巧興麵食店

營業中

休息中

這間食店座落于土瓜灣，位置不太好找，但是以地道北京餃子來說，絕對是香港最好的其中一間。他們的餃子如牛肉餃，三鮮餃，韮菜餃和白菜冬菇餃，可煎炸或放湯上，鮮味十足，北京餃子風味出眾，曾經在北京工作了一段時間的我，在香港似乎只能在這裡找到那種獨有的北京餃子風味。其他如北京粗炒麵，炸醬麵，排骨麵都是我經常會點的菜式。特別一提他們的雞絲涼麵，新鮮爽口的雞肉，彈牙的上海麵條，加以青瓜條和紅蘿蔔絲，配以可口的麻醬，特別是在夏天時候吃，絕對是一道開胃的麵食。

每次去巧興必叫既菜肉雲吞！皮薄餡新鮮！另外個湯都好特別，用左好多蝦毛仔做湯底，仲有紫菜，另外落左麻油，成個湯好香好好味！肚餓嘅話會叫雲吞麵。啲雲吞配佢地既辣醬好正！

平時都很少寫食評 除非很美味或者很差劣 才會花時間寫食評巧興餃子屬於: 很差劣名過其實 食品質素不理想,  態度差劣, 衛生惡劣食品質素:見同事極力推薦這間餃子店, 想必能食到正宗水餃風味,叫了一份煎餃,水餃,牛肉面,擔擔面,油菜和幾杯豆漿豆漿.豆漿先到,夏天熱辣辣 飲杯豆漿先, 怎不知 杯豆漿入口有點異味, 異常多楂 已經不想飲第二口. 心想 豆漿不是自製  難飲都唔關餐廳事 不影響我品嚐美食點知 沒有最失望 只希更失望 餐廳的主食也只不過名過其實煎餃 皮厚餡少 咬入口 成口油, 以為煎餃會冇咁多油 究竟係煎定炸??? 水餃 餡完全不鮮甜 個湯太油擔擔面 簡直係敗北 少花生 太多面水 牛肉面 牛肉咬感反而唔錯 反而個湯底偏咸 係咪鼓油溝水衛生惡劣:油菜洗唔乾淨 預左D餡料就咁放係路邊 只用條毛巾蓋住加上包餃係路邊包 明白小店舖位唔大 但夏天熱辣辣 都唔好咁對D食材 個姐姐包餃仲要冇戴口罩D用具又掛係路邊牆上同渠邊 見到都冇胃口態度差劣:差差差... 又冇禮貌   凶神惡殺 持老賣老 完全唔係待客之道

土瓜灣有好多好好味的小店，相信呢間係其中一間。佢主打北京水餃，不過我覺得佢嘅擔擔麵更加出色。佢嘅擔擔麵D醬好似麻醬加花生醬，仲有少少花生粒，比其他地方食到的香濃，感覺佢個味好地道。至於佢個麵係幼的上海麵，都幾索味幾入味。至於水餃，放湯同煎都可以，我鍾意香口野，所以揀煎餃，好好味，會再來。

昨晚看完節目已經 10 點多，很少吃宵夜，但有點餓，就來巧興吃麵，可能差不多打烊，只有我們三個人，果然坐下不久，老闆就落閘，開始準備收工，哈哈！兒子最喜歡雞絲涼麵，再點了菜肉雲吞、芥蘭苗及半份煎餃子！謝謝老闆從善如流，為顧客著想，換了新碗 ! 這家老字號的餃子和雲吞真材實料，價格合理，做的是街坊生意 ！喜歡這裡菜肉雲吞的湯底落了蝦皮，鮮甜！雞絲涼麵好大碟哦，配上香味花生醬汁，好吃！芥蘭苗鮮嫩翠綠！不耽誤老闆收工了 ，謝謝哦！

來好幾次了，因為常去高山劇場看節目，它就在附近，好評也寫過2 次，食物是不錯的。很可惜這次特意來支持，就比較失望！一家食肆基本要求，除了食物，衛生都很重要，衛生包括食物、環境及用具，這2 碗上海雲吞，美耐皿碗實在太舊了，佈滿刮痕又變色什麼胃口都沒有了！美耐皿盛盛過熱或酸性食品容易溶出化學物質，留下刮痕不僅會細菌孳生，也比較容易溶出化學物質，這樣子非常不衛生，也可能影響食客健康, 短期內不敢再來了！食肆除了做好食物，也應該有點良心，懇請老闆不要再用這些舊到滿佈刮痕變色的碗

由細食到大！雞絲粉皮 冇得輸！張寶仔都好中意食，夏天一定要食，涼浸浸，個麻醬勁香，一定會清曬全部！每個月最少食一次啊！寶仔好鍾意加個菜食，因為啲菜好新鮮，一定係朝早去街市買嘅，跟住啲湯係可以飲嫁！因為係冇落味精！

平時行開土瓜灣 都係食米線 今日行過見到依間餃子老店 就決定trytry佢🥟店舖裝飾簡約 睇得出係一間經營得耐既小店 牆身貼有以前報紙採訪的報道 餐牌都係貼係牆身 但價錢就不太明確 因為全部都係寫住 HK$xx起 所以價錢方面有些小疑惑🤔🤔🤔叫左碗北京餃子麵食 一碗有5粒 加幾條白菜仔 第一啖咬落去 韭菜香味浸出黎 都幾鮮味😚😚 湯底都係有味的 唔似部份小店咁冇味冇鬼🤔嗌多杯凍豆漿飲 $7 都有豆味 幾好幾好🕺🏻🕺🏻下次會再黎食 試下其他餃子😋

-《巧興麵食店》麻醬拌麵🥰最近狂吃麻醬拌麵的我🤭有情意結啊😯歡迎推薦！🍜雞絲涼麵 （$43）麻醬好濃郁！亦都夠杰身😌配料雞絲，青瓜絲，蘿蔔絲🤝佢呢間嘅麻醬甜甜地之餘有啲酸🤤勁開胃！令人大啖大啖食😤🥟韭菜餃/牛肉餃 各半份（$23）個牛肉餃好鹹🤦🏻‍♀️感覺快要洗腎了韭菜餃正正常常冇乜特別🤷🏻‍♀️🍲牛展麵 （$35）呢個亦冇乜特別😪普普通通不過不失，我冇嘢講喇法官大人🤲🏻總括嚟講其實呢度除咗麻醬拌麵好吃其他也可以無視🤣🤣

土瓜灣不嬲都係隔涉之地，入左去又唔識出番黎果隻，但今日特登都同個Frd食。之前約左佢食巧興，撞正佢禮拜二休息，摸門釘食不了。 (大家要食留意了)今日大家都放假，突登帶佢去多次食巧興。巧興真係好好食，係我以前係附近做野發現既，Lunchtime真係坐滿晒。佢Menu痴左係牆，有淨叫水餃同麵食。我叫左我最愛既牛肉麵，朋友叫左京式水餃麵，另外我好想食三鮮餃，都叫左半份Share。牛肉麵: 個牛肉係薄切，肉同脂肪比例係7:3左右，好好食，係鮮肉無雪味。京式水餃麵: 水餃係好多九菜既餃子，皮薄好多Filling，真係好好食，如果鍾意食湯餃可以試依個。兩碗麵都係用牛湯+粗麵+白菜，份量好多，我朋友食左半碗就投降了。另外佢麵底同潮州麵鋪係唔同，佢種粗麵可以吸番牛湯底，好Match。煎三鮮餃: 其實佢煎餃係炸完再煎，如果鍾意香口野一定要食，佢個皮有少脆，咬落去就淋，之後就食到好味既Filling。我最鍾意食巧興既三鮮餃，入面有蝦、豬肉、九黃，好少地方會整依種京式餃子，好好食呀!總結，巧興抵食，平靚正呀，果然係土瓜灣名物! 遲D開左土瓜灣站，個站好近佢門口，第日唔知會唔會因為加租無得食，依加有得食既話，

以前細個喺附近高山劇場玩合唱團, 上完堂, 婆婆好多時都會帶我嚟呢度食餃子, 搬左屋之後, 就好少再嚟啦🙈最近我見到原來間舖仲喺度, 就同男朋友一齊嚟食過一次, 味道依然同以前一樣。我同閨蜜介紹過呢度嘅餃子, 佢同我一樣好中意食餃子, 有機會帶佢去試下。今年佢生日話好想去試, 我就帶左佢嚟食啦~呢度有咁多口味嘅餃子, 又有得揀煎或者放湯, 兩個有選擇困難症嘅人揀左好耐, 終於揀到三款餃子啦~ 揀左韭菜餃, 煎牛肉餃同冬菇豬肉餃😍韭菜餃好多韭菜, 好多餡, 韭菜味好新鮮😍冬菇豬肉餃,好香冬菇味, 菜好爽脆😋牛肉餃煎得好香脆, 牛肉味好香濃, 煎餃一啲都唔會乾, 仲保留到肉汁😋😋除左餃子, 呢度仲有好多麵食, 下次一定要試雞絲涼麵🤤🤤🤤呢度嘅豆漿都好好飲, 豆味好濃😋😋😋

巧興實在已光顧超過25年，最愛他的擔擔麵、韮菜餃、菜肉雲吞、北京粗炒及雞絲涼麵。擔擔麵香港最有名的可能是當年大磡村那家老店，不知是否心理作用，個人覺得入了店之後兩家的擔擔麵也變得略遜一籌。至於巧興的擔擔麵，由麵質到湯底，跟那兩家老店與及一般市面上食到的大有不同，而我卻甚是喜歡。餃子方面，我最愛韮菜餃及三鮮餃，放湯或煎的都不錯；另外我亦喜歡他的菜肉雲吞。近年少見了老闆和老闆娘，卻換成了他們的同鄉(個人猜測)及一個似是太子爺的後生仔，不過他們都是北方人，所以感覺上也蠻地道的。

成日喺網上面推介呢間位於土瓜灣安徽街嘅餃子店，因為喺附近返工所以決定行黎試下，遲啲嚟呢到應該好方便，因為隔離有個沙中線地鐵😅出口～店舖細細，枱亦都唔多，佢菱形咁擺有啲搞笑。我自己唔鐘意食餃子🥟，所以次次都係食佢個雞絲涼麵，配凍豆漿。同行友人就叫餃子。個涼麵好大好多料下，唔算超級凍，好多雞絲(條)，青瓜絲同籮白絲，仲有啲芝麻係面，佢個醬比較厚比較濃，唔似麻醬，反而係花生醬？🧐但又唔完全係，比較特別！個麵質都幾彈牙較粗，食完真係超級飽，其實我咁大細都試過食唔哂。🙈建議同朋友share會好啲，試埋其他嘢食。但涼麵都好食嘅。有朋友食擔擔麵，個麵質好淋，而且好似太多花生味，有啲奇怪，我自己麻麻。餃子就無食了。整體來説都算平，但環境就一般啦，可以一試。

脆卜卜皮薄嘅餃子🥟店舖懷舊的感覺令我覺得質數有一定的保障😂..半份韭菜餃 $24 （+$2:煎底） 熱辣辣脆卜卜的餃子好吸引，咬落去好脆又唔會太焦👍🏻皮厚薄適中😗入面亦有肉汁😆唔會好乾😋..再叫左牛腩麵同雞絲涼麵，覺得冇咩特別但好味嘅😛..📍：巧興麵食店 (土瓜灣)土瓜灣安徽街7號嘉信大廈地下

耐唔耐會來食一次, 今次試左三鮮煎餃,原來入面係蝦, 蛋同九黃, 又幾特別,唔使成日食九菜/白菜豬肉。煎得好脆, 皮唔會太厚, 餡足料, 10隻餃子SIZE 唔大唔細, 好香口。另外叫左炸醬麵, 好多醬, 入面都好多豬肉, 佢地GE炸醬係偏甜的, 好似食緊甜醬。,麵條比出面的粗, 好飽肚。不過坐就迫少少, 但平靚正就無咩要求LA。