建榮特色桑拿菜火鍋店

營業中

休息中

我好少食大排檔，但今次岀屯門搵班朋友，比佢地帶左來呢間性價比高嘅大排檔。呢度有室外亦都有室內，室內有冷氣房，座位唔迫。可惜嘅係，個日有位大媽係後面博哂命咁嗌，聽到我就耳聾😭脆皮原隻隻豬手燒到又熱又紅，脆皮做得非常脆，唔會好硬，肥肉唔多，而且食落唔膩。實肉較嫩，燒味入哂d肉度，咬幾耐都唔散。佢另外配左黑椒胡椒汁，胡椒味突出得來又帶有少少黑椒嘅刺激，超乎想像咁夾。冰淋醬烤骨，冰淋醬唔似咕嚕肉的菠蘿酸汁，但味道相似，只係酸甜度較低，烤骨香口脆甜，開胃。之後就係百花蜜牛肉粒， 啲配菜薯仔超好味， 薯仔外脆內淋， 加埋百花蜜的調味，薯仔真係會食上癮。而作為重點嘅牛肉粒，蜜糖味反而冇咁出，因為有好香的黑椒和牛肉味遮蓋左。最後再叫左份招牌咕嚕肉，是平常配搭的青椒菠蘿咕嚕肉， 青椒很甜新鮮， 醬的調味重心偏向酸， 咕嚕肉的外皮能夠脆， 肉軟淋易咬。 份量十分大份，兩個人能夠一個餸加兩碗白飯都食很飽。

大排檔一直俾人嘅印象都唔係咁舒服，但係難得今日朋友帶咗嚟屯門嘅工廠區大排檔，真係充滿驚喜，環境舒適之餘，又唔會坐到好迫，冷氣又足夠，最重要嘅係侍應好熱情，服務又足夠，果然係大排檔嘅價錢，五星級嘅享受西蘭花沙律明蝦球，果然係我最愛之選，蝦肉爽口彈牙，配上酸酸甜甜嘅沙律醬，送飯果然一流，我真係食到停唔到口，難得上面仲沈有少少嘅芝麻，可以帶出嗰種香氣，西蘭花爽口，唔會煮到好林，碧綠色果然養眼。你一個白鱔蒸飯，一定係必食嘅推介，白線爽口又彈牙，完全食得出佢新鮮湯起，鮮味十足，至於個飯真係好味到一食仲想再食，本身佢已經係炒飯底，而且再p鋪上荷葉，再去蒸，炒飯已經充滿鑊氣，裏面中間有荷葉嘅香氣，真係好食到停唔到口。粟米魚肚湯，分量十足，與好多好多， QQ地彈彈地，最重要嘅係呢個湯肯定唔會有好多味精，因為我飲完之後一啲都唔會覺得口渴，每人可以飲到兩大碗，真係食到好飽啊

屯門雖然有好多食小菜既餐廳，但係近排食開個間就跌哂watt，搞到我都係要explore 下啲新餐廳食小菜。以為建安個邊好靜冇咩野食，但賽馬會附近就熱熱鬧鬧的，見到桑拿菜呢樣野幾特別就入左去呢間餐廳啦。叫左幾個小菜，全部都有驚喜，慶幸又多一間屯門既飯堂啦。首先呢個冰淋醬烤骨食落甜甜地，肉一啲都唔柴， 肥瘦適中唔會太膩，忍唔住食多左幾舊，最岩用黎送飯。小炒王勁有鑊氣，韭菜加魷魚同腰果，仲有啲白飯魚乾一齊兜，個醬好惹味，食落好香口！平時其實自己麻麻地小炒王入面啲料，都係屋企人鍾意食多啲，但呢碟我自己都刷左唔少😍。薑蔥火腩白鱔煲即叫即整，上菜時咋咋聲新鮮滾熱辣，火腩同白鱔都好入味，白鱔係呢個煲既重點，咬落脆口之餘仲啖啖肉。叫左個炸野過下口癮，椒鹽魷魚份量十足，睇得出係即叫即炸，粉漿唔會太厚，入面魷魚炸過都依然好彈牙，唔會𡁻極都𡁻唔到，夾埋喼汁酸酸甜甜咁好味道。下次真係可以試下佢既其他出品，幾個人食叫唔到好多😛

好耐未食過大排隊，好掛住大排擋既小炒，所以收工就走左去食😋😋😋我就兩個人去食，所以叫既野食就唔算多，而鋪既位置係熟食市場入面都算偏遠，不過要搵路都好易搵👍🏻👍🏻我地主要食小菜所以就只係影小菜餐牌，而佢地呢間仲有雞煲食，我見隔離枱食都好似唔錯咁😋😆😆砵酒美國桶蠔$168（呢個蠔都算多，味道好好食👍🏻有少少酒味唔會有腥味）芥蘭炒鮮魷$88 可另叫蝦醬（菜好爽口，魷魚岩岩好唔會太硬）百花蜜牛柳粒$98（薯仔係先炸過再去炒，有蜜糖味好好食牛粒岩岩好）另外服務員態度非常好👍🏻飲品方面仲有王老吉

同一家人食飯實冇死就係大排檔，咁多款緊有岩食。以前食開屯門有一間，但上次食佢真係差左太多，所以上網搵另一間試下。間野係幾近西鐵站，但因為附近冇咩商場真係好少搵到咁入。但去到勁爆場，7:30已經坐滿滿，咁多人食睇黎今次冇伏。小炒王好有驚喜，呢個係食過第一位嘅小炒皇，佢落左炸香左魚干仔，仲有蝦干，成個餸一上黎就勁大陣xo醬味，十分惹味🤤🤤。係openrice 見到冰淋醬烤骨個圖已經好想食😍，個骨好易咬出黎，肉係唔老好易咬開。最得係個醬，甜甜地好開胃，👍醬嘅份量剛好，乾身剛好包裹每一條烤骨。香口而且食嘅時候有鴿油嘅香，肉都仲有汁唔柴。唯獨如果外皮再香脆少少就好了。椒鹽魷魚簡單得來呢我覺得幾香口幾好送飯，炸粉亦都唔會過厚，裏面嘅魷魚都係仲係柔軟😂講真呢間會成為我嘅飯堂，佢每個item都做得幾得，成家人都對佢讚不絕口，以後會轉場黎呢到食

今日輿同事公事來到屯門，同事最喜愛食大排檔，他說大排檔廚師的小炒菜式夠鑊氣，及小菜有特色，見到苳菇亭建榮特色桑拿菜火鍋店，決定今晚到建榮食。食飯時間，餐廳𥚃𥚃外外都很快坐滿了人。我們被安排到室內坐，有冷氣，很舒適。炸乳鴿王$48。同事先叫一個炸乳鴿王，大廚非常快手，我們還在揀食什麼菜，炸乳鴿已經上枱，乳鴿還熱熱的，外皮帶脆香口。我們還要了豉汁蒸白鱔$128。豉汁蒸白鱔份量都算多，切得厚薄適中，剛蒸出來還一直冒著熱氣，面上有少少青蔥粒，汁剛剛好，不多不少，見到真是垂涎，廚師蒸的時間拿捏得非常好，白鱔蒸到剛好熟，肉質帶少少爽，最重要是沒有泥味，鱔味濃，調味得非常好味，極推薦。菜心炒鮮魷$88。菜心很嫩帶脆。鮮魷有少少干身，如果多少少芡汁會好一些，不過鮮魷大大件勝在夠新鮮。每人要了一支汽水，𤔡今餐大排檔美食更添美味。

入屯門探表哥一家人，佢地叫我留底食晚飯，我提議去哩間，d小菜炒得唔錯，佢地住屯門都未食過。雲耳勝瓜炒雞什($88)，我食得出應該有雞腎和雞肝，炒得好腍，我亦有狂食勝瓜，因為好似唯一有菜既餸。醬烤骨($88)，好惹味，肉好腍好易咬，烤骨表面醬汁帶少少甜味。椒鹽九肚魚($108)，炸得好香口，配喼汁簡直絕配，要趁熱食，凍左會開始慢慢硬身。籠仔豉汁蒸白鱔($108)，哩個飯真係超好食，鱔既鮮味滲晒入飯到，好好食。

屯門長大的我如果要食大排檔通常會去何福堂附近嗰啲大排檔，但我真係唔知道原來響工廠區近屯門西鐵站附近竟然都有大排檔食，而且仲幾出色添！👍今次朋友帶我嚟到呢間叫做建榮特色桑拿菜，喺屯門西鐵站附近大概行10分鐘，好彩朋友帶路我先識來，一路上人影都唔多隻但係去到嗰度竟然別有洞天！超級多人熱鬧！😱唔通呢度已經好多人識係我唔識😢入到去坐我見到menu好多嘢食呀🤩大排檔我一定要點咕嚕肉，見到佢有薯仔牛柳粒梗係順便點埋啦，再點多碟蟲草花蒸雞，太多肉我哋要多個海鮮雜菜煲就差不多了。上菜嘅時候我幾驚喜見到佢每碟餸嘅size係幾大幾多的，首先招牌咕嚕肉（$88）配上青紅椒同埋菠蘿，顏色非常之靚，同一般嘅咕嚕肉唔同係佢唔算太肥，似係用一啲比較爽嘅梅肉，而且每一粒肉嘅大細均一，醬汁甜酸恰到好處相當醒神開胃，令人不禁一粒接一粒。薯仔牛柳粒佢叫做百花蜜牛柳粒（$98）係我每次去大排檔如果見到佢有都會一定點㗎，佢呢間嘅薯仔牛柳粒都算整得唔錯，薯仔煎得脆身，牛柳粒粒粒六七成熟，好juicy 好嫩呀🤩蟲草花蒸雞同樣勁大碟，十分足料雞肉蒸得啱啱好，鮮嫩無雪味，鋪上荷葉去蒸有陣陣荷香，加埋蟲草花同埋雲耳成件事好養生啊😝因太多

回想起幾年前一家人搬來屯門，就是因為爸爸轉到屯門來工作。屯門工業村附近的這間大排檔，他工友們力推所以一家人去試。平日去都坐無虛席滿滿的街坊，環境一般啦鐵皮屋吃的是風味。-籠仔豉汁蒸白鱔飯 $108廣東人吃飯 總不能沒有澱粉質，叫白飯不如回家煮 選個特別的。白鱔有十舊以上 份量多又嫩滑；青蔥豉汁 配上蛋炒飯底，惹味；勁大籠，四個人都夠食 抵玩喎。-冰淋醬烤骨 $88炸過的排骨淋上蜜糖調配的醬汁，再灑上黑白芝麻；份量也不欺場。喜歡香口又嗜甜的妹妹表示喜歡。-酸菜羅非魚 $108我和爸爸則最欣賞這一條魚。魚肉多兼滑溜但此魚味很淡，但湯底酸辣鮮味用調味搭夠，惹味卻不重口味，恰到好處。-西蘭花炒蝦球 $98出街食飯不健康 唯有叫個菜自我安慰。主角竟是蝦球 大隻爽脆有鑊氣份量足，但本貓跟貓媽想吃的卻是菜啊 哈哈哈！-整體來講大件夾抵食，性價比好高，難怪長期爆棚，屯門人值得來一試。

屯門工廠區高質大排檔大排檔一直都係我既飛彿，今次經朋友介紹黎到一間特式桑拿菜。先講下咩係桑拿菜，主要分為兩種，一種是以石頭作為傳熱介質來烹菜，又稱“石烹菜”，另一種是像人們蒸桑拿一樣先對食材加以“按摩”再用蒸汽進行烹飪。呢一間桑拿菜位置就鄰近屯門西鐵站，出閘行唔洗十分鐘就已經到達，餐廳面積非常大，除左戶外，入面仲劃分左2個冷氣大房，十分適合朋友聚餐。坐底冇耐，侍應就即刻介紹今日有咩野新鮮，同埋最近新加入既菜式。首先去大排檔，啤酒當然唔少得。臘味糯米飯呢一個係建榮既新菜式，天氣開始轉涼就知道係食臘味飯既好時機。材料非常多，一上枱已經聞到好香，糯米飯口感唔會太硬太軟，而且份量非常大。冰淋醬烤骨冰鎮過再炸既一字排，口感外面有少少脆身，肉質好嫩。另一個出色地方係塗係烤骨上面既醬汁，味道有酸有甜，非常開胃，而且仲令到烤骨變得令身，賣相好好。 蒜蓉開邊蒸蝦今次晚飯既主角，海鮮最緊要新鮮，今次既蝦非常新鮮，肉質完全唔梅，非常彈牙，而且蒸既時間拿挰得岩岩好，配合埋蒜蓉蒸，非常好食。而且另一個山色地方就係蝦底下既粉絲，完全吸收晒所有蝦既精華，好食到停唔到口。金銀蛋浸時菜每一次去大排檔都會叫既菜式，份量多

今日收工去開屯門工廠區上樓睇野，行過有間大排擋貼住羊腩煲上市，老公就話不如食羊腩，難得佢咁有興致咪陪佢食囉😜可能佢見我地有小朋友，就立即帶我地入冷氣房👍🏻唔使坐出面熱乜都唔睇就叫個羊腩煲，$338連生菜一碟，價錢尚可接受，都幾大煲羊腩都好大件，仲要有唔少羊，食落就覺得值回票價啦羊肉唔痴牙，服務員話係用新鮮羊做，所以可以整到咁淋女女至愛～～咕嚕肉，啖啖肉，夠哂鑊氣食埋隻乳鴿，大家滿足哂😍臨走時見到喺度燒乳豬，原來係一日前預訂，$780一隻，有機會要約大班親友就可以試到有幾好食啦

之前與好友去過不同地區的熟食市場，為了守護大家定期到熟食市場食野的約定，今次就去了位於屯門工業區的熟食市場~~~沒想到我們在賽馬日去會遇上唔夠位，因為食肆鄰近馬會投注站，這間靚靚的廂房已經被預定><而我跟好友唯有坐在出面新開的枱開餐，好在開始轉涼，大家更能夠享受好耐冇試過的大排檔風味一開始上金銀蛋浸時蔬，原來係廚師隨意選菜，而令我和好友意外係好大碟兼好多配料如玉碎、雞脾菇，白菜仔幾好食，我地基本上食唔晒~~~百花蜜牛柳粒，牛柳大粒而且肉質鬆軟，薯仔和牛柳粒食落有點甜味，就算食唔晒打包返屋企翻熱都keep住好食花雕排骨仔煲，呢個真心覺得可以推仲介，食落去的味道好好食，跟之前在一線酒樓食過的味道一樣，但醒唔起係邊種味道，最重要係肉質夠軟熟椒鹽百福豆腐，突然覺得口痕想食，即時食係好食，但食唔晒打包翻熱就會差d~~~我和好友眼闊肚窄，有幸我們平日經常發生這樣事情，已經自備環保餐盒帶走食唔晒的食物能夠在大排檔食到有在酒樓級數的美味食物，感覺真係好滿足，希望下次跟好友到其他熟食市場會有新的驚喜

星期三晚，放工后約了朋友仔食飯，我朋友都鍾意鑊氣小炒，朋友推薦附近一間大排檔建榮特色桑拿菜，也非常近屯門西鐵站，5分鐘左右就行到，看見餐廳的人很多，環境又乾凈光猛！大排檔梗係要和朋友一起食食才開心的！看看餐牌7餐廳的食物選擇有很多，各款精美小菜看到我們都垂涎欲滴了，樣樣都好似好吸引，樣樣都好想試！一定要點小炒啊！我們2人一共點了4個小菜，分別是啫啫通菜煲（$68），椒鹽鮮魷（$108），招牌咕嚕肉（$88）和新推出的豉油王銀芽炒拉麺（$78）。大推介！招牌咕嚕肉炸得脆，裡面的肉很嫩，配傳統酸甜汁，夠鑊氣！加幾口白飯，一流！白飯都煮得不錯，飯粒軟熟、分明。朋友最愛的就是椒鹽鮮魷，一上枱就覺得賣相好吸引，濃濃嘅椒鹽蒜香味，非常惹味！炸得香脆，裡面的魷魚好嫩滑，一食就知道不是冰鮮的，好入味！鮮魷外酥內滑，油炸嘅時間拿捏剛剛好，盡顯大廚功架！如果有椒鹽田雞嘅話，一定一定更吸引。啫啫通菜煲，有點肉碎，咸香味重，有蝦米，十分惹味，整煲吃光光！份量算多，2-3個人一起吃剛剛好。新推出8豉油王銀芽炒拉麺，份量多, 上枱都好大碟, 又炒得夠香口，第一次試食炒拉麺，非常夠咬口，上面有鋪滿芽菜和韭菜，還有芝

今次已是第二次黎食，同一次同親人，今次同同事去食，因為事實炒得好香，好有鑊氣 ，帶佢黎食下，同上次一樣，好多人要等一等陣先有枱。叫左3餸，2個人食夠晒，撈白飯食更正。辣子炸大腸($108)，名符其實，超級辣，我自己又怕辣但又鐘意挑戰辣，而且有麻辣既香味，好刺激，外皮好脆，實物同圖片幾乎一樣，冇呃秤。煎黃花魚($128)，煎得好香脆，好好食。油墨菜($78)，炒得好入味，菜吸晒d汁，撈飯最岩。食完之後同事都對建榮讚不絕口，小菜炒得好食。

細個同屋企人成日去熟食大排檔，而家已經好難搵。去屯門做嘢，地膽同事就話有好介紹，大家起鬨拍板。如果冇人帶路，我依個九龍人係唔會識嚟依個熟食市場，佢其實離西鐵站唔遠但夜晚行有D黑。就起巴士廠後D。原本一路上都冇乜人，點知去到就見到座到差唔多滿曬，每枱都好好氣氛，好有童年回憶。去大排檔梗係食咕嚕肉鑊氣夠甜酸甜酸啖啖肉配啤酒就要食炸大腸好大碟好邪惡好肥但好食我依D懶健康嘅就一定會點雜菜煲，估唔到佢個海鮮雜菜煲會有咁多咁大隻海鮮，湯頭甜香見佢推介炸牛坑腩，咁特別就點咗，估唔到佢唔只半肥瘦，係7成肥3成瘦，香就香但實在太肥，我食咗兩件就冇食啦，但同事就話好好食囉！