康瑞甜品

營業中

休息中

尋日同老公突然想食糖水，就近近地去康瑞買碗外賣，叫左棷汁西米露同紅豆沙芋圓，點知打開碗西米露，發現西米露煲到溶曬，棷汁無棷汁味，水汪汪難食到嘔，好在有紅豆沙芋圓，紅豆沙底係唔錯，但芋圓比較細粒又無味，食得出加左好粉落去整，感覺彈牙，totally整體好失望。

One thing I love about Taiwan is the local food which comes in a very reasonable price. Though it may be a bit hard in Hong Kong to find authentic Taiwanese cuisine as low-priced as in Taiwan, it is still possible to enjoy some high-quality Taiwanese food here with a low budget. Hong Shui Dessert, a hidden gem in Sham Shui Po, is quite well-known to Hongkongers. It serves a wide variety of traditional Chinese desserts which are delicious and inexpensive. This compels me to become one of their lo

濕濕漉漉⛈夜麻麻又係食甜品🍮嘅時候，心血來潮好想 #芋圓🍡肥仔就帶咗Vienn嚟 康瑞甜品 啦‼️🍡#特式仙草百配🍡$26都好耐冇食過，水準依舊，呢個價錢「收貨」‼️西米、芋圓、地瓜圓、仙草、紅豆、薏米、小丸子、珍珠🥳全部都係Vienn最愛😆加上花奶，簡直係「Perfect Match 」😭😭😭😭😭破戒食咗凍嘢都值得嘅👍🏽👍🏽👍🏽大家成日屈係屋企躁底🔥可以學肥仔🧊🧊#綠豆沙 做底！1樣咁好味😋Btw成日都講價錢同食物質素成正比例，咪得囉❤️食下甜野開心吓啦😎唔係又罵仔、罵老公，老公被罵🤪🤪🤪🍡康瑞甜品 (深水埗)📍深水埗荔枝角道323號地舖

傳說中的台式傳統甜品，芋圓是招牌菜。裡面鋪滿 瓷磚，有點像唐樓一樣。另外一點，非常多人排隊等候是正常事。桂棗雪耳糖水 轉湯圓能夠轉湯圓實在是有夠細心。湯圓皮薄，黑芝麻明目。經典桂棗雪耳絕配，既清甜又暖胃。特式仙草百配仙草百配是非常豐富，珍珠、薏米、西米、紅豆、芋圓、小丸子、地瓜圓都應有盡有。碎上的仙草少一份風味，但雲石花紋是非常之吸引目光。但一羹一羹大口大口食更加爽快！酒釀百花配酒釀不會過酸，帶有酒和輕甜味。加上，芋圓、地瓜圓咬口都十分煙韌，又軟綿。味道十分獨特。最後，個蛋花不得不讚，超級靚，上枱時超像藝術品。

依間舖有份罷市 而且有請學生做part time💛-#特式仙草百配 $26相信有好多人都有食過康瑞 但小編今次先第一次食🤣之前見好多人排隊就放棄咗 依家為咗支持黃色經濟圈 幾多人排都要試下但當然 小編更加鼓勵大家去小店💛話明百配 就緊係有好多料喺入面啦有芋圓 地瓜圓 小丸子 西米 珍珠 紅豆 仙草芋圓略嫌佢有啲唔夠煙韌整體嚟講 小編覺得麻麻地😕不過有咁多料 依個價錢真係幾抵食評分:6.5/10

成日夜晚經過都見好多人等位同買外賣，有次想下晝食，點知原來佢四點先開，今晚經過見難得冇人等，即刻入去試下先。地方細細，都唔想坐太耐阻人做生意，即刻叫左特式仙草百配（$26），同埋香滑腐竹蓮子（$21），呢個腐竹糖水可唔配蛋，而改配芋圓，地瓜圓同小丸子。好快就有得食喇，果然味道唔錯喎，腐竹好香好滑，唔太甜。另外啲芋圓又夠彈牙，同埋有好多料添，每款圓子都有好多粒，食完超飽😅。埋單時有好多人等位喇，果然名不虛傳呀，等下位都值得嘅。廿零蚊有咁高質同足料嘅糖水，真係物超所值。芋圓真係冇得輸，下次要再試埋其他款同糖不甩先😋。

同朋友食完飯，佢好耐無出過來深水埗，話好掛住康瑞芋圓，既然佢上左癮，咁就梗係一齊去食下🤣我地比較早到，8點幾，所以一入去就有位，晏少少好難講。一坐低就例牌整2個1號:仙草芋圓食下先！一如以往，都係好靚既賣相，西米，珍珠，芋圓，仙草，紅豆，各據一方，花奶就好似一幅畫一樣淋響上面，唔係我誇張，有相你睇嫁！味道當然係very gd，西米爽口，最重要係芋圓，每粒都唔同味，唔係普通麵粉來，彈牙之餘又不失咬口，配埋仙草紅豆，甜味適中，其實真係好正嫁！難怪我朋友食上癮既，大家經過都可以幫襯下嫁🤗支持小店！

黎開深水埗食飯，飯後甜品必定會係康瑞😛呢度嘅糖水出名價錢實惠。種類選擇亦都唔少，而我每一次都係會叫特色仙草百配🤤不過今日實在太多人😅所以就打消左堂食ge 念頭，決定買外賣返屋企配料有仙草、芋圓、地瓜圓、小丸子、西米、薏米、珍珠、紅豆，鍾意ge 可以加埋淡奶。芋頭同地瓜圓食得出有芋頭味同番薯味🤤食落口感非常豐富，煙煙unun ，真係好好食，冷同熱都只係$26咋員工效率非常之高，唔使10分鐘就已經可以拎到外賣。抵讚👍🏼👍🏼👍🏼👍🏼👍🏼

呢間舖頭幾時去都係人頭湧湧，門口迫滿等外賣或者等堂食既客人，一場黎到緊係等入面坐，結果等左大約半個鐘先入到去店舖出名芋圓同埋仙草，主要都係賣中式糖水，有湯丸、糖不甩、紅豆沙等等－－－－－－菜式1. 特式仙草百配芋圓、地瓜圓、小丸子 4.5/5原來除左甜品名提及到既配料之外，仲有珍珠、薏米、西米、紅豆，用料非常豐富，好足料，$26非常抵食🤣芋圓和地瓜圓都非常煙韌，口感軟彈，我覺得地瓜圓較出色，食得出地瓜淡淡既甜味，而仙草入口爽甜加埋淡奶更順滑，成碗糖水甜度適中🥰值得推介

據說以前係一間中醫診所，賣涼茶再賣埋中式甜品🍮然後因為多料又健康d，好味就緊喇，所以好出名！今日終於去左試了😍果然，一去到已經見到排隊既人，都真係唔少，不過我地好好彩，等左一陣就有位喇🥳開心😃一入去有推薦甜品9款，不過其實大家都會想食1號仙草荢圓，除左有涼粉，仲有意米喇紅豆喇細細粒湯圓喇荢圓淡奶喇😍甜甜地又有健康食材中和返，一碗可叫凍或熱，份量不足都只係$26，埋單時我朋友都忍唔住講左句「點解甘平既🤣🤣！」

平安夜晚 在朋友長沙灣studio聚會後講起不如去食甜品 靈機一觸 想起wish list上既康瑞甜品即出發坐214巴士到桂林街落車 過對面馬路就到當時夜晚8點幾 店前已有不少人等外賣等左一張檯就入坐雖然佢係涼茶起家 但在場無一人唔係食甜品與同行友人各要了一碗暖既特式仙草百配 $26匙羹往碗底一撈 滿滿不同配料芋圓 地瓜圓 薏米 紅豆 西米 珍珠 小丸子 仙草甜度適中 有家的味道特別喜愛此店仙草 極軟滑清香另外各丸子煮得唔錯 不會過淋 有咬口唯芋圓地瓜圓略嫌不夠「味」 但在香港來說 水準已算中上此店絕對可以再戰

早係佢未搬舖已經食咗幾次，水準一直保持得超好。康瑞甜品的芋圓、小丸子和湯圓是香港食過數一數二的。 特色仙草百配好足料，無論冷暖都好好味。佢哋嘅薑汁薑味好重，唔會死甜。酒釀丸子都係其中一樣我的最愛，酒味甜味配合得好好，抵讚。最值得抵讚嘅係咁多年來都冇咩點加價，今時今日20幾蚊食到一碗咁高質嘅甜品真係非常非常難得。環境裝修亦都非常之舒適。一句講晒，香港如果多啲呢類型嘅小店，尊重食物尊重食客，咁就好啦！

康瑞最出名的是餐牌上的 no. 1 -- 特色仙草百配，幾乎枱枱必叫。我來過幾次，每次都不停提醒自己要試其他糖水，然而每次都不敵心癮，最終又獨沽一味的叫回這個鎮店之寶😆😆。話明是百配，即係咩都有：仙草，芋圓，地瓜圓，小丸子，紅豆，珍珠，薏米，西米，非常豐富，最啱我這些樣樣都想試的貪心的小狗。最欣賞它的手工芋圓和地瓜圓，味濃而不太甜，加上嚼勁十足，絕對是水準之作。大大碗只賣廿六蚊，性價比高得無話可說啦！

自店鋪剛開張不久，在朋友介紹之下，每次經過深水埗都想來吃一個特式芋圓，無論天氣酷暑或寒冷，都必點個涼的。喜歡佢地既芋圓夠煙um，好有口感，不會太淋或太粉。甜品最怕太過甜，但佢落既冰糖份量岩岩合晒我口味，又夠滋潤。特式芋圓內的料很足，又有椰汁西米、紅豆等等，很有滿足感，且顏色賣相討好，$26一碗，實在很抵食。店面細小，裝修簡單唔奢華，店鋪位置位於大馬路旁，亦很容易搵到。至於員工服務方面，本人覺得每次去都有唔同既體驗，今次我覺得還好。

住得係深水埗由佢喺小店食到佢開到大店，如果要食仙草芋圓嘅話，食過咁多間我最鍾意嘅都係呢一間，清清地 甜甜地食個糖水過吓口引。平時夜晚最鍾意放工買一碗屋企食，見到老闆同老闆娘都仲係格外親切，如果夏天唔係好飽嘅就可以食碗特色仙草百配，配料夠多又有仙草又有芋圓，加埋奶食超滿足。而家冬天嘅話大家都不妨試一試佢嘅薑汁蛋花湯圓或者芋圓。佢嘅湯圓細細粒好煙銀，芝麻餡料清香，每一次食完都暖透心🤗