影片
港鐵深水埗站 A2 出口, 步行約3分鐘
繼續閱讀
電話號碼
26685955
營業時間
今日營業
12:00 - 22:30
星期一至日
12:00 - 22:30
公眾假期
12:00 - 22:30
公眾假期前夕
12:00 - 22:30
以上資料只供參考, 請與餐廳確認詳情
食家推介
今次去深水埗食嘢，無去西九龍中心，反而去地舖搵食。發現一間新開四川重慶菜館，阿姐服務幾好，但到食飯時間都唔算多人，有好多位即刻入去試。睇下餐牌有咩食先飲品仲有一人餐回鍋肉 $88同香港常見嘅上海回鍋肉好唔同，除左呢度炒得比較乾身，味道都有啲唔同。呢度完全無椰菜同豆干，辣味都唔係來自豆瓣醬。佢嘅配料有豆豉、尖椒同蒜苗，食落香口惹味。雖然呢度四川人主理，佢地食得辣，一般香港人未必可以叫大辣。不過原來就算如小弟咁唔食得辣，都唔可以要BB辣，因為佢淨係見到辣椒，但完全唔辣。大盤花菜 $88呢款又係好值得試，出面一樣有福建椰菜花，但一係就咁加辣味香料，好啲嘅會有腩片，再加孜然粉。呢度係用有煙燻味嘅四川臘肉，另外有加花椒，食落過癮好多。聚香緣特色炒飯 $98火腿片蛋炒飯要睇佢地點樣特色法，點解可以賣呢個價錢。上菜果陣，阿姐話平時負責煮飯嘅姐姐休息，所以今日煲飯腍，要炒2次先成功。今次的確唔係米粒分明，不過有另外一種感覺，感覺似糯米。原來特色在火腿蛋炒飯，加入一種配料，呢種配料平時唔會咁用。原來四川臘肉切粒炒飯，可以幫炒飯增加少少煙燻味，但又唔會好似平時咁鹹，呢個配搭幾新鮮。涼拌黄金皮蛋 $68舖頭唔夠燒椒，所以我地今次食涼拌。四川嘅皮蛋比較唔同，佢硬得來，有彈性。醬汁比較清淡，只有少少麻辣，幾開胃。金桔檸檬蘇打* +$18超大杯，金桔檸檬酸甜味，非常開胃解膩，配搭梳打水，感覺更清爽。熱情果蘇打* +$18估唔到呢度嘅熱情果味係咁甜，怕酸比較適合，有果核，應該真係有果肉。不過配搭梳打水，一樣清爽解膩。總數：$378
繼續閱讀
行經老深～好想食辣野咁岩見到尼間細細地既舖仔～人唔多不過食物味好香～就入去試下🤣🤣兩個人叫左（午餐）酸菜魚中辣～入面有寛粉白蘿卜配菜～酸辣味岩岩好～好正🙌🏻梅菜扣肉（午餐）梅菜唔似平時食開甜既～咸咸辣辣咁～扣肉肥瘦分明真係好送飯魔芋燒鴨（散叫）大份～仲要話係即叫即整（姐係要等🤣）不過真係好多～同埋都鮮香味出既～最後建議食辣野都係唔好著淺色衫🤣🤣⚠️頭兩款餸食哂咁製先記得影相🫠🫠🫠
繼續閱讀
听朋友介绍说深水埗基隆街新开了家川菜不错，我今天约朋友过来试一下，点了个酸菜鱼两人吃，这里的酸菜鱼可以跟拒客人的口味自己选辣度，也可以走辣，汤底有老火猪骨汤的味道，鱼片无骨，非常滑！这家店的价格也不贵，一人酸菜鱼还包饭和茶才 65，大份的 158，我感觉非常不错👍是我喜欢的家乡的味道👍服务态度也非常好，听起来厨师和楼面都是我们四川人，推荐大家去试一(^-^)👍👍👍👍
繼續閱讀
今日帶老豆出深水埗買電話卡，買完佢就見到間食川菜嘅餐廳，話好想試吓個酸菜魚！入去試下先！Lunch set: 肥腸 $58 + 凍奶茶少甜少冰（+$3 ）好大碟嘅肥腸，滷水汁剛剛好，唔會好鹹，但係足夠令肥腸入味，肥腸算係大塊，而且唔會太肥膩，好好食😛豬軟骨 $62 + 酸梅湯（+$10）一樣好大份嘅紅燒豬軟骨，帶一點麻辣，啲骨幾軟幾脆，每件豬軟骨都好入味！裏面仲有娃娃菜都入埋味，好正😎酸菜魚 $158: 好大碟嘅酸菜魚，呢個價錢完全物超所值！啲魚多過酸菜，下邊仲有番薯粉，非常抵食！啲魚又滑又香，完全冇骨，拔得好乾淨！ 酸菜魚完全好入味！越食越開胃，送晒個白飯！😛炒黃牛肉 $108有青辣椒，紅辣椒，仲有芫荽，牛肉切得好幼，醃料味道剛剛好，口感肉嫩，整體唔算太辣，都適合大眾的辣👍🏼大家經過深水埗都可以入嚟呢間試吓！又抵又好食！🤩
繼續閱讀
食得出色，辣得招積，老闆，員工友善。因為我幫同事順便買午飯，所以時間緊迫，員工準時落單，讓我能夠盡快由深水埗趕入新界，同事，上師都贊我辦事得力，可以食到可口食品，下次一定再搵我負責，食飽仍然有時間休息吓！
繼續閱讀