巴巴站

營業中

休息中

唔小心亂入巴巴站，唔知道原來佢哋5-6點落場，不過4:45佢哋都肯招呼我，大雨下把遮濕晒，侍應哥哥毫不客氣比個膠袋我入好佢。我嚴重選擇困難，老闆娘好好，介紹我試佢哋呢個咖哩牛奶雞，再加個芒果乳酪凍飲，滿滿印度風味最好味係塊烤餅，又脆又軟咁，加上新鮮熱辣辣，不停點佢哋個牛奶咖喱，一陣就食晒（反而唔想食飯），一啲都唔辣不過第一次來，原來空間係非常之細呢，只有四五張細枱，怪不得成日排長龍，我都係非飯市時間先可以輕鬆食到

行完山餓到暈，要補充一下能量！有杜生加持過嘅鋪頭，要試試佢！呢間印度菜主打真係印度人煮，連個侍應都係印度人！夜晚要5點半先開門，店舖好細得唔夠十個位，我地就坐左七個🤣好彩早黎，如果唔係就要卜位等位。拼盤個烤雞好出色 咖喱好大兜，個飯唔夠餸，叫多左兩份烤餅。正宗印度風味！再黎一人一杯手工啤，仲有買一送一！正！

荃灣好出名嘅一間印度黃店💛我自己好少食印度菜🤣見早去到唔洗點等位就試下呢間黃店喇😛(平時排好長龍!)舖頭細細間, 門面同内在環境除左好有印度風情, 仲有好多文宣💛佢有好多款咖哩揀, 不過第一次食又想乜都試d就叫左個二人餐😋 Kebab & curry 🍛 (set A) $280 for two; $510 for four. 印度雜菜咖哩角 .賣相好普通但食落好酥脆!!🤩唔算好油,唔係平時食個種扁身嘅咖哩角咁, 同埋有d印度香料😋幾好食. 胡椒脆餅 . 好薄嘅印度脆片, 非常脆😚上面有d蕃茄青瓜洋蔥粒食落幾清新😛. 咖哩雞•油酥餅•白飯 . 呢個應該係橙咖哩, 食落甜甜地到最後就會有d辣😂🌶不過食少少辣嘅我都仲頂得順嘅😂 咖哩好重印度香料👍🏻入面都好多舊雞, 個人鍾意用呢種厚身嘅油酥餅點咖哩多過飯😙好好食, 望落係有少少燶但烤得好靚. 唔會好油正呀😋 好鍾意佢個桶同碟好有特色☺️. 牛烤餅卷 .食kebab就諗起去希臘旅行成日食, 會連埋薯條夾入去😂呢個都好好食, 個皮好薄, 包住入面充滿沙律醬嘅青瓜生菜蕃茄同牛肉好fresh!! 我覺得幾好食, 雖然個牛唔算話好出. 印度糕點 .唔知

每次經過都好多人排隊，今次終於條隧短小小啦。排左大約15分鐘，個staff好好咁叫我地諗定食咩，跟住入到去好快就會有得食。餐廳入面嘅裝修好有印度的Style，燈光比較暗，屏風係印度風的畫。重點係咖喱已經有9款，仲要每款有6樣餸揀，我揀左好耐先揀到!! 最後我地叫左一個咖喱套餐同一個全日精選。(1)青咖喱牛呢一個價係包一塊油酥餅、飯同沙律，男仔食都唔會覺得肚餓。印度青咖喱即係用菠菜底，甜甜地，但好香菠菜味，牛肉炆得好入味，唔會鞋! 個飯都好岩香港人口味，唔會太硬 (之前去重慶大廈食過的飯好硬)。仲有我鍾意食的油酥餅，脆脆地，好香口。下次有機會，好想試下橙咖喱。(2)印度傳統香燒雞腿 $70呢個餐好抵食，比正價餐小DD，但係都有一塊油酥餅、飯同沙律。雞腿好有出色，食落去第一啖已經好香烤過的味道，雞腿又滑嘟嘟，一定要試! (3)芒果乳酪野飲套餐價加$15就有啦，芒果乳酪好有驚喜，好似用左新鮮芒果柞左汁，再加上濃濃的乳酪味，感覺好fresh!(4)印度奶茶淡淡的茶味，不過可能唔係好岩我飲，都係鍾意芒果乳酪多D

星期六下午6點左右嚟到，係我哋前面有兩枱人（各兩人）排緊隊等入座。由於上網睇到其他食客話要排好耐隊，所以我哋都早啲到，避開煩忙時段。等咗10分鐘左右，店員就安排我哋入座。店內位置唔多，所以每張枱之間非常接近，店員亦只會少少空間去上菜，但佢哋都做得好好，無撞到人、跌食物。而整體嚟講，整個食店環境尚算舒適，店內以黑色為牆身，配以不同風景圖同海報。呢度有好多唔同味道嘅咖哩，例如蕃茄、黑豆、傳統印度咖喱。淨係睇餐牌都要用好多時間💡我哋最後決定叫青咖喱（即係菠菜底），其中一個原因係因為佢唔辣🥰咖喱跟餐會有沙律、飯同酥餅。飯嘅分量應該有一碗半，而酥餅只有一塊，整體嚟講稍為有啲貴。味道方面，咖喱唔算好重菠菜味，但夠香，配飯同餅都好夾。睇落分量有啲少，但其實係啱啱好可以送哂啲飯😋我哋亦叫咗個印度特式薯仔餅（Aloo Tikki Chaat），薯仔餅做到外脆內軟，內裡嘅薯蓉同粟米粒好夾，亦有足夠調味。反而面頭嘅醬汁未必太夾，甚至會啲人會覺得太辣。整體嚟講呢餐唔差嘅，食得舒服，店員有禮貌。食完嘅時候，店外已經大排長龍🍛

咁岩呢排想食咖哩👳🏻‍♂️，又咁岩同大佬行到巴巴站門口，又咁岩得咁橋佢岩岩開市（落場5-6pm），咁就喺唔洗等既情況下入到去食啦🤣好似中jackport一樣🎰😍由於佢地咖哩都有成9款，揀左招牌咖哩雞+半份Pepperoni pizza🍕 招牌咖哩個香料味重，辣度對GG嚟講岩岩好，辣味只係停留係條👅度，唔會食到身水身汗💦🐓雞肉都好滑，唔會難烚烚👍🏻薄餅真係幾好食，但加埋個pizza真係好飽呀！🤣感覺食左好多塊餅咁🍕🍕🍕飲品揀左凍蜂蜜檸茶同熱masala tea，如果唔係戒奶我應該係會飲sweet lassi🥛好夠熱好好飲，可能係因為啲薑其，飲完個胃都幾舒服。如果唔洗等一家會再嚟試多幾款咖哩。有一樣野希望佢地改善既就係個menu，真係懞到... 散光既朋友表示，除左咖哩果牌之外，其他全部睇唔到🙈

有日同朋友行過路德圍好想食印度野咁啱search到呢間巴巴站仲要係黃店🤤仲要好食！自此仲食過3-4次🤤依家一次過打返哂啲食評😚————————————————————📍1️⃣青咖喱雞平時喺泰國餐廳食得多青咖喱🍛印度嘅青咖喱就係用菠菜底唔太辣但都幾好食！咖喱套餐包埋油酥餅，飯同沙律🥗🤤📍2️⃣ 牛油雞咖喱呢個就偏甜，但都好食🤤📍3️⃣ 芒果乳酪真係芒果同乳酪溝埋咁嘅味😂除咗食油酥餅(Paratha) 之外，個人都好喜歡食蒜蓉烤餅 (Garlic Naan)，即係厚啲實啲嗰隻🤤 不過無影到相🥺 但巴巴站整得好好食的，又香又厚又新鮮，好有咬口！店內都係充滿文宣💛整體而言，食物高質，雖然店內位置不多，試過嗌外賣質素都唔錯🤤外賣試過食橙咖喱(蕃茄)同白咖喱(甜腰果底)都好食，甜甜地，撈飯真係好好食

夜晚8點幾仲見到人龍就知ceo既影響力有幾大啦入面坐滿曬，員工都係印度人。知道最出名係咖哩,下次會再試。行完山叫左個烤雞卡巴外賣，勁正！本身都考慮緊要印度烤雞定土耳其，不過哩間店係正宗印度菜，就叫印式。知道哩個既特色係印度嘢食，所以叫印式卡巴，烤雞係真係有烤過，食得出落好多香料。一開始覺得價錢好貴，但真係一分錢一分貨個雞好香，其實雜菜好夾，個醬都好香個沙律都係同卡巴同一個醬，發揮到蔬菜的香味。下次黎會再食蔬菜新鮮，醬好夾。

今日約左同事去荃灣食lunch, 本身前兩日已經想試呢間巴巴站，點知黎到勁多人排隊，所以食吾到。今日係平日，又係下午兩點，應該食到既機會會大d黎到見到冇咩人等，不過望入去都係full晒的，因為入面既位都係得好少之前比較少食印度餐，不過聽朋友講，話呢個既印度餐會比較岩香港人口味，於是我地就簡左個午餐試試先店入面既燈光比較暗，真係幾有印度feel!!我地叫左豬頸肉炒飯，牛肉烤餅卷，同埋咖哩牛。一食之下真係有驚喜，尤其係個牛肉烤餅卷，料足之餘仲好香，個皮就煙煙韌韌。咖哩都好好味，香料味重又帶少少甜，用黎撈飯同點餅都好正呢間餐廳既食物真係一改我對印度野既感覺，下次會再黎食!!

支持黃色經濟圈當然都要幫襯下呢班手足啦！當日去到時間尚早居然唔使等位就入得！我地嗌左咖哩牛配烤餅，印度烤雞同炸洋蔥我覺得咖哩牛同烤餅同印度烤雞都好食！但男友就話烤雞略嫌重味，配包嗰d會好d炸洋蔥就大家都覺得好咸 加上嗰日仲未可以賣酒，就

下午茶幾平幾抵，嗌咗三個餐，一個小食都只係200蚊左右🤑咖哩牛肉抆得幾淋，反而咖哩雞就冇咩特別而咖哩有驚喜，咖哩對於唔食得辣黎講係幾辣，不過香料落得好足，正宗咖哩而串燒一般般，冇咩特別之處反而沙嗲汁出色，甜甜地，有花生底有一點好值得讚，服務員態度良好

curry 有白 ， 紅 ， 黃， 綠， 仲有黑色curry tim. 今次試左白咖喱， 係用腰果做 ， 食落甜甜地。 本來諗緊食炸魷魚🦑圈定什菜咖喱角， 因咖喱角大獲好評， 就揀咖喱角。 但點都知炸魷魚🦑圈送錯桌， 又幾薄粉， 仲幾鮮味。 雖然舖頭細細， 工作人員有禮又親切。 值得再去！

曾經很喜歡吃在家附近的一間咖喱烤餅，可惜不會再光顧，已經有好幾個月沒有吃過好味的咖喱薄餅。早前看過杜生的節目介紹，已覺十分吸引。小店經營，座位有限，請耐心等候。咖喱不同顏色代表不同味道，亦有不同辣度。橙咖喱雞是用蕃茄底，即是牛油雞，不辣的。香味濃郁豐富，雞肉嫩滑入味有肉汁。最驚喜的是油酥餅，軟線油潤，油香噗鼻，沾上咖喱汁更是美味，忍不住吃了再點，還要再來多份。很高興能找到好吃的咖喱烤餅，味道比以前愛吃的那家更好吃，以後來荃灣必吃。

I came here for dinner with friends. We ordered a Caesar salad, butter chicken, satay, samosa, traditional curry and some naan. It averaged to be around $80 or so for a fish. The portions were actually quite small but they were delicious. The butter chicken is a must-order item!

烤卷kebab 大家有冇食過 最常食係土耳其kebab 今次試印度牛肉kebab 唔知係咪上錯上左羊肉味 有少許騷 喜歡羊肉嘅可一味 菜跟醬料配答都很好黎到不得不試咖哩常見有青黃紅叻哩 今次呢款係牛油芝士款好特別 有一粒粒好像豆卜又像雞肉口感嘅芝士 唔騷 絕對值得一味🥳🥳有套餐可配答 有油酥餅同白飯 配咖哩必備 十級推介 胡椒餅 本以為係原味冇添加 點知原來有配料 脆卜卜 配料亦好清新 胡椒味可再多一點（個人偏好食辣）但就咁已經唔錯 仲好經濟 只需$25 蚊堂食價夏威夷pizza 好味嘅pizza~~~~ 不是厚批不會太飽太罪惡感邊邊都很脆芝士有拉絲！下次要試其他味道😝😝