強記小食

營業中

休息中

之前睇左好多介紹，包括電視、網上及雜誌報導，話葵芳港鐵站出口附近有間小食站必吃，可能放工時間，一出港鐵口已見人龍出現。抱著見到人龍應該有好嘢食嘅心態，就照排。見到好多人買左嘢食都即即食，人流不絕。😲排左大約5分鐘左右，一於試佢幾樣食物，辣魚蛋，牛肉球同燒賣。1. 辣魚蛋係陳皮魚蛋，有咬口，辣汁確係有點辣，但覺得一般。2.牛肉球同燒賣，係排緊隊時見前面的人都有叫，就叫黎試下，見到個個人加辣汁就有樣學樣。燒賣只係一般魚肉燒賣，又係無特別，而牛肉球尚算大粒，點左辣汁你只可以當佢係一串辣汁粉球整體來說，要排隊未必一定有驚喜，抱住未試過想試下辣汁可以揀非放工時段，要排就免了。

🔺強記小食葵芳人氣小食店❗️係地鐵站出面嘅小巷 每到放工時間都大排長龍🚶🏻‍♂️🚶🏻‍♂️個個都手揸一兩串 食得好滋味😼.山竹牛肉球🐮呢款係小店嘅皇牌小食👍🏻一串$12有3大粒😯😯😯牛肉球肉質實淨 唔係平時酒樓嘅質素加埋秘製辣汁 辣得過癮 剌激埋口水分泌🤣愈辣愈想食👅👅.呢度嘅魚蛋都好正 係細粒嘅陳皮魚蛋🤗煮得非常入味 掃街一流👍🏻

葵芳名副其實小食之王！ 辣汁超惹味！ 踏出地鐵站葵芳A出口覓食，見到巷子裡面人頭湧湧的小食檔就是久仰大名的「強記小食」，這裡燒賣，魚蛋，牛肉球，鹵水生腸等香港經典街頭小吃做得 真的正！ 咖哩魚蛋一串六粒，用上小顆體形的陳皮魚蛋，口感彈牙，鮮香味濃，陳皮香非常濃郁突出，加上香濃咖哩汁，香辣惹味。 豬皮一串有五件，呈方塊狀，口感偏爽滑;魷魚須約有五至六件，非常爽口，加上醬汁更為惹味。 牛肉球肉感突出，些許的馬蹄讓整個口感更清爽！ 但最令人驚豔的是這裡的秘製辣汁，讓本來乾爽的滷水串串多汁美味，非常刺激惹味。

店面小小，落在葵芳地鐵站旁巷弄中不太起眼的一角，卻總是在放學時間、放工時間吸引一條長長的人龍—能有這般魅力的，正是強記小食的牛肉球。一串三顆的牛肉球，不像外面其他的店舖般軟塌塌、口感鬆散，反而非常彈牙，中間更有少量爽脆的馬蹄，與彈牙的牛肉球本體形成對比，更有口感。配上店舖特製微甜的醬汁，一口一顆，簡直令人回味無窮。只從認識它，明明不好牛肉球的我，卻每每經過葵芳都駐足流連在這小食店🤭還未認識它的，快到葵芳來嚐嚐它本尊吧

係葵芳地鐵站附近既呢間強記每到收工時間就人龍不斷😳除咗必有既燒賣魚蛋，仲有水魷、牛柏葉、生腸等小食✨但令強記最受歡迎既原因除咗係真材實料，更大原因就係佢地既秘制辣汁、咖喱汁同甜豉油啦😆令每樣小食更加分！陳皮魚蛋 $7 （8.5/10）簡左唔辣 係咖喱魚蛋✨味道香又帶甜甜地🤤口感煙韌彈牙 魚蛋入味又夠熱😋越食越過癮😆‼️就算唔食得辣都可以好滿足！陳皮味突出 食落仲有魚肉味唔會有腥味！平時食陳皮魚蛋我最鍾意加甜醬今次唔記得加但都好好味🤤同埋食得辣既朋友絕對一定要試下佢地個招牌辣汁！！聽聞係辣中帶甜 有後勁的辣🌶️我搵次都要挑戰下先！牛肉球 $12/3粒 （8.5/10）大大粒牛肉球😆口感結實彈牙好新鮮✨食落牛肉味突出 果然真材實料😋👍🏻咬落仲有馬蹄粒好爽口平時酒樓食係落喼汁 而呢到就係用d甜豉油（每串燒賣同牛肉球都會浸落兜秘制甜豉油再俾你😝確保每一粒都沾滿甜豉油😋）同牛肉球好夾！甜甜地咸香十足！鹹度適中👍🏻快就俾我KO曬3粒🙊燒賣 $7 （8/10）燒賣口感軟糯彈牙❣️唔似坊間有啲燒賣成舊粉又無魚味呢到有咬口得黎又帶魚肉香🐟雖然未算係我食過最好味既燒賣 但都唔錯😝淋滿甜豉油 煙煙韌韌 好滿足👅平

香港人出哂名努力返工 放工緊係要好好獎勵下自己啦🤪 一到放工時間 呢間「老字號」到排哂長龍 佢嘅「咖喱魚蛋」最出名 咖喱由多款香料製成 味道香濃 陳皮魚蛋彈牙 加埋辣汁食 非常過癮！另外「魚肉燒賣」配埋甜豉油食 都好正🐰小編食完能量返哂黎啊！🔥-It is widely acknowledged that Hongkongers are hardworking. So, it is better to treat ourselves with some delicious street food after work!🤪 During midnight, people line up in the alley to buy the street food. The curry fishball of this shop is famous. It is stewed with the rich curry which is made of numerous flavourings. The fishballs are very bouncy. The fish meat shaomai

講起至愛嘅咖喱魚蛋，就一定係葵芳出閘狗衝果間強記，呢間強記已經有一定嘅歷史，據說話已經開左好多年，之前食過魷魚、燒賣、牛肉球都好正，今次黎試下同樣出名嘅魚蛋先！😛😛 窮豬本身喜愛陳皮魚蛋多過白魚蛋，基於覺得個皮有味有好食啲，煮得耐又冇發漲變淋，所以陳皮魚蛋就一定加分先，另一重點呢到嘅咖喱辣汁個味真係冇得哂，入哂味勁濃，呢隻侵左千年嘅 #咖喱魚蛋 $7 滲入哂千年咖喱汁，啲味真係入哂骨入哂味，冇得輸 🤤❤️-強記小食葵芳港鐵葵芳站 D 出口

強記 可能係食過最好食既牛肉球🤤🤤 係葵芳蒲開既朋友一定識呢間係地鐵站附近後巷呢間毫不起眼既小食店🤤 呢到既牛肉球真係我食過最出色既牛肉球 宜家要賣$12一串了 不過有3大粒😋 佢地既牛肉球好食過酒樓個d好多 咬落有肉味 又食到馬蹄粒 好爽口😍 再點埋甜豉油 真係好perfect 🤤💯

有人講過「無未來既人先會一直懷緬過去」。每次同女朋友分手，我都會自己返去以前拍拖去開既地方行下，今次都唔例外，我一個人去左葵廣，兜左幾個圈之後發覺葵廣跟本無變過，變既只係我同你。我抹乾眼淚離開葵廣，正諗住搭巴士返屋企個陣，見到隔離巷仔企滿左人排隊買野食，睇真D係排緊個間你每次都厭太多人唔肯食既強記，見今次自己一個人，我決定排隊試下。雖然條隊好長，但條隊都去得好快，唔洗兩分鐘已經到我，我叫左牛肉球同魚蛋，可能因為失戀，我好順口咁叫左加辣，拎到野食之後，我同其他人一樣去左對面牆企黎食，我望一望兜野，決定食左牛肉球先，一啖，兩啖，三啖，拎起魚蛋，一啖，兩啖，三啖，呢一刻，我終於明白點解強記會咁多人排隊。最後，Chole，多謝你，唔係同你分手我都唔會有機會食到強記。

天氣涼涼地，放工經過強記就好自然咁去排隊買嘢食醫肚！強記係葵芳出名嘅長龍店之一。就算大熱天時都人龍不減，真係好強！記得初次幫襯買牛肉球時，佢只賣$6/串而家已經要$12/串喇！有時我會買5-6串牛肉球返屋企加餸。佢嘅牛肉球比坊間好食，關鍵在於佢嘅豉油…… 豉油味道偏甜，用電飯煲仔保温，而每串牛肉球都會浸一浸啲豉油，久而久之豉油就充滿牛肉味，就變成無敵嘅牛肉味豉油喇！用呢啲豉油點燒賣，燒賣都特別香甜唔怪之得佢哋拮牛肉球燒賣拮到變無影手啦！強記有另一秘製醬汁 - 超辣咖哩汁。佢哋咖哩汁味道獨特，甜、辣、鹹、香，超有層次，而且辣味持久力強，不嗜辣者勿近！唔食辣嘅朋友可以揀沙嗲汁，味道香甜都好香架！除咗牛肉球外，另一美食推介就係魚蛋，魚蛋口感結實有陳皮香，同一般嘅麵粉魚蛋無得比，係兒時嘅味道！人流多手腳快，貨如輪轉，就自然新鮮啦！掃街搵食都要有質素嘅！

強記小食已經開左好多年，想推介呢間好耐！食左好多年！！我真係好喜歡呢間既墨魚丸！每逢放工放學時間，呢度必定人頭湧湧，大家經過都忍唔住食一串先番屋企！呢間野除左墨魚丸，魷魚之外，仲有好多都係好好味既選擇，例如魚蛋，生腸⋯⋯各有喜好！有辣有唔辣，辣汁好出色好惹味！記住唔好着白色衫！啲汁可能會彈左落件白色衫度整污糟架！另外買兩串就可以比隻碟你裝住食，由於強記係要企係街邊食，所以結伴同行，一個人拎住飲品，一個人食。咁樣輪流食，就唔會手忙腳亂啦，因為真係幾辣嫁！

如果唔係係度搭車或成日出沒係呢區既人未必會識呢間強記小食因為佢係係條巷仔裡面, 一D都唔起眼, 同埋佢係不定時休息有時想食既時候都會撞正佢冇開同媽咪準備搭車出去食飯, 佢話想食返串魚旦先我以為佢講緊葵涌廣場裡面啦, 點知原來佢講緊強記原來我媽媽都幾識食喎去到大概6點左右, 已經排緊隊, 應該係因為收工時間啦呢度賣既小食唔算太多款式, 價錢都合理係我未影相之前媽咪已經偷食左一粒啦強記用既係陳皮魚旦, 唔知點解好少小食店會用呢隻魚旦食落去真係有陳皮味架, 魚肉味都好香但佢係辣汁都煮得好好味, 帶少少甜, 微辣, 但辣味係食完之後仲會停留一陣魚旦全部都煮到好入味, 唔算彈牙, 但都唔會係腍, 個人就覺得岩岩好去開葵芳既朋友不坊試下!!

去親葵芳，大家第一時間就會諗起葵芳廣場嘅小食😏 但係喺地鐵站向巴士站方向出口，就有一間隱藏係巷仔嘅小食店🤭 不過佢係晏晝三點打後先開舖，之前我經過嘅時間又唔啱，不過今日終於可以一嘗佢嘅港式小食🤨佢售賣嘅小食都好大路：除咗基本嘅燒賣同魚蛋外，有牛肉、魷魚、八爪魚、牛柏葉、等嘅小食😊 鋪頭細細，但係我企喺度食嘅期間，啲客仔真係滔滔不絕😼👍🏽✅辣魚蛋：陳皮魚蛋！辣汁食完之後仲停留係個口腔入邊，辣到阿媽都唔認得😛✅魷魚：爽口，咬落去唔韌，亦都唔會太林🤓加上佢賣嘅價錢都好公道，下次經過葵芳可以去試下😆 ——————————食物質素：7/10 環境衛生：5/10 舒適度：N/A服務：8/10 性價比：8.5/10 總評分：7.1/10 —————————— #foodblogger #foodlover #foodie #hkfoodie #相機食先 #葵芳

一年前，黎食葵廣覓食既時候，發現了強記食辣魚蛋！一年後，又要黎食返串～強記個位置都幾隱閉，係葵芳A出口右邊既巷仔到。有唔少人會企係到食～【陳皮魚蛋＋燒賣】各一串 共$14用「買少見少」去形容陳皮魚蛋就最好不過。而佢呢到既魚蛋係得一個款，係辣既！記得第一次黎食既時候，辣到失去自我！好彩經過一年既特訓，我已經唔怕了！佢隻辣汁好香，見到佢係用好多香料去煮個辣汁～好正啊！可能因為加咗少少甜鼓油，辣得黎帶少少甜，唔係死牛一面頸既辣，好惹味！不過個燒賣麻麻地哈哈哈。唔夠熱又粉。總結，黎葵芳一定要去強記食返串！

#咖哩魚蛋 $7#生腸 $12依到真係由細食到大🤣每次經過都排曬長龍 就知有幾正啦超鐘意佢嘅魚蛋 佢係陳皮魚蛋嚟😍好香 勁正🤙🏻而生腸都好爽口 再配上佢嘅辣汁真係一流！評分:8/10