幸福鳥 (太古城中心)

營業中

休息中

太古城～高質串燒店💛💛食到勁飽 好食！～人均消費$500上年係K11 mall食過一次，已經覺得佢地嘅串燒好食，比起香港好多串燒店，我覺得佢地價錢同食物真係成正比☺️ 而且服務好好K11 mall店 比較有氣氛，室內環境較大，好多打卡位，但枱與枱之間就窄少少，而太古城呢間～我自己感覺好似高檔啲，枱與枱之間好闊落，我地兩個人又有訂位，所以職員比左張大長枱比我地，坐6人都得，真係好爽呀，因為食串燒會放到成枱都係，今次唔駛就住就住🥰餐廳職員都服務好好，上菜有分幾段時間，等你唔駛食得太急，加茶都加得好密😆特別係一位樓面姐姐，超級nice,仲會不時問我地食物質素如何，又有啲特別推薦建議👍🏼我地兩人order 左一個「兩人套餐-幸之晚宴」再加左幾份串燒🍢🍢🍢🤤兩人餐 仲有會員價、平勁多架，樓面姐姐教我即時downloaded app ~折實左就$688✨好多款野食，飽到震😂「幸之晚宴」折左$688再加1🥗沙律（好食，個汁調味剛好，啲菜幾滑身，口感有啲似日本牛油生菜～全碟食晒）前菜小食：🍤脆炸白蝦 （呢個超驚喜🤣勁好食，第一次食咁酥脆嘅白蝦仔）🫔味醂魚干（呢個我勁鍾意，想一個人食晒，送酒一流）🍣時令刺

一篇遲來的評語，我在太古坊返工，老闆生日又喜歡日本菜，因為店舖經理Francis優質的服務所以選擇了幸福鳥。一班同事30多人而且有budget，要求餐廳設計菜單，經理非常細心菜單有刺生、串燒、玉子燒、日式菜、烏冬、甜品等。經理帶領的員工有非常優質的服務，整晚笑容滿面，令我們一班人也食得非常開心。食材新鮮，份量足。刺身鮮味；串燒還分開上菜，熱辣辣，這店的串燒非常出名，食物有水準，廚師一次烹調三十幾人份量的食物，絕不求其，賣相吸引，令我們也吃得津津有味。是一個小型party，整晚也可以慢慢享受每道菜式，如果有慶祝活動，幸福鳥真是令大家幸福快樂。🎉🥳

尋日中秋，一早約屋企食，都預好難book餐廳。點樣幸福鳥有位，本身望住評價兩極都放低期望，當同屋企人食餐飯就算。必須大讚係服務❤️超用心望你張枱有冇嘢都執走，斟茶勤力，係近年我好少感到真係應該收服務費嘅餐廳！一到，佢上前菜見到半隻鮑魚嚇一嚇，會唔會濫收錢，但最後埋單$20一位包茶芥，我覺得okok。之後講到🥗食物，全部都達到水準嘅，真係出色嘅我覺得係刺身沙律，串燒雞腎，同魷魚🐙❤️壽喜燒好多菜，啱我呢啲追求食菜嘅～🔔重點：上菜速度一流，唔會要你等十世。埋單$1300左右4個人，係飽住走～❤️我食係太古店，真心推介一個闊落嘅地方傾下偈，食下嘢～

呢間位於太古城商場嘅日式料理店舖有好抵食嘅午餐套餐，連星期六都有得食。套餐包括前菜有沙律同埋麵豉湯，而主菜有唔同選擇，包括壽司飯，壽喜燒，串燒等等，選擇好多。食物雖然份量唔大，但係質素幾好，值得一試。

同事興起話一齊叫外賣返黎開會食.  上網迎站見到最貴88蚊都幾抵, 大家都揀好晒就派出"專人"去買. 去到店面原來平價外賣便當已經唔供應, 咁同事們即時又揀另一張一百完以上既午餐.  負責店面既小妹子似乎係頭幾日返工, 樣樣都要問經理再回答.  落晒order之後唔見佢去入單, 原因係開始有walk-in客, 佢忙住招呼堂食客人入座, 遲遲都未幫我地落到單. 結果"專人"開始失去耐性去同佢講, 佢先真係入單, 計埋之前已預計外賣要等20分鐘既煮食時間, 足足花35分鐘先有得拎食物.又原來餐庭係無外賣湯用既盒(應該一早要註明) 即係話我地外賣午餐根本唔會有湯.....同事們都話食物質數係好既,  不過個人認為性價比就較低. 或者堂食會比較好.

之前經過見午餐餐牌都可以，週末又可以訂位，於是試下。入到餐廳內環境不算，空間感不太像一般日本餐廳的窄，頗舒服。.🎈餐牌.午餐包前菜.🎈食物👉牛肉壽喜燒 $168⭐️⭐️⭐️⭐️除了有前菜外，還有隻溫泉蛋。可能太餓，完全忘了影食物相。因為當天有點冷，我和朋友都叫了牛肉壽喜燒，是全鍋上，牛肉質和量都可以。.🎈總結服務真要讚，十分好，侍應反應既主動又快手又醒目，我當天十分口渴，不停渴完斟滿的茶，每一次我都不用舉手叫加茶，每次都是侍應好醒目周圍巡，主動加茶，超讚💖💖

4月7號果日中午，去左公司附近嘅太古城幸福鳥，諗住買佢地d外賣便當試試，行到門口見到有位短髮瘦身型女待應，就問下佢有無得買外賣便當，之後佢話幫我check 下，好啦咁我坐低等啦，跟住我等左差唔多成15分鐘，都無見佢出黎回答我，剩係見佢答完我之後係間餐廳道行黎行去，都好似唔係幫我問野咁，之後有位男經理走出黎，問我有咩幫到你呀？我話我想買外賣，問左你地個同事，佢話幫我check緊。男經理野都未講個女待應依家先至衝出黎個門口話咩都有，但成程無見過佢問人野，講完之後轉個頭又走返入去，成過過程完全令人摸不著頭腦，害我白白浪費時間，男經理都見到我反哂白眼，即刻同我講唔好意思，等我黎幫你啦。之後用左5分鐘左右就已經比到個外賣我，臨走前重不停同我講唔好意思，啖氣都叫做順返😮‍💨果位女待應嘅服務真係👎，完全唔了解自己公司賣緊d咩比客人,又迴避客人😤😤下次買外賣都係搵返果位男經理💯

Set lunch 幸福鳥串燒六盛盒 $198 ，包沙律菜、麵豉湯、白飯，串燒有牛舌、雞翼、雞髀肉、免治軟骨雞肉棒、冬菇、翠玉瓜。牛舌芯厚身但柔軟，肉味濃！其他串燒也不錯，只係雞腿肉偏乾身，吃落肉質頗硬。另外叫左拉絲芝士玉子燒，中間芝士有少少流心，食到有鰹魚湯味，好味！如果減啲咸味就更好了！汁燒原條九州槍魷魚，燒得香口又惹味，如果佐酒就超正喇！蒜香粟米不過不失，總覺得蒜同粟米不太夾。環境舒適，服務員值100分！

今日嚟咗呢度試下，揀咗串燒set。落咗單先至知道沒有牛舌，即係全雞宴。味道是OK的，不過沒有牛舌，感覺就失色一點。被安排咗坐喺入邊，感覺入邊嘅座位係有點熱！整體感覺，不過不失。但係都想讚下佢嘅服務，都唔錯！店員都好有禮貌。

因為慶祝結婚週年紀念，但今日又要返工，所以晚餐想在太古城中心吃，於是早上在open rice 找太古城中心食店，發現「幸福鳥」在太古城中心新開，所以即時訂位，訂位時還有告知送清酒及小食，放工準時到達，一入門口已有職員詢問有冇訂位，帶我們到卡位坐，很快地已有女職員上前介紹食物，非常有禮貌，每一個職員都很殷勤，今晚吃得很開心，他們知道我們結婚週年紀念，送了很多食物及coupon 。

喺呢度訂枱有嘢送，仲預留咗張卡位畀我， 招呼唔錯幾好，經理仲請我飲酒 ，但食物質素就一般，春節限定磯燒鮑魚真係唔掂😵‍💫，其他串燒唔夠香都唔夠味，海鮮鍋隻🦐就麻麻， 希望佢哋快啲改進等我下次再嚟

位於港島東老牌商場、屹立三十多年的日式百貨，近年動作頻頻。繼縮減規模至剩下地面及地庫，去年又開始了大翻新；地面先行亮相，整個變得更光鮮和簡約。這樣一變，原本位於角落的日本名牌咖啡廳也被更換了。這天未有預訂之下來訪，發現這主打燒物的新店人氣甚盛，首輪坐滿之餘，還有一長串碰運氣的電話號碼。心急地等了又等，排在前面的等候客人，很多已轉到其他食肆了，我們得以在次輪入座。這已是一份幸福！選擇多，但胃口和荷包都容量有限，只好選幾款特別有興趣的來試；而名物「幸福焼き鳥」($188)，也要待第二次光顧時才點。今回綜合起來，與各位分享！在此特別「插播」：幸福鳥駕臨！吃到此，還有一味菜未到；催促之下，開胃菜變了「餐後菜」…回顧這個光顧經驗，即使抵扣集團的兩張現金券，每位消費 (不包括第二次去吃的幸福燒雞) 都超過$270。同一筆預算，您會作何選擇？

黎得太古城，對佢既餐廳都有一定既期望。今次呢間望落個裝修好日本風咁，晚餐唔知食咩就試試佢啦！叫左幾串串燒、飯團同埋海鮮鍋。串燒都仲叫做正正常常，不過海鮮鍋就真係o咀喇🤣上菜果下以為係十年前去左快餐店食火鍋咁😂湯底係大路味精湯，食材就有眼見啦，就係普通到冇得再普通既野。食落就係快餐店既質素。（但緊呢個要$188再加一）串燒既肉冇咩肉味。因為店名叫幸福鳥所以有期望！所以最後就失望左喇！🥲最搞笑係佢個所謂前菜係要收每位$20。當佢收茶錢喇，服務又唔到位，茶杯吉左，有人行過幾轉都唔會添！呢間野下次真係唔好搞😂唯一要讚下既係店既裝修。

店舖地址在以前舊UCC Cafe，門面漂亮，滿心歡喜去試新餐廳，可惜串燒一點也不香口，像是用微波爐翻熱一樣，沒有什麼好推介，而且價錢貴，一串墨魚串燒索價$88，食物質素和價錢不成正比。

食物好一般，啲串燒好咸，其他嘢就冇驚喜，好多地方都食到果種，不過就完全唔值個價錢。樓面都幾friendly，不過企喺counter果幾位“chefs”就有啲趕客。淨係我地坐果個幾鍾，已經發脾氣左兩次脾氣，一次對住張order單係大聲鬧，當時只有一兩張枱所以叮時有啲擔心自己叫嘅食物。終於有個waitress 姐姐要去呵番先靜啲。不過見佢地冇嘢要燒嘅時間都係喺度玩玩下噤，我就唔喺好鍾意呢種態度。抽氣好差，啲燒嘢食味煙得好勁，冇乜心機坐。