廟街香辣蟹

營業中

休息中

Item: 廟街香辣蟹
Rating: 4
Author: Gabriel_cl

58 食評

味道

環境

服務

衛生

抵食

705

佐敦

$101-200

港式火鍋海鮮大牌檔

Gabriel_cl

等級4

225

難得帶鬼佬食地道野，當然要同佢地食大排檔啦。大排檔呢家野真係買一間無一間喇！呢d 風味點可以錯過呢！無諗過睇完餐牌佢地竟然有人話食豬紅，仲介紹其他人食！最終豬紅黎到，佢地唔止食一舊添。五個人叫左八樣野！唔知點解鬼佬好鍾意食炒飯！或者好味d 啦！所以叫左楊州炒飯。有蝦仁有火腿。蟹就無叫喇，香辣蝦同炒蜆就有叫。蝦唔抵，128蚊得八隻。仲係得手指咁大隻。反而配菜同炸蒜就好好味！蜆就甜味偏多，豆豉味唔重！唔辣！炒通菜正常！炸豆付好嫩滑，外面既椒鹽味唔會太濃影響到豆付既豆味！鵝片叫左個中牌，大約有十片左右都唔算太差！伙記忘記左俾醋，但個個餓鬼投胎咁，未吖人拎都已經食完。千呼萬喚始出來既魚香茄子煲食唔到有魚香味。但係d 茄子就非常出色，唔太油。呢個餸等左勁耐！追左兩次，我諗唔係佢地想要我地張枱都唔知要等幾耐。明白佢地旺係要枱既。但都唔洗未清枱就幫我地計數埋單囉。

難得帶鬼佬食地道野，當然要同佢地食大排檔啦。大排檔呢家野真係買一間無一間喇！
呢d 風味點可以錯過呢！

無諗過睇完餐牌佢地竟然有人話食豬紅，仲介紹其他人食！最終豬紅黎到，佢地唔止食一舊添。

五個人叫左八樣野！唔知點解鬼佬好鍾意食炒飯！或者好味d 啦！所以叫左楊州炒飯。有蝦仁有火腿。

蟹就無叫喇，香辣蝦同炒蜆就有叫。
蝦唔抵，128蚊得八隻。仲係得手指咁大隻。反而配菜同炸蒜就好好味！
蜆就甜味偏多，豆豉味唔重！唔辣！

炒通菜正常！

炸豆付好嫩滑，外面既椒鹽味唔會太濃影響到豆付既豆味！

鵝片叫左個中牌，大約有十片左右都唔算太差！伙記忘記左俾醋，但個個餓鬼投胎咁，未吖人拎都已經食完。

千呼萬喚始出來既魚香茄子煲食唔到有魚香味。但係d 茄子就非常出色，唔太油。呢個餸等左勁耐！追左兩次，我諗唔係佢地想要我地張枱都唔知要等幾耐。

明白佢地旺係要枱既。但都唔洗未清枱就幫我地計數埋單囉。