幸福鳥 (太古城中心)

營業中

休息中

行太古城APITA路過，又想食日本野所以試吓，等左一張枱就到我地都幾快，叫左五品刺身、牛舌雞皮雞心雞腎串燒、壽喜燒，味道都幾唔錯，食物又新鮮，服務優質，下次一定會再过嚟試埋其他野

I recently dined at a Japanese restaurant and was thoroughly impressed. The sushi was incredibly fresh, with vibrant flavors that danced on my palate. The sashimi melted in my mouth, showcasing the quality of the fish. The miso soup was comforting, perfectly seasoned, and warm. I also enjoyed the tempura, which was light and crispy, not greasy at all. The ambiance was serene, enhancing the overall experience. Overall, it was a delightful journey through authentic Japanese cuisine. Highly recomme

點了一個2人餐，會員有優惠 。食物質素唔錯，埋單價錢亦合理 。最重要是餐廳沒有限時，當日跟朋友聊天可以輕鬆的邊吃邊聊 。餐廳員工態度和服務都非常好！真心要支持這些餐廳！

個日經過太古城諗唔到食咩見到Apita 入面有間食日式串燒 聞落幾香幾吸引 就入左去試😝😝😝前菜嗌左2隻生蠔同池魚刺身生蠔大大隻 啖啖肉 差唔多有手掌咁大池魚刺身鮮美 同埋切既厚度岩岩好 女仔一啖食都冇問題之後嗌左少少串燒 不過不失 不過覺得調味可以重手少少 食完串燒已經好飽 叫左個雪糕鯛魚燒食入面有爆炸糖喺入邊 第一次食好驚喜值得讚揚當日serve既女副經理好細心一坐低已經介紹有咩好食 是日推介啲咩菜式又問有冇咩唔鍾意食 其中池魚刺身就係佢推薦非常滿意😋下次會再去但少少美中不足 冷氣唔夠 希望下次會有改善

又同兩知己去幸福鳥食飯~服務一如既往的細心舒服~食物方便亦冇令人失望~叫咗條刺身魚赤小鯛~新鮮好味~食完刺身嗰條魚骨會煲埋個魚湯飲~好鮮甜~串燒叫咗十幾款~都好香口好味~再配埋支清酒~冇得輸~再次選擇呢度gathering 真係冇揀錯~

某日放工的一人晚餐， 串燒點了 雞翼 牛舌 免治雞肉棒😀其中牛舌較為出色 有口感但不會過韌 👍🏼👍🏼👍🏼另外值得一讚 鴨肝多士好好食，焦熟度適中，夾埋煙韌嘅多士中和到鴨肝本身嘅油膩感。 最後 還點了和風牛肉烏冬 不過不失，一人晚餐，侍應不會太多打擾，會自覺加茶收碟，也會細心介紹菜式， 用餐愉快，是一人或與朋友相聚嘅好地方。下次必定會帶朋友再來光顧 😊😊😊

串燒好味😋幸福免治雞肉棒：必定吃牛舌芯：很嫩滑雞翼：皮脆肉香刺身：原條刺身魚很鮮美，廚師刀工很好，厚薄適中。重可以用頭和骨煲湯。一點都不浪費。服務：員工十分殷勤，笑容燦爛，給人客的感覺1十分舒適。

原本我同媽媽在家鄰近隨意試餐廳，順便食生日飯，遇上一家食品味道不錯，以及待應服務細心的日式餐廳。當時餐廳算滿座。1.待應見我同媽媽正考慮「避風塘九州槍魷魚」配燒汁或蒜蓉汁時，他見我們點了兩份炸物，就建議配燒汁相對不熱氣🥰2. 正當我同媽媽差不多嘆完炸豬扒及「銀鱈魚西京燒」配白飯和炸雞時，待應主動提及因為見我們未食完，所以不把「避風塘九州槍魷魚」上桌，之後，我們表示可收取已食完的碟不久，待應即奉上熱騰騰兼惹味的鱿魚！好貼心吖！🥰3. 當我們提出要打包未食完的魷魚，待應即主動問是否帶走蛋糕，或在餐廳內享用。🥰4. 我在入座時，帶住原本想回家食蛋糕，貼心的待應見到，即主動問我，是否需要雪藏蛋糕，以便用餐後切來食。我自己都不記得蛋糕要雪。😅5. 食品質素不錯，炸雞juicy，同「銀鱈魚西京燒」肉滑而不油膩👍🏻6. 餐廳坐位距離舒適。後記：有感現時很多港人北上消費，坊間提及其中一個主因是本港待應的服務水平相對國內有很大的進步空間，但我親身經歷，不少本地待應善用自己經驗，用心為食客提供良好的餐飲體驗，不會過於over ，令人有「奇怪或優越感」。

今日約咗同事一齊嚟食午餐, 我哋1pm入座, 應該過咗高峰時期.員工都好友善, 環境亦都算坐得舒服.我哋都同樣地叫咗魚生午餐, 都新鮮好味😋 價錢少貴, 如果下次冇優惠可能會揀番其他經濟之選⋯⋯

同朋友好耐冇見~book咗太古嘅幸福鳥諗住飲吓酒食吓嘢~去到唔使等就有人帶我哋入座~坐嘅位置亦寛敝舒服~上咗茶之後就有侍應嚟介紹食物~所有員工都非常有禮貌又親切~食嘢嘅其間會留意我哋幫我哋添酒或者俾濕紙巾~食物方面~小食冷蕃茄酸甜適中~開胃~燒嘅食物香口有肉汁~整體非常滿意~

第一次試呢間店.   午餐價錢唔平.  唔平唔緊要. 我會期望有一定既水準.    可惜.   真係OVERPRICE左 , 唔太好食.  叫做正常飯餐感覺.點了三SET 都已經 600 $1. 幸之特上丼 $288- 海膽苦同"聲"既.   其他魚生不過不失完全沒驚喜, $288 我會期望食到既水準會高一點點.   飯又不多.  迷你版吧.2. 豚肉生薑燒丼 $108這個. 跟相片看. 成碗飯迷仔左.  108元. 一個男人我相信唔會夠飽.   味道正常. 無特別話差. 但又唔特別出色.3. 滑蛋吉列豬扒配飯 $138正常,  但吉列豬扒我覺唔夠鬆.  完全唔會令人食完好想再食既感覺 所以. 真係唔會再幫襯.  價錢同質數完全唔成正比.   我唔介意比得貴, 但至少質數上應該有番咁上下.  所以呢餐真係有D失望. 寧過隔離食好過. 點都有番咁上下水準菜式.

今天去幸福鳥晚餐，見到比食物更好味的事，就是有位妹妹打爛隻碟，她當時怕父母責備，表現好驚。幸福鳥內的職員(男及女)好有愛心地对該妹妹說，不緊要的，無事的，講左10次有多。最後妹妹都冇甘擔心。我真系好想贊賞6月22號晚返工的幸福鳥員工，香港飲食業要以你們為榜樣。食物方面，我發現牛舌燒到好黑，向他們說，亦立即更換，態度好，食物好，應作表楊。池魚魚生，好好食，之後魚骨仲可以做個湯。最後仲有個甜品(缺餅)，非常好食。

午市、公眾假期都有午餐menu、整體性價比一般串燒、午市串燒盛合、2百幾、雞翼豚肉牛舌雞肉棒雞髀香菇秋葵、以上午市套餐七串普普、A la ca 活鰻同雞尾好食。刺身一般、厚切、普通三文魚油甘魚魷魚質素OK、去到赤身同大と就完全唔係嗰回事、冇鮮味。玉子燒 Fail。真心Fail。可能係我最近響香港食過包尾嘅玉子燒？真係未食過咁實的的、硬綁綁嘅😂 最致命係$88加一、食完當下第一個感覺係、煎到咁、憑咩？送甜品、抹茶蕨餅加紅豆、正常。

今晚同朋友一行6人食飯聚會~食物質素非常好~服務亦非常滿意~極上刺身~新鮮鮮甜~真蠔~無論刺身食或燒食~都好肥美~貴妃蚌~juice~磯煮鮑魚~凍食~非常入味~汁燒尤魚~燒汁香濃~但唔會蓋過尤魚嘅鮮味~雞棒~牛舌芯~雞腿肉~雞翼~香口惹味唔會太乾~juice~福岡六盛合~必試~清酒煮硯~和風牛肉烏冬~仲有叫咗其他嘢食~未能盡錄~總結~必定會同朋友再嚟~雖然眼見今晚好多客人~但每位員工都好有耐性解答同介紹~抵讚！

下午二時左右，三人行到太古城Apita 午膳，之前看到此店也有很多人流。午市套餐非常豐富，食材優質，員工態度超好，有機會試尖沙咀K11分店。😁😋我們品嚐了壽喜燒，燒頂級谷飼牛及吉列豬扒丼，份量合適。😄👍#太古城Apita