影片
更多
2022-07-26
662 瀏覽
好耐無推介過米線啦，呢間開喺熟食中心入邊嘅小店，本身嘅知名度都唔係叫做特別高。但係佢又好特別嘅米線湯底令到佢開始慢慢喺啲米線關注組到備受推薦🙊作為忠實粉絲嘅我，見到開始有人讚賞佢哋嘅米線就梗係即刻要去試吓啦🤪-🍜金牌過橋米線過橋米線，其實就即係每樣材料都有少少咁。最啱我呢啲咩都想試吓嘅人🙊基本上豬軟骨，火腿，紅腸，腐竹咩都齊，加上濃濃嘅湯底，唔會太咸，米線又唔會煮得太冧，煙韌到啱啱，好大大碗夠曬飽🤤今次叫咗少少辣，惹味又上癮🐥黃酒雞湯米線 加豬頸肉 其實咁遠黎到最想試就係呢一個湯底配米線，平時食嘅米線最多都係藥膳湯或者豬骨湯，好少有舖頭會有黃酒雞湯。一黎工序都比較麻煩，二黎成本都應該會比較貴。米線一上枱嘅時候已經有好強嘅酒味，先飲一啖湯，入口嘅第一個感覺係一個好濃烈嘅酒，後勁就會開始慢慢有雞湯嘅感覺。佢一碗米線雞嘅數量都幾足，大大話話都有五六舊。睇得出佢嘅湯底絕對唔少材料，基本嘅杞子，紅棗都必定有。唯一我就覺得湯底嘅酒味偏濃，感覺上餐廳落得太多黃酒😂我真係擔心自己食完呢碗米線會唔會醉左😂 秘製豬頸肉嘅味道都唔差，加$10都有3 4塊，食起黎惹味又唔會太咸🙊-🍹飲品方面，今次我地想專攻米
-
🍜金牌過橋米線
過橋米線，其實就即係每樣材料都有少少咁。最啱我呢啲咩都想試吓嘅人🙊基本上豬軟骨，火腿，紅腸，腐竹咩都齊，加上濃濃嘅湯底，唔會太咸，米線又唔會煮得太冧，煙韌到啱啱，好大大碗夠曬飽🤤今次叫咗少少辣，惹味又上癮
🐥黃酒雞湯米線 加豬頸肉
其實咁遠黎到最想試就係呢一個湯底配米線，平時食嘅米線最多都係藥膳湯或者豬骨湯，好少有舖頭會有黃酒雞湯。一黎工序都比較麻煩，二黎成本都應該會比較貴。米線一上枱嘅時候已經有好強嘅酒味，先飲一啖湯，入口嘅第一個感覺係一個好濃烈嘅酒，後勁就會開始慢慢有雞湯嘅感覺。佢一碗米線雞嘅數量都幾足，大大話話都有五六舊。睇得出佢嘅湯底絕對唔少材料，基本嘅杞子，紅棗都必定有。唯一我就覺得湯底嘅酒味偏濃，感覺上餐廳落得太多黃酒😂我真係擔心自己食完呢碗米線會唔會醉左😂 秘製豬頸肉嘅味道都唔差，加$10都有3 4塊，食起黎惹味又唔會太咸🙊
-
🍹飲品方面，今次我地想專攻米線湯底，無特別叫野飲。但係其實餐廳普通嘅凍檸茶凍奶茶都有，大家想飲都可以叫。
P.S呢間始終位置喺熟食中心，環境並唔會好似其他普通餐廳咁乾淨。但係個人認為雖然係熟食中心，餐飲嗰個位置都叫做幾企理，如果大家好擔心污糟嘅話，咁就再考慮一下去唔去啦😌
張貼
