廟街香辣蟹

營業中

休息中

今日好搞笑地無意中參加左一個偵探遊戲完咗之後 同其他人去左食大排檔坐喺廟街十字路口的中央完全適合一班朋友聚集在一起食飯大大聲聲地講野 唔怕嘈親隔離枱如果你是想拍拖的話 呢間或者就唔啱你啦眼見好多外國人都慕名而來我亦好明白點解佢哋會黎食第一 椒鹽魷魚 薄炸粉 魷魚無炸到過熟過韌第二 我到而家先知道原來金沙骨 唔係甜酸味 而係用mayonnaise但係 如果每碟份量多番少少會更好強烈建議幾多人頭 就叫返幾多份量 就足夠了再另外建議 如果有金莎炸豆腐 就會更完美 我哋叫咗呢個麻婆豆腐 味道麻麻地

廟街最旺嘅大排擋 究竟佢地憑乜可以咁多人食？服務態度差 落單要講三次仲要落錯 我地未食完就攞張單過嚟話多謝曬，海鮮唔新鮮之餘仲要係涷嘅，碟菜話係即炒但係唔熱仲要炒到好林，唯一可以讚嘅係佢地好識揀舖頭位置，位置取勝。

今日接女朋友收工，女朋友提議去廟街食碟頭菜，去到見到好多人坐係條街到食緊同一間餐廳-香辣蟹。 睇過餐牌見唔算太貴就入去食坐半室內，食得都預左地方唔會太乾淨，甘多客都預左啲阿姐服務態度唔會太好，感覺有啲多你一枱唔多。椒鹽瀨尿蝦 $160 4隻蝦就中等身型，椒鹽唔算太入味，主要喺哂個殼度鹵水鵝腸 $68 鵝腸冇咩味，主要點辣椒油食辣椒油味蝦兵蟹蓋 $68 味道似放題食到果啲，無咩特別蒜蓉炒通菜 $58豉椒炒蟶子 $78 蟶子得幾粒，入面未清潔乾淨，有啲黑色野係到兩個人462蚊埋單老實講，野食唔算好味，但以依個價錢叫食下海鮮都算合理，同閒日都好多遊客，感覺餐廳做生意係重量不重質，最緊要係咁出到菜，質素一般

本想去廟街食出名的煲仔飯，但去到見到打晒蛇餅，有二，三十人在排隊，算罷啦，邊行邊搵嘢食。 見到這間廟街香辣屋，兩間鋪都坐滿人，一於試下廟街川椒蟹，不用去鵝頸橋食辣椒蟹。兩個人又想食蟹，蝦，癩尿蝦，炒蜆，聖子...，好難抉擇。見到枱枱都食川椒蟹（$300一隻大，$400兩隻小）,我哋叫一隻大，然後椒鹽瀨尿蝦（$160 兩隻），加一碟蒜芯少咸肉（$78）, 埋單$575,價錢都不平，比得起酒樓海鮮價。叫咗一支燕京生啤（$20），好重果味，好飲！川椒蟹好惹味，不辣，有羔又有肉，不錯。 瀨尿蝦有西貢水準，不油又有肉，邊食邊飲冰涷啤酒，好爽！ 蒜芯炒咸肉好味，肉是半肥瘦，不太咸，蒜芯甜而不老，送飯正。一路吃都不停有客，不小內地人，還有韓國及老外，都吃得津津有味。 食的環境是貼地廟街feel, 獨一無二，可惜今次兩個人，不能叫多幾味，不能盡興，下次要一班人去。

短髮阿姐態度惡劣，一行九人吃晚飯，通菜遲遲未上，故追單，但阿姐無理地加多一碟通菜。然後我們看到後向阿姐查問，並告知她寫多了，但她無故發難，責備我們交待不清楚，令她誤會了，而我們不厭其煩地再次查問下，她才把多了的菜單刪除，然後更發脾氣把單擲向友人。另外，每碟餸菜分量甚少，尤以醉雞最為不堪，完全沒有酒香，只用熱水把雞煲熟。蠔餅的蠔與蛋基本上是分開的，而椒鹽豆腐只有淡淡的炸豆腐和豆腐皮上後皮的少量胡椒粉。已列入黑名單之首💁🏿‍♀️

夜晚9點幾先出去食飯😋，好多舖都差唔多關門，男友又想食獅蛤，所以就去左廟街既大排檔食。一去到就有位，出菜時間大約十分鐘左右。不過d獅蛤整得太熟，而且有沙。🤢碟星州炒米夠大碟，但冇乜味，d料都係平價料，而且d米粉感覺未熟晒，有d仲好硬。😩個蠔餅係超級無敵多粉，而且味道唔夠好淡味，蠔又少，價錢又唔平，真係遊客先會想幫襯佢😂以前既大排檔通常都好多火喉同鑊氣架嘛。。。依家好多大排檔已經冇左以前既水準，感覺好失望😞。

超级难吃。蟹里没有肉, 味道也超级难吃，叫服务员几次都不理人，来了就找借口不给退。我们本来要了两个米饭 最后也不给我们。炒蚬全是盐，非常咸。要了个鸡煲 里面没有什么肉，而且是不新鲜的。这样的炒蟹要价400港币，而且要求现金付款不给刷卡。要不然就高价收你人民币。总之以后再也不会来这家了，就是坑游客的。令人失望至极可以说是。super terrible resturant. Won't go there ever again.

十個差都唔夠呀！首先一去到。就叫野食。洗下啲碗筷。叫野食叫左3個人。。2個扮睇唔到，1個話等陣先。結果叫左4個餸。醉雞煲，辣蟹，炒蜆，同埋通茶加大啤。之後去廁所洗洗手，，一入到去，嘩，點解可以咁污糟。。。。成地紙巾，成地污水，味道一流，一間食市連最簡單。衛生呢樣野都搞唔好。。咁就真係好有問題。之後等左10分鐘左右，第一樣餸黎喇 。炒蜆，完全失望。要求重煮。全部只有蜆殼，份量少不在話下，因為一眼睇全場，呢間野擺到明呃游客生意。加上我是與2個外國朋友來。全程英語溝通。心諗實俾人呃。。但香港良心企業，唔係要做到咁呀？完全唔掂，朋友跟他們理論，大家雞同鴨講。。唯有我說句，取消啦。。結果俾他們鬧番轉頭。可能天氣熱。心火盛。明白收到。但我們堅持重煮或取消。他們一邊說。係咁嫁。呢個係例牌。份量係咁上下，至於啲蜆肉味起底囉，，只係跌左出黎姐。。但朋友堅持取消。我們已經想離開這“好店“了。因為他們態度極其差劣。誰不知有第2樣餸來，椒絲腐乳炒通菜劣，淡而無味，無椒絲，丁點腐乳味，。$ 58。呢個價錢 完全唔得 街邊求其搵間 粉面店 只係20蚊油菜 都好食過佢。。第3個係辣蟹香辣蟹 呢間店嘅招牌菜 。。因

Went to this restaurant with guests and couldn’t have been more disappointed. We ordered our dishes with no issues however when they brought them out they stacked too many dishes on their trays, meaning plates were stacked on top of each other and touching all the food. And it wasn’t just your food that was stacked on the tray. Also the receipts were shoved in the middle of the food and the staff were picking the receipts out with their bare hands. They dishes after being stacked on top of each

從來未食過咁難食嘅乾炒牛河， 究竟佢點樣先可以炒到咁難食呢？乾炒牛肉得4塊牛肉，非常難食，又無鑊氣， 等左四十分鐘， 個阿姐話唔好意思，因為做錯咗所以要再炒過，但啱啱炒出嚟，係凍嘅， 從來未食過咁難食嘅嘢，根本係呃人， 又細碟， 出面一碗撈麵都大碟過佢。真係 非常難食，如果想嘗試咪係真係太難食，就嚟呢間呀！絕無誇張！信不信由你！？真心講，乾炒牛肉喺大排檔黎講，理論上係會好食， 至起碼都正常， 我從來未喺大排檔食過啲乾炒牛肉係可以咁難食。

琴日去左話要去好耐嘅廟街，撘車嘅時候就順便睇下食邊間，見香辣蟹有6個好評就決定去試下啦我地兩個人一共叫左4個餸，香辣蟹$350係好香幾好食，椒鹽魷魚都叫不過不失，臘腸排骨煲仔飯d排骨有d怪怪地，最後個椒鹽豆腐就真係好失望，因為睇其他食評個個都話個豆腐好食先叫，點知豆腐係滑但外面個皮好薄一d都香又唔脆下次再去廟街會試下其他餐廳。

完全估唔到係難食到咁，叫左三樣嘢食，泰式肉排，西芹炒雞丁，北菇雞煲仔飯，首先講泰式肉排，我問左個侍應係唔係用泰式雞醬炒，佢話係，但出到嚟係辣椒絲加甜醬炒出嚟，西芹炒雞丁，啲西芹無問題，啲雞就霉嘅，所以啲雞完全無食過，北菇雞煲仔飯，成煲飯得四舊雞兩片冬菇仲要係勁細，佢收左我218蚊，我覺得間嘢真係呃大陸人同外國人，唔會再幫襯，當然我阿媽教落做人要有衣食，所以我都盡量食哂佢

今日同女朋友食飯 叫咗豉椒炒蜆 腐乳通菜 黑椒牛柳粒 蒜蓉蒸大蝦 2支啤酒同兩碗飯之後等左3個字上左頭兩樣 然後過左一個半鐘其他都未黎 食剩個腐乳通菜 最後就呢樣餸送飯 等左1個鐘果陣催左 等多半個鐘都無人理我地以後唔食

今日突然想食大排檔，大約5點左右去左廟街行諗去邊間食，見到好多都未開，但唯一呢間開左之餘，重有三間地舖連埋一齊又有d人坐低食緊。海鮮睇落幾新鮮就揀左呢間spicy crab（間店既英文名） 食晚飯。三個人食埋單$69x （除番開每人$233），叫左五個送。-1炒聖子（聖子幾鮮甜，d汁吾會太overpowering ）-2炒蜆（有細蜆同大蜆揀，我今次揀左大蜆。可能細蜆會好味d，大蜆有d "un "...不過都鮮甜d蜆。）-3腐乳炒通菜（吾係好夠味同埋d菜洗得吾夠乾淨有d沙）-4鮮魷（份量偏少，味道還可以）-5薑蔥炒蟹（份量有2隻肉蟹，d蟹肉好鮮甜又多肉，吾錯！）一分$一分貨，全餐最貴

難得帶鬼佬食地道野，當然要同佢地食大排檔啦。大排檔呢家野真係買一間無一間喇！呢d 風味點可以錯過呢！無諗過睇完餐牌佢地竟然有人話食豬紅，仲介紹其他人食！最終豬紅黎到，佢地唔止食一舊添。五個人叫左八樣野！唔知點解鬼佬好鍾意食炒飯！或者好味d 啦！所以叫左楊州炒飯。有蝦仁有火腿。蟹就無叫喇，香辣蝦同炒蜆就有叫。蝦唔抵，128蚊得八隻。仲係得手指咁大隻。反而配菜同炸蒜就好好味！蜆就甜味偏多，豆豉味唔重！唔辣！炒通菜正常！炸豆付好嫩滑，外面既椒鹽味唔會太濃影響到豆付既豆味！鵝片叫左個中牌，大約有十片左右都唔算太差！伙記忘記左俾醋，但個個餓鬼投胎咁，未吖人拎都已經食完。千呼萬喚始出來既魚香茄子煲食唔到有魚香味。但係d 茄子就非常出色，唔太油。呢個餸等左勁耐！追左兩次，我諗唔係佢地想要我地張枱都唔知要等幾耐。明白佢地旺係要枱既。但都唔洗未清枱就幫我地計數埋單囉。