巴辣仔烤魚雞煲 (加連威老道) (已結業)

👧🏻Wodafoodie in Tsim Sha Tsui女仔不嬲鍾意食米線/粉麵🍜 但我估唔到呢間烤魚雞煲專門店既湯麵又平又咁出色😍✨ 🍜正宗四川香辣米線或薯粉 $44我揀左米線 中辣 牛栢葉 滑牛肉 娃娃菜 走腐皮一上菜嚇親我 勁⋯⋯大碗🍲！！！🐮滑牛肉同牛栢葉都幾新鮮好味 牛栢葉爽口彈牙😍米線同菜都好多 米線偏腍 但我幾鍾意😋🌶中辣好惹味 不過就好多辣油 想食得健康d可以好似我咁”不”走d油先食😝我食到好飽都仲有好多米線 真係又平又大碗 好味又抵食！😍😍😍佢麵底$23/碗 有四種辣度或可揀清湯 仲有成50種配料俾你揀同食車仔麵差唔多 每款都係$5/$8如果嫌麻煩都可以直接叫佢既正宗四川冒菜套餐或者午市其實都有其他飯/烤魚呢到落單係自己scan QR code 唔收加一 環境都幾闊落舒服 Lunch我會繼續黎食架！☺️🥰📍 巴辣仔烤魚雞煲 (加連威老道) (尖沙咀)尖沙咀加連威老道58-60號幸福大廈地下及1樓

之前係深圳經常食烤魚，但因為疫情返唔到去，係香港食既始終覺得唔太正宗，今次係同事推介，話呢間巴辣仔烤魚雞煲相當正宗，今日收工就黎試下。原條烤魚 $358 呢個價錢仲可以自選四個配菜！我揀左豆卜、金菇、蘿蔔同雞髀菇。好期待一見烤魚既廬山真面目～落單後大概等5-10分鐘就送左上黎，等待期間仲有餐前水果可以食，有哈密瓜、西瓜同埋車厘茄。上菜後，嘩～見到成條烤魚好大條，而且配菜巨多，魚肉非常新鮮嫩滑，魚皮炸得微脆，再融入小辣湯底，真心好食，應該係係香港食過最正宗既烤魚😍😍😍👍。招牌肥腸 $52鮮粉腸 $45配菜價錢唔貴都非常大碟，而且清洗得好乾淨，冇任何異味，食得好安心😋😋😋大大杯鹹檸雪碧$35呢個飲品真係可以用無敵大杯黎形容🤣🤣，睇下我隻手都唔夠佢手柄大😂😂，真心一杯已經夠二人飲，我諗老闆既原意應該係驚大家食唔到辣所以準備咁大杯飲品既😌😌。總結：環境唔錯，坐落幾舒服，食物質素高，而且唔貴，人均都係200幾，最緊要係食得滿足姐～

聽朋友介紹依間幾好食，放工即刻過嚟試下，雖然無訂位但都有位唔洗等，luckyyy原先諗住試佢個冒菜，但原來午市先有得食，晚市主打雞鍋同魚鍋，有火鍋配料可以單點，另有自助bar，醬料飲品生果任拎叫左藥膳醉雞鍋 (全隻)，雞可以揀半隻/ 全隻，平時出面食開雞煲叫全隻都係唔足一隻，點知依度竟然雞係另上，夠足料👍講返個湯底先，藥材好足好夠味，對唔中意重藥材味嘅朋友仔黎講可能會濃咗少少店員好貼心，見湯一滾就想幫手落雞件，不過既然雞另上，就梗係自己一路食一路落，唔洗驚過熟又可以慢慢食，店員仲即刻俾多兩對筷子🥢我哋用嚟夾生料雞件口感幾滑，好食韮肉豬肉餃，竟然有8隻，皮唔會太厚，抵食娃娃菜，平時打邊爐叫菜都係得幾片，依度算多，塞得幾實蜂巢凍豆腐，口感略實同粗糙，不推薦整體嚟講，份量夠，抵食，另外無標明用餐時間，食客都可以同朋友傾吓偈慢慢歎，下次會試埋個魚鍋😋

最近先知原來尖沙咀旺區開咗間食烤魚嘅餐廳！餐廳位於加連威老道近尖東位置，都好容易搵到。餐廳有兩層，7:30都已經差唔多全院滿座！睇埋餐牌就覺得食物款式多，有烤魚同雞煲，價錢唔會特別貴。自助區有醬料同生果選擇。原條烤江團魚$358，仲可以任選四款配菜免費: 海帶、腐竹、豆卜、薯仔。肉質鮮嫩唔難口，食落啖啖肉，唔算多骨，配埋小辣嘅湯汁，好惹味！另外配菜都係屬於索湯類，正！我哋仲叫咗其他配料。滑牛肉，份量都好多，兩個人未必食得晒。蜂巢豆腐，索湯一流！自家製紫菜響鈴卷，紫菜味好香，好少餐廳有紫菜響鈴卷，嚟到當然必點！響鈴卷大大件，夠晒飽肚！飲品方面最給正嘅係超大杯飲品，呢度有好多款特色飲品，雪燕、桃膠等都有得叫而且價錢仲好平。雪燕桂花紅茶，桂花味好香但係雪燕就唔係好食到。

餐廳開晚市，馬上約老友食至愛的巴辣仔烤魚雞煲。餐廳有兩層，卡座位寬敞又舒適，用QR CODE落單方便又快捷。首先店員用熱水浸泡碗碟夠衛生抵讚我們點左藥膳醉雞鍋，湯底有黨參、北芪、紅棗、杞子、龍眼肉等⋯勁足料，親切的店員幫忙放雞落個煲煮，加上鍋蓋煮到大滾，熄火焗十分鐘，一打開鍋蓋即聞到很香的花雕酒味，雞肉味濃很嫩滑，藥材湯底清甜美味又香濃，女士補身至岩，值得推薦👍👍安格斯牛肩甲，肉質嫩滑，肥肉均勻，牛肉味香，很好吃😋鮮滑牛肉，肉味濃，真不錯。設有自助火鍋醬料和水果，有西瓜🍉哈蜜瓜、火龍果、蕃茄仔，飯後解膩至正。總結：環境寬敞，服務好，食物新鮮又美味，值得回頭。地址：尖沙咀加連威老道58-60號幸福大廈地下及1樓

#巴辣仔 #烤魚 #雞煲 環境舒適，醬料費$15@人，自己調配醬料，提供指天椒、甜/鹹豉油、炸蒜蓉、香蔥等配料，另收+1服務費#bb辣 #烤魚 #原條烤魚 #江團魚 #酸菜魚 $358選了酸菜味，可以選四款配料，而且每款配料也很足料，推介豆卜，很香。原條烤魚很大條，適合二至三人吃，鮮甜爽滑彈牙，湯味濃郁，好入味(*∩´꒳`∩*)♡ BB辣不會太辣，微辣可接受，很惹味。推介#自家製紫菜響鈴卷 $38值得一試，蠻特別，很吸湯而且不會油，浸至軟身都好吃😋#美國肥牛 $98濃郁牛味，不會太肥#王老吉 $14#大大杯凍檸茶 $32超大杯，好多冰，好抵飲，分量大可以兩個人分享( ◡̉̈ )服務質素：7/10環境舒適度：7/10ᶘ ᵒᴥᵒᶅ個人口味評分：9/10

幾個月前試過巴辣仔烤魚雞煲既一人烤沙巴龍躉餐，實在係正到不得了。今日又黎呢度試下另一招牌既巴辣鮮雞鍋先！我地除左巴辣鮮雞鍋，仲叫左一個大蝦冒菜套餐分享。餐廳用QR code 落單，一落完單就有専人幫手用滾水淥過d碗碟俾我地等食。巴辣鮮雞鍋 $148餐廳用個電池爐煲熱個雞鍋，個漏斗漏哂就食得啦。巴辣鮮雞鍋有半隻雞，辣度可揀大中小甚至走辣，芫茜都可以揀多少同走，我哋揀左走辣同多芫茜。雞鍋份量可以，連雞翼尖同雞腳都有，d雞脾肉幾嫩滑，熱辣辣！最鍾意有勁多芫茜加埋d洋蔥，蔥，薑同蒜，吸盡d 汁好惹味。睇返轉頭可能叫小辣會更惹味。總括而言，係一個合格既雞鍋。大蝦冒菜套餐 $53呢個大蝦冒菜套餐一上枱就好驚喜，超大碗！首先可以揀薯粉或者米線，辣度可揀大中小走辣甚至BB辣。我哋揀左薯粉同BB辣，另外加左$5要萵筍條。薯粉煙煙韌韌，又滑溜，好好食，份量唔少。配料有連殼大蝦兩隻，兩條特別鮮甜既松葉蟹柳，三隻超級爽脆既墨魚仔，四塊好鮮甜既鮮魚皮，豆皮四塊，包心菜，金菇同好多芽菜。加錢要既四大條萵筍條好爽脆。BB辣湯底微辣好味，蔬菜量足而且味道好。$50左右一大碗粉都算抵食。今日早黎，霸到一樓卡位，坐得好舒

食冒菜薯粉，$23超大碗，上菜的時候個碗嚇到有點驚喜。自由配，選了鮮腐竹、冬菇、雲吞，簡簡單單的風味卻很好食。環境很大我自己一個坐卡位，真開心。加$12就有雪燕飲品，原本以為一個普通杯，原來是用台式飲品裝的，升級！

食有味的野最好就係出街食🤪唔駛整到成屋都係油煙味😁所以雞煲🐔🍲我一定係出去食😝因為又要爆炒d油彈到周圍係😎,最重要唔駛清潔之前同事推介過tst有間雞煲都唔錯所以一於去巴辣仔食埋下午茶先回家🤪話明係下午茶所以冇叫好多野食，二人只係叫左半隻雞(小辣) 滿足下口腹，當然唔少得就係tea with lemon 🍋🥤啦而家堂食晚市都暫未開放，唯有提早食埋晚餐，呢餐下午茶食完回家後都唔駛再食晚飯了😁

平時返工經過見到新開左呢間食烤魚嘅餐廳已經嘗試，但係最近又冇咗晚市所以一直都未試到🙈早幾日趁放假就可以同朋友一齊嚟試，冇記錯佢前身係史努比餐廳，依家變咗做食雞煲食烤魚，餐廳環境一樣有兩層座位，地方都好闊落，靠近卡位嘅位置有啲陽光囇入嚟好舒服🐟 一人烤魚飯 (花鱸魚) $98有冇諗過午餐都可以食烤魚仲可以係一人份量😆因為平時食都係要至少兩個人或者一大班人咁樣一齊食先得，呢度就有烤魚午餐仲有埋個飯或者可以揀米線，仲要係成個爐咁樣上枱熱住比你☺️我揀咗小辣，但係食落去就好似唔係好辣😆所以鍾意食辣嘅朋友可以做大辣試下，魚質嫩滑，而且好足料一路熱住條魚一路滾啲香料好香😋🥢 四川香辣米線 $23 (配料另計)呢個我就揀咗中辣，轉左紅薯粉，原來中辣都唔係好辣😆我哋仲揀咗鮮腐竹、豬腸、午餐肉，呢碗好抵食，價錢唔貴但係就大大碗😋.

呢度主要食雞煲同烤魚☺️但都有好多其他打邊爐配料嗌出面有個小型醬料bar雖然小型，但醬料黎講都好齊全👍🏻而且仲有啲生果可以拎添😬🥢原條烤魚嘩黎到真係嚇一嚇😳條魚好大條！2個人真係未必食得哂😂嗌左香辣小辣，佢種辣係慢慢滲出黎，幾過癮😆小辣都唔算好辣，下次可以挑戰下中辣💪🏻條魚唔算多骨，啖啖肉而且個魚皮輕微炸過？好香☺️魚肉好滑，就算一路煮住都唔會鞋口，唔錯😁烤魚仲可以揀4種配菜，食得呢啲緊係揀啲索味索得勁架啦🤭金菇、豆卜、鮮腐竹，全部好入味蓮藕就爽脆👍🏻都唔錯🥢手打蟹子蝦滑估唔到份量又係幾多喎而且全個面都滿哂蟹子🤣🤣🤣食落唔算非常彈牙，但就好有蝦味😬🍹大大杯龍鳳檸樂嘩真係好大杯😂😂😂有哂檸檬同咸金桔👍🏻-🍹大大杯桃膠玫瑰花紅茶唔會好甜，玫瑰花味重

嚟到冬天❄️最好就係食雞煲暖暖身🌡️，我同朋友今日嚟到巴辣仔就叫咗個藥膳醉雞鍋，湯底有紅棗、杞子、龍眼、花旗參等，好足料，補身至啱，好適合女仔食呢，我自己都飲左幾碗湯。餐廳服務一流，店員幫我哋放隻雞落個煲煮大概十幾分鐘就有得食，個湯飲落去甘甘甜甜，令人一試難忘。隻雞食落去好嫩口，配白飯同啤酒一流。🍺下次有機會一定會試埋餐廳嘅烤魚同米線！！👍👍 $200 2個人食到咁高質嘅雞煲lunch 真係好抵食！

今日真係好凍， 所以我同朋友就一齊去咗尖沙咀度食烤魚，因為都係朋友介紹咁就試下啦， 入到去店員安排我哋坐卡位，而且卡位亦都幾寬敞幾舒適，嚟到呢度咁我哋就梗係叫烤魚啦。原條烤魚(江團魚)+鮮腐竹 + 金菇 + 蘿白 + 娃娃菜，我第一次食江團魚，佢個魚皮我覺得都算幾好食煙煙韌韌，而且都算係多肉，都係啖啖肉， 而且佢個香辣味(小辣) 我都覺得幾辣， 都食到我興烚烚。不過條魚就唔算話真係太滑， 因為始終唔係食班。但就真係啖啖肉。 不過個價錢就唔係話平，咁點都好，佢畀成條魚你食起碼都夠兩人食。 而且我建議點蘿蔔，因為蘿蔔可以吸收咗個湯底D味，令到個蘿蔔更加好味道。紐西蘭羊肉卷:羊肉色澤鮮艷，大家可以參考幅圖啲羊都幾新鮮， 其實呢個羊肉其實我覺得都幾好食，因為啲羊有D騷味同埋佢肥瘦均勻，最緊要羊係嫩口的!大大杯凍檸茶: 佢呢杯大大杯凍檸茶就真係堅大大杯，其實係呢一杯夠兩個人飲嘅， 咁長處就係大杯，你食到好辣興烚烚嘅時候，呢一杯嘢就的而且確解喝解辣嘅。

作為中意食魚嘅我，仲要係烤魚，仲要係辣，梗係周圍搵地方試啦，呢間有兩個fd都叫我來試，所以我中午就來左了，點解特登中午來，因為得我一條友，戰鬥力唔高，而中午有個一人套餐。叫左個一人沙巴龍躉套餐飯，即場用電話做埋會員，陣間埋單仲可以即刻用埋減$15優惠，呢個餐$138，跟餐加嘢飲都係加$6，另外我再叫左個豬雜冒菜跟紅薯粉，因為香港真係好少地方可以食到冒菜。當條魚來左之後，真係幾足料🤤，下面仲有個爐一直熱住，我叫左香辣中辣，不過無我想像中咁辣，大概等於譚仔麻辣三小辣吧，所以嗜辣朋友可以直接叫大辣，肉質都嫩，最緊要外面個層烤得幾香。另外個豬雜冒菜，開頭我以為係得個碗大，點知份量又係多，啲餸仲多過紅薯粉😂整體來講，我幾中意，足料份量大，價錢平，推薦。

環境開揚有兩層，地方大，適合一家大小、朋友、情侶地方 。 基本防疫做足👍🏼自助區有醬料及生果提供（有醬料 HKD 15 / 位 及加一服務費）用QR code 點餐 很方便快捷沙巴龍躉 HKD 388 酸菜味（小辣） 魚感覺有2斤多重！ 非常有份量，這種魚肉相對好有口感，配上酸菜後味道好匹配。 我們點酸菜味中的小辣便很足夠了，因辣度隨著時間而更為入味。 除了主角還有、海帶、鮮腐竹、蓮藕及娃娃菜 美國肥牛卷 HKD 98 油脂比例適中，好有油香味牛肉味重 嫩鴨血 HKD 48一陣子已好入味～如放入麻辣更不得了lol 地址近尖沙咀加連威老道，尖東站或紅磡站中間～ 回去也方便