康和車仔麵茶餐廳

營業中

休息中

上網見到這間車仔麵的評價好像不錯 #🍋👧🏻 這天經過附近決定一試-中午時間要搭枱 環境一般 見到上網有推介呢度嘅 豬頸肉芝士撈公仔麵🧀🍜不過👧🏻怕自己一個食會好膩 所以今次就先吃車仔麵🍜-🔻四餸車仔麵 配凍飲 （$43）蘿蔔牛柏葉魷魚麻辣豬耳 粗麵 加腩汁豬耳👂🏻煮得很軟唸 不算麻 辣味慢慢滲出🌶蘿蔔😉冇渣煮得夠林 不會苦魷魚很一般 無味☹️但是夠爽口😕牛柏葉煮得太耐😓好似煮到爛晒 軟晒 完全唔爽🤥粗面都係同樣問題😥所有野都煮太耐😔腩汁吾濃 基本上無乜🤷🏻‍♀️同埋個面好奇怪🙇🏻‍♀️唔知點解面頭好似好多油🤦🏻‍♀️定係豬耳煮出嚟嘅膠質⁉️ 可能是👧🏻見識有點少了🙍🏻‍♀️⭐️評分：3/10-🔻凍奶茶少冰 茶味都OK 唔鍾意太甜嘅人可以叫少甜⭐️評分：5/10-總括嚟講 覺得名過於實👁－－－－－－－－－

係大圍想食到車仔麵，除左康和依間之外，好似真係冇乜了。店裡除了車仔麵食之外，仲有芝士撈麵同小食。今日點左個4餸車仔麵連凍飲，湯底唔錯，可以揀清湯，牛腩汁麻辣汁等....韭菜餃好適合我口味，入面只有少許肉碎，基本上全隻都係豐滿韭菜。蘿白入晒味，必叫之選，雖然紙上面魚蛋只有辣的選擇，但我刪除辣這個字，他們也會給我一份不辣的唯一失望就係墨魚條...一條開兩邊就當一個餸，有啲唔抵叫。環境有啲迫，加上服務員講野太太太大聲了，好嘈吵，會令你想快啲食完快啲走既感覺

叫左豬頸肉芝士撈公仔麵, 比其他車仔麵貴, 份量唔多, 豬頸肉幾香,表面甜甜地, 食落原來辣辣地, 燒得幾香, 好食! 芝士汁偏淡同稀, 唔算出色, 但就唔會heavy, 食落無咁有罪惡感。蜜汁龍鬚3x 蚊, 唔知點解佢地d小食可以貴過食個麵, haha, 份量算多, 唔會un, 但燒得唔香, 好似烚熟多d。同埋個蜜汁太甜了。

呢間車仔麵真係由細個幫襯到大，每次黎到感覺依然係咁親切。坐低唔洗諗，即刻攞起紅筆揀餸，仲可以望下廚房果邊有咩吸引嘅餸，即刻圈埋。最抵一定係配凍豆漿，不過今日我8點半先黎到，已經冇晒豆漿，就唯有叫杯熱飲就算。一上菜就太為食即刻起筷，食左一半先記得影相我叫左豬紅，時菜，炸蝦條同墨丸，配左米粉，加左佢啲秘製辣椒醬。辣椒醬都有啲辣，所以要逐啲落黎試下味。炸蝦條係其中一樣必食，真係有鮮甜嘅味道，而且食落有咬口，好好食！

容忍有個限度 個四眼長髮呀姐 包外賣都唔識要第二個呀姐幫手包 佢就做其他耶 遞張點菜紙俾佢 話等陣先 等左一陣再遞俾佢 無視你兩三次 我忍唔住問呀姐 你捨得收張紙未 佢話你等陣先果邊好多台叫 哇！你老闆當堂著哂火 收張點菜紙有幾難呀 老闆你請個甘既員工倒自己米 勸大家唔想受氣真係米鬼去食🤬🤬 我未遇過甘唔做得耶同無視人既呀姐囉 博炒 就炒左佢啦！請佢都喊3聲！大家一定一定唔好幫襯呀！已經肚餓架啦！仲要受氣 定下仲要打二百字先俾島個劣評 好！我點都打夠200字 俾個超級劣評你個員工 買眼馬尾呀姐

為大家介紹一下呢間食魷魚同車仔麵既舖頭啦如果提到大圍大家多數都係講呢個手撕雞腸粉掃街，但如果講到想食多少少，又好似無乜選擇咁？所以今次為大家黎介紹呢間舖頭。呢間舖頭既環境同衛生都係比較舊式個啲舖頭。要評既都係評食物質素...康和車仔麵茶餐廳既蜜汁龍鬚$34雖然有少少貴但味道真係好夠又香又濃郁另外小篇仲有嗌車仔麵粗麵麵質夠爽有咬口唔係發漲晒預先煮定既最後仲嗌左豬頸肉相當可口唔會切得太厚配埋泰式辣醬真係唔錯！不過涼拌三寶就差少少喇我個人覺得辣味太重太多辣油無左涼拌清爽既感覺好味指數⭐️⭐️⭐️⭐️⭐️⭐️⭐️價格指數⭐️⭐️⭐️⭐️⭐️⭐️抵食指數⭐️⭐️⭐️⭐️⭐️⭐️

有時都會想食車仔面⋯今日依舊係大圍蒲頭。呢間康和既坐位真係逼到無朋友，未食完都想拿拿聲走🤔地下都麻麻地衛生⋯叫左碗辣既，真係辣到痴左線，但我只係叫左一粒辣椒既辣度😂 睇到成碗湯既面都係油。唔緊要⋯叫可樂飲可樂冰底要加$2⋯我想問如果叫可樂唔凍咁叫黎做咩😂😂 非常無奈，黎到個可樂真係唔凍😂😂😂我諗未必有下次⋯

呢間餐廳可以話係大圍知名度勁高下 👐🏻小編食完之後只可以話伏味濃🤢 先係湯底冇味 毫無半點鮮味 材料唔係幾靚 丸似白焯多 炸魚皮仲有d腥😂連小編至愛既紅腸 只係純屬一般😩

好多年無返過嚟大圍，今日難得經過，老婆即刻話陪我食我最喜愛嘅車仔麵。以前住大圍，最少同細佬一個星期食一次。所以今次過嚟大圍一定要食，不過原來冇咗我最喜愛嘅螺肉。所以我叫咗牛肉，麻辣豬肚，韭菜餃同豆卜米線。佢哋啲韭菜餃又多餡皮又薄，豆卜又索晒啲麻辣汁，一流。希望下次過嚟食唔好再等幾年先再嚟

今日又係大圍上堂。今次醒左，上堂前搵定附近有咩食tea time時間, 好多選擇。不過吾想食得咁 heavy。最後揀左車仔麵🍲入到去，環境一般，不過正常嘅。因為呢啲先係港式格局本來想自選餸；但見到menu有個叫麻辣雙脆米線，然後問阿姐，哦～原來係🐷👂加🐷腸~即刻吾洗諗，就呢個 😆湯底~如題米線~吾夠淋（本人偏向中意食淋啲）🐷👂~中間白色軟骨係夠爽脆，但肉部份一般🐷腸~入味但吾夠淋 （因為又係中意食淋）跟餐豆漿~食辣配呢個感覺幾正另外，阿姐執完枱應該無抹，因為我坐個位嘅左邊角落有一大噠漬，所以枱面吾太乾淨

剛剛吃完，感覺好貴。豬腸 4 件，蘿蔔 4 件，鮮菜雲呑 2 粒，雞腳 2 小只，墨魚片 2 小片，菜底，成為＄45。另加 ＄8 菊花綠茶，一啲綠茶味都冇，再加菊花精，勁甜之餘成半杯冰。啜左幾啖走人。。。呢到仲要夠 200 字，至可以比扺食分 🙄 奇怪

住大圍區的關係，由女兒小學階段至家陣升上中學多年，間中都會來康和車仔麵幫襯，食物款式尚算多，但相信每間店舖，也不太可能每款食物都能夠做到很出色，這店也一樣。但如果問到我，有甚麼絕對不會再吃的?我會答:我絕對不會再叫柚皮。因為試過兩次，都達唔到我的基本要求。至於其他車仔麵餸菜，大致上都Ok的。而湯底，如果喜歡食辣的，可以選擇大辣，他們的辣味，都合格架。以$40鬆少少的四餸麵，有埋凍飲，這店已經算唔錯的了。

每次ot完都黎呢度食, 今次例外, 帶左女朋友黎。嗌左雞扒芝士撈, 蜜汁魷魚 同 魚翅撈麵。非常好食。增肥之選。邪惡到無朋友。 魷魚其實好食 蜜汁味道好濃。芝士撈係人間極品。兩個人share岩岩好。魚翅撈麵d麵係魚麵,都係賣點。兩個人食左150蚊就勁飽。去相~~。

大圍其實有好 多嘢食，今日去完踩單車之後，非常之攰，又非常之肚餓，就不如去附近搵搵食啦 ! 經過一個車仔麵，裏面都有唔少人，再望一望餐牌，下午茶都係32蚊起，就一於去食啦叫咗個車仔麵，幼麵底，再另外叫紅腸同埋魚片，再加腩汁，另外再叫一杯凍檸水，都係32蚊，這個價錢，我相信平過大家樂湯底加左腩汁之後，份外滋味，另外紅腸嘅質素都算不錯，咬落去無渣，另外魚片口感都ok，簡簡單單係我嘅生活態度味道4分抵食4分！！

今日係大圍放lunch ，孖個同事去左康和車仔麵茶餐廳度食。雖然舖頭細細，但都容納到大約30人，可能係lunch 時間喇，已經座無虛席，不過唔駛等好耐就有位了。同同事叫左兩碗車仔麵。「牛栢葉+牛筋腩+炸墨魚條+冬菇+米粉」牛栢葉好爽口，唔會太韌；不過牛筋腩就好似牛肉乾咁，而且好細舊，扣小小分；而個炸墨魚條其實味道幾好，不過佢係一條墨魚條切片一開四片，我嗰碗嘅份量就大概係得到兩片，咁就會覺得有d太少喇「扎肉+牛筋腩+豬大腸+炸海鮮球+油麵」見到同事個塊扎肉，比想像中大塊。佢仲請左塊我食添$38四餸一麵都算係咁，仲有豆漿送，而且啲豆漿又真係有黃豆味整體黎講，都ok啦，雖然談唔上係人間極品，但算係街坊價得嚟又飽肚