廣東名門 (三聖市場)

營業中

休息中

朋友話公司食飯成日專登走入黎食，所以都有返咁上下質素😋我哋一行5人，去附近買完海鮮就拎黎加工，🦐 🦀海鮮買左1300左右，酒家加工同叫餸賣單1100左右，絕對物有所值，食得新鮮，好過去唔識人嘅遊客地方， 呢度比較算係合理同均真。 ▫️白灼海蝦(加工) 新鮮彈牙多膏 ▫️薑蔥炒蟹(加工) 蟹肉煮得鮮甜 ▫️豉椒蟶子米餅底(叫餸) 幾特別同惹味 ▫️椒鹽豆腐粒(叫餸) 入口即溶 ▫️豉油王炒麵(叫餸) 香口有鑊氣，正😄  ▫️蒜蓉粉絲蒸扇貝 (加工) 粉絲算多同埋蒸得啱啱好

和舊同事踐行，約定去屯門三聖食海鮮，懷念一下以前放工去三聖食海鮮的日子。我哋揀咗廣東名門，環境舒服，服務周到，海鮮烹調一流。識揀的唔止我哋，當日也遇到某高官和他的團隊同場用膳。我們自己買海鮮到酒樓加工，海鮮500+，加工300+，2個人，800＋，食到飽飽。油鹽水蝴蝶蚌薑蔥蠔賴尿蝦粉絲蒸扇貝

通常去完附近發記搵文哥買完海鮮，就會去名門食。依間唔同既海鮮都有唔同既整法，通常蟶子都會豉椒，蟹就可以鹽焗、花雕，望下買左咩種類既蟹，鮑魚就薑蔥炒，都好好食，好惹味，又不失海鮮既鮮味。雖然依間可能會比周圍既大排擋貴少少，但勝在坐得舒服。但要注意既係假日會好多人，都要打電話黎訂定，附近既海鮮店都有機會冇曬海鮮。

星期日中午12：00 到海鮮街選購海鮮,每間看看和問問市價,選定中間一間老字號主要賣魚的老店買了一條東星和五種各類海鮮。然後看見對面的廣東名門,外面看裝修整潔便入去。第一次幫襯,大廳坐位空間闊,有獨立VIP 房（最低消費三千蚊)。整潔衞生,有自己洗手間,不要到外面公廁。廚房出品味道一流,豉汁炒聖子加了羅勒香料特別好味,東星魚剛剛熟肉質嫩口。服務到位,起菜快。沒有出現偷龍轉鳳。👍👍👍

今日系對面海鮮買左瀨尿蝦同扇貝，叫左酒樓做椒鹽瀬尿蝦，做得一般，唔系太入味，另外蒜蓉蒸扇貝，還可以，再叫左個波羅生炒骨，都系麻麻地，好後悔入左去食又冇點心，最大問題系冇乜冷氣

難得入去黃金海岸酒店 staycation，當然要順道去三聖邨品嚐游水海鮮。代客烹調海鮮的大排檔有三四檔，海鮮酒樓就有三間。其中的「廣東名門」及「名鑄」其實係同一個老闆，「廣東名門」歷史較為悠久，就幫襯這一間（後按：寫完食評才發覺原來七年前曾經光顧）。第一步先去酒樓攞位。室內裝修有點似典型街坊酒樓。不過，去三聖邨這些以食海鮮馳名的地方食海鮮，早知道是這種環境。反而，面向大門口的一對左右門神屏風很有氣勢；唔知道是不是風水佈局？第二步走過去對面馬路海鮮檔選購海鮮。同市區街市唔相同，所有海鮮檔的各款海鮮，全部沒有標明價錢；但又沒有可能逐檔、逐種海鮮詢問價錢，一來花時間，亦可能惹人討厭，破壞遊戲規則；印象中，香港其他食海鮮的地方如鯉漁門、西貢、流浮山的海鮮檔均沒有標價。只好深信在市場競爭的前提下，每檔價錢不相上下。行了一轉，最後揀了一檔「感覺會較為便宜」的海鮮檔光顧。買了四種海鮮，大瀨尿蝦、海花螺、三頭南非鮑魚及奄仔蟹，共銀 $680；印象中，較市區街市價錢略貴。餐牌內詳細列出不同海鮮、不同烹調方法的油料費，部份以每兩計價、部份以每隻計價，上湯窩底、粉麵底、蔬菜底、兩味 / 三味炮制另外加錢；

今日老爺生日想食屯門三聖海鲜，就决定選了屯門三聖名門，享用海鮮晚餐，廣東名門裝潢較新淨舒適，老人家坐得好舒適。今次採購海鮮的店家是「忠仔記」，在「廣東名門」斜對面。海鮮款式繁多，由龍蝦、聖子、老虎斑等等把數十個魚缸放得滿滿。酒家會收取不同的加工費。海鮮烹調手法多變，可依食客口味自由選擇。我地選了蒜蓉粉絲蒸蟶子皇，芝士焗龍蝦伊面，1魚2味老虎斑，辣酒煮花螺，我特別喜愛芝士焗龍蝦伊面，超级好食，我食左幾碗伊面，所有食物也好好味，不過價錢偏貴，總數 hkd 3000元，但一家人開開心心食餐飯就值得了。

今日一家人駕車去屯門三聖村食海鮮, 多日前已先在 廣東名門 訂位.我哋先逛逛海鮮街, 海鮮選擇多, 我們人多意見又多.   結果買了海蝦, 蟶子王, 瀨尿蝦, 扇貝, 同魚.海鮮交了廣東名門,  大家開心先碰杯.   廚房弄好了, 服務員立即熱 騰騰送上椒鼓椒蟶子皇 厚肉又爽口, 配了豉椒汁, 味道不太重,  仍可吃到蟶子皇的鮮味,  肉質好滑.椒鹽瀨尿蝦 大大只, 每人一只.  外殼經過油炸, 變成很酥脆 .  蝦肉很鮮嫩, 帶有椒鹽的鹹香味,  十分美味.  蒜蓉蒸開邊蝦,    鮮蝦尺寸中型, 好爽甜又彈牙, 加上蒜蓉, 非常惹味.蒜蓉粉絲蒸大扇貝  每只大扇貝佈滿了滿滿的蒜蓉及粉絲, 蒜蓉好香, 扇貝蒸得岩岩好, 夠鮮味, 不會韌,  粉絲也極柔軟, 撈些蒜蓉同豉油汁入曬味.清蒸石斑,   魚肉口感結實但不乏彈性, 加入了簡單的薑蔥, 更能帶出魚本身的鮮味.菜是每餐必須的！上湯時菜菇菌,   菜芯新鮮嫩綠,  味道清甜.這次海鲜餐, 食物水準不錯, 價錢 OK.

疫情自始，公司今年恢復康樂活動飲食津貼，加上有位成功人仕離職，另謀高就，再加上某D友好贊助，工地仝人收工屯門三聖，海鮮farewell dinner,一醉方休。月上柳枝頭，人約黃昏後。六點飛車三聖海鮮街，（長路漫漫伴我闖，一出香港人聖山-獅子山，對我而言，路途遙遠，遥遙無期）入口隱蔽，柳暗花明又一村花明柳暗二奶村，別有洞天無敵大海景（隔離果個仲使出來行）入到餐廳名門，例牌動作揀海鮮，豐儉由人，各花各款，花樣撩人，不作詳述。白灼九節蝦，不加任何調味，原汁原味,，做法便捷又美味!清甜爽脆，一試再試豉椒炒蟶子，惹味夠鑊氣，鮮甜又爽口，吃得夠爽快，惜貧下中農出身，好中華出產泥蟶子。椒鹽賴尿蝦，皮脆肉厚，雖則無膏，港人至愛。（若有生腌，佐酒一流）辣酒花螺，無論花螺東方螺，都係地盆佬至愛。一鴨抵三雞，一斤花螺，等於三斤東方螺，吾食辣既我亦浅嚐椒鹽奄仔蟹，肚滿腸肥，賤肉橫陳，膏香四溢龍蝦伊麵，肉甜香滑，至於伊面充满海鲜的滋味，會當凌絕頂，一吸眾蝦味清蒸星班，吾知係東星，定係西星，總之係阿星（無包頭架），細嫩爽滑，鮮甜有魚味菠蘿咕嚕肉，，正常酒樓野，尚算惹味正常酒樓菜色，不過不失，一鴿勝九雞老潮口味軒

價錢偏貴😑😑，要預買海鮮價錢至少一倍，未計其他小菜酒水🍻🥃🍹，如果好食都唔緊要，但芝士焗龍蝦個汁杰撻撻唔好食🦞🦞，麵底太多，因為要另收$，豉椒炒蜆及豉椒炒蟶子冇味，豉汁炒蝦🦐🦐及薑蔥炒蟹一般🦀🦀，賴尿蝦算係最好食，另外叫咗咕嚕肉，魚香茄子🍆🍆味道ok, 環境比較嘈吵，基本上係傾唔到計，沒有糖水或水果餸，只有自費，如果想真真正正享受美味嘅海鮮，請不要來這間🙅‍♀️，下次再來三聖邨會選擇其他餐廳！

之前一直去其他餐廳，跟朋友食過一兩次，覺得不錯，今次自己訂，但感覺完全唔同， 可能我不是vip ？ 朋友是熟客， 但都不應該差別待遇。油鹽水花白： 明明叫了油鹽水，但唔知點解會有蘿蔔， 可能是餐廳特製，而且好咸， 完全吃不到鮮味。避風塘瀨尿蝦： 預斬件上，但變原只上，蝦肉無避風塘味，自己用較剪再分，偏辣。花雕蛋白蒸蟹: 叫咗唔好斬件, 最後斬件上，蟹肉剛好 ，但蛋白好鞋口。乳鴿: 原想試燒鵝，但賣晒，所以叫乳鴿，但肉質好乾，似老鴿多過乳鴿。扇貝：蒸得好乾椰皇甜品：預訂了都係冇🙄服務麻麻！

絕對差評！唔會再來！唔見咗我對龍蝦，濫收費用，態度唔好，敷衍你拖延時間，人多就嘢食麻麻1.)唔見咗我對龍蝦，又唔認拖咗幾個鐘，係咁話有有有，煮緊煮緊最尾又話唔見咗！2.)龍蝦都冇煮，竟然計埋我煮錢，濫收費用，起碼收多咗幾百蚊，都冇煮過龍蝦竟然收龍蝦伊麵錢3.) 比錢搞咗好耐，搞到我停車比多左兩個鐘40蚊4.) 對唔住都冇聲，態度又麻麻👎👎👎👎👎👎👎👎👎👎👎👎👎👎👎👎👎

去屯門行完山，入埋三聖食海鮮！係海鮮檔買完海鮮就過去廣東名門食。芝士炸開邊龍蝦，超香口，芝士極濃郁，龍蝦肥美新鮮彈牙！薑蔥炒膏蟹爆多膏，肥美肉多！正！扇貝就細隻左啲，一般！豉油王蝦都好正，唔會過咸！豉椒炒聖子好大隻，辣辣地但勝在新鮮爽口！

去三聖邨食海鮮唔知邊間好，之前去過海天但懷疑被換咗海鮮，所以no no。想去容龍，但係海鮮街買完行去又好遠。上網搵咗一輪食評都係recommend 冬菇亭嗰度幾間，但環境真係有啲no no, 所以都係得返廣東名門或名鑄，但係又有人話麻麻會換走漁鮮🤦🏻🤦🏻。都唔知信邊個，所以最後決定食環境，一於去廣東名門！最後這個決定非常正確！好坐，冇換包仲煮得好好味！！加工價錢正常。我去咗發記買海鮮，價錢合理，$1500已經有5款海鮮，魚蝦蟹蟶子齊晒。Highly recommend!廣東名門加工再食幾個小炒埋單都係1千多啲。平靚正！服務員態度非常好，有一個阿叔有性格啲，但其實都冇乜嘢，走嗰陣時仲送我們到門口say thank you. 比個like 👍🏻佢。海鮮相唔post 了，因為大家又未必會食同一樣漁鮮，煮法又個個不同。我只係開post 話比大家知道廣東名門真係不錯！下次都會繼續幫襯佢哋。👍🏻

三聖是吃海鮮勝地，選擇繁多，豐儉由人，這次到了定價較高的廣東名門。我們自帶海鮮，蒜蓉粉絲蒸扇貝，豉椒炒蟶子，豉汁蒸鮑魚，砵酒焗生蠔等，食物質素不錯，環境算舒適，下次會再來。