廚意

營業中

休息中

酒店餐廳於於酒店一樓位置良好,環境寧靜舒服位於登臺酒店的廚意，餐廳以不同新鮮的食材及健康的烹調方法炮製多道新菜式，讓客人可以在輕鬆的環境下，與新友享用晚餐。而我比較喜歡是開放式的廚房，把廚師與客人的距離拉近。頭盤先有，牛油果配羽衣甘籃、藜麥、車厘茄及檸檬醋汁，HK$108，新鮮的牛油果加羽衣甘籃，混上薄荷乳酪醬汁，清新又醒胃。龍蝦湯，HK$138，龍蝦湯不會太濃稠，但鮮味濃郁，還有不少龍蝦肉，推介要試。巴馬火腿配火箭菜及佩克里諾芝士意大利薄餅，HK$198，薄餅餅底是自家搓製，十分薄身，而且香脆，上要是巴馬火腿及新鮮火箭菜，還有熱融的芝士，芝味香濃，口感不錯。燴鴨肉自家製寬帶麵，HK$238，除了薄餅，意大利麵同樣是自家製作，新鮮又充滿咬口，麵條掛滿鴨肉汁料，每口都很惹味。美國頂級肉眼扒，HK$435，肉眼扒燒至半熟，肉質軟腍，脂肪更添肉香，配上烤薯仔及西蘭花，令人吃得滿足。西班牙煙辣椒粉黑毛豬架連骨

星期日要喺油尖旺搵個地方聚會真係一啲都唔簡單，仲要多過四個人，有時即興想搵地方食飯都好難。經朋友介紹之下，原來九龍區有一間酒店叫做登台酒店入邊呢一間餐廳，真係係一個隱世綠洲！餐廳有C區，所以我哋一行六個人都可以安排坐同一台，今日下午2:30黎到，客人唔算多，每張枱之間距離都好闊，所以可以好開心咁傾偈。今日我哋冇叫餐，而叫左兩個pizza, 分別一個係Magarita pizza , 一個蟹肉pizza，同埋一個法式肉桂多士。食物質素來講，係高上水準。 值得一提嘅係，佢哋啲花茶好好飲，好香，尤其係個玫瑰花茶！！整體來講，個環境係冇得輸，價錢又合理，值得推介👍🏼

_____好味指數：🌟🌟🌟🌟抵食指數：🤑🤑同好多年冇見嘅好朋友敘舊，就想搵個Grand啲嘅地方食飯，咁啱佢喺佐敦返工，於是就揀咗Hotel Stage嘅餐廳。佐敦係個熱鬧嘅地方，但呢間酒店位置較偏，避過鬧區，入到lobby已經感覺到嗰份清幽同寧靜。上到去空間好大，裝修簡潔，以石同木系做基調，自然舒服✅大蝦炒金邊粉佢哋係set lunch，主菜揀咗金邊粉，個樣幾photogenic，金邊粉由蛋絲圍繞着，賣相吸引，味道都唔錯，而且旁邊有花生碎同辣椒粒俾你按自己需要添加

咁啱去開佐敦， 想搵間酒店食下嘢， 所以去咗Hotel Stage 嘅餐廳試下。 佢嘅環境幾闊落， 約朋友傾計真係唔錯。 不過啲食物真係麻麻地， 我哋三個人叫咗三個set lunch， set lunch 包頭盤沙律、 主菜、甜品和飲品。 價錢由198至298不等, 餐湯和沙律水準一般， 主菜嘅大蜆蒜子香辣扁意大利麵， 大蜆好多沙， 我即刻叫佢哋幫我換過， 第二次煮出嚟就ok喇。 黑毛豬扒嘅味唔夠， 要落多D鹽和黑椒搭夠。 燒汁倉魚整得幾好， 肉質新鮮， 味道調教得好， 不需要自己再落調味料。甜品可以揀芝士餅或者紅棗布甸， 芝士餅只可以話水準一般， 紅棗布甸太甜，完全食唔到。 咖啡唔錯， 佢哋用嘅咖啡豆即磨咖啡都幾香濃， 不過食物的質素真是有待改善。

聽朋友說Hotel Stage登臺酒店裏的廚意 Kitchen Savvy 口碑很不錯，所以去試一試。 餐廳以木質牆板裝飾配以柔和的燈光，空間明亮開揚，環境優雅舒適，價格適中，食物的味道不錯，份量也比想像中的多，餐廳裡的開放式廚房即點即做，所用的碟子和食物賣相都很配。我喜愛這裡的環境，比較寧靜，可以和朋友慢慢聊天，很有情調吧！點了前菜，巴馬火腿，嚐杯紅酒又一個晚上。招牌菜式有煎珍寶海蝦、香辣蒜蓉汁意大利麵和牛牛頰肉、牛肝菌意大利半圓雲吞、玉粟米、牛肝菌牛油汁，法國珍珠雞、波爾多素丹甜酒、葡萄乾 。

環境好闊落 坐得好舒服既西餐～叫左個lunch set 3 courses ($268)✅ 餐包夠熱 包好鬆軟！✅ Starter: 甜薯仔湯/ Parma Ham 沙律天氣凍飲個又暖又rich個湯真係正！唔會太甜 好綿密！沙律朋友表示不錯✅ 西冷牛扒 Medium rare熟度岩岩好！肉質唔錯 個汁調得好惹味 好耐冇食過正牛扒🥰 份量岩岩好✅ 黑松露薯條 ($98)另外加 大家share 超級好食 食到尾先記得影😂 夠脆 醬又香➡️ 甜品@芒果雪葩口感麻麻 而且比較甜 冇食晒🦁 廚意 (佐敦)佐敦志和街1號登臺酒店1樓🦁 人均消費：$300｜推介：❣️❣️❣️❣️🦁 總結：價錢合理 仲食得夠飽 服務又好 性價比好高！

極差。來到餐廳時同訂枱時要求完全唔相同，根本唔會將客人嘅意見放喺第一位，同職員傾嘅時候佢直頭當客人冇到，唔會理客人感受，如果係一間普通茶餐廳我會接受，但係對一間有名嘅酒店餐廳，我仲要同客人食飯，我畀得起呢個價錢，餐廳絕對唔值得收呢個價錢，一句講晒，唔會再幫襯。

自今年初疫情後未涉足，今個月重遊，客量出乎意料多，以往靜謐優雅，今回生生氣盎然。先來熱騰騰薯條，炸得金黃鬆脆不膩口。再跟巴拿馬火腿沙律，兩件一開二，讓胃囊先醒神。一客𧐢三隻，點了一客普通版，一客超正版有魚子醬，芝士𧐢，身厚味濃。蜆肉意大利粉，很爽口，柔硬適度，蜆肉很鮮味。波菜芝士蕃茄披薩，惹味香口，皮薄柔軟。牛扒肉質嫩滑，沒有筋很軟稔，且肉味濃，上佳之品。每類食物份量不少，足夠四人吃。最後一個不可錯過的蘋果crumble ，酥皮脆果肉濃，不可錯過的最後一道菜。惟獨一㸃美中不足是收檔時間，約十時頭已經要結數了，想詳談多會也不能。

之前有個豐盛春日下午茶都算不錯，最近下架了， 換上一個新的下午茶menu。Pizza味道OK但份量很細，連Cafe Latte都是一小杯。另外Scone set，味道都不錯， 但跟 set 的奶油及jam又只是給小小的， 整體感覺很孤寒。在今時今日的飲食環境下，$118加一 應該有更佳的選擇 。

哩個下午茶真的CP值好高環境大部份都會有景色位，是日點左佢地的豐盛春日下午茶主打有迷你龍蝦漢堡，龍蝦意大利飯球另外佢的鹹點牛油果莎莎，紅菜頭三文魚都真的唔錯，龍蝦意大利飯球真的放一段時間都香脆，另外甜點有蔓越莓朱古力慕斯，白朱古力香橙薑味泡芙真的唔會太甜，另外佢的英式奶茶鬆餅都唔錯，啖啖茶味，真的整個下午茶都系有水準，飲品點了熱的玫瑰花茶，可惜我個日上去，職員說下午茶架5月打後暫時唔會再有住會出另外一些下午茶的套餐，大家可以留意下佢會唔會出返下午茶架下午茶~~真心覺得佢個下午茶架可以做的，食物都好有水準~~

由於這個長假不可以处遊就選擇本地消費staycation 一晚在Hotel Stage 並且試試他們一樓的西餐廳Kitchen Savvy 果然喜出望外!現在酒店做特別優惠晚餐惠顧享有七五折而且飲品包括紅酒白酒全部買一送一！餐廳的設計簡單舒服！令我們食得安心又舒服！頭盤大蜆白酒檸檬香葉，蜆新鮮又大隻再加檸檬香葉非常鮮美頭盤還有沙律牛油果羽衣甘藍，Quinoa. 個沙律醬味道剛剛好主菜Parma Ham & Rocket pizza . Pizza皮薄而脆不過火腿是凍如果芝士加火腿加熱多小小會更美味另一主菜一定要試慢煑牛膝再配上Pinot Noir 是good pairing 😄甜品Apple Crumble 即叫即做！回味無窮！

到廚意晚飯，這裡地點方便，但不常滿席，容易有位。不客滿並不代表食物水準差，反而它的食物質素頗佳，所以這個寧靜而寬敞且又有質素的地方變成飯腳的聚腳地。 到埗，朋友已在熱聊，並點了菜。平時不喝酒，今晚飲料買一送一，先來一杯紅酒。開胃前菜沙律果腹，再來炸薯條。小刀型的炸薯條脆口到不得了，咬開半截，熱氣在口腔裡遊蕩，想撞破腔壁，但逃離不果，留在口裡，只得半合半開，將熱氣呼出。 一碟蜆肉意粉，肥嘟嘟的蜆肉鮮甜美味。意粉軟硬適中，用叉子捲著捲著，捲起厚典典的意粉，放入口內，用力將叉與意粉分開，細嚼慢嚥時，又急不及待，檢起兩隻蜆殼，將蜆肉送入意粉內，肉汁爆滿，豐富了意粉的油香味。 飽肚，但朋友仍堅持叫Apple Crumble，每次走不掉的蘋果批。店員說要等大約二十分鐘，一隻白色圓盅，盛裝著一個Apple Crumble ，蘋果脆面上，放了一個白凱凱的雪糕球，輕輕划開，玉桂跟蘋果混得很熟落，外脆內軟，加入雪糕，融化一起，算是「乍暖還寒」另外一個解說。

「蟹‧王 邂逅 秋色下午茶」 $398/兩位用K發現到一間價錢唔貴但環境同質素都唔錯既Afternoon Tea，岩哂姐妹們一邊嘆Tea一邊談心！ Hotel Stage今次tea set既主題係螃蟹同日本王林蘋果，不只外型岩哂打卡，味道仲好好😙Tea Set共有4款咸點及5款甜點，包括以Juicy既阿拉斯加蟹腳配搭口感卜卜脆既鮭魚子、鮮味濃郁既蟹肉蟹膏撻😍、酥脆王林蘋果蟹肉酥餅、多重口感既王林蘋果奇亞籽紅菜頭果凍配蟹肉及牛油果，仲有大大個既酥脆咖哩軟殼蟹包🍔！甜點方面，K就好鐘意佢地既王林蘋果鬆餅😋，牛油同玉桂香味都好出，附有酸忌廉同玉桂蘋果醬，味道相當配合👍王林蘋果紙杯蛋糕係直接以蛋糕做杯子形狀，裏面仲加左香甜既王林蘋果粒😀王林蘋果慕絲蛋糕入口即化，味道清香。至於焦糖王林蘋果芝士蛋糕就岩哂一眾芝士迷啦～😏

同美美的女生聚會，當然要揀返d環境舒適，而且比較寧靜的地心談談心啦，最後揀左登臺酒店入面的Kitchen Savvy。Tea Set 選擇不多不少，不過都是比較輕盈的選擇。我選擇了可麗餅-埃文達芝士、雜菜沙律、雜菌（ $128 ）配凍檸水，朋友選了Desserts 下午茶美點，Apple Crumble, Vanilla Gelato  ( $108 ) 配蘋果汁。可麗餅內的半溶芝士和雜菌配合得相得益彰，新鮮製造熱辣辣好味道。有雜菜沙律拌碟，食完可麗餅都不會感覺太膩。而朋友點的Apple Crumble, Vanilla Gelato  亦是即點即造，而且製造需時，要等大約20分鐘。女生見面總是聊得沒完沒了，就在等待期間談談我們那些無盡的話題吧！Apple Crumble, Vanilla Gelato  上碟一刻真的令人很驚喜，上面配上冰凍的雪糕球，下面的Apple 外脆內軟，啖啖肉桂的味道在口腔內徘徊，令人一試愛上。另外，值得一提的是蘋果汁是新鮮榨的酒店內的餐廳確實環境寬敞舒適，較為寧靜，適合三五知己談心。

睇 open rice 見到呢間啲西班牙美食流晒口水就約朋友啲試，點知原來係早前一個 promote，而家完咗無得食啦 😭😭😭環境確實一流，夠清靜可以好好傾計，侍應態度好好，雖然山望出窗外無乜景，都都算舒服。我坐底煲劇等朋友差不多一小時，佢哋都無催促我，仲話我知有 wifi 👍👍另外臨走時我想去洗手間，由於盲妹無帶眼鏡，跟朋友 reconfirm 位置時個經理聽到我無帶眼鏡，就帶我到門口仲講清楚位置，攪到我有啲尷尬添 😅😅食物選擇唔算多，我哋叫咗 2 杯白酒，一個頭盤加 2 個主菜。西班牙八爪魚好好味，好爽口，唔靭。海鮮併盤係熱食，唔算大份，最有睇頭係龍蝦，其他有帶子，魷魚同蜆，好味。反而個燴鴨肉寛帶麵，無論味道跟口感，我感覺似 Lasagne 多啲，下次唔會再叫囉 🙈如果想揾個地方傾計又唔限時，呢度都可以考慮，希望佢哋個西班牙 promote 快啲 encore, 咁我就會嚟試