幸運小食 (青衣)

青衣公園入面間茶餐廳上年執咗，個位丟空咗一段時間，今個月見到有新餐廳開張，主打賣車仔麵，亦有啲小食同碟頭飯，價錢中規中矩。有室內及室外兩類坐位，揀好位坐底後，員工會俾marker筆及過咗膠嘅餐紙，喺上面圈嘢食，然後遞單及先俾錢。麻辣醬撈薯粉（$31）+豬大腸（$10）+柱候牛腩根（$14）撈紅薯粉配料有銀芽、甘筍絲、蛋絲、酸菜、肉醬、花生、芝麻，份量合適，味道可以，尤以肉醬味道不錯。要咗小麻辣，麻度足亦夠辣度。紅薯粉份量足，口感Q彈。豬大腸約有七八小件，無咩肥膏，無咩豬臭味，有𡁻口。牛腩根約有五舊，牛腩少牛根多，牛根超好𡁻，牛腩好瘦，味濃。可能剛開業無耐，運作稍稍有啲混亂，但可以接受。

青衣公園入面間茶餐廳上年執咗，個位丟空咗一段時間，今個月見到有新餐廳開張，主打賣車仔麵，亦有啲小食同碟頭飯，價錢中規中矩。

有室內及室外兩類坐位，揀好位坐底後，員工會俾marker筆及過咗膠嘅餐紙，喺上面圈嘢食，然後遞單及先俾錢。

麻辣醬撈薯粉（$31）+豬大腸（$10）+柱候牛腩根（$14）
撈紅薯粉配料有銀芽、甘筍絲、蛋絲、酸菜、肉醬、花生、芝麻，份量合適，味道可以，尤以肉醬味道不錯。要咗小麻辣，麻度足亦夠辣度。紅薯粉份量足，口感Q彈。豬大腸約有七八小件，無咩肥膏，無咩豬臭味，有𡁻口。牛腩根約有五舊，牛腩少牛根多，牛根超好𡁻，牛腩好瘦，味濃。

可能剛開業無耐，運作稍稍有啲混亂，但可以接受。