影片
以上資料只供參考, 請與餐廳確認詳情
-
網上訂座服務暫停
今晚同朋友去了這間位於大鴻輝(荃灣)中心12樓全層嘅常滿百家菜食飯，這裡最大賣點，除了有任食火鍋外，還有另一個選擇，就係任食小菜，在無限時任點任食，在點菜紙上嘅幾十款小菜及點心放題，對於平時喜歡食開火鍋任食嘅朋友又多了個新選擇，落單後店員即按人數上了彈牙爽口嘅蠔皇扣鲍魚及口感滑潤及濃郁的奶香嘅蒸雙皮奶一份本身喜歡食點心，佢嘅選擇亦十分大路，有大大隻又彈牙嘅蝦餃皇、同樣份量十足嘅鮮蝦蒸燒賣，多點幾次就已經返了本，而其他點心同樣出色，炸雲吞、咸水角、蘿蔔絲酥餅、芋絲炸春卷，亦十分香口，所有點心落單先蒸，夠晒新鮮！而今晚除了點心外就係任點任食小菜，今次點了外脆內軟酸甜醒胃嘅菠蘿咕嚕肉、樟茶鴨皮脆肉腍，肉質色澤亦較深，香氣濃郁、獲氣十足嘅京蔥爆牛肉，入口牛肉嫩滑京蔥爽脆，帶有甜香和鹹香、粟米魚柳，魚柳炸到外脆內軟，再淋上粟米粒芡汁，非常開胃、京式賽螃蟹入口鮮嫩爽滑，碟碟分量都唔算大，但要樣樣食就真係未必得，人多想試多啲就冇問題，如果人少少，都係重點選擇，以上菜式都係口味不錯嘅選擇！店內亦有個熟食小區，都係酒樓內常見食物，落單前亦可取小吃，而這裡還有任飲汽水啤酒，最愛就係佢嘅樽裝汽水！十分傳統！整晚感覺食物質素絕對滿意，上菜速度快，點心即點即蒸，所以時間會耐少少，但絕不走單！一個價錢絕對超值！
繼續閱讀
收工打算同個朋友飲夜茶， 朋友有間好嘢推介， 佢話又有得食點心又可以打埋邊爐，仲要好抵食， 任飲任食冇限時。呢到好中式茶樓feel，咁夜都咁多食客，都坐滿咗8/9成。乜嘢都係自助嘅，坐低即刻調返個醬料先，呢啲都係基本嘢，重點係佢有桶自製豆腐花，仲有黃糖可以自己落，豆香十足，好滑。火鍋配料主要都喺自助區 自提自取，有部分可以用紙落單，選擇都幾多，除咗一般嘅丸類/蔬菜之外，我覺得佢嘅牛舌/海蝦/魚頭，都很新鮮值得一食。選擇真係包羅萬有，一定要留肚，食多啲，冇限時嘅火鍋點心放題，回本冇難度。海蝦還是活的，好生猛。不得不提呢到嘅點心，全部即點即蒸，蝦餃/燒賣勁出色，餡料真材實料，好巨型。炸饅頭都係即叫即炸 入口嘅時候熱辣辣，配埋煉奶係最佳配搭。飲品竟然有一支支嘅玻璃樽汽水提供， 好耐都未飲過玻璃樽嘅汽水，好夠氣，凍冰冰，好爽。 啤酒都係無限量供應，任飲的。甜品方面有自家製糕點及啫哩，仲有一杯杯唔同口味嘅雪糕提供。
繼續閱讀
這間酒樓推出的無限時點心火鍋放題，每位竟然只需$215，還送羊腩煲一鍋，超級抵食！點心和火鍋湯底及配料的選擇甚多！羊腩煲湯汁濃郁，羊肉夠嫩不羶，支竹馬碲均非常入味。另設有自助區自取火鍋配料，還有不少熱盤炸物鍋物和甜品，可以邊吃邊等上菜，最驚喜是每晚8點後自助區還有片皮鴨任取！飲品同樣任飲，有罐裝飲品、汽水、啤酒等，最喜歡他們竟然有懷舊樽裝維他奶，有冷有熱非常周到，禁不住喝了好幾支！甜品除了多款雪糕外，還有酒樓經典糕點及糖水如桂花糕、馬豆糕、椰絲啫喱、芒果布甸、紅豆沙、蕃薯糖水等，嗜甜之人大滿足！
繼續閱讀
今次帶大家嚟到荃灣眾安街嘅常滿百家菜，位置方便，氣氛熱鬧，家庭聚會或朋友飯聚都啱曬！呢度最近推出咗無限時點心同火鍋放題，仲有多個必食新推廣，真係CP值爆燈！📍香港荃灣眾安街55號大鴻輝(荃灣)中心12樓🍲 火鍋放題火鍋區精選肉類選擇多：有肥牛、牛頰、牛肩、豬肉片等，全部都切得厚薄適中，入口鮮嫩。仲有手打蝦滑、鮮鮑魚、大蝦等新鮮海鮮任攞，海鮮控絕對會開心到飛起！配料方面有多款新鮮蔬菜、菇菌、粟米、豆腐等，湯底鮮甜，火鍋配料齊全，打邊爐感覺一流。🥟 無限時點心 x 經典茶樓味道點心方面選擇豐富，無限時任叫，完全冇壓力： - 蝦餃皇：皮薄餡靚，蝦仁爽口彈牙。 - 燒賣皇：肉香味濃，帶少少蟹籽，啖啖肉汁。 - 鳳爪：鹹香惹味，入口即化，醬汁好惹味。 - 奶皇包，叉燒包：甜品類點心，餡料香甜，包身鬆軟。 點心款式多到眼花撩亂，啱晒大胃王或者打卡一族！🦆 晚上限定片皮鴨最大驚喜！每晚8點後，自助區會有片皮鴨提供。師傅即場切鴨，鴨皮脆口，鴨肉多汁，配埋薄餅皮、青瓜同甜麵醬，完美還原北京片皮鴨經典風味！去得啱時間記得留肚等食，完全唔輸比外面高級中菜館！🥤 飲品自助 x 港式經典飲品冷櫃有大量懷舊汽水（樽裝可樂、維他奶等）任拎，打邊爐同食點心最啱，無限refill，飲到夠本！環境寬敞，座位多，適合大group聚會或家庭飯局常滿百家菜依家嘅無限時點心火鍋放題真係性價比超高，羊腩煲暖笠笠令人難忘，片皮鴨限定驚喜加分！點心選擇夠多，火鍋配料新鮮，飲品夠多款，每個細節都見心思。食量無底or想搵地方chill半日嘅你，呢度絕對值得bookmark再嚟！
繼續閱讀
以前成日睇宣傳易都有呢間餐廳嘅廣告😂標榜任食點心同自助火鍋，兩樣都係我鍾意嘅嘢，所以間唔中都會去吓。老實講，其實佢只係一間好普通同埋古舊，仲有少少麻甩嘅酒樓，環境有啲殘舊同嘈吵。但係價格同埋食物我都覺得幾好。夏天周圍打邊爐都有提供冬瓜盅/冬瓜湯底，呢度都唔例外。但係估唔到一間咁隨意嘅餐廳，佢都會將個冬瓜擺得咁精美俾我哋。而且店員仲會周不時過嚟提醒我哋冬瓜要煲腍啲先切，如果唔係好易整親。食物方面其實選擇唔係好多，都唔係話好精美好高級。有部份係自己剔紙仔叫嘅，另外丸菜嗰啲就喺出面自助吧自己拎。🐂肥牛方面本身對佢完全冇期望嘅，但今次竟然出乎左我意料。啲肥牛完全唔似平時啲cheap牛一大塊肥膏連住少少肉，入口有牛味而且唔鞋。（請原諒我掛住食唔記得影😂）🐟平時喺出面叫魚頭都會斬到好細舊或者叫好多轉先嚟一轉。但係呢度好大方，斬到大大嚿，而且長叫長有，我哋都encore咗好多次。🦑我最欣賞嘅係佢啲手打墨魚丸。入邊有粒粒墨魚肉，食得出佢係真材實料。🐗另外仲有得叫滑牛，雖然明顯有乸過，但係都依然有肉既口感。除咗火鍋之外，呢度都仲有得任食點心，不過其實食吓食吓都好飽，食唔到幾多點心。我哋淨係叫咗蝦餃🥟蝦餃雖然皮唔薄，但係餡幾靚，入面好多蝦，而且好爽口。大大隻咁都幾好食。之前嚟都有食過佢其他點心全部都很不錯🤤我自己比較建議平日嘅晚上呢度，會好過星期六日，人多起上嚟呢度都真係幾嘈同埋成日漏單嘅。
繼續閱讀
您可能會有興趣的...