巧興麵食店

營業中

休息中

自從多了來高山劇場看節目，到附近找食肆已經成為看節目前的指定樂趣！昨晚好特別，一晚連續去 2 間食肆：味來車仔麵、北京水餃 ！！所以今日連續寫 2 個食評 ！剛去試咗一家車仔麵，真係滿口都係味精，未食完車仔麵，就草草埋單！！為免影響看節目心情，馬上再來附近既北京水餃，老公叫一碗菜肉餛飩，我就叫咗牛肉麵 ！再加一碗白菜，係一碗，唔係一碟，份量十足！食這碗牛肉麵太滿足啦！唔多講啦！食青光 ！！！老公同我都搖頭嘆息！價格差不多 ！食品質素簡直高下立見 ！一家良心溫馨小店，怪不得食客絡繹不絕！多謝北京水餃！讓我帶著好心情去看節目!下次再來！

在家附近， 所以常常幫襯呢間水餃店。 個人覺得幾種食物都好好味, 包括冬菇餃， 酸辣湯， 雞絲涼麵， 煎韭菜餃。 酸辣湯如果太遲先至買可能會沽清。 另外仲有一啲幾特別嘅面， 包括素鴨麵， 係齋嚟嘅，裏面都係蔬菜，外面就係腐皮 ，新鮮炸起， 脆卜卜。 亦有自製豆漿， 豆味濃厚。 老闆都係北方人, 一聽啲口音就知道， 雖然買嘅 嘢食好似上海菜， 但係有少少分別。 水餃就係地道北方餃子， 皮比較厚， 可以食十隻當飯食那種。 冬天食飽肚又溫暖， 加埋一碗酸辣湯， 內有豐富材料， 包括豆腐、 豬紅、 火腿、 紅蘿蔔等等。 價錢亦十分實惠。

一向都無寫食評既習慣，突然傻咗，竟然連續有呢個興趣，可能呢個興趣突然消失，想寫就寫啦！去高山劇場看節目之前都要食嘢，泊好車，隨口請教大堂職員，她好好人話，附近好多嘢食，呢度樓上都有，有粥、有茶餐廳、有水餃。。。我一聽到水餃，就即刻問邊度呀？於是就按指示來到巧興，細細間，唔係新裝修，但係乾乾淨淨，簡單一眼見嗮，點咗豆漿、牛肉麵、油菜、菜肉雲吞、涼拌雞絲，半份煎餃。全部交足功課，油菜唔係用碟裝，係用碗裝，所以份量都幾多！最愛涼拌雞絲，醬汁出奇好味，雞肉嫩，但係唔記得影相；煎餃比較油膩，不是煎，應該話係炸，哈！菜肉雲吞肉汁多；牛肉麵牛肉麵湯汁好香，好好食！食得飽飽慢慢步行上高山, 一樂也 ！：)

第一次認識呢間店，係有一日老公突然話帶我去一間佢自細幫襯開既好味餃子店。一入店內已經見到歷史既痕跡，佈置簡單但企理，檯櫈之間有足夠位置，有D檯會放喺後巷出面，街坊小店，對環境要求不能太高。餃子有五種，分別係韭菜餃、白菜冬菇餃、牛肉餃、三鮮餃同埋菜肉雲吞，可以叫半份或者全份。另外有豆漿同埋幾款麵食供應。餃子可以揀放湯或者煎既，我地叫左煎韭菜餃，同埋放湯既菜肉雲吞。煎餃其實係微炸，但餃皮仍然好軟熟，韭菜味濃，同肉既比例岩岩好，配埋醋一齊食，好味。菜肉雲吞感覺大粒少少，一樣都係香甜鮮味，湯入面有一塊紫菜，一齊食又幾夾喎。我就試左酸辣麵，味係粗既上海麵，湯比較杰，只有少少辣味，同酸味平衡得好好，配料有豬紅、豆腐、火腿、酸菜、雜豆，好惹味，係我喺香港食過最好味既酸辣麵。一路食發現應該係老闆同呀仔一齊睇舖既，合作無間，感覺好溫馨。呢類價廉物美，又有人情味既小店真係買少見少，食完飯後漫步下周邊既街道，感受一下寧靜既夜晚，甚是美好。

土瓜灣小店多，首間留意到的是餃子比麵食更出名的「巧興麵食店」。這裡售賣的是正宗北京水餃，傳統應吃蒸的，但我今天還是想吃香口的，所以點煎的。 作為早餐，點了三鮮餃、韭菜餃各5隻(合共$30)。餃子皮脆而薄，餡料即見即包，新鮮結實。我最愛的是三鮮餃，豬肉蝦肉混合而成，肉汁鮮美，可以不斷吃。韭菜餃則韭菜味超級香濃，煎香鼻子有福。吃餃子當然要有醋，這裡有自家的臘八醋。醋更刺鼻，激發食慾，這醋與餃子是完美的搭配，越呷越想吃。老區的高性價比，老區的瑰寶必不可錯過。

一向都喜歡食餃子作正餐，比起不少包點麵飯健康，又有飽肚感。見了不少食評推介這間小店，特地來到一試。店鋪位置離港鐵站稍遠，步行十至十五分鐘後，不需要輪候便可入座。小店內格局算是乾淨企理，室內大約能容納十五至二十人，也有客人在店外堂食。食物份量足料，兩個女生的話可以分享一個麵再加一份餃子（十隻）。雞絲涼麵的麻醬甜而不膩，涼麵爽口有嚼勁，雞絲則用了一般急凍雞柳。韮菜煎餃皮脆香口，不會過份油膩。水餃也是皮薄餡多，比韮菜煎餃多肉汁，鮮味更出。整體上，小店價錢很合理，食物質素也好，不需要長時間等候，值得再來。

夜晚想搵平野食緊係睇自己之前save左d咩啦大概7點去到已經好多人食緊（分左室內室外）咁岩有枱叫左幾樣野雞絲涼麵內有青瓜，紅蘿蔔，雞絲（圖片show晒）重點係個芝麻醬，甜甜地唔會膩，食到後期都唔會覺得有野’漿‘住響口d雞食得出有醃過，我覺得有d‘un’,不過三十幾蚊好難要求好多三鮮湯餃雖然知道三鮮餃入面d料間間唔同，但我入面見類似韭菜，豬肉ge野？其他食唔到（可能我味蕾一般，如果你地知麻煩下面cm🙇🏻‍♀️🙇🏻‍♀️🙇🏻‍♀️)（佢d餃可以揀煎定湯，煎+ $2，不過職員話雲吞只有湯，無煎，因為皮好薄）後加的冬菇冬菇煎餃咬落好脆，有’chok’一聲，食落好大陣冬菇味蠔油時菜，我去得白菜仔同菜心仔揀左菜心仔，一上枱，我第一個諗法，小店果然好務實唔洗著重擺位但我覺得菜心唔仔+有d 老涷豆漿有豆味+偏甜，我愛甜所以好愛總括黎講，平，好味，上菜快，食左大概三十分鐘，所以唔太擔心要等好耐先有枱下次再黎食先

今日折騰左成日，原因係花先生下午比人撞車尾🤦🏾‍♀️。攪左一大論，要cheer up返，去左附近食餃子麵。依間餃子鋪係花先生帶我來食的，花先生話佢由細食到大。佢地既餃子自家制，皮薄餡靚，不論煎定放湯都好好味道！今日我揀左白菜冬菇餃幼麵，好大隻餃，好足料！加少少醋食更正！花先生最愛既菜肉雲吞酸辣湯粗麵。每次佢都食到一滴不剩！老鋪環境唔寬敞，選擇唔算好多，但人流不斷。我相信這是小鋪的魅力，有著連鎖店搵唔到既味道！香港小鋪愈來愈少，真的要好好珍惜！

食後發覺真的相當不錯，皮薄喊靚，雖是煎餃但絕不油膩，而這碗面富有彈性絕有口感，這間叫( 巧興面店 )，完全不起眼，但食物質素十分妥當，這是一間絕對推介的小店，但店鋪絕不大，不妨三兩知己一同去試嚇，便可多叫兩三種唔同味道的餃子

一間出名的餃子的老店，環境就夠地道，幾張簡單摺枱，點了三鮮餃和白菜冬菇餃，當然要煎餃，因為這裡的煎餃係做得特別好，而之後再點雞絲涼麵和北京粗炒麵煎餃煎得脆卜卜就一定啦，而其餘兩款麵，都各有特色，簡單得黎好食，不過主角都係煎餃

又係我美食神探出現的時候，今次為大家介紹 巧興麵食店我作為紅土黃龍一帶的老居民，住左差唔多25年巧興 依間老店，係我細細過已經係度作為一間老店，當然環境就係細細地但都簡潔乾淨我平時最鐘意食佢既餃子 同 炸醬面真係好好食餃子推介係 9菜餃同三鮮餃，佢可以煎或水滾煎的味道就香口D

我會係星期六周圍去D唔同嘅地區, 今次中午游到宜間餃子舖, 就走入去試吓佢哋嘅餃子啦！地方好乾淨,裝修又簡單, 淨凈齊齊一間自家店, 見到佢係度包𡁵餃子,所以馬上叫咗10隻餃子,韮菜餃5隻,牛肉餃5隻, 好似炸咁,隻隻都係脆呀! 牛肉餃內嘅餡係有切到好細條香茅, 而韮菜餃內真係好多韮菜, 太乾身,內冇肉汁溜出👎🏻,(個人感覺興興好D,因為一咬已經有肉汁), 正體上係可以嘅！韮菜+牛肉餃子牛肉餡餃子韮菜餡餃子包𡁵餃子中除咗餃子仲有其他麵食

哩間巧興 我細細個就已經開始幫襯喇 不過長大後很少到這邊 今日剛好路經哩度 就入左嚟幫襯luuu😊☺️哩間店舖一點也沒有變 門面很樸實很低調 感覺到有人情味的 店內的坐位都是跟以前一樣☺️😊同埋近後門位置的枱一定有老闆娘包餃子👍🏽😊真係好新鮮架 今次 我點了一份韮菜煎餃 一份三鮮煎餃 同埋一杯凍豆漿👍🏽👍🏽😋🤤韮菜餃 一份有十隻 可選擇蒸餃或煎餃 小妹最鐘意食熱氣嘅野😂😆所以一定係揀煎餃的 每隻煎餃的大細都係一樣 每隻都煎得好靚好脆好金黃呀😍😍👍🏽👍🏽攤左陣嘅時候 食嘅時候都仲係好脆呀 材料係有韮菜撈豬肉 啲韮菜係好香呀 好正 好好好味 而且餃子皮的質感適中👍🏽🤤推介 必食😍😉三鮮餃 一份都係有十隻嘅 都係可以揀蒸餃還是煎餃的😉😉煎餃很有水準 全部都係金黃色架 一啲燶都無 讚👍🏽👍🏽三鮮餃嘅材料係有韮黃 蝦肉同埋豬肉 三樣材料撈埋一齊煎 食嘅時候仲食到有韮黃的香味 蝦肉的味道 整體都好好食 提提大家 無論食咩餃都要配上佢嘅豆瓣醬呀 味道不算很辣 屬於少少咸嘅豆瓣醬 但係都可以接受 係好味嘅😄😀凍豆漿的味道都好好 飲得出有好香嘅黃豆味 好滑又好香 good 講真 食左好多不同的餃子 都係覺得

去左成日街，返到屋企途中，想簡簡單單食個晚餐，又唔想食得太飽，看見橫街有一間巧興麵店，門面簡單，再一看原來主打煎餃子，因平時少經過這邊便忽略了，所以便決心進店一試，食落便發現這小店的煎餃子相當好味，可以稱得上皮薄涵靚，雖說是煎餃，但食落後絕不油膩，店內的裝修簡樸及衛生也很整潔，大家行開這邊不妨試試他的蒸餃。煎三鮮餃肉質鮮嫩爽囗煎韮菜餃皮脆，韮菜和肉平均有口感門口簡單平實一碗平淡的雪菜肉絲麵，麵質彈牙

走進一間自家開的麵店，環境舒適、位置理想的！雖然店鋪是較小，但服務員悉心地為顧客落單！當天午餐我點了排骨麵和一杯豆漿，還有北京煎餃味道清淡，不會有味噌的味道，而肉質口感不會太硬的！整體來說，我十分滿意店鋪環境，食道味道良好，服務員態度不錯。