康和車仔麵茶餐廳

營業中

休息中

話說我係呢間車仔麵既長期街坊客仔，有一晚幫媽咪買外賣，返到屋企發現俾左左第二碗麵我媽咪，咁我好聲好氣打個電話過去同佢講比左錯，希望佢可以換返岩過黎。點知個店員話叫我行返過去換，我當堂覺得唔合理，同佢講呢家係你哋出錯唔係我出錯，碗麵又唔係我食，梗係你哋搵人送返上嚟。跟住個店員話唔得，話冇人行唔開，仲我可唔可以唔好咁“浪”黎，之後仲cut埋我線。呢間咁惡劣態度既車仔麵以後真係要同佢講再見。

車仔麵店嚟講我最鍾意就係大圍呢一間， 四個餸加杯豆漿先43蚊重要勁足料重送條生菜， 好多時喺出面叫一個麵底根本就唔夠飽， 加多個麵底加幾個餸可能就已經5字頭重冇野飲。 呢一度係絕對食得飽你嘅份量。佢樣樣餸都做得唔錯其實呢埋眼篤都可以， 不過如果鍾意食辣嘅人 我都會推薦佢哋試下個麻辣豬耳 我今次叫咗豬紅，麻辣豬耳，牛筋腩，同埋鮮腐竹。除咗車仔麵之外佢嘅芝士撈丁都係必食㗎！ 又係食食下先記得影相， 個雞扒煎得好香脆juicy! 個面都烚得啱啱好非常爽彈！芝士濃！仲有佢啲小食都好正㗎特別要推薦個炭燒豬頸肉， 不過因為今次太飽冇食到 但見寫開食評都講埋啦。 燒得外脆內嫩。 諗起都流口水另外佢仲有得食魚麵， 係魚肉整成嘅麵條 ，我覺得都幾特別，好彈牙。

曾幾何時有朋友推介過我，大圍康和車仔麵係大圍街坊必食既，難得今日路經大圍，甘就必然要扮下街坊門口入面就係廚房，要經過一條相當窄既走廊先入到去坐低，大人入去都仲好地地，如果有小朋友入去就顯得相當有難度，因為距地既侍應姐姐会係廚房度攞啲麵出去，而顧客埋單俾錢都係同一位置依度都係要小心處理依條就係果條好窄既走廊，不過距地後面仲有一個門口可以進入既，香港地小人多，無辦法啦依間車仔麵，揀食咩都相當有挑戰其實係講梗距地食物既選擇真係多尤其係小食，仲有撈麵，撈麵又分有無芝士.......我嗌左個豬頸肉撈丁，依度啲撈麵全部都係撈丁除左邪惡之外味道都唔錯既其實碗車仔麵最大既敗筆之處係個魚皮餃有啲變酸左，两隻都係，豬肉室溫擺得太耐一定酸架依度扣最多分整體都ok，不過係俾個魚皮餃扣哂分

抵食車仔麵有好多料揀四個餸都係40幾蚊，平靚正👍🏻👍🏻 推介豬耳! 爽脆之餘好入味加左辣汁，離遠已經聞到好香喇!!!不過 真係幾辣下，大家要量力而為蜜汁龍鬚 甜甜地好開胃，而且幾爽脆 都幾大碟幾個人share做小食啱哂 

之前響附近做完facial幫襯過一次之後耐唔耐都會再食，因為好抵食，味道又唔錯！介紹過幾個住大圍嘅人黎試落單紙。餸方面有好多選擇，基本上車仔麵要有嘅呢度都會有，而且份量比出面多。今次叫左雞翼、酸齋、牛筋腩同時菜，好大碗同足料，有時會食唔晒！不妨試下加辣汁同麻辣汁，香口好多。每個人連埋野飲，四個餸埋單$50有找，一啲都唔貴，平靚正👍🏻👍🏻 不過呢啲地方，唔好預服務周到或者環境優美喇，因為地方細客人多嗰陣，啲姐姐係唔會點理你，自己搵位啦！

4餸車仔麵($40連豆漿，轉手打魚麵+$5)🍜餸要左蘿蔔、鮮菜餃、豬紅、滷水蛋，轉手打魚麵配清湯啲蘿蔔好稔，口感係好味的，但係！佢甜到一個點！🤢絕對唔係天然嘅甜，我諗係浸左糖水鮮茶餃好重胡椒粉味，內餡偏鹹，但啲菜幾爽，個皮帶少少煙韌，都唔差豬紅入味又唔太鹹，而且都有好多嚿😏滷水蛋同樣入味，但就鹹左啲，推薦比鍾意濃味嘅人😚至於個手打魚麵，口感彈牙，冇魚骨/魚腥味，但都冇乜魚味XD整體嚟講，除左個蘿蔔太甜之外，整體都唔錯，分量多，價錢亦合理，會再次幫襯🤗

今天下午去食碗車仔麵，叫了牛筋腩丶豬皮、韭菜餃及時菜，點知「牛筋腩」並沒有牛筋，我便問侍應為何沒有牛筋，她話這是廚師正常地隨手忽出來的，咁不如就叫牛腩就算啦！半條牛筋都無，她就行開了，完全無跟進，也不打算拿出少少牛筋給我，而且牛肉好硬。豬皮就整得幾好味，韮菜餃只有兩隻，入面只是韮菜，沒有其他肉之類，時菜是生菜，只有幾條。湯底味道太濃，味精也不少，食完口乾。全碗份量也較細，不抵食。我對面的夫婦都話細碗，十分鐘內就食完走得。

今日又來到大圍工作，一早已想好再來這間店食午餐。因為上次食完個蜜汁龍鬚，覺得好好味，好想回來時再過來回味。他的套餐都幾優惠，四個餸加一杯豆漿只係38元。餸的款式都佷多，如果要凍飲都只係加多幾元。朋友叫了辣汁，他都覺得很惹味。腩肉分了幾層，有膏有肉，唔錯。我叫左酸齋、牛根腩、雞翼和紫菜。今次只叫了腩汁，但已經夠味。重點推介的是蜜汁龍鬚，啲蜜糖好濃縮，魷魚一啖一口，好夾好好味。大家都食得好滿足，因為餐廳價廉物美。

上網見到這間車仔麵的評價好像不錯 #🍋👧🏻 這天經過附近決定一試-中午時間要搭枱 環境一般 見到上網有推介呢度嘅 豬頸肉芝士撈公仔麵🧀🍜不過👧🏻怕自己一個食會好膩 所以今次就先吃車仔麵🍜-🔻四餸車仔麵 配凍飲 （$43）蘿蔔牛柏葉魷魚麻辣豬耳 粗麵 加腩汁豬耳👂🏻煮得很軟唸 不算麻 辣味慢慢滲出🌶蘿蔔😉冇渣煮得夠林 不會苦魷魚很一般 無味☹️但是夠爽口😕牛柏葉煮得太耐😓好似煮到爛晒 軟晒 完全唔爽🤥粗面都係同樣問題😥所有野都煮太耐😔腩汁吾濃 基本上無乜🤷🏻‍♀️同埋個面好奇怪🙇🏻‍♀️唔知點解面頭好似好多油🤦🏻‍♀️定係豬耳煮出嚟嘅膠質⁉️ 可能是👧🏻見識有點少了🙍🏻‍♀️⭐️評分：3/10-🔻凍奶茶少冰 茶味都OK 唔鍾意太甜嘅人可以叫少甜⭐️評分：5/10-總括嚟講 覺得名過於實👁－－－－－－－－－

係大圍想食到車仔麵，除左康和依間之外，好似真係冇乜了。店裡除了車仔麵食之外，仲有芝士撈麵同小食。今日點左個4餸車仔麵連凍飲，湯底唔錯，可以揀清湯，牛腩汁麻辣汁等....韭菜餃好適合我口味，入面只有少許肉碎，基本上全隻都係豐滿韭菜。蘿白入晒味，必叫之選，雖然紙上面魚蛋只有辣的選擇，但我刪除辣這個字，他們也會給我一份不辣的唯一失望就係墨魚條...一條開兩邊就當一個餸，有啲唔抵叫。環境有啲迫，加上服務員講野太太太大聲了，好嘈吵，會令你想快啲食完快啲走既感覺

叫左豬頸肉芝士撈公仔麵, 比其他車仔麵貴, 份量唔多, 豬頸肉幾香,表面甜甜地, 食落原來辣辣地, 燒得幾香, 好食! 芝士汁偏淡同稀, 唔算出色, 但就唔會heavy, 食落無咁有罪惡感。蜜汁龍鬚3x 蚊, 唔知點解佢地d小食可以貴過食個麵, haha, 份量算多, 唔會un, 但燒得唔香, 好似烚熟多d。同埋個蜜汁太甜了。

呢間車仔麵真係由細個幫襯到大，每次黎到感覺依然係咁親切。坐低唔洗諗，即刻攞起紅筆揀餸，仲可以望下廚房果邊有咩吸引嘅餸，即刻圈埋。最抵一定係配凍豆漿，不過今日我8點半先黎到，已經冇晒豆漿，就唯有叫杯熱飲就算。一上菜就太為食即刻起筷，食左一半先記得影相我叫左豬紅，時菜，炸蝦條同墨丸，配左米粉，加左佢啲秘製辣椒醬。辣椒醬都有啲辣，所以要逐啲落黎試下味。炸蝦條係其中一樣必食，真係有鮮甜嘅味道，而且食落有咬口，好好食！

容忍有個限度 個四眼長髮呀姐 包外賣都唔識要第二個呀姐幫手包 佢就做其他耶 遞張點菜紙俾佢 話等陣先 等左一陣再遞俾佢 無視你兩三次 我忍唔住問呀姐 你捨得收張紙未 佢話你等陣先果邊好多台叫 哇！你老闆當堂著哂火 收張點菜紙有幾難呀 老闆你請個甘既員工倒自己米 勸大家唔想受氣真係米鬼去食🤬🤬 我未遇過甘唔做得耶同無視人既呀姐囉 博炒 就炒左佢啦！請佢都喊3聲！大家一定一定唔好幫襯呀！已經肚餓架啦！仲要受氣 定下仲要打二百字先俾島個劣評 好！我點都打夠200字 俾個超級劣評你個員工 買眼馬尾呀姐

為大家介紹一下呢間食魷魚同車仔麵既舖頭啦如果提到大圍大家多數都係講呢個手撕雞腸粉掃街，但如果講到想食多少少，又好似無乜選擇咁？所以今次為大家黎介紹呢間舖頭。呢間舖頭既環境同衛生都係比較舊式個啲舖頭。要評既都係評食物質素...康和車仔麵茶餐廳既蜜汁龍鬚$34雖然有少少貴但味道真係好夠又香又濃郁另外小篇仲有嗌車仔麵粗麵麵質夠爽有咬口唔係發漲晒預先煮定既最後仲嗌左豬頸肉相當可口唔會切得太厚配埋泰式辣醬真係唔錯！不過涼拌三寶就差少少喇我個人覺得辣味太重太多辣油無左涼拌清爽既感覺好味指數⭐️⭐️⭐️⭐️⭐️⭐️⭐️價格指數⭐️⭐️⭐️⭐️⭐️⭐️抵食指數⭐️⭐️⭐️⭐️⭐️⭐️

有時都會想食車仔面⋯今日依舊係大圍蒲頭。呢間康和既坐位真係逼到無朋友，未食完都想拿拿聲走🤔地下都麻麻地衛生⋯叫左碗辣既，真係辣到痴左線，但我只係叫左一粒辣椒既辣度😂 睇到成碗湯既面都係油。唔緊要⋯叫可樂飲可樂冰底要加$2⋯我想問如果叫可樂唔凍咁叫黎做咩😂😂 非常無奈，黎到個可樂真係唔凍😂😂😂我諗未必有下次⋯