傾向馬來西亞般的重椰香味。其味道香辣，口感亦夠滑溜，辣辣的頗醒胃。 羊扒有點兒驚喜，因為火候上控制得不錯，羊扒也煎至六、七成熟左右，中間緋紅粉嫩，非常吸引。羊扒的油份溶化了一點，羶味中等，肉質柔軟﹔就算是冰鮮貨物，這羊扒也做足功夫的了，著實不錯。:9 份量方面

前幾日同朋友去堅道傾野,,傾完好鬼餓,見到有間茶餐廳,門面唔錯,一去到見到有個魚缸,d魚魚都幾得意,見住個bb去同d魚玩.好入正題.一點食飯時間,好多人岩岩有張2人台,叫有2個午餐,一個咖哩雞,一個紅酒牛尾,加一紅一白(湯),唔錯,味道幾好,白湯材料都幾多,幾香啦~~到主菜,咖哩雞味道唔錯,但係最好真係o個個紅酒牛尾,好小茶餐廳會有紅酒牛尾,紅酒味唔係好強,但係出奇地好味,o個個白飯又大又香,比我食晒,汁都飲完,(可能太餓,但真係正),凍咖啡,同凍央都好大杯,有feel,快快地一個午餐32+2幾平,中學生仲平,缺點就係人多,有時店小二唔一定第一時間比到反應你,但係如果一間餐廳無人去,你都怕怕啦,人多無計,想坐耐d都唔係幾好意思,見到有人我地就走,比張台佢地坐..不過老闆同我地講唔係日日都有紅酒牛尾ga~~(真好運)有牛尾食!!!我的意見是物美價廉~~~~~

今日interview完 bb陪我去彩星食tea, 食lunch就試過, tea第一次係度食~~我叫左豬排炒米, 佢叫左羅宋湯雞排出前一丁, 炒米黎先~~ 幾好啦幾大碟, 都好多豬排食, 唔錯wor又唔係落左好多鬆肉粉~~一丁過多陣先黎, 嘩~好得意呀個味, bb好鍾意食面, 又好鍾意羅宋湯, 一次過滿足晒兩個願望!! ^^~~~~食晒d面仲可以清埋個湯, 仲要個湯真係好好飲呢~~~~~bb仲留左好多比我飲呀~ 抵錫!! <3

好多時都會響彩星order take away~雖然冇真正入去食過但係可以講下d食物佢個午餐其實好豐富~~(不過質素一般)先來蒜蓉包再來紅/白湯 (紅湯咸,白湯淡)正餐日日不同 (不過日日都有最便宜的龍利柳)最後仲有杯餐飲我個人黎講較喜愛吃佢d扒次次叫親都好大塊~~其他食物既就同出面d廉價餐廳相若順帶一提, 舖內大叔叔和藹可親, 但哥哥就好鬼死惡,態度又差希望佢地可以改善下...

... 首先,訂左位等於無訂位... 入座好混亂, 企係道超耐都無人理第二講食物: 1. 湯唔夠熱, 淡到超難飲! 2. 叫意粉無意粉, 後來俾左闊條,又硬又乾又無味... 3. 牛肉好難食, 好似未熟咁 4. 凍零荼ok la...... 最後, 服務差.... 叫極人都無人理, 有人理既時候態度又差!去過一次真係唔會再去,印象超差!....以上既野真係親身經歷....

救命><尋日去果度有隻好大好大既小強>~<D野又核突好恐怖,以後唔去~!!!

約一年前的一個星期六去過食lunch﹐d食物普通啦﹐不過當日老辦娘(or 當日"話事"那位)的幾個兒女喺 餐廳內又跑又叫﹐但又無人理﹐老辦娘好似唔大理會客人的感受!

尋日下晝悶熱到飛起，上到堅道已經一身汗。原本想再吃街角甜品，但見佢好似冷氣唔多夠，所以就行來呢度，一推門已知冷氣夠。可能因為地點始終較為隔涉，一時多都未滿座。呢度以前係另一間餐廳，執笠之後而家呢間係新的。典型港式西餐格局，佈置幾簡單，環境都算乾淨。午市有三款選擇，望下左右隔離，都係選西班牙雞扒夠穩陣。先來的忌廉湯要求不高的話，都算係咁；西班牙雞扒其實係蒜蓉雞扒，而蒜蓉汁亦令雪藏雞扒有番D味。而好在份量都不少，伴碟仲有咸水椰菜，至少食得飽。杯涷咖啡勝在夠大杯，味道當然是一般水準。價錢28蚊，平平地一餐都無所謂，所以亦有不少附近的學生在此開餐的。

今晚叫外賣,叫0左份肉眼扒同黑椒牛扒,2個都係餐,跟湯及野飲.每份68.其實真係唔差,仲有進貨.d牛唔韌,黑椒0個個仲夠哂黑椒味!不過個紅湯就唔稀0左少少,唔夠czarina d咁濃~另外,佢d扒餐份量都好大份,個肉眼扒汁都好野味~配菜可能焗到,個樣變到有少少核突..

呢間執左好耐喇~而家0個間係叫"彩星餐廳",食西餐的,價錢走平民路線