平記富金軒雲南米線

營業中

休息中

近排好多人介紹既米線今日終於試咗 官涌街市對我來說都幾陌生 今次第一次踏足 坐低當然要叫佢地既招牌-黃酒煮雞米線 加左邪惡大佬之二 大腸及腩肉因為必食之一 份量十足 先說米線煮得偏硬身我自己比較喜歡淋身d 大腸都入味的 熟悉的豬腸味明就明 腩肉 唔係好大舊肥膏個款 都淋身 最後係湯底 黃酒煮雞 我認識嘅係客家菜＂味道有啲唔同 𥚃面有紅棗、杞子、薑片及黃酒 微微的甜味 黃酒味好出 出到有小小小苦的感覺 雞肉份量十足 煮得剛剛好 唔係煮到好老個d 重有一點每一碗湯底都會煮一次先再比客人 好有心地方係傳統街市熟食中心feel 如果要特登出來食 就唔會啦 經開冇乜野想食可以一試

公司麻辣米線，好食😋盛惠$60 冬菇炆得好入味豬頸肉好食最驚喜係兩件豬紅，超好食豬肚入味蘿蔔甜有一件魚餅嘅物體。不錯重點係肉碎超正👍🏻😉如果真係要彈嘅，湯底有啲油膩嘅感覺只需要加$3就有凍飲🥤一杯👏🏻👏🏻👏🏻

今日剪完頭髮，之前睇到米線關注組有介紹呢間米線，就行過嚟試下，買個外賣返屋企食，雖然我屋企要大約30分鐘車程，都想試試，今次忘記咗，無影相，上面有人話小辣都好辣，我今次都喺叫個小辣試，餸有腩肉，蘿蔔，炸醬，可能本身我唔鍾意食太肥嘅豬腩肉，所以豬腩肉我覺得麻麻地，另外兩個送到幾好，湯底都幾好，至於小辣就唔喺好辣，都無譚仔小辣咁辣，所以今次嘅試食唔錯，我有時間會再去食。

其實我一向有睇開米線關注組🤣🤣所以今次嚟到受到米線關注組吹棒嘅平記富金軒雲南米線試下係咪真係咁好食😌富金軒位於佐敦官涌市政大廈嘅熟食中心🏢所以個到地下係濕濕地 枱凳都比較舊🗝就係普通熟食中心嘅質素 不過入面係無冷氣😂如果夏天去再食碗麻辣米線應該熱死🤣但係我今次就無堂食 叫左外賣～🐷招牌腩肉炸醬米線+豬軟骨（麻辣小辣）💰$𝟓𝟎（$𝟒𝟏+$𝟖豬軟骨+$𝟏外賣）首先值得一讚嘅係佢地嘅米線 係粗身個種😇但因為米線冇分湯嘅關係 起碼都浸左半個鐘😳但米線依然爽口彈牙😋🙀湯底亦都好夠熱 由店家每日用新鮮豬骨熬製🐷但係辣過頭 導致淨係食到辣味 完全食唔到豬骨味🥵我嗌小辣 但係我覺得辣到係似中/大辣🌶🥵麻係有做到👍🏻而佢個種辣係嗆喉個種食到個食道同個胃係有少少火燒嘅感覺🥶但又唔算好惹味🥺所以真係有少少失望🥲湯底都幾油 不過其實餐牌有寫到💡如果想減低油份效果可以提出走肉碎😬但其實我都唔係好分到其實係炸醬定肉碎🤣食落就係普通肉碎🐷至於腩肉係薄片個種 但都幾大舊都有少少嚡 味道不過不失🤓反而豬軟骨又幾好食喎 夠入味又夠淋😋可以一試🥰🌟整體而言：雖然佢地最出名嘅好似係黃酒雞米線🐤但我覺得一間好嘅米線鋪就算係普通

成日都聽人介紹呢間在熟食街市嘅黃酒煮雞米線好正，雖然我識整但都想試下。而我都試過嚟到佢收緊檔好失望。難得星期六响尖沙咀下午做完嘢肚餓要搵野食，諗起個米線於是過嚟食。下午五點多到唔多人，因為係市政熟食中心嗰啲大圓枱，而家如果要搭枱就唔食了。本來想食黃酒煮雞米線，但我抗拒不了小窩米線，因為都好耐冇食。平時我會叫大辣或者勁辣，但因為呢排有啲胃痛，所以只叫了中辣。餸方面點左鴨腎同豬潤，再一杯凍檸茶少甜，只係49蚊。食完後面嚟左一枱叫左個黃酒煮雞，真係好香，下次要試。

我今日慕名而來，下午四點鐘都有七八成人。來到時好多餸都無晒。最後叫左腩肉米線，湯底夠味，小辣係唔太辣，好多地方小辣已經好辣。腩肉都好入味，亦淋，唔太韌。性價比都好高。

佐敦熟食中心有間專食米線的「新龍江富金軒」，去熟食中心當然唔講究環境啦，不過今日天氣涼還好，有軟墊有背椅坐，枱面有提供紙巾、搓手液、即棄筷子，算係甘啦試下店內爆紅既「黄酒雞湯米線」$47黃酒雞湯米線既雞湯以客家黃酒雞熬煮而成，加入大量雞件、杞子、紅棗、薑片等配料，湯頭清甜，啖啖回甘，幾乎全碗飲晒，之後冇口究，證明冇落重味精，正！而雞件份量十足，醃得好入味，食落濃郁又嫩滑炸醬（加$8）超大碗，微辣加豆瓣醬非常惹味，伴米線食一流凍檸咀茶+$5 大十杯，茶唔苦澀，唔錯

各位師兄、師姐：有時間嚟分享吓大家既美食經驗🙏🏾😉🗒是日精選：老闆娘（阿媽家姐）公司酸辣米線今次啲餸多到我連米線都食唔曬，忽然轉冷❄️上嚟飲個熱湯🔥好治癒😋材料：（太多，不能盡錄）1）豬紅（最愛）可惜賣剩3件2）冬菇（超厚身）睇相都見到厚過10mm3）豬頸肉（超爽）4）雞件（好滑）5）豬軟骨（加左薑醋味）💯豬紅好入味；豬頸肉爽；冬菇好好食米線有口感咬口👍🏾（今次飽到食唔曬）呢到最好既味始終都係：「人情味👍🏾」☺️☺️六點前「富金軒」始終係我首選，老闆娘話呢排都會收晚上20:00👈🏾👈🏾👈🏾👈🏾👈🏾大家食米線🍜又多個選擇了💯😋#第N次食#酸辣不油湯底#公司米線#超厚冬菇扒#阿媽家姐#世一黃酒雞米線#富金軒

今晚帶老媽子試試依間隱世米線，試了最有名氣的黃酒雞米線，湯底的確係好，清澈食落唔口乾，有小小黃酒香，料頭有中大量杞子，紅棗，小許薑，依碗野相信係女仕欣物，秋冬食佢亦係暖胃既好選擇，雞件充足起碼有10件，我自己再加了菜與豬紅，豬血亦入味，夠身，米線煮得剛好，小小爽身但足夠霖，我幾乎飲左2/3碗湯，真心正，另叫了杯凍奶茶，出奇地又唔錯，未至於老茶記水準，但我已經覺得比好多連鎖垃圾快餐店好得多，應該會經常再來

每個星期都會去富金軒食一次既我，有啲慚愧而家先為佢寫上第一篇食評。係社交平台關注組認識呢間小店，位置並唔算太方便，環境亦唔係最好，但呢度反而有最好食既米線，同埋最有人情味既老闆娘同老闆。例牌一配公司米線，麻辣湯底大辣，坐低涼住冷風機，一碗剛剛煮好、熱騰騰既米線好快上枱。公司米線類似似譚仔既過橋米線之類，但餸就由老闆娘發辦，多數都會有豬牛雞內臟，再加上丸類、冬菇等。如果唔食某種肉類或者內臟，又或者全要豬肉類，可以落單既時候同老闆單聲，甚至乎為左迎合市場需求，連芽菜底生菜底都有，真係有求必應架。富金軒每一碗米線都堅持落單即煮、炸即炒每一次嚟食都未試過失水準，湯底麻、辣適中，米線面有一浸薄身既紅油，我覺得可接受，無唯一咁油膩同死咸，呢度相對有層次。分量十足，啲餸加加埋埋最少有8款，lunchtime 食完夜晚真係好耐都唔會肚餓，特別推介既係豬膶，冬菇，豬頸肉！嚟左呢度食得多，好自然會認得老闆娘同埋老闆娘時不時都會同我地傾下計，而老闆娘都係一個好肯試新嘢既人，會不斷改善，求變求新，唔會故步自封。好開心見證到老闆娘果份努力得到認同，同時欣賞老闆娘堅持每碗親手煮，無因為好生意而請人番嚟煮，咁樣先保

呢間已想試好耐，今日終於有機會去試了。首先論環境，真係應該好多人接受唔到。今日天空尚算涼，幸好的我無出過汗。但見到檔口的格局，心裡沈一沈，咁出名，係未可以執返好少少😧由落單到米線到，要成20分鐘，趕時間真係要諗諗。最攪笑杯咖啡，原來係用咖啡粉開的。冒名而來的黃酒雞米線出場，飲咗啖湯，無錯係好濃酒味，但老實，湯底唔好味，好勉強的食咗半碗，真係頂唔到，放棄了。臨走時高處見到米奇啲friend ，重要好大隻。嘥quota 的一餐😑

-{佐敦街市大熱小鍋米線🍜}官涌街市嘅大熱米線😉今次encore但試另一款米線😎🤤黃酒雞湯米線🤤 ($44)個湯冇味精味 係好香濃嘅酒加雞嘅味😚係超級多雞件😂😂😂好誇張食極都有咁 麵質都係彈爽仲要份量真係好多🥰以下順序排最推薦嘅餸😛炸醬: Encore🤣😍係一粒粒嘅肉碎😍🤩係少少辣嘅有麻香 本身都有豬肉味 係食過最好食嘅肉碎大腸:有用滷水醃過😌洗得乾淨唔臭 份量都多😜👖褲評: 8.8/10報道都講過係每碗即叫即煮食得出好比心機煮🥳必試黃酒雞😌性價比: 9.5/10服務: 8/10環境: 6.5/10🚩 平記富金軒雲南米線 🚩地址: 佐敦寶靈街17號官涌市政大廈2樓熟食中心CF4號舖#fuudjai #fuudjai #fuudjai港式 #fuudjai佐敦

好耐無推介過米線啦，呢間開喺熟食中心入邊嘅小店，本身嘅知名度都唔係叫做特別高。但係佢又好特別嘅米線湯底令到佢開始慢慢喺啲米線關注組到備受推薦🙊作為忠實粉絲嘅我，見到開始有人讚賞佢哋嘅米線就梗係即刻要去試吓啦🤪-🍜金牌過橋米線過橋米線，其實就即係每樣材料都有少少咁。最啱我呢啲咩都想試吓嘅人🙊基本上豬軟骨，火腿，紅腸，腐竹咩都齊，加上濃濃嘅湯底，唔會太咸，米線又唔會煮得太冧，煙韌到啱啱，好大大碗夠曬飽🤤今次叫咗少少辣，惹味又上癮🐥黃酒雞湯米線 加豬頸肉 其實咁遠黎到最想試就係呢一個湯底配米線，平時食嘅米線最多都係藥膳湯或者豬骨湯，好少有舖頭會有黃酒雞湯。一黎工序都比較麻煩，二黎成本都應該會比較貴。米線一上枱嘅時候已經有好強嘅酒味，先飲一啖湯，入口嘅第一個感覺係一個好濃烈嘅酒，後勁就會開始慢慢有雞湯嘅感覺。佢一碗米線雞嘅數量都幾足，大大話話都有五六舊。睇得出佢嘅湯底絕對唔少材料，基本嘅杞子，紅棗都必定有。唯一我就覺得湯底嘅酒味偏濃，感覺上餐廳落得太多黃酒😂我真係擔心自己食完呢碗米線會唔會醉左😂 秘製豬頸肉嘅味道都唔差，加$10都有3 4塊，食起黎惹味又唔會太咸🙊-🍹飲品方面，今次我地想專攻米

米線店黎講富金軒唯一輸既就係環境，呢個係好難入佢數既因為佢係位於街市頂層熟食中心裡面，仲要係一個冇冷氣既熟食中心，我要求既就係佢自己店野食同餐具整潔就好。每間米線店都有佢既招牌餸，欣賞呢間有個公司米線，由店去執餸俾你食，每次食都有驚喜，好似抽盲盒咁自己食過既餸有雞件、豬潤、豬頸肉、魚腐、豬軟骨、豬紅都好推介好味同分量都好夠！湯底黃酒雞湯，酸辣湯都正。老闆佢地對客都好禮貌同好客氣的，家庭式運作，係用心出品既好店。

黃酒雞湯米線招牌腩肉炸醬小鍋米線 + 豬頸肉黃酒雞湯超重黃酒味，😋如果鍾意陣酒味嘅就啱晒，雞肉都彈牙。比超出面嘅醉雞米線，呢道嘅黃酒雞湯都真係喺相當唔錯👍。個小鍋米線雖然唔喺好震撼，但應有嘅都有，有小小鑊炒香味，有肥瘦肉碎，絕對合格。食物出品幾好，湯底夠濃味，d米線爽口唔會淋。推介黃酒雞湯米線。但環境都幾考個人能耐🙈🙈🙈因為有會小動物行走。