川串香

營業中

休息中

無啦啦又想啤啤佢，最啱就係食住串燒飲啤酒，去接喺附近放工既男朋友，見到佢即叫即燒，又多款又平就試試佢ε-(´∀｀; )-🐖炸大腸｜💰15唔算好脆，但好好食！好香豬油豬腸味！.🦑潮燒魷魚｜💰25｜🐙墨魚咀｜💰20｜🐣火雞腎（推）｜💰15樣樣都好爽口彈牙！仲要夠厚身！同埋本身原材料既鮮味都仲保留到.🐥鹽燒雞髀｜💰22｜雞中翼｜💰15講真真係又抵又大份！燒得又好食又嫩軟骨就燒到好香好脆ε-(´∀｀; ).🐟多春魚｜💰20燒得夠脆又唔乾！.🍡墨魚丸｜芝心丸｜💰16邊邊燒得好脆但又唔會話燒到乾！芝心丸入面d芝士好鬼正！.🌿韮菜｜娃娃菜｜露荀｜💰12菜菜無渣又爽口！燒香味十足！-好多都係💰十幾廿幾～除咗肉類，仲有唔少串燒蔬菜同埋涼拌(｡･ω･｡)而且廚房好透明，睇到哂衛生情況

今日經過旺角呢間串燒舖，聞到香噴噴，忍唔住吉返幾串黎食 呢道可堂食或外賣喎~~ 喺個玻璃櫥窗度見到好多串燒選擇，見到邊樣吸引就點邊樣食啦除咗肉類嘅串燒，仲有好多蔬菜串燒，一串串串好晒，即燒即食，香噴噴熱辣辣仲有好多丸類，香腸等等.... 全部叫即燒即炸食串燒點可以唔飲嘢嘅呢，呢度仲有個凍櫃可以選擇飲品想食咩就喺張紙度剔啦，價錢方便都幾抵食，十零廿蚊就食到一串串燒喇~可選辣或唔辣的除咗串燒之外，仲可以叫涼拌麵或者涼拌小食~~ 我點既串燒嚟喇！！！有大大隻雞髀，炸大腸，牛柳粒，蒜心，金菇肥牛好有水準呀！食材新鮮，又燒得好好味另外仲有燒牛仔骨同埋多春魚食串燒唔夠飽，仲叫多兩盒涼拌，一盒係 四川涼粉，另一盒係涼拌麵~~唔好睇四川涼粉紅卜卜以為好辣，因為我唔係好食得辣，所以叫師傅減辣~~ 酸酸地唔係好辣，好啱唔食得辣嘅朋友~~ 涼粉大大條，好滑喔！！酸辣汁超開胃呢撈麵大大兜，醬汁豐富，食完超級飽肚

昨日同謙謙係尖沙咀影完靚相，之後去旺角拎野，拎完野有d 口痕想食宵夜 😆，係砵蘭街到見到間串燒食物種類繁多，就同謙謙一齊叫左d 我地喜歡的串燒回家嘆。串燒有以下：⚛ 羊肉串 ~ 落左孜然粉，好有風味一d 都唔騷。⚛ 翠玉瓜 ～ 燒完好爽甜。⚛ 雞髀菇 ～ 落左dd 汁去燒， 好有口感。⚛ 墨魚丸 ～ 燒完咬落幾彈牙。⚛ 潮燒魷魚 ～ 我幾喜歡，因為成件咁燒，魷魚落左小小辣粉，份外滋味。⚛ 雞中翼 ～ 燒雞翼我自細鍾意食， 我諗好多人同我一樣對燒雞翼係有情意結的，燒過的雞翼d 油爆哂出來，面脆內嫩。⚛ 鹽燒雞脾 ～ 嘩大大隻髀，落左dd 鹽去燒，雞皮脆口， 大大啖咬，爽到暈。⚛ 秋刀魚 ～ 魚怪又點可以唔燒返條魚，燒過有小小燶邊，正呀！⚛ 粟米 ～ 嘩小小辣和孜然粉加上粟米到一齊燒，夠哂惹味。⚛ 韭菜 ～ 必點冇得輸！⚛ 茄子 ～ 落左好多蒜大愛呢！😈😈王老吉 ，食得咁邪惡的野就緊係驚熱氣的，飲返罐打打底，總好過飲可樂的。

宵夜之選緊係非串燒莫屬，旺角開左間新串燒店，相當地道有風味，即叫即燒款式又夠多，仲有其他涼拌小吃同埋麻辣燙添。🔷潮爆串燒🔹秋刀魚 💰20🔹金菇肥牛 💰16🔹蟹籽丸 💰16🔹潮燒魷魚 💰25🔹火雞腎 💰15🔹娃娃菜 💰12🔹韮菜 💰12串燒基本上都係以孜然粉及辣椒粉味帶出，重口味嘅可以做到重口味，少辣又可以要求落少啲辣椒粉，一應俱全。秋刀魚有一整條，相信即食嘅口感一定唔差。蟹子丸燒到外面金黃，燒完之後入面嘅蟹籽都keep住爆汁。火雞腎同樣，燒到岩岩好，爽口得黎又唔韌，配埋孜然粉係超正宗、惹味。娃娃菜同韮菜簡直係食串燒必叫，夠爽夠甜胸夠入味。🔷涼拌麵 💰30涼拌麵都幾有口感，麵質食落有少少似油麵，配上中少辣仲有菜脯，夠哂驚喜。🔷四川涼粉 💰30呢個涼粉食落好正宗，切到偏粗身但就好豐富，個汁底辣得黎又會酸酸地，仲有青瓜絲配搭，開胃得黎又夠飽。

路過這間川串香，給他們的孜然味所吸引，所以便掃了十多串串燒返屋企加餸。餐廳乾淨整齊地放滿很多不同款式的串燒，起碼有三十多款選擇，還有一些涼拌菜，價錢十分平民。廚房是開放式的，清楚見到廚房內的衛生情況及可以見到員工燒串燒，在疫情中都會食到比較安心。落單後，員工會立即為客人執好所選的串燒，再放於燒爐上燒熱，所以要有耐性等啊。串燒整體燒得不錯，醃肉調味剛好。(1.串燒豬頸肉，2.燒龍蝦丸，3.芝士丸，4.燒魷魚，5.火雞腎，6.羊肉串，7.燒雞柳串，8.燒豆腐，9.燒冬菇，10.燒雞脾，11.燒九菜) 。最喜歡豬頸肉肥瘦適中，火雞腎爽脆，羊肉有香膻味，大隻雞脾仍然燒得肉嫩，燒芝士丸一咬就爆出溶溶的芝士，燒冬菇不乾身咬落仍然Juicy，只是雞柳串燒得有點乾身吧。

這是一家位於旺角的串燒店，沒有想像到性價比居然如此高，最重要味道也不錯。 來臨這家串燒店的原因就是因為開始要賣醉， 串燒正正是最好的配搭。這裏的串燒選擇眾多，相信除了菜單上的，更有一些沒有在菜單中列明，只要大膽一點跟店員商討一下，你便能找到隱藏的菜單。 而我點選的串燒差不多有十串， 當中包括雞翼，鴨舌，墨魚丸和雞髀。 而令我最驚喜的就是他的墨魚丸，選擇了爽口又彈牙的墨魚丸， 完全沒有偷工減料， 另外，新鮮即叫即燒更顯高檔。

尋日經過旺角想同男朋友試一次真正嘅燒烤四川風味。所謂四川風味永遠離不開有辣同埋有麻辣嘅感覺。令到舌頭上有興奮。這間餐廳好特別有香瓜墨魚丸牛丸豬丸,最緊要燒雞翼同埋炸雞髀加埋多春魚真係應有盡有。我同男朋友愛係佢哋嘅墨魚丸同埋牛丸好大件佮抵食。多春魚燒得好有日本風味真係抵贊。而且飲品又多有涼茶綠茶紅茶凍奶茶咖啡。如果返辦公室攰攰哋過嚟食下真係可以精神為之一振。每次方便鄰近地鐵站走過來5到5分鐘。😊😊good

星期六放假經過旺角好旺角中心，看到開了間串燒店，真係好耐無吃串燒了，現在疫情嚴重也不敢到人多的地方吃飯，看到呢間串燒種類幾多，忍唔住買左D串燒返屋企食呢間串燒款式種類幾多，而且價錢都幾抵，好多串燒都係十幾元，而家食串魚蛋都要十元，而家俾多幾元就可以食到串燒了😆串燒分開肉類同菜擺放，方便選擇，串燒辣度仲可以選大丶中丶小辣，老闆也很 nice，去到時仲見到有燒菠蘿添串燒辣辣地幾惹味燒雞翼我自細鐘意食燒魷魚軟硬適中幾好食燒韭菜係我每次食串燒必點的，翠玉瓜都唔錯，燒娃娃菜好有新意，第一次食，估唔到都唔錯，唔會好乾最後怕唔飽，點多碗酸辣粉食🙈但我嫌不夠辣，下次要揀辣d其的是店如其名，四川風味串燒又香噴噴，仲有酸辣粉吃，唔怕淨食串燒唔夠飽，而且開到凌晨，肚餓可以來吉幾串食了

走到旺角砵蘭街，在好旺角購物中心地下，發現新開了一間吃串燒的 川串香。有幾十款不同的串燒整齊地羅列，分別有蔬菜海鮮及肉類，看見也令人食指大動。主力做外賣，不過也見到有露天座位。而且價錢也很親民大部份都是十幾蚊一串。點完餐之後店員即叫即燒，看見他純熟的手法就知味道有保證。⭐️雞：雞翼$15、雞全翼$15、雞髀$22即叫即燒熱辣辣，燒雞翼我最喜歡食，肉質飽滿雞肉嫩滑，雞髀比一般的大，食完之後都有幾分飽。⭐️魚：秋刀魚$20、多春魚$20魚肉鮮甜，燒到皮脆脆地，而且好多魚春！⭐️其他肉類：金菇肥牛$16、五花肉$20、豬頸肉$20加上調味料之後，很有川式風味，混合了肉的油脂，風味絕佳⭐️蔬菜、豆品類除了肉外，還有很多蔬菜豆品，平平無奇的齋菜用燒烤的方法，變成了令人愛不釋手的美食。特別是腐皮，煙煙韌韌考得又夠香，有口感之餘更吸收了香料的精華，正。.除了有燒烤外還有涼拌及川式粉麵，手拍青瓜及四川涼粉清爽又酸酸辣辣，十分開胃！

今日去旺角買一啲日用品 行吓行吓經過朗豪坊後邊見到有一間串燒舖頭 即叫即燒 款式望落去都算多 有肉類 蔬菜 還有小食 例如炸魷魚鬚等等 感覺上都可以 又啱啱肚餓咁就叫幾串返屋企食啦有雞髀 雞翼 雞軟骨 茄子 芝心丸因為即叫即燒嘅關係 所以都要等一陣 拎到返屋企 都仲熱嘅 覺得最好食嘅係雞翼 落得孜然粉夠多 茄子落得多蒜蓉 我見到呢間舖頭仲有其他小食～麻辣餃子，涼拌麵 亦都有炸醬麵 酸辣粉等等 價錢都還OK， 經過旺角想食個快餐都可以考慮嚟呢度食

旺角開咗間串燒新店，啲食材好新鮮，仲燒得超靚😍。價錢唔貴，大多數都係$12-$20一串。.🐤鹽燒鴨舌$20香港好少食到燒鴨舌，而且$20有五大隻超級抵！鴨舌處理得好乾淨，一啲腥味都冇，所以簡單鹽燒已經好好味。 食落既有爽滑口感，又有𡁻勁。.🦑潮燒魷魚$25份量相當多，魷魚鬚厚身而且彈牙，尾端仲燒到脆口。.🐔雞軟骨$15十粒大大粒嘅雞軟骨爽口彈牙。.🧀芝心丸$16老闆話好多人會叫呢款。魚肉外皮好彈牙，熱辣辣燒好一咬即爆漿，芝士味仲好濃郁。.🍡墨魚丸$16墨魚味好濃，仲有粒粒墨魚肉。.🥬娃娃菜$12燒到一啲青味都冇，而且仲好清甜。.🍄鮮冬菇$12鮮冬菇大大粒，烤完之後將菇菌天然嘅鮮味提升。.🥢四季豆$12外面燒到好香，但咬落清甜多汁。意想不到地好食！.🌶川串香 (旺角)旺角砵蘭街169-173號好旺角購物中心地下G1-G2號舖